thedietninja thedietninja

5706 posts   475243 followers   2889 followings

فهد خالد اليحيا  هذا الحساب من فضل الله ثم منكم ‎للمواعيد : 0096560002122 Business Inquiries: 0096566855522 Healthy Lifestyle Coach

https://m.youtube.com/dietninjatube

...
تقييم سناك صحي من @TheApprovedMarket
Santiveri Lite Bite على نكهة Milk Chocolate و Dark Chocolate
...
◀الحبه تحتوي على [على حسب النكهه] :
٧٠ سعره حراريه
٣.٩ - ٤.٦ غرام دهون
٨ - ٩.٤ غرام كربوهايدرات
١.١ - ١.٨ غرام الياف
أقل من ١ غرام سكر
١.٤ غرام بروتين
...
مميزاته :
◀نكهة الدارك جوكلت صج دارك جوكلت ، يعني اللي ما يحب الدارك جوكلت لا يقرب صوبه واللي يحبه ينام في نوم
◀نكهة الملك جوكلت كأن كتكات صحي
◀مصنوع من نخالة القمح
◀معزز بالفيتامينات والمعادن [A, D, E, B1 , B2, B6, Folic Acid, B12, Biotin, C]
◀خالي من السكر
◀يحتوي على كاكاو صجي [Cocoa Mass] ومو بس نكهة على الفاضي
◀وااااااااااااااااااايد لذيذ
...
مشكلته ؟ ما تقدر تاكل حبه وحده وتكتفي
يعني شكثر آكل ؟ على حسب احتياجك من السعرات بس ٣ يوميا [٢١٠ سعره حراريه] كفايه
اذا كليت ٣ حبات أحسبهم شنو ؟ كربوهايدرات ، الياف ودهون
متى تفضل نأكله ؟ بين الوجبات ، قبل او بعد التمرين مع بروتين شيك ، حبه بعد كل وجبه رئيسية كتحليه خفيفه
...
وشكرا على متابعتكم وثقتكم فيني 💪

...
وفقا للدراسه المشار إليها أدناه مصادر البروتين من الطعام ومصل اللبن/حليب لهم نفس التأثير في بناء العضلات وإزاله الدهون
وبالاضافه ، مصادر البروتين من الطعام تشبع وتكبت الشهيه اكثر من الوي بروتين
...
يعني ما أشرب بروتين شيك ؟ لا ، يعني ماله داعي تزعل اذا ما عندك فلوس تشتري مكملات بروتين لان ماكو فرق شاسع او فرق يسوى
يعني بالحالتين راح تبني عضلات وتحرق دهون
...
متى تقدر تشرب بروتين شيك ؟
◀اذا ما عندك وقت تاكل
◀اذا ما كملت احتياجك من البروتين
◀اذا بتطول فترة طويلة بين الوجبات
◀اذا مالك خلق / نفس تاكل
...
المصدر :
"Performance Enhancing Diets and the PRISE Protocol to Optimize Athletic Performance"
https://www.hindawi.com/journals/jnme/2015/715859/
...
وشكرا على متابعتكم وثقتكم فيني 💪

من قلم الوالده @al_shaikha
#من_قلم_الوالده

هابي خميس اڤري باديييييي 🤙

...
وجبة قبل التمرين :
١٥٠ غرام زبادي / روب يوناني قليل الدسم
١٥ حبة رطب ليين او تمر ليين
١ مغرفه بروتين على نكهة الفانيليا
٥ حبات بسكوت دايجستف خالي من السكر Santiveri
٢ موز
رشتين ملح
...
طريقة الوصفه :
1. شيل الطعام من التمر / رطب
2. فتت وأخلط البسكوت مع التمر
3. اخلط الزبادي اليوناني مع البروتين والملح
4. صب خلطة الزبادي والبروتين فوق التمر/رطب والبسكوت
5. اقطع الموز و وزعه فوق الخلطه
6. خزن الخلطه بالثلاجه لعلى الاقل ساعه
7. ذوق وموت من الوناسه
...
للتنويه : اللي يبي يزيد وزنه يقدر ياكل هالخلطه قبل التمرين او بين الوجبات
...
وشكرا على متابعتكم وثقتكم فيني 💪💪💪

...
تنويه : هذا ليس اعلان ولا لي اي صلة بالشركة أعلاه
...
هذا الوحيد اللي انصح فيه
١٠٠ غرام من هذا المنتج يحتوي على :
١٧٤ سعره حراريه
٨.٥ غرام دهون
٩.٥ غرام كربوهايدرات
١٧ غرام بروتين 🔥🔥🔥
...
ملعقه كبيره (١٥ غرام) تحتوي على :
٢٦ سعره حراريه
١.٣ غرام دهون
١.٤ كربوهايدرات
٢.٥ غرام بروتين
...
الخلاصه : عليكم بألف عافيه 💪💪💪

....
الى قدوتي الاولى ... الى من أعطاني ولا يزال يعطيني بلا حدود ... الى من رفعت رأسي افتخارًا به ...
اليوم يوم الام والله يحفظلي أمي ويخليها لي طول العمر.. لكن في هذا اليوم بعد أحب أشكر الله وأحمده على أعظم نعمه منه (أبوي خالد) هنيئا لي بك أيها الأب العظيم .. في يومنا هذا صار الكل يدور على قدوه له بره البيت .. لكن قدوتك موجوده في البيت الاب اللي رباك وتعب على شانك.. يقال (ليس هناك فرح أعظم من فرح الابن بمجد ابيه، ولا أعظم من فرح الاب بنجاح ابنه) فشكرا يا يبا على نجاحي❤

...
تنويه : هذا ليس اعلان لشركة المطاحن الكويتيه
...
من البدايه راح انصحكم فيه ، بس ضروري تشوفون التقييم على شان تعرفون ليش
...
بعض المكونات ليست معتمده والمنتج بشكل عام لا يصنف تحت المنتجات الصحيه ولكن المعلومات الغذائيه جباره !
...
الصمونه الوحده تحتوي على :
١٥١ سعره حراريه (شوية على حجمه - المفروض ١٠٠ سعره حراريه اكثر)
تقريبا ٩ غرام بروتين 🔥🔥🔥🔥
اقل من ٢ غرام دهون (١.٦٣ غرام)
٢٥.١ غرام كربوهايدرات (١٠٠ غرام كارب على الميزان)
١.١ غرام الياف (نسبة ممتازه لصمون مصنوع مع الدقيق الابيض)
وفوق كل هذا ترف (ليين) ولذيييييييذ !
...
الخلاصه : انصح فيه وبشدة لنمط حياتكم الصحي
اللي يراجعني يقدر ياكله للفطور بدال التوست او الخبز
...
وشكرا على متابعتكم وثقتكم فيني 💪

...
كلمة دايجستف يعني مساعد على الهضم بس الاصلي اذا كثرت منه راح يساعدك على السمنه بدال الهضم [اعاده : اذا كثرت منه]
...
حبة من هالبسكوت تحتوي على :
٣٧ سعره حراريه
١ غرام دهون
٦.٦ غرام كربوهايدرات
٠.٣ غرام الياف
صفر غرام سكر
٠.٦ غرام بروتين
...
٤ حبات يعادلون ١٠٠ غرام كربوهايدرات على الميزان
...
المميزات :
◀نباتي (خالي من منتجات الألبان والبيض)
◀من القمح الكامل بالاضافه الى دقيق الشوفان
◀خالي من السكر
◀غني بحمض الفولك (لفقر الدم)
◀الدهون المستخدمة قليله ومن خليط زيت الزيتون وزيت عباد الشمس ، ولا يحتوي على دهون مهدرجه
◀طعمه عجيب
...
وين متوفر ؟ بكل مكان ، بس انا أشتريه من عندي @TheApprovedMarket
...
وشكرا على متابعتكم وثقتكم فيني 💪

...
الحسبة على لبنة المراعي قليلة الدسم لانها اثقل لبنة قليلة الدسم معتمده :
◀٧ تمرات + ٢٠٠ غرام لبنة لايت : ٣٩٣ سعره حراريه ، ١٩ غرام بروتين ، ٥٢ غرام كربوهايدرات ، ٦ غرام الياف ، ١٠ غرام دهون
◀٥ تمرات + ١٠٠ غرام لبنة لايت : ٢٣١ سعره حراريه ، ١٠ غرام بروتين ، ٣٤ غرام كربوهايدرات ، ٣ غرام الياف ، ٥ غرام دهون
◀٣ تمرات + ٥٠ غرام لبنة لايت : ١٢٧ سعره حراريه ، ٥ غرام بروتين ، ١٩ غرام كربوهايدرات ، ٢ غرام الياف ، ٢ غرام دهون
...
تقدرون تاكلون هالوجبه قبل او بعد التمرين او بين الوجبات
...
وشكرا على متابعتكم وثقتكم فيني 💪

...
اعلان لتناول مأكولات يابانيه برعاية @Genki_Sushi
...
اللي ما شاف سناباتي البارحه يشوفهم قبل لا يختفون لاني تكلمت عن كل الاطباق المعتمدة (من مطعم @Genki_Sushi ومطاعم اخرى) بالاضافه الى بعض النصائح لتجنب أخطاء تضر نمط حياتك الصحي
سنابجات TheDietNinja
...
الاطباق اللي طلبتها البارحه :
Salmon Avocado Salad without Mayo
Negimayaki
California Roll
Qurtoba Roll (or Rainbow Roll)
Salmon Teppanyaki
Salmon Sashimi
المعلومات الغذائية موجوده بالصور (اسحب لليسار)
...
نصايح على السريع :
◀اذا تبون شي مطبوخ طلبوا دجاج ، لحم او سمك تيبنياكي (Teppanyaki - مشوي) مو تيرياكي (Teriyaki - مقلي) ، ووصوهم ما يطبخون مع دهن او زبده
◀بعض السلطات صحيه ولكن صلصتها دسمه (متروسه مايونيز) ، طلبوا صلصة الزنجبيل (Ginger Dressing مافيها زيت) او صلصة التفاح (Apple Dressing هم ما فيها زيت)
◀للمقبلات طلبوا شوربة الميسو (Miso Soup غنيه بالمعادن والفيتامينات ، بس الطعم ماراح يناسب الكل) واديمامي (فول الصويا) بدون صلصة المايونيز بالاضافه الى السلطات اللي نصحت فيها بسناب
◀انصح تجربون سلطة الوكامي (Wakame Salad) لانها غنيه بأعشاب البحر التي تمنع امتصاص الدهون بالجسم
◀المطاعم اليابانية يوفرون زنجبيل مخلل (المفروض تاكلونه بين الاطباق ، بس انا اكله مع الاكل) وانصح بتناوله بكثره مع الاكل للهضم ولتعزيز الوظائف الايضيه
◀لمحبي المأكولات البحريه النيه (Sashimi) عليكم بالعافيه (يعني اكلوا على راحتكم) بس كثروا من الزنجبيل المخلل
...
◀احب اشكر مطعم @Genki_Sushi للاستضافة وان شاء الله تجربون أكلهم لانهم فعلا يستاهلون التجربه
◀طبعا تقدرون تطبقون كل نصايحي بالمطاعم اليابانية الثانيه بس أرجع وأقول ضروري تجربون مطعم @Genki_Sushi
تابعوهم للمزيد من المعلومات وان شاء الله ماراح يقصرون معاكم @Genki_Sushi
...
وشكرا على متابعتكم وثقتكم فيني 💪

...
وفقا لدراسه حديثه وكلام قلته من زمان : ما تفرق
توضيح : محمصه ومملحه
الدراسه اثبتت بأن المكسرات المحمصه ومملحه خفضت نسبة الكولسترول الكلي شوي اكثر ، خفضت الكولسترول الضار شوي اكثر ، وحطمت الدهون الثلاثيه وااااايد اكثر من المكسرات النيه
...
اللي ما فهم : فوائد المكسرات النيه نفس المحمصه والمملحه
...
Do Dry Roasting, Lightly Salting Nuts Affect Their Cardioprotective Properties and Acceptability?
SL Tey et al. Eur J Nutr 56 (3), 1025-1036.2016 Jan 08. more
https://www.ncbi.nlm.nih.gov/labs/articles/26746221/
...
وشكرا على متابعتكم وثقتكم فيني 💪

Most Popular Instagram Hashtags