[PR] Gain and Get More Likes and Followers on Instagram.

#halijafy

119 posts

TOP POSTS

Урывак з фэнтэзі "Князь-ваўкалак" Максіма Кутузава ў выкананні акторкі Алены Гіранок. Хочаце даведацца, што было далей? 😉Замаўляйце кнігу на сайце halijafy.by ці заходзьце да нас у краму на Нямігу, 3 (цокальны паверх, бокс 66).

У візуальным слоўніку “Наш дом / Our Home” ёсць словы і выразы амаль на ўсе выпадкі жыцця! 
Мы сфатаграфавалі тыя, якія могуць быць актуальны на святочным застоллі 😉

Набыць слоўнік можна ў краме "Галіяфы" на Нямізе, 3 (цокальны паверх, пав. 66) ці па спасылцы ў шапцы профілю.

Кожны панядзелак (г.зн. ужо і сёння), а 20й гадзіне, запрашаем вас на сустрэчу літаратурнай Воблы! Сустрэчы літаратараў і для літаратараў (маладых і дасвечаных) для супольнага плавання, чытання і ўзаемнага абмену меркаваннямі, а таксама для ўсіх неабыякавых.
Вядзе сустрэчу Ігар Жалткоў.

Кожны панядзелак, на Старавіленскай 6, з 20 да 22.
#halijafy

Свежы нумар газеты "Наша Ніва", спяшайцеся пачытаць :)
#галіяфы #halijafy #nashaniva #нашаніва

Апошні дзень выставы
#halijafy #knizhnajavystava2016 #bellitmustread

Выстава скончылася
#halijafy #knizhnajavystava2016

#graphicnovel "Сваякі" паводле аповесці Васіля Быкава ад выдавецтва #кнігазбор . Мастак Ян Жвірбля. Пагартаць і набыць можна штодня з 11 да 20 #comics #быкаўвасіль #halijafy

Обложка для Издательства Галiяфы - Кутузаў Максім. Князь-ваўкалак / Cover for Halijafi Publishing House • #halijafy #illustration #artwork #nadzeyamakeyeva #cover #bookcover #drawing #галiяфы #minsk #fairy #castle #werewolf #wolf

Афіша на тыдзень у Галіяфах

#halijafy #impreza #галіяфы #імпрэза #кнігарня

MOST RECENT

У візуальным слоўніку “Наш дом / Our Home” ёсць словы і выразы амаль на ўсе выпадкі жыцця! 
Мы сфатаграфавалі тыя, якія могуць быць актуальны на святочным застоллі 😉

Набыць слоўнік можна ў краме "Галіяфы" на Нямізе, 3 (цокальны паверх, пав. 66) ці па спасылцы ў шапцы профілю.

На прэзентацыі кнігі "Marginalis" аўтар рамана Кірыл Стаселька @kirylian паабяцаў: той, хто першым знойдзе ў гэтым рамане галоўнага персанажа, таго імя будзе насіць герой у маім наступным творы.

Прайшоў год, а галоўны герой яшчэ ў вышуку. І гэта не дзіва - "Marginalis" трапіў у беларускі аналаг Кнігі рэкордаў Гінэса як раман з самай высокай канцэнтрацыяй герояў на колькасць знакаў. 136 персанажаў змясцілася ў 251 944 знаках ці на 197 старонках кнігі.

Хто там любіць квэсты, выклік прыняты? 😉

Варыянты дасылайце асабіста Кірылу @kirylian

Кніга "Marginalis" ёсць у краме на Нямізе, 3 і на сайце halijafy.by.

📚 Сяргей Лапцэвіч "Плошча Калумба" (2017 г.), 3,5/5. #прочитановдекабре 📚 (Текст по-русски в комментариях 👇👇👇) Апошнім часам у беларускай літаратуры ўсё часцей з'яўляюцца творы на тэму эміграцыі. Відаць, часы такія прыйшлі. Не так даўно чытала "Акно ў замежжа" Зоі Долі (выдавецтва Кнігазбор), таксама планую набыць і пачытаць "Ветровое стекло" Стаса Ільіна (выдавецтва Галіяфы). Маёй першай памылкай было ўзяцца за гэтую кнігу па-беларуску, хоць напісаная яна па-расейску. Ніколі не рабіце такой памылкі і чытайце кнігі ў арыгінале, калі валодаеце мовай. Заплюшчу вочы на дзіцячыя памылкі школьнай праграмы, якія сустрэліся ў перакладзе, і не буду завастраць на гэтым увагу.

Зборнік складаецца з некалькіх апавяданняў, некаторыя з іх аб'ядноўваюцца агульнымі персанажамі. Героі перацякаюць з апавядання ў апавяданне, граючы то галоўную ролю, то ролю другога плану. Яны жывуць у розных гарадах і краінах, здавалася б, нічым не аб'яднаныя. Але агульная для іх тэма эміграцыі не раз паўстане ў апавяданнях (не толькі як перамяшчэнне з адной краіны ў іншую, але і як неадпаведнасць думак пэўнага чалавека часу і яго навакольнаму асяроддзю). Спадабалася ідэя з назвай: плошча Калумба знаходзіцца ў Нью-Ёрку і абазначае нулявы кіламетр горада. Некаторыя героі твораў — эмігранты, таму для іх гэтая плошча яшчэ і сімвалічны пачатак новага жыцця.
Пэўныя апавяданні ў часе чытання выклікалі ў мяне цікавасць, я спадзявалася на цікавае завяршэнне, але вось, апавяданне заканчваецца, а ў галаве толькі адно пытанне: "Ну і што?" Пад канец трохі засмуціла геаграфічная памылка, якую дапусціў аўтар: ён піша, што Паўночны пасёлак Мінска атрымаў такую назву, бо знаходзіцца на поўначы горада. Загугліце "Паўночны пасёлак" і паглядзіце, што гэта за поўнач 😁

#books #bookstagram #halijafy #fed3 #кнігі #сяргейлапцэвіч #плошчакалумба #галіяфы #выдавецтвагаліяфы #книги #сергейлапцевич #площадьколумба #чтопочитать #чточитаешь #мирдолжензнатьчтоячитаю #книжныйблог #фэд3

На прэзентацыі кнігі "Прытулак" Зміцер Кустоўскі, аўтар рамана, падпісаў для нашага выдавецтва 5 кніг. Учора мы завезлі гэтыя кнігі ў краму, што на Нямізе, 3. І не паспелі паведаміць вам пра гэта, як адну кнігу з аўтографам ужо набылі. Але засталося яшчэ 4 😉
.
Кошт такі ж. Пажаданні на кнігах - розныя. 
Завітайце - Няміга, 3, цокальны паверх, бокс 66.

Учора, 4 снежня, адбылася прэзентацыя дэбютнай кнігі Змітра Кустоўскага "Прытулак". Аўтар рамана разам са Змітром Вішнёвым, дырэктарам выдавецтва "Галіяфы", і Паўлам Дарохіным, аўтарам вокладкі, распавялі ўдзельнікам імпрэзы, як стваралася кніга.

Таксама ўдзел узялі Фёдар Жывалеўскі, саліст гурта "Голая Манашка", які праспяваў некалькі песняў, і пісьменнік Кірыл Стаселька. Дарэчы, Кірыл стаў адным з першых чытачоў рамана і параўнаў яго з галівудскім фільмам.

Напрыканцы прэзентацыі Зміцер Кустоўскі прачытаў яшчэ некалькі ўрыўкаў з рамана, адказаў на пытанні ўдзельнікаў імпрэзы і падпісаў жадаючым свае кнігі.

Набыць "Прытулак" можна ў краме "Галіяфы" (Няміга, 3, цокальны паверх, пав.66) і ў інтэрнэт-кнігарні halijafy.by.

Калі вы ўбачылі гэтую авечку, вам захацелася сказаць "ооооууу"? 😊
.
Цудоўныя ілюстрацыі для кнігі "Дзве Авечкі" выканала таленавітая Марта Герашчанка. Дарэчы, да 10 снежня можна замовіць гэтую кнігу па кошце, ніжэйшым на 30% ад кошта, па якім кніга будзе прадавацца ў крамах.

Спасылка на кнігу ёсць у шапцы профілю.

Урывак з фэнтэзі "Князь-ваўкалак" Максіма Кутузава ў выкананні акторкі Алены Гіранок. Хочаце даведацца, што было далей? 😉Замаўляйце кнігу на сайце halijafy.by ці заходзьце да нас у краму на Нямігу, 3 (цокальны паверх, бокс 66).

Сёння апошні дзень, калі на ўсё кнігі інтэрнэт-кнігарні "Галіяфы" дзейнічаюць зніжкі да 50%.
.
Звярніце ўвагу на займальны комікс Томаша Самойліка "Бортнік Ігнат і скарб пушчы". Сёння яго можна набыць па 30% зніжцы!

#галіяфы_зніжкі #галіяфы #комікс #чорная_пятніца #літаратура #кнігі #мінск #беларусь #halijafy #книги #минск #скидки #комикс

◀ Чорная пятніца прыйшла ў "Галіяфы"! ▶
Тры дні зніжак да 50% на кнігі ў інтэрнэт-кнігарні halijafy.by

Пераходзьце па спасылцы ў шапцы профілю 😉

#halijafy #галіяфы #кнігі_для_дзяцей #кнігі #зніжкі #галіяфы_зніжкі #чорная_пятніца #мінск #беларусь #літаратура #минск #скидки #черная_пятница

Кніга вершаў Віктара Жыбуля "Дзяцел і Дупло", выдадзеная ў "Галіяфах", трапіла ў кароткі спіс прэміі імя Наталлі Арсенневай на ўзнагароду за найлепшую кнігу паэзі.
.
"Дзяцел і дупло" – напэўна, самая вясёлая з выдадзеных на сёння кніг паэта-авангардыста і перформера Віктара Жыбуля. Многія вершы, якія склалі яе, неаднойчы гучалі на паэтычна-музычных вечарынах і слэмах у адметным аўтарскім выкананні і паспелі заваяваць прыхільнасць аўдыторыі. Іронія, гратэск, “чорны” гумар, давядзенне да абсурду, гульня словаў і сэнсаў здольныя не толькі выклікаць усмешку, але нярэдка і прымусіць задумацца над рознымі праявамі нашай зменліва-зманлівай рэчаіснасці.

Кніга ёсць у інтэрнэт-кнігарні і ў краме на Нямізе, 3 (цокальны паверх, пав. 66).
. #галіяфы #галіяфы_прэмія #прэмія #літаратурная_прэмія #вершы #кніга_вершаў #літаратура #кнігі #мінск #беларусь #стихи #минск #книги #halijafy

А вы ведалі, што сярод лотаў за падтрымку выдання дзіцячай кнігі “Дзве Авечкі” ёсць сустрэча з аўтаркай Вольгай Гапеевай і мастачкай Мартай Герашчанка? За размовай за кубкам кавы ці гарбаты вы атрымаеце 5 асобнікаў кнігі, у кожным з якіх будзе персанальная падзяка. Дарэчы, ужо 2 чалавекі набылі сабе гэты лот!

Спасылка на праект "Дзве Авечкі" ў шапцы профілю.

#галіяфы
#галіяфы_краўдфандынг #галіяфы_дзве_авечкі #дзіцячыя_кніжкі #кнігі_для_дзяцей #літаратура #кнігі #мінск #беларусь #минск #детские_книги #книги_для_детей #halijafy

176 старонак! Больш за 100 займальных ілюстрацый! Цвёрдая вокладка!

У нашай краме на Нямізе, 3 засталося яшчэ некалькі асобнікаў кнігі "Скрозь люстэрка, і што ўбачыла там Аліса" Льюіса Кэрала.

Спяшайцеся! 😉

📚Ярыла Пшанічны "Пішчавыя лішкі" (2011 г.), 4/5. #прочитановноябре 📚 (Текст по-русски в комментариях👇👇👇) Больш за 2 гады таму не стала Вовы Банько, у літаратурных колах больш вядомага як Ярыла Пшанічны. Такі цёплы і прыемны псеўданім паяднаўся з цікавай творчасцю на "трэцяй дзяржаўнай" мове — трасянцы. Трасянка стала адметнай рысай яго трапных і дасціпных вершаў, змешчаных у гэтым зборніку.
Тут жыццё, знаёмае і блізкае нам, простым людзям, тут здзекі з аднастайнасці і стабільнасці жыцця. Калі ў вас слабыя нервы і вока пачынае дрыгацца, калі нехта пасягае на самае святое (мову), то зборнік можа выклікаць у вас жах. Але гэта сапраўды выклік, навошта паэзія, калі яна не выклікае эмоцый.
А як прыгожа яго назваў у прадмове паэт Зміцер Вішнёў — "Пясняр вялікіх плошчаў і праспектаў". Ну рамантыка ж! Таму калі вам надакучыла аднастайная класічная паэзія, то з творчасцю Ярылы Пшанічнага варта пазнаёміцца.

Гэты водгук мусіў быць напісаным на трасянцы, але я не ўмею так прыгожа, як Вова 😁

P. S. Цяпер вельмі хочацца прачытаць яго пасмяротны зборнік "Атамная лучына". #books #bookstagram #food #pizza #halijafy #poetry #кнігі #беларускаялітаратура #паэзія #галіяфы #выдавецтвагаліяфы #ярылапшанічны #пішчавыялшкі #книги #еда #пицца #поэзия #чтопочитать #чточитаешь #мирдолжензнатьчтоячитаю #книжныйблог

Навошта беларускія знакамітасці посцяць фота беларускіх кніг? Як стаць персанажам рамана? Які рэкорд паставіў Marginalis? Пра гэта і многае іншае распавядзе пісьменнік Кірыл Стаселька.

Кампанія "Чытаем Беларускую" разам з прасторай Кніжная шафа 10-га лістапада правядуць літаратурнае мерапрыемства, на якім з аўтарам Кірылам Стаселька разбяруць раман Marginalis ды тое, што знаходзіцца на яго палях. Празаік распавядзе пра ідэю напісання і канцэпцыю твора, гісторыі і цікавосткі, звязаныя з раманам. Удзельнікі мерапрыемства змогуць задаць свае пытанні ды паразмаўляць з аўтарам.

Мерапрыемства адбудзецца 10-га лістапада (пятніца), 19:00 у прасторы Кніжная шафа па адрасе пр-т. Дзяржынскага, 9 (уваход са двара). Раман “Marginalis” ёсць на паліцах нашай крамы на Нямізе, 3 (цокальны паверх, пав. 66). #галіяфы #marginalis #minsk #belarus #мінск #кнігі #сустрэча_з_аўтарам #книги #halijafy #імпрэза

Сёння ўвечары прайшла прэстыжная літаратурная прэмія імя Ежы Гедройца. Адным з сямі галоўных намінантаў быў аўтар нашага выдавецтва - Валеры Гапееў з раманам "Ноч цмока". У 2016 годзе гэты твор ужо быў адзначаны літаратурнай прэміяй «Залаты апостраф» «За лепшую прозу года». Валеры Гапееў з'яўляецца адным з самых арыгінальных і запатрабаваных аўтараў для айчынных і замежных чытачоў.

Кніга "Ноч цмока" ёсць на паліцах нашай кнігарні на Нямізе, 3 (цокальны паверх, бокс 66) і на сайце halijafy.by.

Першае месца на прэміі атрымаў Зміцер Бартосік, аўтар кнігі «Быў у пана верабейка гаварушчы». #галіяфы #гедройца #прэмія #гапееў #кнігі #мінск #беларусь #halijafy #minsk #belarus #books #минск #книги

Сябры, нагадваем, што ідзе збор сродак на выданне новай дзіцячай кніжкі Вольгі Гапеевай "Дзве Авечкі". 🐏🐑
.
Каб падтрымаць выданне і замовіць кнігу па сабекошце, пераходзьце па спасылцы ў шапцы профілю. 📚 .

#галіяфы #галіяфы_краўдфандынг #краудфандинг #краўдфандынг #кнігі #мінск #беларусь #дзіцячыя_кніжкі #halijafy #minsk #belarus #гапеева

Сёння адбылася прэзентацыя кнігі "Князь-ваўкалак" Максіма Кутузава. Аўтар распавёў пра тое, як стваралася кніга, падзяліўся творчымі планамі і адказаў на пытанні чытачоў: што натхняла на стварэнне; каго з пісьменнікаў аўтар лічыць сваім настаўнікам; ці з'яўляецца Усяслаў Чарадзей прататыпам галоўнага героя і на іншыя.

Таксама выступіла акторка Алена Гіранок, якая зачытала два ўрыўкі з кнігі. Хутка будзе відэа :) Дарэчы, па 31 кастрычніка на кнігу "Князь-ваўкалак" дзейнічае 10% зніжка. Каб замовіць кнігу, пераходзьце па спасылцы ў шапцы профілю.

#галіяфы #кнігі #імпрэза #прэзентацыя #прэзентацыя_галіяфы #кутузаў #мінск #беларусь #фэнтэзі #halijafy #minsk #belarus #books

Прэзентацыя кнігі “Князь-ваўкалак” Максіма Кутазава адбудзецца ўжо ў гэты панядзелак. На ёй аўтар беларускага фэнтэзі зачытае ўрывак з кнігі, адкажа на пытанні чытачоў, дасць аўтографы і распавядзе пра кнігу і творчыя планы.

Прыходзьце 30 кастрычніка ў 19:00 у кнігарню «Галіяфаў» (Няміга, 3, цокальны паверх, бокс 66). Дарэчы, у гонар Хэлаўіна на кнігу "Князь-ваўкалак" дзейнічае зніжка 10%. Падрабязнасці па спасылцы ў шапцы профілю.

#галіяфы #мінск #беларусь
#кнігі #імпрэза
#пісьменнік #прэзентацыя #минск #книги #halloween #halijafy #bookstagram #books #minsk #belarus

Сябры, 30 кастрычніка, напярэдадні Хэлаўіна адбудзецца прэзентацыя кнігі "Князь-ваўкалак" Максіма Кутузава. "Князь-ваўкалак" - фэнтэзійна-прыгодніцкі раман, у якім галоўны герой - сярэднявечны князь - мае незвычайную здольнасць ператварацца ў ваўка. На працягу кнігі чытач назірае, як малады і малавопытны кіраўнік вялікай дзяржавы спрабуе сумяшчаць асабістае жыццё і дзяржаўныя абавязкі. Людзі звычайна думаюць, што жыццё князя прыемнае і бесклапотнае. Аднак ці яно такое на самой справе?

Сябры, сустрэнемся 30 кастрычніка ў 19:00 у краме "Галіяфаў" (Няміга, 3, цокальны паверх, бокс 66)! Дарэчы, зараз на кнігу "Князь-ваўкалак" 10% зніжка. Пераходзьце па спасылцы ў шапцы профілю, каб даведацца пра кнігу больш ці замовіць яе.

Сябры, праз тыдзень будзе Хэлаўін! Каб стварыць для гэтага свята адпаведны настрой, раім вам прачытаць наступныя кнігі:
🐞 магічна-рэалістычны “Горад Мрой” Яніны Пінчук
🐞 фэнтэзі “Князь-ваўкалак” Максіма Кутузава
🐞 зомбі-хорар “1813” Уладзіміра Садоўскага

У гонар свята мы зрабілі на гэтыя кнігі зніжку 10%, якая дзейнічае па 31 кастрычніка ўключна. Заходзьце за кнігамі на Нямігу, 3 (цокальны паверх, бокс 66) ці па спасылцы ў шапцы профілю.

#галіяфы_зніжкі

Паглядзіце, як цікава Вера Бурлак падпісала кнігу "Скрозь люстэрка, і што ўбачыла там Аліса". Дарэчы, сродкі на выданне гэтай казкі былі сабраны на краўдфандынгу, падчас якога Вера падпісала такім чынам 180 кніг!

Зараз, на Ulej.by мы збіраем грошы на выданне дзіцячай кнігі Вольгі Гапеевай "Дзе Авечкі", дзе вы таксама можаце замовіць сабе асобнік з аўтографамі аўтаркі і мастачкі. Даведацца пра кнігу больш вы можаце па спасылцы ў шапцы профілю.

#галіяфы #гапеева #кнігі #мінск #беларусь #кэрал #краўдфандынг #halijafy #bookstagram #books #minsk #belarus #crowdfunding

Казка Льюіса Кэрала "Скрозь люстэрка, і што ўбачыла там Аліса". З англійскай на беларускую мову пераклала Вера Бурлак​, а Залюстэркавы свет праілюстравала Кацярына Дубовік.

Кніга ёсць на паліцах крамы на Нямізе 3.

#галіяфы #мінск #беларусь #кнігі #кніга #восень #аліса #кэрал #halijafy #minsk #belarus #bookstagram #book #autumn #carroll

Сябры, лавіце невялікую мапу-інструкцыю па пошуку якасных беларускіх кніг ;) Гартайце

#галіяфы #мінск #беларусь #кнігі #halijafy #minsk #belarus #bookstagram #books #книги #минск

На мінулым тыдні на паліцах крамы “Галіяфы” з'явілася кніга 93-гадовага пісьменніка. «Перажытае-незабытае» – першая кніга Вікенція Мароза.

У ёй – экзістэнцыя асабістага жыцця чалавека з пакручастым лёсам на драматычных зломах беларускай гісторыі.

У ёй – выразны адбітак складанага і трагічнага часу, які ўвабраў і жыццё пад Польшчай, і першыя Саветы, і жыццё пад акупацыяй, і вайну, і пасляваенны перыяд з усімі яго калізіямі.

Кніга надрукавана накладам 200 асобнікаў. Набыць яе можна ў нашай краме на Нямізе, 3.

#галіяфы #кнігі #мінск #беларусь #успаміны #мароз #аповеды #краязнаўства #дэбют #halijafy #books #bookstagram #minsk #belarus

Сябры, мы зрабілі штмат цікавых прапаноў для тых, хто хоча падтрымаць выданне кніжкі “Дзве Авечкі”. У залежнасці ад сумы лота можна будзе не толькі атрымаць кнігу па сабекошце, але і сустрэцца за кавай з аўтаркай і мастачкай, і нават узяць у іх майстар-клас па стварэнні кніжкі!

Спасылка на Ulej.by ў шапцы профілю.

#галіяфы #кнігі #краўдфандынг #мінск #беларусь #гапеева #halijafy #books #bookstagram #ulejby #краудфандинг #belarus #minsk

Сябры, мы запусцілі краўдфандынгавую кампанію па выданні доўгачаканай кніжкі Вольгі Гапеевай “Дзве Авечкі”. Кніга мусіць атрымацца цудоўнай! У ёй - вершаваныя гісторыі пра прыгоды дзвюх сябровак-авечак, мноства малюнкаў і ілюстраваны слоўнік.

Каб замовіць кнігу па сабекошце і падтрымаць выданне, пераходзьце па спасылцы ў шапцы профілю.

#галіяфы #кнігі #краўдфандынг #мінск #беларусь #гапеева #герашчанка #краудфандинг #ulej #halijafy #minsk #belarus #books #bookstagram

Па дарозе на самы буйны кніжны кірмаш у свеце – Frankfurter Buchmesse. Разам з Галіяфамі прэзентаваць свае кнігі, часопісы і газеты прыехалі выдавецтвы больш 100 краін свету!

Дарэчы, Франкфурцкі кніжны кірмаш не толькі самы буйны, але яшчэ і самы старажытны ў свеце, яму каля 500 гадоў. Першы кірмаш быў праведзены ўчасы першадрукара Ёгана Гутэнбэрга. Сёння Франкфурт – кніжная сталіца Еўропы.

#halijafy #bookstagram #books #frankfurter #buchmesse #germany #галіяфы #кнігі #франкфурт

Яшчэ больш людзей зможа пазнаёміцца з творчасцю нашых беларускіх пісьменнікаў – эратычна-містычны дэтэктыў Валерыя Гапеева “Ноч Цмока” перакладзены на ўкраінскую мову!

Кніга, выдадзеная “Галіяфамі”, атрымала прэмію Залаты апостраф “За лепшую прозу ў 2016 годзе” і ўвайшла ў лонг-ліст прэміі Лонг-ліст прэміі імя Ежы Гедройца-2017.

Кніга ёсць у нашай краме на Нямізе, 3.

#halijafy #галіяфы #кнігі #books #bookstagram #гапееў #мінск #беларусь #minsk #belarus #reading

Сёння ў межах прэзентацыі перакладу кнігі Альгердам Бахарэвічам "Белая муха, убийца мужчин" адбылася дыскусія на тэму актуальнай літаратуры. Чытачы не толькі атрымалі аўтографы, але і разам з аўтарам рамана абмеркавалі пытанні мовы, кніг і мастацтва.

Кніга ёсць на рускай і беларускай мовах на сайце halijafy.by.

#halijafy #bookstagram #books #мінск #галіяфы #бахарэвіч #кнігі

У пятніцу адбылася прэзентацыя кнігі Ярылы Пшанічнага "Атамная лучына". Фота Леаніда Нарушэвіча.

#галіяфы #halijafy #bookstagram #кнігі #мінск #імпрэза

У гэты панядзелак адбудзецца прэзентацыя кнігі Альгерда Бахарэвіча “Белая муха, забойца мужчын”. Рускі пераклад рамана выйшаў у верасьні 2017 году ў выдавецтве “Галіяфы”. Раман на беларускай мове, апублікаваны ў 2015 годзе, атрымаў шмат розных водгукаў, выклікаўшы сапраўдную дыскусію сярод чытачоў і крытыкаў. Кніга, за якую аўтар атрымаў другую прэмію Ежы Гедройця, расказвае гісторыю жаночай банды, якая захапіла адзін зь беларускіх замкаў і ўзяла ў закладнікі турыстаў і музэйных супрацоўнікаў.

9 кастрычніка ў межах прэзэнтацыі перакладу ў сталічнай кнігарні ЛогвінаЎ пройдзе дыскусія на тэму актуальнай літаратуры. Як адгукаецца беларуская літаратура на выклікі сучаснасьці, ці мае яна права на прамое выказваньне, дзе мяжа паміж злабадзённасьцю і мастацтвам і што такое “беларусский русский” язык – гэтыя і іншыя пытаньні абмяркуюць чытачы і аўтар рамана.

Праспект Незалежнасці, 37а. Пачатак: 19.00. Уваход вольны.
Кніга ёсць у нашай краме на Нямізе, 3.

#бахарэвіч #галіяфы #halijafy #bookstagram #кнігі

Сябры, заўтра, 6 кастрычніка, адбудзецца прэзентацыя кнігі Ярылы Пшанічнага “Атамная Лучына”. Імпрэза пройдзе ў «Мемарыяльным музеі-майстэрні З. І. Азгура» (вул. Азгура, 8). Пачатак у 19:00. Уваход вольны.

У кнігу “Атамная Лучына” ўвайшлі аднайменная паэма і вершы, напісаныя у 2000–2015 гг. З’едлівая сатыра, іронія, сарказм, давядзенне да абсурду, зварот да глабальных праблемаў сучаснасці, актыўнае выкарыстанне «трасянкі» вызначаюць адметны зухаваты стыль аўтара.

Выданне багата аздоблена малюнкамі Ярылы Пшанічнага, яго фотаздымкамі з сябрамі і паплечнікамі па літаратурна-музычнай сцэне.

Кніга ёсць у нашай краме на Нямізе, 3.

#кнігі #галіяфы #books #halijafy #bookstagram #пшанічны

Кніга Альгерда Бахарэвіча цяпер і на рускай мове
#bookstagram #books #бахарэвіч #кнігі #halijafy

📚Паліна Качаткова "Гняздо-2", 3,5/5. #прочитановсентябре 📚

#ПрэміяГедройца2017 (Текст по-русски в комментариях 👇👇👇) Ужо зусім хутка адбудзецца ўручэнне прэміі Гедройца, а ў мяне з 12 кніг лонг-ліста яшчэ не прачытана 4 🙈 Спадзяюся, паспею. Але мой фаварыт ужо вызначыўся: Валеры Гапееў з кнігай "Ноч цмока". Упэўнена, што ў тройцы прызёраў ён дакладна будзе. А пакуль пазнаёмлю вас з кнігай яшчэ адной намінанткі, Паліны Качатковай.

У зборнік "Гняздо-2" (які атрымаў назву ад карціны, змешчанай на вокладцы) увайшлі апавяданні 1987—1990 гадоў, тэксты, напісаныя пасля 2012 года, і аповесць “Паэт”. Калі казаць шчыра, то ў кнізе я толькі аповесць "Паэт" разглядаю як закончаны літаратурны твор. Астатнія апавяданні хутчэй нагадвалі дзённікавыя запісы, або пасты для фэйсбука, дзе аўтарка аддаецца настальгіі, дзеліцца ўспамінамі. У многіх тэкстах увогуле няма сюжэтнай лініі, проста мастацкія рэфлексіі. Для мяне гэта было слабавата і невыразна, на троечку.

А вось аповесць "Паэт" ужо цікавей (аўтарка 8 гадоў працавала ў Літаратурным музеі Максіма Багдановіча). Твор прысвечаны юнацкім гадам Максіма Багдановіча, яго пераезду з Ніжняга Ноўгарада ў Яраслаўль і вучобе ў яраслаўскай гімназіі, а таксама сяброўству з Дыядорам Дзябольскім (які пазней напісаў успаміны пра Багдановіча). У твор устаўлена шмат цытат з іншых твораў, напрыклад запісаў бацькі Максіма, Адама Багдановіча, што робіць твор больш жывым. Тут добры сюжэт, толькі адчуваецца нейкая незавершанасць, таму ацаню твор на 4.

#books #bookstagram #halijafy #кнігі #беларускаялітаратура #палінакачаткова #гняздо2 #галіяфы #выдавецтвагаліяфы #книги #чтопочитать #чточитаешь #мирдолжензнатьчтоячитаю #книжныйблог

Кнігі з Лонг-ліста прэміі Гедройца, якія ёсць у кнігарні "Галіяфы"
#прэміягедройца #прэміягедройца2017 #halijafy #кнігі #мінск #bookstagram

Абвешчаны лонг-ліст прэміі Гедройца-2017, у які трапілі дзве кнігі нашага выдавецтва. Кароткі спіс абяцаюць у верасні. #прэміягедройца2017 #кніга #кнігі #halijafy #bookstagram #прэміягедройца

Коцік для прыцягнення ўвагі🐱
Аб чым мараць трактарысты ў такую спёку? "Жах і агіда" уяўнай беларускай вёскі, модны арнамент, айчынныя газеты з артыкуламі пра маладога агранома на англійскай мове, эратычнае купалле на фоне трактароў, коцікі, сабачкі, кароўка, "камбайнирование" і стылёвыя вясковыя хлопцы і дзеўкі... Цікава разглядаць альбом Жанны Капуснікавай які быў выдадзены ў 2015, а ствараўся ў 2012/2013 гг. Здаецца Жанна яшчэ тады прадбачыла моду на вышыванкі😸
#halijafy #popart #belarusart #кнігі #коцік #сабачка #кароўка #вёска #bookstagram #лета

Don't panic! Спакуха! Кактэйль "Пангалактычны мазгатрушч" зноў у нашай краме, а дакладна раман Дугласа Адамса ў перакладзе Паўла Касцюкевіча ад выдавецтва #логвінаў . Рыхтуйце свае рушнікі!
#аўтаспын #дугласадамс #halijafy #bookstagram #hichhiking #кнігі #minsk

#ПрэміяГедройца2017 📚Валеры Гапееў "Ноч цмока", 4,5/5. #прочитановиюле 📚 (Текст по-русски в комментариях 👇👇👇) Валеры Гапееў з тых пісьменнікаў, якія не расчароўваюць мяне сваёй творчасцю. Ён стабільна выдае якасныя раманы, прычым як для дарослых, так і для падлеткаў. Раманы для дарослых у яго атрымліваюцца даволі змрочныя і таямнічыя, як я люблю. Раю вам папярэдні раман "Праклён", а пакуль раскажу пра "Ноч цмока", якая пакуль для мяне прэтэндэнт на атрыманне галоўнай узнагароды сёлетняй Прэміі Гедройца.

Спачатку ніяк не адпускала адчуванне, што недзе я ўжо такое чытала. Успомніўся раман польскага пісьменніка Зыгмунта Мілашэўскага "Доля праўды", які я прачытала ў мінулым месяцы. Усё супадае: правінцыя, таямнічае забойства жанчыны, галоўны герой з праваахоўных органаў разгадвае загадку. Праўда, на гэтым падабенства твораў заканчваецца, бо абодва створаныя на чыста мясцовым каларыце. У Мілашэўскага гэта Сандамір, адносіны палякаў і яўрэяў, у Гапеева беларуская міфалогія.

Пасярод поля знаходзяць мёртвую голую дзяўчыну. Слядоў вакол няма, нават не вельмі зразумела, як яна на тое поле трапіла, ды яшчэ і голая (і толькі пасля родаў). Бо поле — гэта ўсё ж такі зямля, а ёй мусяць застацца якія-ніякія сляды. Сродак забойства таксама застаецца таямніцай, толькі маленькая дзірка на целе дзяўчыны. Следчы Васіль павінен раскруціць гэты клубок, хоць яшчэ не ведае, што разгадка можа каштаваць яму жыцця.

Вельмі класна, што падзеі разгортваюцца ў райцэнтры, і Гапееў добра паказвае мясцовае жыццё.
Не абышлося ў рамане без так званых "свядомых" момантаў, што тыпова для Гапеева. Ёсць тут апантаныя беларускім змагары (няхай ужо і не вельмі актыўныя), якія, аднак, маюць даволі цесную сувязь з рэчаіснасцю, дах у іх на месцы. Да іх адносіцца жанчына галоўнага героя і яе брат. А ёсьць, так бы мовіць, сектанты, для якіх беларускасць — закрыты клуб, ледзь не элітарны, дзе яны могуць ладзіць свае рытуалы, уваскрашаючы забытыя традыцыі продкаў і не дапускаючы да іх чужынцаў. А рытуалы часам даволі небяспечныя. Высвятляецца, што забітая дзяўчына была адной з удзельніц такога клуба.
👇👇👇

Голуб у капелюшы, стомленая зебра і #birdwatching для самых маленькіх ад Юркі Голуба і Анатоля Зэкава. Наша калекцыя кніг на птушыную (і не толькі) тэму папоўнілася дзвюмя файнымі экзэмплярамі: "Птушыны радавод" і "Птушыныя арэлі" шукайце на нашым сайце 🐦🕊️🦃🐔
#птушкі #птушкібеларусі #кнігі #halijafy #bookstagram #дзеткам #звязда #bookstore

Мабыць гэта і дурная справа фатаграфаваць на смартфон часопіс, які можна знайсці ў інтэрнэце. Але як жа інакш паказаць, што вось яно ў нас ёсць - папяровае! Тры нумары часопіса "Монолог. Свободное творчество", які выходзіць ажно з 1997 года пад кіраўніцтвам Аляксея Андрэева. Напрыклад у нумары за 2015 Альгерд Бахарэвіч, Адам Глобус, Юлія Чарняўская і многія іншыя. Таксама выдатны "фатограф беларускай незалежнасці" Віктар Стралкоўскі.
Паглядзець змест і замовіць можна на нашым сайце.
#halijafy #bookstagram #minsk #кнігі #бахарэвіч #adamhlobus #монолог #вершы #поэзия #фатаграфія #photographer

#ПрэміяГедройца2017 📚Сяргей Пляскач "Шоу працягваецца!", 4/5. #прочитановиюле 📚 (Текст по-русски в комментариях👇👇👇) Працягваю агляд кніг-намінантаў на сёлетнюю прэмію Гедройца.

Звычайны настаўнік Віктар Мірановіч застаецца без працы і, як многія жыхары нашай правінцыі, выпраўляецца на падпрацоўку ў Маскву. Там нічога не атрымліваецца, і ён вяртаецца дадому, дзе спрабуе публікаваць свае вершы ў раённай газеце.Але ў Беларусі чалавек, які здольны хоць нешта пісаць, ужо ўяўляе сабой патэнцыйную пагрозу для ўлады, таму ім пачынае цікавіцца мясцовае кіраўніцтва. Да іх дайшлі нейкія чуткі пра тое, што ён піша кнігу (а гэта не так), а пра што ж яшчэ пісаць чалавеку, як не пра тое, што дзеецца навокал, што ён бачыць кожны дзень. Так Віктар апынаецца пад пільным  паглядам мясцовых уладаў, якія, вядома ж, не надта хочуць стаць героямі кнігі. Да таго ж невядома, яна задумваееца у добрым ці дрэнным святле.

Гэты бок жыцця правінцыі паказаны вельмі добра, з доляй і трагізму, і камізму. Вядома ж, з некаторай гіпербалізацыяй, але даволі сатырычна. Сюжэт кнігі цікавы, Пляскач умее заінтрыгаваць чытача. Аповесць вельмі дынамічная, не паспяваеш засумаваць. Але ж я б параіла аўтару не вельмі гуляцца з жартачкамі, бо за іх нагрувашчваннем губляецца часам вельмі глыбокае праблемнае поле кнігі.

Ну а цяпер пра лыжку дзёгцю ў бочцы мёду. У кнігах я магу прабачыць абдрукоўкі, пунктуацыйныя памылкі, а вось арфаграфічныя прабачыць не магу. Не ведаю, на каго тут бочкі каціць, на пісьменніка ці рэдактара з карэктарам... Вядома ж, першыя прэтэнзіі мусяць быць да пісьменніка, што з памылкамі піша, але навошта тады рэдактар, калі прапускае такія жудасці, як "метыястанцыя", "пакамечыны", "дзверэй" і многае іншае. Абдрукоўкі можна не заўважыць, калі вока замылілася ад доўгай працы, але я не ўяўляю, як прапусціць такое. Шкада, калі ўражанне ад кнігі псуецца такімі вось недапрацоўкамі.

А яшчэ ў кнізе праблема з такімі знакамі, як : і -. Яны чамусьці паднятыя даволі высока адносна літар, што вельмі збівала пры чытанні кнігі, вочы пастаянна аб іх спатыкаліся. 👇👇👇

Цудоўныя кантрасты ў чарговым альбоме серыі #калекцыяпАРТызана прысвечаным Віталю Чарнабрысаву. Артыкул ў вікіпедыі пра яго ёсць толькі на рускай мове, але зараз пачытаць пра яго можна на беларускай і англійскай!

#мастацтва #halijafy #bookstagram #belarusart

Обложка для Издательства Галiяфы - Кутузаў Максім. Князь-ваўкалак / Cover for Halijafi Publishing House • #halijafy #illustration #artwork #nadzeyamakeyeva #cover #bookcover #drawing #галiяфы #minsk #fairy #castle #werewolf #wolf

Сапраўдны выклік для перфекцыяніста! Шкада, што я не ён 🙃 #halijafy #bookstagram #кнігі

Абвешчаны поўны спіс намінантаў на прэмію Гедройца. А вось тая яго частка, якая выйшла ў нашым выдавецтве #halijafy #прэміягедройца #кнігі

Квэст: знайдзi князя на малюнке.
#halijafy

#graphicnovel "Сваякі" паводле аповесці Васіля Быкава ад выдавецтва #кнігазбор . Мастак Ян Жвірбля. Пагартаць і набыць можна штодня з 11 да 20 #comics #быкаўвасіль #halijafy

#halijafy #mensk #inspiration Выпадкова адкрыла для сябе выдатную кнігарню пад нумарам 66 з цікавымі кнігамі. Сябры, на Нямiзе цокальны паверх!

Толькi з 1 па 3 чэрвеня знiжкi на дзiцячыя кнiгi ад 10 да 50%! #halijafy #litaratura

У дзень iмпрэзы набыць кнiгу можна са знiжкай 30%. Нямiга 3, цокальны паверх, павiльён 66
#halijafy

#ПрэміяГедройца2017 📚Яніна Пінчук, "Горад мрой", 4/5. 📚 (Текст по-русски в комментариях👇👇👇) ✅"Ульянаўская, потым Першамайская — толькі цяпер разумееш, якія безаблічныя назвы і якія чароўныя вуліцы."✅ Так можна сказаць амаль пра палову вуліц нашага горада. Хочаце апынуцца ў паралельным свеце, у цэнтры чароўнага горада Мінска, у Вялікім княстве літоўскім? У кнізе Яніны Пінчук магчыма ўсё. Той, хто купіць кнігу, арыентуючыся на вокладку, хутчэй за ўсё не будзе расчараваны ў сваім выбары. Гэтая магічна-фантастычная кніга для рамантычных асоб, якія любяць марыць і ўяўляць "а што было б, калі б?". Калі вам знаёмае і блізкае паняцце "магічны рэалізм", то кніга для вас. У мяне трохі не склалася з гэтым мастацкім метадам, таму не змагла напоўніцу ацаніць яго вартасці ў гэтай кнізе. Трошкі не маё. Аднак, разумею, каму і чаму гэтая кніга можа быць цікавай.

Лічыцца, што гэта зборнік апавяданняў, але для мяне ўсе яны так злучаныя паміж сабой, што немагчыма іх аддзяліць. Гэта такі своеасаблівы раман, разбіты на часткі, дзе падзеі плаўна перацякаюць і змяняюцца. Кніга не вельмі дынамічная, хутчэй задуменная, але ў гэтым яе шарм. Твор з нацыянальным каларытам, было б цікава перакласці яго на іншыя мовы і даваць пачытаць турыстам перад наведваннем Мінска, каб падкрэсліць: "Вось такі ён яшчэ бывае, не толькі чысты і савецкі. Усё залежыць ад думак таго, хто глядзіць". З мінусаў кнігі (выключна паводле майго меркавання) магу назваць яе лакальнасць. Як мне здаецца, цікава чытацца гэта будзе выключна жыхарамі нашага горада М. Мне было прыемна павандраваць знаёмымі вуліцамі, раёнамі, а тыя, хто Мінск ніколі не наведваў, могуць і не зразумець усю магію гэтых мясцін. Таксама вока пару разоў спатыкалася аб рэдактарска-карэктарскія недапрацоўкі.

Але гэта добры дэбют для маладой таленавітай пісьменніцы. Так што зычу Яніне плёну ў творчасці і новых цікавых твораў.
#books #bookstagram #halijafy #кнігі #беларускаялітаратура #янінапінчук #галіяфы #горадмрой #книги #мирдолжензнатьчтоячитаю #чтопочитать #прочитановапреле

Пачынаем знаёміць вас з нашымі навінкамі і кніжкамі!
📚📚📚📚📚📚📚📚📚📚📚📚 Сяргей Лапцэвіч. "Плошча Калумба" і Сергей Лапцевич. "Площадь Колумба"
Адзін твор у дзвух версіях: па-беларуску і па-руску! ✒Героі Кнігі "Плошча Калумба" – збольшага людзі незвычайныя, па-сутнасці, дзівакі. Філосаф-выпівоха, што калісьці ўцёк у Бруклін, марыць вярнуцца ў краіну, якой больш няма. Пахілага веку мастак адбірае ў дачкі сына, каб выхаваць у ім сапраўдны талент. Кранальная Надзя вучыць усіх простасці, ламаючы лёсы. Паспяховы менеджар спрабуе адшукаць парэшткі сэнсу ў сабе і навакольным свеце.
Экзтстэнцыйны кантэкст, псіхалагізм і дакладнасць дэталяў вылучаюць прозу Сяргея Лапцэвіча.
✒ Кошт кніжкі: 12.00 рублёў.
Тыраж абмежаваны!

#minsk #belarus #беларусь #минск #литература #літаратура #кнігі #книги #book #books #news #fiction #write #writer #halijafy #галіяфы

📚Вольга Гапеева, "Граматыка снегу", 3,5/5. 📚 (Текст по-русски в комментариях 👇👇👇) Гэта пятая паэтычная кніга Вольгі, якая выйшла зусім нядаўна, у лютым гэтага году. Я люблю паэзію Вольгі, але нашмат лепш успрымаю яе на слых. Хоць у сваіх выступах яна не ладзіць такіх перформансаў, як той жа Віктар Жыбуль, але ж яе неверагодна прыемна слухаць. Гэта прыгожая дзяўчына з глыбокім чароўным голасам, здольным увесці ў транс пры доўгім праслухоўванні.

А вось калі я сама чытаю яе вершы, яны перастаюць мне падавацца такімі магічнымі. Парадокс 😃 Гэты зборнік зусім тоненькі, усяго 68 старонак, але па агульным адчуванні кніга выйшла даволі цэльнай. У ёй няма лішніх вершаў, яны ўсе ўтвараюць адзінае цэлае, чытаеш на адным удыху, а на выдыху закрываеш кнігу.

Двойчы ў кнізе сустракаецца слова фемінізм 😁 Там ёсць адзін неблагі верш на гэтую тэму. І ўвогуле ўвесь зборнік даволі жаноцкі, пачуццёвы. Для сталых фанатаў Вольгі ён стане сапраўдным задавальненнем. А я шкадую, што прапусціла прэзентацыю ў пачатку сакавіка. Можа тады б інакш успрыняла гэта кнігу, ацаніла б яе вышэй. ✅" хоць сэнс жыцця кеглі ў падзенні
а кегля думае што ў стаянні
і не разумее чаму лёс да яе такі жорсткі
а справа не ў лёсе а ў ракурсе
сузірання"✅ #books #bookstagram #poetry #halijafy #кнігі #беларускаялітаратура #паэзія #галіяфы #вольгагапеева #граматыкаснегу #книги #мирдолжензнатьчтоячитаю #чтопочитать #поэзия #прочитановмарте

А ў нас праходзіць зараз прэзентацыя пераклада кнігі Льюіса Кэрала "Скрозь люстэрка і што ўбачыла там Аліса"! І ў гонар гэтай падзеі ў нас навінка – набор паштовак з тэматычнымі аўтарскімі ілюстрацыямі!
#мінск #менск #беларусь #літаратура #литература #книги #кнігі #book #literature #bookstore #halijafy #галіяфы #голиафы

📰Свежыя навіны!📰 Movabox-артэфакты ў кнігарні «Галіяфы»! Вы ж памятаеце, што кніга нашага выдавецтва - «Дзяцел і дупло» Віктара Жыбуля - удзельнічае ў Movabox?

На ўсялякі выпадак нагадваем, што, прайшоўшы цікавы аўтарскі тэст на сайце movabox.by, вы атрымаеце ўнікальную магчымасць стаць адным з 20 шчасліўчыкаў, якія атрымаюць мовабоксы ад самога аўтара!

А тым часам у нашу кнігарню прыехалі цікавыя міні-артэфакты – адмысловыя налепкі Movabox. Каб атрымаць свой артэфакт, дастаткова набыць любую кнігу ў нашай кнігарні!

Спяшайцеся – налепкі-артэфакты абмежаваны!

Чакаем у госці!

#movabox #velcom #minsk #belarus #literature #літаратура #halijafy #галіяфы #books #книги #беларусь #минск #немига #няміга #белліт #creative #stickers

Most Popular Instagram Hashtags