#立基集團

MOST RECENT

早兩日介紹完 #TrappistBeer (修道院啤酒),其實除左比利時之外,我地香港自家本土都有 #TrappistDairy ,即係 #十字牌 (唔是搞gag)。 雖然拎唔到International Trappist Association ( #ITA )個嘜頭認證,但十字牌既起源同天主教修士確實有密切關係。話說60年代果陣有位熱心教友,送左批美國乳牛俾大嶼山 #聖母神樂院 既修士,諗住幫補下生計。

修士飲完啲奶覺得好正,決定推出市場賣俾當地居民同遊客飲,當時名氣大到連 #希爾頓酒店 都問佢地拎貨,不過修士們無諗過賺大錢,夠食夠飲就算數,所以最遠都只係賣到大嶼山對面個坪洲,市區人就唔洗諗喇。

到左八十年代修士們都老得七七八八,但又唔捨得十字牌,所以同 #立基集團 合資成立 #神樂院牛奶廠有限公司 ,響元朗開廠,正式全面商業化。
時至今日無論大嶼山定屯門既小朋友都無得再I go to school by cow,十字牌既奶亦唔再係香港既牛出產, #修士精神 自然都唔再存在,呢段往事就當係故仔聽下就算啦。
講完故講返今日推介:十字牌新出既 #地道奶茶 。同維他太興出果D唔同,十字牌用 #鮮奶 取代 #淡奶 ,奶味好突出,入口似飲 #天仁茗茶 既鮮奶茶,最後又會有飲完港式奶茶果種成條脷鞋saapsaap既感覺,而且唔會好甜,依家7仔賣緊$6.8,絕對值得一試。
Ps. 唔講唔知十字牌上個月響西營盤開左間十字冰室,有機會去試下先~

#活低調 #LowkeyLife #十字牌 #TrappistDairy #地道奶茶 #鮮奶茶 #修士 #十字冰室 #大嶼山 #屯門 #igotoschoolbycow

Most Popular Instagram Hashtags