#文青速成班系列

MOST RECENT

. 玩味情報陸續有黎,你follow左 @meethkcom 未呢?

#Meet青衣 #文青速成班系列.坐草地慢慢hea

香港地少人多,有時想搵個安靜又少人嘅公園坐下都好難。青衣城2期上年新開,人流唔算多,所以佢嘅空中花園就唔多人,仲好舒服!成個空中花園一共兩層,成5萬平方呎架!2樓個層就比適合食飽去散下步,有兩條步道,可以慢慢行。上面平台就仲大,有幾塊草地,拎本書上嚟,坐係草地睇下書,望下藍巴勒海峽景色都咪話唔寫意呀! . . 【青衣城2 空中花園】

地址: 新界青衣青敬路青衣城2期2-3樓

營業時間:08:00-21:00

. 玩味情報陸續有黎,你follow左 @meethkcom 未呢?

#Meet葵芳 #文青速成班系列.閨蜜情人聚會空間

Party Room愈開愈多,間間都差唔多,想搵間又平又有特色就要睇下哩間啦,最低只需每人$20一個鐘,有成一千呎咁大。有3間房,其中2間新開3個月,簡約嘅設計加上主張利用自然光令人感覺好舒服,黑房設計更係別樹一格,好型!哩到非常受女仔歡迎!閨蜜嚟到打卡,影相,談心就啱曬啦!或者同另一半嚟到享受獨處嘅空間,煮下飯仔,超SWEET!或者好似小編咁係MUJI買簡單嘅材料包,同朋友整定情人節甜品都唔錯呀!哩到地方夠大,廚房企多幾個人都冇問題,一於約埋身邊嘅料理達人去「開房」!


【The Core Base】

地址:葵芳葵喜街

營業時間:星期一至日:09:00-01:00

. 玩味情報陸續有黎,你follow左 @meethkcom 未呢?

#Meet屯門 #文青速成班系列.角落cafe.寫意的一天

有時間揾間安靜嘅cafe,飲杯咖啡睇下書,扮下文青都唔錯,而呢間cafe空間好大,好坐係到夠哂寫意!Latte ($32),咖啡味唔會太濃,奶味較重,天鵝拉花好靚!另外,仲試左意大利特濃蘑菇汁配蘑菇二重奏 ($75),意粉偏乾身爽口。呢間cafe同隔離間cafe都係同一家店,但佈置各有特色~ . . 【Miss Coffee 】

地址:屯門青柏徑6號鹿苑地下18號舖

.
玩味情報陸續有黎,你follow左 @meethkcom 未呢?
#Meet觀塘 #文青速成班系列.召喚藝術文青
又係畫室又cafe,最岩就係鍾意畫畫嘅人,充滿真文青氣息呀!下午茶時間嚟到,可以食返個Tea Set,$48有件蛋糕有杯嘢飲都唔錯架!加$8轉飲伯爵茶或咖啡,岩曬冬天呀!除咗食,仲可以行下,睇下有冇岩用嘅畫具,小至顏料大至畫框都可以搵到!哩到仲會舉辦唔同嘅工作坊,有興趣不妨留意下!


【Chroma Cafe + Kitchen】
地址:觀塘興業街19號明生工業大廈8樓
營業時間:星期一至六12:00-22:00 星期日休息

. 玩味情報陸續有黎,你follow左 @meethkcom 未呢?

#Meet上環 #文青速成班系列.靚cafe打卡一流

Weekend冇嘢做,不如黎一轉上環哩間靚cafe啦!室內外都有得坐,自己揀位,秋天涼涼地坐室外都幾舒服,而且各式茶類食品同飲品都好好味!海鹽伯爵茶戚風三文治($52),其實姐係切件嘅戚風蛋糕,茶味好濃,帶少少甘味,配埋一粒粒嘅海鹽,味道好夾又有層次。鐵觀音冬瓜茶($54)味道清甜,又唔會蓋過茶味。祁門玫瑰奶茶($62)口感順滑,充滿茶味再帶少少玫瑰嘅香氣,值得一試呀!全店採取自助形式,點餐,取餐都要自己做,食完記得自己收拾好呀! . . 【茶。家】

地址:上環太平山街18B號地舖

營業時間:星期一&星期三至五:11:00-19:00 星期六至日:09:00-20:00
星期二全日休息

. 玩味情報陸續有黎,你follow左 @meethkcom 未呢?

#Meet台北 #文青速成班系列.文青台北悠閒遊

台北的確有好多Cafe選擇,如果淨係食嘢滿足唔到大家嘅話,可以嚟華山1914文化創意產業園區!園內有呢間叫Fab Cafe,小編點咗豐富嘅All Day Breakfast (TWD 320) 同抹茶白巧克力塔 (TWD 200),賣相精緻之餘仲可以享受周邊環境,呢度嘅牆身有最近完成嘅大型畫作,另外仲有投影機播文藝片,所以成間cafe充滿活力㗎!食完嘢仲可以行吓園區裡面嘅文創小店添!除此之外呢度仲舉辦好多文藝活動,限定展覽、唔同團體嘅表演㗎!岩曬文青腔嚟hea足一日呀! . . 【Fab Cafe】

地址:台北市中正區八德路一段1號中三館一樓

營業時間:星期一至四及日:10:00-19:00;星期五至六:10:00-22:00
【華山1914文化創意產業園區】

地址:台灣台北市中正區八德路一段1號

園區戶外空間24小時開放,而服務時間:星期日至四:09:30-21:00;星期五至六 09:30-22:00

. 玩味情報陸續有黎,你follow左 @meethkcom 未呢?

#Meet台北 #文青速成班系列.特色cafe打卡一流

台北哩間Cafe夠曬特別,外表睇起黎係一間大型貨櫃屋,以藍色為主調,一共有兩層。二樓有最受歡迎嘅全玻璃位置,打卡就岩曬啦!小編提提大家,女仔儘量避免著裙去影啦,因為地板都係玻璃,會走光架!嘢食方面有中式同意式選擇,小編試咗炙燒阿拉斯加鮭魚與油封根莖類蔬菜沙拉 (TW$210),三文魚份量都夠多,仲燒得岩岩好添!另外仲試咗土雞胸肉佐特製蜜醬總匯三明治&脆薯 (TW$210)味道都唔錯架!下次去台北,行景點之餘,一於去唔同CAFE hae下啦! . . 【ERC Cafe】

地址:台北市內湖區新湖一路200號

營業時間:星期一至日:11:30–21:30

. 玩味情報陸續有黎,你follow左 @meethkcom 未呢?

#Meet銅鑼灣 #文青速成班系列.可愛公仔拉花Cafe

小編覺得一杯靚咖啡加上精緻拉花圖案簡直係人生享受~而呢間cafe嘅拉花就夠哂可愛,Green tea latte ($42),三眼仔好靚, 純正綠茶味,賣相同味道都好高質!cappuccino($40) ,賣相非常吸引,3 D嘅狗仔得意到唔捨得飲~但係拉花圖案冇得自己揀,送上枱先知係咩都幾驚喜嫁!另外,小編都試左個green tea cheese cake ($52) ,不過唔算太好味。 . . 【Cafe R&C】

地址:銅鑼灣希雲街22-24號地舖

營業時間:星期一至四/日12:00-22:00

星期五至六 12:00-00:00

. 玩味情報陸續有黎,你follow左 @meethkcom 未呢?

#Meet旺角 #文青速成班系列.鬧市中的寧靜Cafe

呢間位於豉油街舊式唐樓,一入到門口就眼前一亮,當日中午時段陽光透進室內,加上用溫室花園做主題,感覺好治療啱曬文青,影相呃like一流!主食 ($98)得一款選擇,而擺設好有日本風!有塘心蛋、水果、三色飯團(三文魚、梅子、明太子),三者味道都可以。但份量唔多,適合d細食嘅女仔。而櫻花梅子梳打 ($48)都幾好飲,梅子幾入味!小編鐘意呢度整體環境算寧靜,坐低同朋友吹水嘆返半日一流! . . 【小房子】

地址:旺角豉油街21-21B號昌記大廈2樓c室

營業時間:星期一 全日休息;星期二至日 14:00-22:00

. 玩味情報陸續有黎,你follow左 @meethkcom 未呢?

#Meet紅磡 #文青速成班系列.書卷味Cafe

呢間叫【One Little Room】嘅Cafe好有書卷味,天花吊起書本,牆身貼滿泛黃色嘅紙張,又有散文、旅遊書借閱,簡直係充滿文藝氣息嘅Cafe,啱曬文青!小編點咗傳統西班牙蛋餅 ($96),餡料有煙肉、薯仔、甜椒、洋葱同芝士,唔係間間cafe有得食!店員送到嚟熱辣辣,仲要出曬煙添,食落口都幾惹味!配埋南瓜湯同沙津菜,雖然細碗d但味道都可接受。另外再點咗自家製窩夫 ($58) ,窩夫裹面有一粒粒芝麻,配楓糖漿同牛油,整體都可以。 . . 【One Little Room】

地址:紅磡漆咸道北436號富運大廈地下10號

營業時間:星期一全日休息;星期二至五:08:30-21:00;星期六至日:11:00-20:00

. 玩味情報陸續有黎,你follow左 @meethkcom 未呢?
#Meet長沙灣 #文青速成班系列.柚子控
如果你好鍾意食柚子就一定要黎哩間店啦!有好多款柚子食品,仲有唔同嘅特色日文柚子產品可以買走!柚子慕絲蛋糕($45),好香柚子味,慕絲仲好滑!外層係焗過嘅杏仁粒,增加口感同層次。柚子果醬吐司伴雪糕($50),焗到香脆嘅吐司加埋柚子醬,唔會太膩又夠飽!柚子雪糕就比較似雪芭,酸酸甜甜幾開胃! . . 【柚屋】
地址:長沙灣保安道55號美寧中心地下C1鋪
營業時間:星期一/三/四:12:00-20:30
星期五至日:11:30-21:30
星期二全日休息

. 玩味情報陸續有黎,你follow左 @meethkcom 未呢?

#Meet長沙灣 #文青速成班系列.食嘢再行街

哩間cafe夠曬特別,唔只有得食仲有得行街!先講食,哩個三文魚芝士蛋餅連飲品($78),食到啖啖三文魚香,雖然個餅皮唔係好夠脆,不過係即叫即焗,熱辣辣架!所以要等大概10分鐘~跟餐仲叫咗水蜜桃乾果粒茶,一上枱就聞到陣陣水蜜桃香,飲落都幾清甜!食飽可以係到行下,有唔少女仔會鍾意嘅小物件,大部份都係唔同店放係到寄賣嘅。小編仲留意到店內不時會舉辦咖啡或其他唔同嘅手工workshop架! . . 【Living Room Cafe】

地址:長沙灣福榮街344-348號昌發工廠大廈D座9樓08室

營業時間:星期四至日:12:00-19:00

. 玩味情報陸續有黎,你follow左 @meethkcom 未呢?

#Meet觀塘 #文青速成班系列.飲杯嘢慢慢hea

觀塘一向都有好多唔同嘅coffee shop,哩間就位於東廣場入面,主打意大利菜同咖啡。餓到肚都扁嘅小編,即刻叫咗個lunch set C 巴馬火腿白汁煙三文魚配綠茶多士($65),巴馬火腿同煙三文魚嘅份量都幾多下,白汁亦夠creamy。但個巴馬火腿原來係煮熟咗嘅,食落似豬肉,唔夠香!個綠茶多士好脆,除咗綠茶仲加擦咗一層蜂蜜,幾香甜。成間店嘅裝修都係以簡約為主,用大麻線同枯葉枯枝做裝飾,影起相上黎都幾有FEEL。如果你唔係好似小編咁趕時間,不妨叫杯咖啡慢慢hea下啦! . . 【Coffee Art】

地址:觀塘成業街7號東廣場地下G46-G48舖

營業時間:星期一至六:08:00-21:00 星期日休息

. 玩味情報陸續有黎,你follow左 @meethkcom 未呢?

#Meet黃竹坑 #文青速成班系列.塗鴉

講起香港塗鴉牆,大家可能都係諗到中環~但其實仲有好多地方有塗鴉可以打卡架!肥小編嚟到黃竹坑食完嘢,一於係附近行下!發現呢度有唔少塗鴉,一查之下先知,大部份都係今年舉辦嘅 HKWALLS入面嘅作品。主要都係喺工業大廈嘅外牆度,一出地鐵站就見到,非常方便,仲唔會好似中環咁多遊客,慢慢影都冇問題! . . 【黃竹坑工廈(分佈於香葉街、業發街及黃竹坑道)】 可以由黃竹坑地鐵站A出口出發

溫馨提示:工業區始終多車出入,過馬都要小心啲,唔好淨係掛住影呀!

. 玩味情報陸續有黎,你follow左 @meethkcom 未呢?

#Meet旺角 #文青速成班系列.木系清新cafe

呢間小店個名【神經餵飼】幾特別,食完後唔知神經會唔會得到治癒呢?店鋪裝修走木系乾花風,樓上仲有一層有和室感覺嘅閣樓!感覺温馨!而餐單上嘅食物種類唔多,部份更沒有供應。但可以睇下黑板上嘅每日餐牌,肉丸吐司沙律三重($76), 自家製嘅紅莓醬新鮮好味,配肉丸一齊食加分唔少! . . 【神經餵飼】

地址:旺角砵蘭街434號地舖

營業時間:星期二至日:12:00-21:00//星期一休息

. 玩味情報陸續有黎,你follow左 @meethkcom 未呢?

#Meet土瓜灣 #文青速成班系列.復古cafe x 懷舊回憶

鐘意懷舊風嘅你黎過呢間cafe未?cafe店主收集左唔少舊物,好似吊扇、舊式電話、汽車模型等6、70年代嘅物品,就好似走咗入時光隧道咁!岩哂一眾攝影發燒友!係呢度食野每人最低一定要叫一杯野飲。小編就叫左啤酒【泡沬蜂蜜綠茶】($49),係冇酒精成份嘅~仲叫左水果茶($79),放左唔少水果,好有果香,飲落甜甜地都幾好味。星星鴨肉雞蛋薄餅($69),材料簡單但即叫即整夠新鮮,份量兩個人食岩岩好 . . 【呼吸咖啡茶館 】

地址:土瓜灣馬頭角道91號地下

營業時間:星期二至四12:00-22:00/星期五12:00-01:00/星期六至日10:00-01:00/星期一休息

. 玩味情報陸續有黎,你follow左 @meethkcom 未呢?
#Meet深水埗 #文青速成班系列.咖啡師親教手沖咖啡,親民咖啡體驗
小編其實一直都幾鐘意飲咖啡!今次嚟到呢間位於大南街既小店真係唔介紹唔得!小店除左賣唔少書同藝術家作品外,仲有Cafe!但除左有得飲咖啡,最特別就係有互沖咖啡($100),價錢已經包左兩杯手沖咖啡,計返已經比出面淨咁飲杯手沖親民唔少。重點係,「互沖」嘅意思係你同咖啡師一同沖同一種咖啡豆,再互相品嚐對方嘅咖啡!分別係邊度呢,小編就要賣個關子啦!呢個體驗最令小編驚喜嘅,其實係果位咖啡師。呢度唔係填鴨式咁教你咩係好咖啡,應該係點沖。而係,即使你平日只係飲開某連鎖店嘅咖啡,咖啡師仍然用心對待你嘅體驗,認真去看待大家嘅咖啡。小店另有咖啡師沖製嘅咖啡,如Dirty White($40),質素亦很不錯。店舖樓上不時更有展覽參觀! 【Common Room & Co.】 地址:深水埗大南街198號

營業時間:星期二至日 12:00-20:00

. 玩味情報陸續有黎,你follow左 @meethkcom 未呢?
#Meet台北 #文青速成班系列.台灣真文青!博物館都有得打卡!
去台灣,一定要去文青熱點打下卡啦!好似IG洗哂板位於台南嘅【國立臺灣歷史博物館】有唔少充滿設計應嘅打卡位,都係IG吸左唔少Like架!仲有新北市【鶯歌陶瓷博物館】,佢旁邊仲有個三鶯藝術村,有好多整到好大嘅瓷器作品,好可愛啊!想影到天空之鏡,就要去【蘭陽博物館】啦!博物館外有一個大湖,天氣好就容易影埋博物館嘅倒影,超靚啊!.
.
地址:國立臺灣歷史博物館:安南區長和路一段250號/鶯歌陶瓷博物館:新北市鶯歌區文化路200號/蘭陽博物館:宜蘭縣頭城鎮青雲路三段750號

. 玩味情報陸續有黎,你follow左 @meethkcom 未呢?

#Meet #文青速成班系列.台北文青早餐輕食店

台北真係有好多文青早餐店!今次同大家介紹呢間係台北車站附近嘅早餐店,岩哂食完即刻出發去玩!小店有兩層,上層主要係吧台位置,下層有較多大枱,更有草地位置,而且佈置得好靚!岩哂同朋友食返個悠閒早餐!食物以輕食為主,選擇都唔少! 【單眼皮雙眼皮早餐輕食2店】

地址:台北中正區華陰街19號

營業時間:每日08:00-16:00

人均消費約HK$30-50

. 玩味情報陸續有黎,你follow左 @meethkcom 未呢?

#Meet台北 #文青速成班系列.特色倉庫cafe

呢間位於北投嘅cafe前身係舊穀倉,外表仍然維持著倉庫嘅外觀,裏頭擺放著剩下嘅窗戶同木梯,好有特色。仲有個小小嘅庭院,驟眼睇會以為係住屋。每人最少叫一杯飲品,小編黃昏時間黎,得返咖啡同酒類可揀,太妃咖啡(NT$165) 嘅太妃係指自家調製嘅焦糖,唔會好似普通焦糖咁甜!波特酒巧克力戚風(NT$130) 朱古力味好濃厚,帶有少少酒香,蛋糕食落都幾綿幾滑。 檸檬塔 (NT$130) 酸甜清新,餅皮香脆,配咖啡一流. . 【拾米屋】

地址: 112台灣台北市北投區大同街153號1號倉庫

營業時間: 13:00–20:00

Most Popular Instagram Hashtags