#又係你地最愛既葵廣

3 posts

TOP POSTS

唔知有生一天,可唔可以完成葵廣既所有美食呢,由今日開始,要開返個 hashtag #又係你地最愛既葵廣 🤷🏿‍♂️
新產品老是在葵廣常出現,繼續由我呢個葵廣包膠達人為大家介紹,今次有新開飲品店,ma ma mia 今次終於唔係水果茶 🤘🏿 而係全港獨家首創既 #蛋糕奶茶,可能當中你地聽過台灣曾經都有一間兩間鋪見到有蛋糕奶茶既出現,但係台灣既蛋糕奶茶唔係真係蛋糕奶茶,只不過係加左布丁做配料既奶茶,複雜啲黎講係一杯係布丁奶茶 🤷🏿‍♂️
而葵廣呢杯 #蛋糕奶茶 係堅有蛋糕味,超過一百次既比例調製,每日用新鮮雞蛋、麵粉、牛奶打成 cream,再加入奶茶入面,佢既擺法唔係奶蓋果隻,不規則地放,所以有時飲到純奶茶,有時飲到蛋糕味奶茶,唔似奶蓋咁極端分明得咁緊要,值得加分既一點 🤘🏿 而且茶味係極香,係用精選茶葉去做,亦不失奶香,好滑既奶茶,係我暫時飲過最好飲既奶茶 🤤🤤🤤 除左原味蛋糕,仲有黑森林蛋糕同士多啤梨蛋糕可以揀 🤘🏿 價錢黎講更加係冇得輸,$20 巨巨巨大杯 🤤
——————————————————————
#蛋糕奶茶 $20
——————————————————————
#壹茶 ITEA ONE
葵芳葵涌廣場 3 樓 301P 號鋪
——————————————————————
#EatLaBaby葵芳
#EatLaBaby台式
#EatLaBaby港式
#EatLaBaby推介
#EatLaBaby窮食
#EatLaBabySweet

#又係你地最愛既葵廣 🤷🏿‍♂️ 話口未完,又返到黎葵廣 😂 冇錯,又係全港首創 4 餡車輪餅呢間小店,未去過既朋友有福了,可以一次食哂兩隻口味 🤘🏿 去過既朋友亦有福了,可以借啲意又去多次 😂🤘🏿 順便飲埋琴日介紹果杯無敵蛋糕奶茶 🤤🤤🤤
上次既 4 合 1 車輪餅已經夠哂世界級,今次升呢!車輪餅 2.0!出左兩款 #流心吉士孖寶車輪餅,孖寶係蘭香子或者珍珠自選一款,兩款都各有特色 🤤
珍珠配吉士令成個車輪餅更有咬口,非常合襯既一對組合,又滑又煙韌,比起車輪餅 1.0 落麻糬既煙韌口感更上一層樓 🤘🏿
蘭香子配吉士食落口感更滑,最主要蘭香子既功效係做咩呀,通便呀嘛,根據本草綱目記載,蘭香子係有明目、對付便秘、強身保健既功效,最重要既功效係咩呀,係有明顯「美容減肥」既功效,今次真係可以減住靚住黎食世界級美食,小寶食完返去真係屙左場順到不得了既大鑊屎 🤤🤘🏿
邊個好食啲 🤷🏿‍♂️ 各有各正啦!重點係流心吉士,流落去果下熱辣辣既吉士醬真係暈死寶寶了,奶香蛋香味十足 🤤🤤🤤 最驚喜係今次車輪餅外層咬落去係脆身,超級正 🤤🤘🏿
——————————————————————
#流心吉士孖寶車輪餅 $10
——————————————————————
#魷味
葵芳葵涌廣場 1 樓 B01D 號舖
——————————————————————
#EatLaBaby葵芳
#EatLaBaby港式
#EatLaBaby窮食
#EatLaBaby推介
#EatLaBabySweet

著名掃街景點又有新店啦,放心,今次唔係 #又係你地最愛既葵廣 🤷🏿‍♂️ 而係太安樓!
多一個選擇,新開張期間有好多抵食小食同埋大食,太安樓除左至抵海南雞飯之外,仲有至抵 #蒲燒鰻魚飯!盛惠 $38,大大盒,有大大半尾饅魚,唔腥唔臭兼冇骨,絕對抵食好味兼係飽肚之選 🤤🤘🏿
講到飽肚之選仲有 #三文魚紫菜包飯,又係大大份,味道唔錯,三文魚唔多,但係 $25 咁大碌野仲想點 🤷🏿‍♂️ 一份切開左有 10 大舊,一份二人些牙都矛問題 🤘🏿🤘🏿🤘🏿
P.S. 仲有 $15 超抵食四件天婦羅,留返比你地包膠!
——————————————————————
#蒲燒鰻魚飯 $38
#三文魚紫菜包飯 $25
——————————————————————
#味雷
西灣河太安樓地下 A25A 號舖
——————————————————————
#EatLaBaby西灣河
#EatLaBaby日式
#EatLaBaby韓式
#EatLaBaby港式
#EatLaBaby窮食

Most Popular Instagram Hashtags