[PR] Gain and Get More Likes and Followers on Instagram.

#وصفات_نوره

194 posts

TOP POSTS

مراصيع(مصابيب)
المقادير:
٣ اكواب دقيق بر
ملعقه كبيره خميره
ملعقه كبيره بيكنج باودر
ملعقتين كبيره سكر
نص ملعقه صغيره ملح
بيضه كبيره
ملعقه صغيره فانيلا
٣ ملاعق كبيره حليب بودره
٤ اكواب ماء دافي(ممكن تحتاجين ربع كوب زياده)
نص كوب زيت
الطريقه:
نخلط جميع المقادير في الخلاط الكاس واذا الخلاط صغير اخلطيها بالمضرب اليدوي جميع المكونات ماعدا الدقيق واذا تجانست نضيف الدقيق ونكمل خلط..وماتحتاج تخمير(نشتغل فيها على طول) وراح يكون قواها شبه سائل
نحط الصاج على نار هاديه ونبدأ نصب الخليط بملعقة الاكل واذا حمرت من تحت نقلبها تحمر من الجهه الثانيه..
نرتبها في صحن التقديم ونحط عليها زبده وعسل او سمن وعسل او قشطه وعسل او نوتيلا او لبنه وزعتر.
وبالعافيه
#مراصيع #مصابيب #وصفات_نوره

زربيان عدني بطريقة فروحة الامارات
نصف كيلو لحم بعظم(او الكميه اللي تشوفينها مناسبه لكم)ممكن استبداله بالدجاج
بهارات صحيحه(هيل ومسمار وقرفه وفلفل اسود وكمون)
ملح
زيت نباتي
بصله كبيره مقطعه جوانح
٤ فصوص ثوم مدقوق
قطعه صغيره زنجبيل مفروم
علبة زبادي
بطاطس مقطع مكعبات وسط
ملعقه كبيره معجون طماطم
ملعقه صغيره كركم
ربع ملعقه صغيره فلفل احمر حار
ملعقه صغيره بهارات لحم
قطعه صغيره فحم لتبخير الرز
ماء كادي منقوع فيه زعفران
كوبين رز مغسول ومنقوع
الطريقه:
يسلق اللحم مع البهارات الصحيحه ونملحه اذا استوى
نحمس البصل لين يصير لون ذهبي غامق ونشيل كميه بسيطه للتزيين بعدين نضيف الزنجبيل والثوم ونقلبهم لين تطلع الريحه بعدين نحطها في الخلاط مع علبة زبادي
نحمس البطاطس مع اللحم بس شوي بعدين نضيف خليط الزبادي والبصل والكركم والملح والفلفل الاحمر وبهارات اللحم ومعجون الطماطم ونقلبهم بعديم نغطيه ونتركه هلى نار هاديه ربع ساعه
نسلق الرز ثلاث ارباع استواء بمرق اللحم
نضيف الرز على اللحم ونضيف ماء الكادي والزعفران ونغطي القدر ونتركه على نار هاديه ٢٠ دقيقه او لين يستوي الرز
تكونين مولعه الفحم وتحطين صحن عميق في وسط الرز وفيه قليل زيت بعدين تحطين الفحم في الزيت وتغطين القدر وتتركينه ١٠ دقايق لين ياخذ نكهة التبخير..
يقدم في طبق ويزين بالبصل المقرمش والبقدونس المفروم وممكن اضافة بعض المكسرات والبيض
#وصفات_نوره #زربيان_لحم #زربيان #زربيان_عدني #زربيان_دجاج

خبز عروق بالخضار او الباكوره الهنديه
٢ كوسه مبشوره
ورقه كبيره كرنب مفروم
نص حزمه مفرومه كل من(بقدونس وشبت وكزبره)
عود كبير بصل اخضر مفروم
١ بصل متوسط مفروم
فلفل اخضر حار مفروم(اختياري)
١ كوب دقيق حمص
نصف كوب دقيق ابيض
ملعقه صغيره خميره فوريه
كوب ماء دافيء
بيضه
ملح حسب الرغبه
نصف ملعقه صغيره كل من(فلفل اسود/كمون/كزبره ناشفه وكاري)
ممكن اضافه جزر مبشور و لحم مفروم
الطريقه:
اخلط جميع المكونات بالمضرب اليدوي ماعدا الخضار والورقيات نضيفها بعد الخلط ..نغطي الخليط لمدة نصف ساعه وبعدها نشكل الخليط بواسطة ملعقة الاكل في زيت غزير على حراره وسط الى عاليه عشان ماتتشرب زيت..ونقلبها لين تاخذ اللون الاشقر الغامق..
وتقدم مع زبادي بالثوم والنعناع
#وصفات_نوره #خبز_عروق #باكوره #باكوره_هندية #خبز

إيدام باميه بالدجاج:
دجاج ٨٠٠ جم مغسول ومنزوع الجلد ومقطع صغير
١ بصل متوسط مفروم
١ فلفل بارد صغير مقطع مكعبات صغيره
١ طماطم متوسط مقشر ومقطع مكعبات صغيره
٢/١ علبه معجون طماطم
ملح وربع ملعقه صغيره كلا من(فلفل اسود وكمون وكزبره ناشفه)
ربع كيلو او اكثر باميه مغسوله ومقمعه
٤ فصوص ثوم مدقوق
٢ ملعقه كبيره كزبره خضراء مفرومه

الطريقه:
اولا:تشوحين الباميه في قليل زيت لين يتغير لونها لأخضر حلو(ما اعرف اوصف اللون)😊وتتركينها على جنب
ثانياً:في قدر تحمسين البصل لين يحمر بعدين تضيفين الفلفل البارد وبعدها الدجاج وقلبيه لين ياخذ لون اشقر خفيف بعدين تضيفين مكعبات الطماطم وتقلبين وبعدها الملح والبهارات ومعجون الطماطم وقلبي ٥دقايق بعدين اضيفي مويه مغليه ماتغطي الدجاج بالكامل واتركيها على النار ١٠ دقايق بعدين اضيفي الباميه المشوحه وقلبيهم مع بعض تمام وغطي القدر واتركيهم بدون تقليب لمدة ثلث ساعه او لين تستوي الباميه.
ممنوع التقليب اثناء الطهي عشان تحافظ الباميه على شكلها وماتتقطع..بعد ماينتهي الايدام وتقفلين النار. شوحي الثوم في زيت لين تطلع ريحته بدون مايتغير لونه بعدين قفلي النار واضيفي الكزبره الخضره وقلبيهم بعدين اضيفيهم على الايدام وقلبي تقليب خفيف جداً جداً جداً وغطي القدر ٥ دقايق عشان عشان ياخذ النكهه..ممكن اضافة قليل عصير ليمون قبل التقديم
يقدم مع ارز ابيض بالشعيريه او بالجزر او بالخضار
وبالعافيه #وصفات_نوره #ايدام #ايدام_باميه #مسبك

داوود باشا:
للكفته/
نصف كيلو تقريباً لحم مفروم طازج
حبه كبيره بصل مفروم ناعم
ملح وفلفل اسود وقرفه وبهار حلو(اختياري)
للصلصه/
حبتين طماطم وسط مبشوره
(نقطعها بالعرض بالنص والوجه المقطوع
هو اللي نحطه ع المبشره ونبشر لين يبقى
القشره فقط)
بصل وسط مفروم
نص علبه معجون طماطم
٣ ملاعق كبيره دبس رمان وممكن تزيدين حسب الرغبه
ملح وفلفل اسود وقرفه وبهار حلو(اختياري)
الطريقه:
نخلط مكونات الكفته ونكورها مع استخدام الزيت
اثناء التكوير(تقريبا سويت ٢٥ حبه)
ونشوحها في الزيت ونطلعها على جنب..
الصلصه/نحمس البصل في نفس الزيت ونضيف
له الطماطم ومعجون الطماطم والدبس والبهارات
ونص كاس مويه تقريبا.نتركها تغلي لين تتسبك
ونضيف الكفته ونقلبها ونغطي عليها ١٠ دقايق
تكمل استواء ويثقل الصوص.
نحطها بصحن التقديم ونزينها بصنوبر محمص
وبقدونس..ونقدمها مع رز بالشعيريه.
وبالعافيه
#وصفات_نوره #داوود_باشا #كفته #كفته_لحم

طريقة عصر الرمان..ومقطع يوضح لكم شكل ولون عصير الرمان المركز قبل اضافة عصير الليمون والماء
#وصفات_نوره #عصير #عصيرات #juice

بطاطس في الفرن
تقشرين البطاطس وتقطعينه بالشكل اللي تفضلينه وتنقعينه في مويه مغليه لمدة ربع ساعه..بعدين حطيه في الصفايه لين يجف من المويه..وحطي البطاطس في صينيه تيفال او صينيه مبطنه بورق زبده وحطي عليه ملح والتوابل اللي تحبينها..انا حطيت فلفل اسود وكزبره ناشفه وفلفل تركي احمر حار وزيت زيتون وقلبيها لين تتغطى كلها بالتوابل والزيت والملح وافرديها جنب بعض ودخليها الفرن على درجة حراره ٢٠٠ درجه مئويه ويكون شغال من تحت وفوق واتركيه لين يتحمر شوي وبالعافيه
#وصفات_نوره #بطاطس_بالفرن #بطاطس #بطاطس_مشوي

معدس مع حشو البطاطس والفلفل بطريقة الشيف تسنيم النصر الله
مقادير الحشو:
٣ حبات بصل نقطعهم مكعبات
٢ حبه بطاطس متوسطه مقطعه مكعبات ومقليه
٢ حبه فلفل بارد مقطع مكعبات
نصف ملعقة طعام بهار مشكل او كاري
نصف ملعقة طعام ثوم
١ ملعقة طعام سمن او زيت نباتي
٢ فلفل اخضر حار مقطع(اختياري)
الطريقه/
نحط البصل بالتاوه ونقلبه بدون شي لين يصير لونه بني نرشه بشوي مويه ونرجع نقلبه لين تنشف المويه ونرجع نرشه بشوي مويه ونكرر الطريقه لين يذبل البصل وبعدها نضيف الزيت او السمن(الزبده)على البصل ونقلبه لين يسخن وبعدها نضيف الفلفل البارد والحار والبهارات والثوم ونحمسهم ونعدل الملح واخر شي نضيف البطاطس المقلي ونقلبهم دقيقتين ونطفي النار.
مقادير المعدس:
١ كوب رز بسمتي(منقوع نص ساعه في ماء فاتر)
١ كوب عدس(انا حطيت نصف كوب)منقوع ساعه في ماء فاتر
٢ حبه طماطم مقطعه مكعبات
١ ملعقة طعام ثوم
١ فلفل اخضر حار
١ قالب زبده(انا استبدلته بقليل زيت مع اقل من ربع قالب زبده)
مكعب مرق دجاج او ١ ملعقة طعام شوربة خضار ارض الطبيعه
(انا استخدمت توابل مرق الدجاج من شركة اسناد)
١ ملعقة طعام بهار مشكل او كاري .. (وانا اضفت زياده كركم وفلفل اسود)
نصف كوب بصل مفروم
الطريقه:
نحط الزبده بالقدر ونضيف عليها البصل ونقلبه لين يذبل وبعدها نضيف الثوم والبهارات والفلفل الحار ونقلبهم دقيقه وبعدها نضيف الطماطم ومكعب مرق الدجاج ونتركهم لين يذبل الطماطم تقريباً خمس دقايق وبعدها نضيف الرز والعدس بعد مانصفيهم من المويه ونضيف الماء المغلي(يكون اعلى من الرز ب ٢ سم)ونعدل الملح ونتركه على نار هاااديه لين يستوي
ونقدم المعدس وفوقه حشوة البطاطس مع الدقوس او المعبوج او سلطة الزبادي
#وصفات_نوره #معدس #رز
@chef_tasneem

مكرونه صينيه
نصف كيس مكرونه سباجيتي(مسلوقه مع ملح وزيت)
٢ صدر دجاج مقطع شرايح طويله نحيفه(او مكعبات)
١ بصل متوسط الحجم مقطع شرايح(جوانح)
٤ فصوص ثوم مقطعه شرايح
١ جزر كبير مقطع اعواد
١ فلفل اخضر بارد صغير مقطع شرايح
١ فلفل احمر بارد صغير مقطع شرايح
عودين بصل اخضر مقطع شرايح
ورقتين كبيره ملفوف(كرنب)مقطع شرايح
فطر(اختياري)
ذره (اختياري)
ملح
ربع ملعقه صغيره فلفل اسود
نص ملعقه صغيره توابل صينيه
صلصة صويا معتدله(حسب الرغبه اذا تبينها كثيره ولون المكرونه غامق او تبينها خفيفه ولون المكرونه فاتح شوي)
الطريقه/
نحط زيت نباتي في تاوه(طاوه)كبييييره...ونحط فيه البصل ونقلبه لين يذبل تماماً بعدين نحط الثوم ونقلبها وبس تطلع ريحتها نضيف صدور الدجاج ونقلبها لين تستوي ونحط الملح والفلفل الاسود والتوابل الصينيه وبعدها نضيف الجزر ونقلبه دقيقتين وبعدها الفلفل البارد ونتركه دقيقتين واخر شي البصل الاخضر والكرنب وصلصة الصويا ونقلب المكونات مع بعض ونضيف لها المكرونه ونشوف اذا تحتاج زياده صلصة صويا ونحطها بصحن التقديم..
وتقدم مع سلطه خضراء(فتوش او تبوله)😋
#وصفات_نوره #مكرونه_صينيه #نودلز_صيني #نودلز_بالخضار

MOST RECENT

طريقة عصر الرمان..ومقطع يوضح لكم شكل ولون عصير الرمان المركز قبل اضافة عصير الليمون والماء
#وصفات_نوره #عصير #عصيرات #juice

عصير رماناضه بطريقة(ايهاب بلانت)
كوب عصير رمان مركز(في البوست اللي بعده بنزل لكم طريقه سهله لعصر الرمان)
كوب عصير ليمون
كوب سكر
2 لتر ماء بارد
الطريقه/
نخلط جميع المكونات مع بعض وممكن يقدم معها ثلج لزيادة البروده(طعمه بااارد جداً افضل ومنعش)
**ممكن حفظ العصير في الثلاجه لمده أقصاها شهر
#وصفات_نوره #رمان #الرمان #عصير #عصيرات #عصيرات_طازجه #juice #ليموناد #ليموناضه #وصفات #اطباق #اصناف

تمريه لذيذه..وأفضل شي تستخدمون تمر نوع (خلاص)يكون مرررره طري
#وصفات_نوره #وصفات #اطباق #طبق #تمريه #تمر #date #dates

كوكتيل بعصير البرتقال
تعصرين برتقال (يدوي) وتضيفينه على الفواكه اللي تفضلينها في الخلاط..انا حطيت جوافه وفراوله وكيوي ومنقا وخلطتها بعصير البرتقال(اضيف عصير برتقال حسب القوام اللي احبه اذا ثقيل او وسط او خفيف) وما اضفت سكر..وممكن تضيفين توت او تفاح او موز او اناناس او بابايا وكمثرى(عندكم الخيارات كثيره)
#وصفات_نوره #عصير #عصيرات #اطباق #وصفات #وصفه #juice #مشروب #مشروبات

كل اللي احتاجه الان خبز ساخن وشاهي 😍
#وصفات_نوره #وصفات #فطور #عشاء #اطباق #وجبات

لاتخلطين كثير عشان ماتتعجن..نبغى يبان البيض انه مبشور
#وصفات_نوره #فطور #عشاء #وجبه #وجبات #وجبات_صحية

شيش طاووق
علبة زبادي
عصير ليمونه
ملعقه كبيره خل ابيض
ملح
فلفل اسود
٥ فصوص ثوم مهروس
بهارات ايطاليه او (اوريجانو)
ملعقه كبيره سماق
ملعقتين كبيره كاتشب
فلفل احمر مجروش
6 قطع صدور دجاج مقطعه مكعبات وسط
فلفل بارد وبصل وطماطم(توضع بين قطع صدور الدجاج في العود الخشبي بالتناوب)
الطريقه:
تخلط جميع مكونات التتبيله مع بعض..ثم نضع عليها قطع الدجاج وتقلب جيداً بحيث تغطي التتبيله كامل القطع..نغطيها ونضعها في الثلاجه لمده لاتقل عن 3 ساعات
نشك قطع الدجاج في العود الخشبي ونضع قطع الخضار بينها(اختياري)
نسخن صاج على نار عاليه مع وضع قليل زيت ثم نضع الاعواد ونقلبها الى ان تتحمر جميع الجهات..مع مراعاة نضج القطع بالكامل..
تقدم مع رز او خبز او تحشى بها الساندويتشات مع قطع مخلل وصلصة الطحينه
#وصفات_نوره #شيش_طاووق #شيش #دجاج #غداء #عشاء #وجبه

بانكيك
المقادير:
كوب ونصف حليب
ربع كوب خل ابيض
4 ملاعق كبيره زبده مذابه/تقريباً ثلاث ارباع اصبع ابو 100جم
ملعقتين صغيره فانيلا سائله
2 بيض كبير
2 كوب دقيق ابيض
نصف كوب سكر
ملعقتين صغيره بيكنج باودر
ملعقه صغيره بيكربونات الصوديوم
رشة ملح
الطريقه:
نخلط المواد الجافه مع بعض
نخلط الحليب والخل مع بعض ونتركهم 10 دقايق وراح ينفصل الخليط شوي بس طبيعي..وبعدها نضيف البيض والزبده والفانيلا ونخفق يدوي لين يتجانس الخليط وبعدها نضيفه للمواد الجافه ونكمل خفق وراح يتكون عندك خليط اخف من خليط الكيك بشوي..في صاج تيفال على نار متوسطه شكلي اقراص البانكيك بواسطة الملعقه واتركيها لين ينشف الوجه وبعدها تقلبينها لين تتحمر الجهه الثانيه وقدميها وزينيها بالطريقه والشكل اللي تفضلينه
الوصفه مضبوطه ولذيذه وهشه 👌🏻
*فيه غلطه في طريقة التقديم انتبهت لها بعدين..مانقدم البانكيك على الجهه اللي فيها فقاعات..نقدمها ع الجهه الثانيه اللي تكون كلها لون واحد..يعني نقلبها🌹
من حساب الاخت @lebanese_delights
#وصفات_نوره #بانكيك #pancakes #فطور #breakfast #حلى #حلا

صدر دجاج مشوي على الصاج
2 قطعه من صدور الدجاج المبرده(استخدم اليوم)
عصير ليمونه كبيره
3 فصوص ثوم مهروس
ملعقه كبيره خل ابيض
ملح وفلفل اسود وتوابل ايطاليه
الطريقه:
اخلط مقادير التتبيله لين تتجانس واتبل فيها الصدور بعد ماترققين سمكها بالمطرقه..واغطيها وادخلها الثلاجه ساعه ع الاقل..
اجهز صاج او قلايه تيفال فيه شوي زيت زيتون على نار عاليه(لازم نار عاليه عشان تمنع ظهور السوائل من الدجاج) واحط قطع الصدور على الوجه الاول واتركها لين تتحمر وبعدها اقلبها ع الوجه الثاني واذا تحمرت اغطي القلايه واتركها على نار وسط 5 دقايق تكمل استواء..وبعدها اقطعها شرايح او اتركها مثل ماهي واحطها فوق المكرونه او الرز او السلطه او تحشين فيها ساندويتش وتتفننين بإضافة الصلصات😋
#وصفات_نوره #دجاج #دجاج_مشوي #وجبه #وجبات #وجبه_خفيفه #ساندويتش #ساندويتشات #باستا #مكرونه

بينك باستا بالقصدير
نص كيس مكرونه اي شكل تفضلينه(مسلوقه ثلاث ارباع استواء في ماء وملح) او ممكن تكون غير مسلوقه بس تاخذ مده اطول في الفرن تقريبا 45 دقيقه
للصوص:
زيت زيتون
بصله متوسطه مفرومه ناعم
5 فصوص ثوم مهروس
حبتين طماطم متوسطه مقشره ومفرومه
ثلاث ارباع علبة معجون طماطم
علبة كريمة طبخ(250 مل)
ملح/فلفل اسود/بابريكا/توابل ايطاليه
للوجه:جبن موزاريلا وتشيدر وبارميزان
الطريقه:
تحمسين البصل في الزيت لين يذبل وبعدها تضيفين الثوم وتقلبينه لين تطلع ريحته بدون مايتغير لونه وتضيفين عليه الطماطم المفرومه والملح وباقي البهارات وتتركينه لين يذبل بعدين تضيفين معجون الطماطم واتركيه دقيقه واضيفي اخر شي كريمة الطبخ بس تغلي وقفلي النار لا تتركينها تغلي كثير..اضيفي عليها المكرونه وقلبيها تمام وحطيها داخل القصدير ورشي فوقها الاجبان وقفلي القصدير بشكل مايلزق في المكرونه ودخليها الفرن اللي يكون شغال من قبل(تحت وفوق)على درجة حراره200 درجه مئويه..وخمس دقايق بس يذوب الجبن وطلعيها..اذا طولت في الفرن راح يتكتل معك الصوص..
قدمتها مع صدر دجاج مشوي وسلطه خضراء 😋
*اللي بتسويها بمكرونه غير مسلوقه(تزيد كمية الصوص)
الكميه تكفي لـ 4 اشخاص تقريباً
#وصفات_نوره #باستا_بالقصدير #باستا #مكرونه #مكرونه_بالقصدير #بينك_باستا #وجبه #وجبات #وجبات_سريعة #باستا_بالجبن #مكرونه_بالجبن #بوفيه #بوفيهات

سلطة الباذنجان المقلي
10حبة صغيرة باذنجان أسود
1حبة متوسطة بصل مقطع جوانح
2/1 كوب خل أبيض
1 قرن فلفل أخضر
10 فص ثوم
1 ملعقة صغيرة شطة مجروشة
1 ملعقة صغيرة ملح
4/1 ملعقة صغيرة فلفل أسود
1 ملعقة صغيرة كزبرة ناعمة
1 كوب مايونيز
4/1 كوب عصير ليمون
2/1 حبة خس
10 حبة طماطم كرزية أصفر
10 حبة طماطم كرزية أحمر
10 حبة متوسطة مشروم
4/1 كوب بقدونس
طريقة التحضير
1/قطعي حبات الباذنجان طوليا وانثري عليها قليل من الملح. دعيها لعدة دقائق لتتكون قطرات من الماء على سطح حبات الباذنجان. جففيها بفوطة قطنية او قطعة من ورق المطبخ لتتخلصي من قطرات الماء.
2/في مقلاة عميقة ضعي مقدار من الزيت بحيث يكون بارتفاع ٢ بوصة تقريبا.
3/ضعي شرائح البصل في الزيت وأقليها لتصبح ذهبية اللون. ضعي البصل على قطعة من ورق المطبخ لتتخلص من الزيت الفائض. دعيها جانبا.
4/أضيفي الباذنجان على الزيت واقليها لتصبح ذهبية اللون.
5/ضعي مقدار من الخل في طبق عميق.
6/باستعمال ملعقة ذات ثقوب أخرجي حبات الباذنجان من الزيت وضعيها مباشرة في الخل. لا تضعي الملعقة في الخل ثم تضعيها ثانية في الزيت الحار كي لا يتناثر الزيت الساخن ويسبب حروق مزعجة. دعي الباذنجان المقلي في الخل لعدة دقائق.
7/أخرجي الباذنجان من الخل. دعيه جانبا. لا تتخلصي من الخل سيستعمل لعمل الصلصة.
8/أحضري طبق تقديم واسع. قطعي الخس إلى شرائح رقيقة ورفيعة جدا وضعيها في قاع الطبق. إقطعي حبات الطماطم إلى نصفين ووزعيها على الخس. يمكنك ترك حبات الطماطم بدون تقطيع.
9/قطعي المشروم إلى شرائح رقيقة ووزعي على الخس.
10/وزعي أنصاف الباذنجان المقلي على السلطة، وزعي قليل من الصلصة وزعي البقدونس والبصل المقلي. قدمي السلطة مباشرة مع مزيد الصلصة.
11/ الصلصة: في إبريق الخلاط ضعي الخل، الفلفل، الثوم، الشطة، الملح، الفلفل، الكزبرة، المايونيز وعصير الليمون. شغلي على سرعة متوسطة إلى أن تحصلي على صلصة ناعمة. ضعي الصلصة في طبق عميق خاص للصلصات وقدمي مع السلطة.
#وصفات_نوره #سلطه #سلطات #مقبلات #سلطة_باذنجان #باذنجان

خبز التمر(التبدون)
هذا المقدار يسوي لك 12 حبه تقريباً
* 2 كوب طحين اسمر(بر)
* 1/2 كوب طحين ابيض(متعدد الاستخدام)
* 1 م ك دبس التمر  او سكر اسمر غامق
* 1 م ص خميره فوريه
* 2 م ك حليب بودره
* 1/3- 1/2 كوب تمر منقوع بربع كوب ماء ساخن ومهروس
* 1 م ص يانسون حب
* 1 م ص سمسم محمص
* 1 م ص حبه حلوة(شمر)
* 1 م ص حبه بركه(حبه سوداء)
* 1 م ك سمن او زبده بحراره الغرفه
* 1/4 -1/2 كوب ماء دافي حسب الحاجه(انا احتجت اكثر)
* للتغطيه : خليط من حبه البركه والسمسم والحبه الحلوة + قليل من الماء الدافي او بيض او حليب حسب الرغبه
الطريقه :
تذوبين الخميره والسكر في الماء الدافي
تهرسين التمر بالخلاط وتضيفينه في الوعاء اللي بتعجنين فيه وتضيفين عليه خليط الخميره بعد مايتفاعل واخلطيهم بالملعقه واضيفي ملعقة السمن (اخلطي المواد الجافه مع بعض وبعدين اضيفيها للسوائل واعجني وممكن تحتاجين ماء زياده لين يصير عندك عجينه ماتلتصق باليد) غطيها بنايلون واتركيها في مكان دافي ساعتين او اكثر لين يتضاعف حجمها
كوريها 12 كره وافردي كل حبه على شكل دائره سميكه(اذا نحفتيها بتصير قااااسيه) ادهنيها بالحليب ورشي عليها سمسم وحبه سوداء وشمر واتركيها تخمر مره ثانيه نص ساعه او لين يتضاعف الحجم ودخليها الفرن على درجة حراره 200 درجه مئويه تقريباً .. ممكن تتركينها 10 دقايق او افتحيها واذا شفتي الخبزه تحمرت شوي وانتفخت ها دليل على استواءها..ولاتحمرينها مره عشان ماتصير قاسيه
تقدم ساااخنه مع عسل وسمن او جبن او ساده بدون شي لأن الخبزه طعمها حالي 😋
#وصفات_نوره #خبز_بالتمر #تبدون #خبز #فطور

كيكة الحليب المحموس/
كوب حليب بودره محموس بدرجة اشقر غامق
كوب دقيق ابيض
ملعقه كبيره بيكنج باودر
نصف كوب سكر
نصف كوب زيت
نصف كوب حليب سائل
3 بيضات
ملعقه صغيره فانيلا
علبة قشطه
للصوص:
12 حبه جبن كيري//علبه كبيره حليب مكثف محلى
الطريقه:
شغلي الفرن على درجة حراره 190 درجه مئويه من تحت فقط والرف في الوسط
اخلطي (الدقيق والحليب المحموس والبيكنج باودر مع بعض)
اخفقي يدوي(السكر والبيض والفانيلا والحليب والزيت والقشطه)
اضيفي المواد الجافه على الخليط السائل تدريجياً واخفقي يدوي
جهزي صينية فرن كبيره وادهنيها زبده او رشيها ببخاخ مانع للالتصاق..ضعي خليط الكيك في الصينيه ودخليه الفرن لمدة 30 دقيقه تقريباً//في الخلاط اخلطي مقادير الصوص(الجبن والحليب)
اذا طلعتي الكيكه من الفرن صبي عليها الصوص ودخليها الفرن وهو مو مشتغل..بس لين يتماسك الصوص بحرارة الفرن
وزينيها حسب الرغبه..بسكوت مطحون او مكسرات او فليك او جالكسي مبشور..وبالعافيه
#كيكة_الحليب_المحموس #وصفات_نوره #حلى #حلا #حلا_قهوه #حلى_قهوه #كيكه

كوكيز الشوفان بالزبيب والقرفه
سكر أبيض - ثلاثة أرباع كوب سكر أسمر - ربع كوب
زبدة - نصف كوب + ملعقة صغيرة
بيض - 1
فانيليا - نصف ملعقة صغيرة
دقيق - ثلاثة أرباع كوب
بايكنغ صودا - نصف ملعقة صغيرة
قرفة مطحونة - نصف ملعقة صغيرة
ملح - ربع ملعقة صغيرة
شوفان - كوب ونصف
زبيب أسود - نصف كوب
جوز مفروم - نصف كوب
الطريقه:
1- حمّي الفرن على حرارة 190 درجة مئوية.
2- إدهني صينية فرن بملعقة صغيرة من الزبدة.
3- أخلطي في وعاء الخلاط الكهربائي السكر الأبيض والسكر الأسمر والزبدة حتى تتجانس المكوّنات.
4- أضيفي الفانيليا والبيضة واخفقي جيداً حتى يصبح المزيج خفيفاً ومنتفخاً.
5- ضعي الدقيق والبايكنغ صودا والقرفة والملح واعجني المكونات ثمّ أضيفي الشوفان والزبيب والجوز واخلطي حتى يصبح الخليط متجانساً.
6- شكلي دوائر أو كرات من العجين في الصينية بواسطة ملعقة تاركة 5 سم بين قطع الكوكيز.
7- أدخلي الصينية إلى الفرن واخبزي الكوكيز لمدة 10 دقائق تقريباً حتى يصبح وجهها ذهبياً.
8- أخرجي قطع الكوكيز من الفرن واتركيها تبرد لدقيقة وضعيها في طبق التقديم.
#وصفات_نوره #كوكيز_شوفان #كوكيز #كوكيز_الشوفان #cookies

سلطة المكرونه
نص كيس مكرونه ملونه مسلوقه مع زيت وملح(وتكون بارده)
حبة خيار مقشر ومقطع مكعبات
٤ ورقات كبيره خس مقطع شرايح نحيفه
نص حزمه بقدونس مفروم
نص حزمه كزبره مفرومه
عودين بصل اخضر مفروم
حبه كبيره فلفل بارد اخضر او ملون مقطع صغير
ربع كوب زيتون اخضر شرايح
ربع كوب زيتون اسود شرايح
كوب ذره
كوب فاصوليا حمراء
مقادير الصوص:
ملعقتين كبيره مليانه خردل
ملعقه كبيره مليانه عسل
ملعقتين كبيره زيت زيتون
ملعقه كبيره خل ابيض
فصين ثوم مهروس
عصير ليمونه كبيره
ملح وفلفل اسود وتوابل ايطاليه
الطريقه:
نقلب الخضار ونحط عليها المكرونه ونقلبها ونخلط مقادير الصوص لين تتجانس بعدين نضيفه للسلطه ونقلبها ونحطها بصحن التقديم وبالعافيه
#وصفات_نوره #سلطه #سلطة #سلطات #سلطة_مكرونة #سلطة_مكرونه #سلطة_باستا #مكرونه #باستا #مقبلات

#سمبوسة_لحم و #لقيمات 🙅🏻💕💕 وش فطوركم اليوم 👀💜 ؟؟؟

#اللقيمات 😍😍😍 ضبطت ماشاء الله واخييراً

Most Popular Instagram Hashtags