[PR] Gain and Get More Likes and Followers on Instagram.

#كذبة_السعادة

MOST RECENT

#كذبة_السعادة
-
اني : تعالي يا حبيبة عمتو انتي
نور وتحاول تشد ضحكتها : خلاص سكتت ها ههههههههههههه ما نقدرش والله
اني : تعالي توتي شريتلك شكلاطة
نور : خخخخخخخ هههههههههههه
وبديت نوكل في تالا وفايتة نور
فات الوقت
اني : ناديتك ع خاطر حاجة
نور : شن هي
اني : توا نجي مشيت وجبت ورقة
نور : هذا شني
اني : هذا يا حنة الورقة امانة في رقبتك تفتحيهاش لين نكون في غرفة الولادة تفتحيها وتقريها انتي وخوتي
نور : تشوقت
اني : امانننةةةة
نور : تمام حاضر امانة
اني : دسيها في الشنطة
نور : تمام اصلا خوي جاي بنروح
اني : تمام نلبس تالا كبوطها وسبيدروها
نور : ما تعبيش روحك
اني : عادي
ولبستها وودعتهم وخشيت للصالة وبديت نبكي لين رقدت عالصالون ونضت ع صوت
زياد : حبيبتي نوضي للدار
اني : تمام هي وحسيت بنخصات في جنابي ما دورتش
-
في نص الليل
زياد : وين جيبوطيك اهوا اهوا البسي
اني : بسرررررعةةةة
.
في المستشفى 🏥
.
اتصل زياد بنور وقاللها
نور : معتز معتز نوض
معتز : شن فيه
نور : تعال بسرعة وطقطق ع محمد وامل ينزلو بسررررعة
معتز : تمام
نور : اني نوض مراد وهبة وابرار
معتز : باهي
تجمعو في الصالة
-
فتحت نور الورقة
{ اني نحبكم ونتعذب في كل لحظة ما نشوفش فيها ارواحكم وملامحكم استاحشت ضحككم وهبالكم وبمناسبة اني بنصير ام اني سامحتكم زعلت منكم بما فيه من وقت خلاص نراجي فيكم في العيادة نبي نشوفكم اول ما نطلع بعد ما نجيب تمام نحبببببكم هلبااااا انتو ريحة امي وبوي وملامحهم واسفة اني جرحتكم بس جرحتوني جرح كبير خلاني نقصكم مش مني المهم توا نكونو تصافينا نحبكم ونراجي فيكم هاااا هههههه
أية }
-
معتز ومحمد ومراد وابرار : زياااد
زياد تلفت والدكتور طلع
وتجمعو
الدكتور : البنوتة بتقعد في الحضانة لمدة اسبوعين واما الام عظم الله لكم الاجر
نهاية حكاية اية ماتت ظهر العيلة ماتت الام الاخت الخالة العمة ماتت الي صبرت رغم انها تبي من يصبرها ماتت ومشت لربها
-
بعد سنة
معتز صار عنده تالا واية
محمد صار عنده اميمة وتوأم محمود ومَيْسر
ابرار صارو عندها نومنسا واياد واية
ومراد خطب هبة وميس تحاول تفرق بينهم
اما اية بنت اية عاشت اول سنين عمرها مع نور
-
بعد 15 سنة
اية : بابا اليوم عيدميلادي
زياد ابتسم : بطول عمرك يا بنتي الغالية
اية : بترفعني لحوش خالو محمد ديما يديرلي في عيدميلادي
زياد : تو نرفعك يا بنتي
اية : نطلب طلب ؟
زياد : اطلبي يا وحيدة بوها
اية : ناخدو هوازن من حوشهم
زياد : تم حاضر نرفعكم للملاهي بعدين حوش خالو باهي
اية : نحبك هلبااا
زياد : نموت فيك يا عمري
طلعو زياد واية ووصلو عند هوازن
زياد : انزلي ناديها
نزلت اية :هوازن قاعدة ؟
-

#كذبة_السعادة 🌸
-
بعد 15 سنة
اية : بابا اليوم عيدميلادي
زياد ابتسم : بطول عمرك يا بنتي الغالية
اية : بترفعني لحوش خالو محمد ديما يديرلي في عيدميلادي
زياد : تو نرفعك يا بنتي
اية : نطلب طلب ؟
زياد : اطلبي يا وحيدة بوها
اية : ناخدو هوازن من حوشهم
زياد : تم حاضر نرفعكم للملاهي بعدين حوش خالو باهي
اية : نحبك هلبااا
-
وقتنا الحاضر .
نور : جونا حوش خالتك
اني : من جي
نور : جت خالتك وميس ومرام
اني نضت غسلت وجهي ونزلت
خالتي : باهي مرتاحة اهني ؟
ميس تشوف لهبة بحقد : اكيد يا ماما
هبة : الحمدلله اهو
اني : نورتي
خالتي : اهلا بعروستنا
اني ابتسمت مجاملةً : اهلين بيك
خالتي : كلمتني المرا وقالت لو نقدرو نقدمو شوية
اني بإبتسامة : لكم من المدة ؟
خالتي : انتي كم المدة الي تساعدك
اني : عادي
خالتي : اسبوعين ؟
مراد : لا وين شن اسبوعين ما وتينا شي
اني : اوك قوليلها موافقة اني واتية اساسا وجيتي وجابك ربي نبي نطلع معاك ونور ورام نشري فيلو
خالتي : تمام جايين بسيارة مرام اصلا
اني : تمام هيا نور بدلي ونمشو
نور : تمام نركب ناخد اذن من معتز ونبدل ونجي
هبة جتني تجري طقت ع الباب
اني : مني ؟
هبة : اني هبة
اني : نبدل
هبة : ما نقدرش نمشي يعني ؟
اني فتحت الباب : ومن قالك تعالي معانا ؟
هبة : جي في خاطري بس
اني : ويقعد في خاطرك هي سلام بنوتي روحي
هبة جرحها كلامي لكن رضت بالامر لانها كذبتني ووقفت معاهم وضدي
اني وتيت روحي وتنهدت تنهيدة قبل ما نطلع : يااااارب وطلعت
مرت الليلة حجزت فيلو وخديت حاجات وروحت وعاونتني نور في الضمان وطبقت حوايجي وفتحت صندوق صغير طلعت السناسل والحدايد ونزلت مني دمعة
اني : تعرفي يا نور عرس ابرار درته عرس ما يندارش في الحلم وعرس محمد في يومين لقطنا وفكرتلها وزينا وما خليناش فرحتهم توقف توقعت بعد الجهد الي درته كله جهد الخمسة سنين يعني تخيلي ماما ماتت في 2009 يعني من اربعة سنين واني تعبت بش نخلي هالعيلة ما تتفرقش تقدمولي ونرفض هذا كله بش نزف خوتي واختي وبعدها نتزوج واني مش مهم اهتميت بغيري وقت كان لازم نهتم بروحي اهتميت بيهم هما تعبت وشقيت طحت خشيت المستشفيات فقدت دم وكان هذا جميلهم ليا تعرفي مانيش مسامحتهم نهائي نهائي
نور كانت تستمع وتبكي : وهدا من منو
اني بدموعي ضحكت : تعالي نحكيلك
جت جنبي : هذا يا بنتي اول ما ولدت محمد ومعتز رفعهم بابا لمحل وقاللهم يختارو هما وعطاهم الفلوس يخلصو وجابوهملي لبسوهملي وهاذي صنعتهالي ابرار في المدرسة ونبتسم وكملت نحكيلها في كل شي ونضحكو ودسيتهم في الصاكو
-
برا يا زمان وتعال يا زمان فتحت صندوق التاكم الي هدتهولي
-

#كذبة_السعادة 🌸
-
تاني يوم نضت الساعة واحد نسمع في امل تتكلم في الفون
امل : والله حتى احني انستونا
فاطمة : الله يسلمك ان شاء الله تلاقي نصيبها
امل : سلمك حتى انتو ان شاء الله هي ما نعطلش عليك بالك ديري في غداك ولا حاجة
فاطمة : هي ماشي سلامات
اني : مني ؟
امل : ام معز
اني : اها مدايرة غدي ؟
امل : ايه
اني : تهبل مرت خوي شني مدايرة
امل : رشدة بالقديد #مقطع
اني : يا خيا ما ناكلها غير من يدياتك انتي وامي بس
امل : نجيهالي يارب ناكلوها في حوشك ان شاء الله
اني : مع الي يحبني حق
امل : هههههه ان شاء الله اني ومحمد نبو نتغدو ونطلعو ومراد مطلع هبة بتتغدى عند خالتك وبتشري حاجات
اني : ما قعد حد
امل : هههههه نور بتنزل بتتغدا لان معتز في الخدمة
اني : هههههههه الله
نور : خيرني مش ماليا عينك
اني : قتلها الله بش نكسدو مع بعض يعني ههههههه
امل : زيدي رقعي زيدي
نور : ههههههههه
اني : ها شن طاب الغدي ؟
امل : ايه نادي ع خوك وتلقوه واتي
اني : تمام هي
ناديت عليه وجيت وقعمزنا وتغدينا طلعو محمد وامل وضمينا اني ونور الكوجينة وركبت لحوشها قالت بتكمل ضمانها وكسدت ع النت لعند العشية واذا بالحوش يشرين
طلعت وفتحت الباب
معز : اهلا وسهلا بالحلو
اني : خوتي مهناش
معز : ايه باين مفتوحة الطريق علينا
اني : شن قصدك
معز : يعني قعدنا بروحنا واخيرا
اني : لو سمحت ممكن تطلع برا
معز : من الحمار الي يضيع فرصة زي هادي
اني : اطلع خير ما نلم عليك الرجالة
معز : مافيش حد في الحوش من بتلمي عليا بالزبط
اني : اطلع راهو خيرلك
معز شدني بالقوة ما لقيت ما ندير الا اني نعيط
اني : ياااا نووووور
معز : اسسس
اني : حووول يا كلب حووول
معز : مافيش حد ما تخافيش
عند نور حاطة سماعات خدت الحوايج من الغسالة وفتحت البلكونة وبدت تنشر
اني شفتها طلعت بديت ننتش في يده ونادي فيها
اني : نووووووووووووور
نور تهيألها ان في حد نادا عليها
اني : نووووووووووووووور
معز اسسس
نور نحت سماعاتها
اني : انقديني يا بنت
نور تلفتت لوطا وشافتني وكانت فيه مزهرية وردة
معز : اسكتي قلنالك
نور : يا كلب وحدفت المزهرية
معز قام راسه وسيبني ودفني طحت ع الارض وهرب
نور : اية دارلك حاجة ؟
اني بديت نبكي نزلت نور وقامتني وخشينا الداخل وبدت تشرب فيا المية وتهدي فيا
نور : والله كان في بالي نمشي لامي تخيلي مشيت لا والله الحمدلله ما مشيتش الحمدلله ربي بعتلي هاديك الغبرة وخلاني نقعد نضم الحوش
اني ضبطتها : صحيتي صحيتي يا خيتي صحيتي ربي ما يحرمنا منك
نور : ولا يحرمني منك يا قلبي اني معش تبكي ياسر
اني : راسي يوجع نبي نرقد شوية ما تسيبينيش بروحي
نور :
-

#كذبة_السعادة 🌸
-
اني : هيا بتبدأ المحاضرة الي بعدها
الاء وياسمين : هي
ياسمين : تليفوني يشرين نرد ونجيكم
اني : تمام
ياسمين : الو مني معاي ؟
....
-
وصلو مراد وهبة للمطار
مراد كان مضايق بس لما شافه خوه ضحكله مجاملة وروحو للحوش هوا وخوه ومرت خوه وهبة
-
العصر....
اني خشيت للحوش ونسمع في الضحك والهدرزة بصوت عالي
اني : ممممعتتتتز حممممدلله عععع سلامتك
معتز بضحك من قلبه : الله يسلمك واضبطو بعض
اني : حول حول خلي نسلمو ع عروستنا الحلوة
وقفت نور وهي تضحك : مافيش حلو بوجودك
اني : ههههههه لالا اني جيملة انتي الحلوة
امل : واحني طاحت موضتنا
اني : انتي كبيدتي اصلا
امل : ايه صدقت ماه
اني : تعالي يا قلبي قالولك جنسه ولالا
امل : لا مازال وشاكين انهم تواما والله اعلم
اني : يا حلاني ويا نجيني نولي خالة تواما وعمة تواما 😍😍
نور : ههههه ان شاء الله واني مرت خال تواما ومرت عم تواما ❤️
اني : وان شاء الله حتى ام ❤️
معتز : ان شاء الله بس مزال شوية خلي نشبع منها بروحها قبل
نور : قول امين وخلاص انت 😒
معتز : وعلاش ؟
نور : توا تبدأ تطلع وتعطل واني نكسد بروحي في الحوش
اني : ههههههه انزلي عندنا غزالة اهني
نور : هههههههههه ايه الحمدلله سكنت فوقكم كان هذا نموت من الملل
معتز : الحمدلله الحمدلله 😂😂
اني : لكن اني سيوره بنتزوج بتقعدي انتي وامل ومرت مراد
نور : حتى امول غالية عاد
امل : يا سلمها يا ربي
وكملنا هدرزة بعد وقت
اني : وين هبة ؟
امل : جت ركبت خشت في فراشها وحسيتها تبكي مش عارفة
اني : تمام نركب نشوفها ونجي
امل ونور تمام
-
مراد : عارف يا محمد تقتل والله
محمد : ما تنساش ان البنت معتبراتك خوها
مراد : وهذا الي يقتل فيا
محمد : ما يقتلش هوا انت خير من انها تطلع تضحك عليك ع الاقل ما قلتش شعورك
مراد : خخخخخخ يا يام وين مشيتي وخليتيني بجروحي اهني
محمد : الله يرحمها
-
اني خشيت الدار وكانت مطفية ونسمع في صوت تشهيق
ومشيت قعمزت جنب هبة ونمسح في شعرها : هبهوب من مزعلك يا قلبي
هبة : من مش مزعلني اني
اني : علاش يا قلبي
هبة شافتلي : عيييت اني عييت من الجروح ومنها امي مشت وخلتني وخلتلي خوتي صغار ما عنديش لمن نشكي ما عنديش اختي نقدر نحكي معاها نشكيلها الي في قلبي وبعدها بوي خدي قطع روحي وقلبي وسافر بيهم وبعدها الانسان الي كان يقولي نحبك بس اني ما اعترفتش ولا مرة الي كان يقولي انتي نصيبي واني فرحت بس مابيتش نبينله خطب بنت تانية وقريب عرسهم
اني : واني شن ندير في الدنيا هادي اصبري نسكر الباب واحكيلي هي ما تقعديش هكي اني من اليوم وغادي اختك الكبيرة اساساً مش حنخليك بروحك وكان تقوليلي
-

#كذبة_السعادة 🌸
-
مراد : اييييه معععز قلتلي
معز كان مستغرب في كيف هي ما تعرفاش
مراد : معععععزززز
معز : ايوه نعم
مراد : تي وين مشيت
معز : لا قاعد اهو
احمد حس في حاجة بينه وبيني واحساب ان علاقة او شي فغير الموضوع : مراد تطلع معانا بنجيب البضاعة
مراد : ايه عادي هي
-
قعدو ابرار وياسمين لعند الليل وروحو
روح مراد واني وهبة كنا نتفرجو اني رقدت هي قعدت اول ما تسكر باب الحوش ناضت مخلوعة تسحابه اشبح من خش عبالها محمد روح معناها حتى مراد روح وهكي
هبة : منو ؟
مراد : اهلين اني هذا
هبة : خلعتني وين كنت للوقت هذا
مراد : كنت ع البحر
هبة : وخيرك ما قلتش خاطري نقعمز قدامه
مراد : علاش شن فيه بش تقعمزي قدامه
هبة تنهدت : خليها في القلب تجرح خير
مراد حس انه غار : علاش تحبي انتي ؟
هبة شبحتله ونزلت راسها : خليها في القلب زي ما قتلك
مراد : غر احكي والله نوعي ما نعاودش لحد بس قولي ممكن نساعدك
هبة قامت راسها : مش قصدي هكي بس هوا ما يحبنيش اصلا وخاطب ما دورش
مراد : ومن هذا ؟
هبة قامت راسها وجت عينها في عين مراد : يـ.... وخش محمد
محمد : قاعدين نايضين
هبة : ايه لكن بنرقدو اهو اني كيف بنطفي التلفزيون خش مراد وابتسمت
مراد : ايه اني كيف روحت وجيت هدرزنا عادي
محمد : اني نازل نشرب مية وراكب حسيتكم خشيتو بعضكم
هبة فتحت عيونها : شن قصدكم
محمد : شي هههههه
مراد : لالا وخيي ما تفهمش غلط
محمد : ههههههه باه
ناضت هبة ونوضتني مشينا للدار ورقدنا
ناضت هبة قبلي ولبست وتت روحها ونوضتني ولبست ووتينا رواحنا
نزلت لقيت هبة وامل يهدرزو وامل كانت لابسة عندها موعد عالدكتور
امل : نرفعوكم احني في طريقنا ؟
اني : عادي بس اليوم معطلة يعني ما نعرفش لو هبة بتروح معاي ولالا
هبة : عندي محاضرة وحدة بس
اني : معناها كلمي مراد يروح بيك اني توا نروح مع الاء
امل : تمام
محمد : هيا كان بتمشو
البنات : هيا جينا
-
نور : عزو نشوف المحلات الي هني ونجي
معتز : اصببري نشحن الساكوات ونمشو مع بعض
نور : اوك تمام
وشحن الصاكوات وقعدو يضهورو في المطار ساعتين ويركبو الطيارة
-
بعد ساعتين
هبة : يا ربي خيره ما يردش هذا
ريان ( صاحبة هبة ) : منو الي ما يردش
هبة : مراد
مرح : شنو حبيب القلب مالا
هبة : حبيب عينك اساساً ما عنديش ومش حندير مانيش زيكم اني
ريان : وخيرنا احني
مرح : ايه صح خيرنا
هبة : انتو وجوه حب اني لا هذا هوا
ريان : مالا من هذا مراد
مرح : كان مش حبيبك وطرف خليني نلخبطه
هبة : هوا طرف بس ريحي عظامك لان مش حيشوفلك وبالاصح عنده حبيبة ويموت فيها
ريان : خساااااارة راح علينا
هبة : مهبلة اهوا يتصل
مراد : ايوا هبة
-

#كذبة_السعادة 🌸
-
الحوش يشرين طلعت نفتح في الباب
ابرار : اهلا
اني : اهلين خشي
ابرار : لالا نبي نحط عندك الصغار واني مروحة نجيهم
اني : لوين ع خير
ابرار : ام هوازن ماتت ليها اسبوع وكم يوم نمشي نعزي مش حلوة بعد الصحبة كلها ما نعزيش
اني : باهي لكن ما تخليهاش تتمشكل معاك
ابرار : حاضر هيا مراد يراجي
اني : مع مراد ؟
ابرار : ايه هوا الي قالي خليني نمشي
اني : باهي هاتي
-
نور : عزو
معتز : عيونه
نور : بنروحو غدوا ولاه
معتز : كان تبي تزيدي عادي
نور : لا اساسا استاحشت حوشنا
معتز : اوك تمام خلينا نطلعو توا نشرو هدية لامك واختك
نور : وخواتك ونساوين خوتك عاد
معتز : سلمها الي تفكر بحوش راجلها
نور : قصدك بعيلتها
معتز : مش عارفة كيف عشتي الوقت هذا من غير ما حد ياكلك
نور : عارف انك بديت تتبرد ولا لا
معتز : الله غالب
نور : باهي وقت علينا
-
احمد : الو معز
معز : ايوا حميدة
احمد : قتلك تبي تمشي معاي
معز : لوين ؟
احمد : بنحط مرتي عند اختها وبعدها عندي بضاعة نبي نجيبها
معز : اوك تمام توصلها وتخطم ولا شنو
احمد : اني توا قدام حوشك اطلع
معز : صاحب باتمان اني
احمد : هههه اطلع اطلع
معز : باهي شوية هي
-
مراد : اهوا اهني
ابرار : بسم الله
نزلت ابرار وطقطقت ع الباب وفتحت اخت هوازن سلمة
سلمة : ابراااار اهلين امي ماتت يا ابرار
ابرار : عظم الله اجركم
سلمة : اجرنا واجركم ع الله خشي خشي
ابرار : هوازن قاعدة
سلمة : في حوشها
ابرار نصدمت : في حوشها ؟
سلمة : ايه خشي نحكيلك
ابرار : تمام هي ناديلي ع اختك نعزيها
سلمة : رؤى يا رؤى
رؤى : ايوا ، ابرار اهلا وسهلا كيف حالك
ابرار : الحمدلله عظم الله اجركم
رؤى : قعمزي انا نخش نديرلكم قهوة
ابرار : صحيتي ، ايه شن صاير
سلمة : هذا يوم محضر خوك اختي قالت انها بتبات عندكم
ابرار : باتت هي !
سلمة : شوية
ابرار : باه
سلمة : المهم بعد كمل المحضر قالتلك انها تبي تبات لكن تروح تاخد حوايج وتجي
ابرار : ايه
سلمة : مشت لولد وبعدها ضحك عليها وامي شافتها وهكي
ابرار : باه
سلمة : مشي امي قتلها فيه شيباني شافك وعاجبتيه وهوا يبي يتجوز بدون ما يعطي علم وبعدين يرفعها بالابيض وعلن عليهم امي وافقت وقالت لخالي قال هوا راجل كويس ومش عارفة شنو المهم وافقو قالت امي بتمشي ع الساكت كبيرنا مهناش
ابرار : ايه بس هي خيرها وبعدين لو تزوجها وبعدين طلقها
سلمة : لا امي سقدتها لان ونزلت راسها حامل
ابرار : لا حول ولا قوة الا بالله وقفت اسمعي صح اني واختك صحبة عمر وهي كانت حبيبة خوي لكن توا معش تسوا شي اني جيت بنعزيكم وبنروح احتراما لصداقتنا الي جت برجليها نهتها
-

#كذبة_السعادة 🌸
-
قامت هوازن راسها وتلفتت لروشن جيهتها
هوازن : ماما
ام هوازن : لالا مش بنتي انتي
هوازن : ماما ونزلت
خشت امها وسكرت الباب في وجهها
هوازن : علاش هكي درت
عماد : بش ما نلقاش من من نتزوجك
هوازن : شن تقول انت
عماد : ههههههه سلميلي ع الي يتجوزك سلامات ومشي وخلاها
هوازن اتصلت بأبرار
ابرار بصوت مبحوح : اتصلتي بش تزيدي تجرحي اصلا كفيتي ووفيتي بالله ارجعيلي نعطيك حاجاتك الي اعطيتهملي ونكونو تعادلنا خلاص نجرحت كفاية
هوازن : اسمعيني
ابرار : معش نبي نسمع شي اني ولا نقولك ما تجيش توا يجو لعندك معش عندي وجه نقابلك بيه اني سلام
وسكرت ونهارت بكي ع خشة مراد
مراد : وخيتي خيرك
ابرار : شفت الهدايا الي اعطيناهملها ني وياك حطتهم ع سريري وطلعت وتصلت تبي تزيد تسمعني كلام
مراد حضنها : خلاص امسحي دميعاتك انتي ام بالحلال راهو
ابرار مسحت دموعها وشافتله : شن قصدك
مراد شافلها : ما تصلحش تكون صاحبتك اصلا صح عشرة عمر لكن الواحد يبان ع حقيقته بعد مدة طويلة او قصيرة
ابرار : بس اعتبرتها روحي نفسها
مراد : صح توا ما عندكش صاحبة قريبة منك زي هوازن لكن ننصحك صاحبي هبة بنت خالي واني ليك سند مستحيل نخليك طيحي ومن جيهة تانية معتز ومحمد سند عمرك كله واية اختك وصاحبتك وهي الي تستحق مكان روحكلانها مهما تزاعلتو ما تنهيش اخوتكم واخوتنا هي الي ما خلتش ضهرنا مكسور هي امنا بعد امي عندك امول ونور تحطيهم ع الجرح يبرا عندك مهند وبنتك وولدك وسلفتك وعزوزتك الي كان تلقا تحطك بدال عيونها ما خلاص فوتيها هوازن واني ما يهونوش عليا دميعاتك راه { كلام طالع من قلبه بس هوا مجروح اكثر من ابرار بهلبا }ا
ابرار : ربي يحفظكم ولا يحومني منكم زي ما قتلي الكلام هذا حتى انت قوله لنفسك باهي معش تبكي ع خاطرها طلعت ما تستاهلكش
مراد : ان شاء الله يا روحي انتي
اني خشيت عليهم : من الي غدر بيكم ؟
ابرار : لا حد
مراد : فوتي فوتي
اني : من هي الحيوانة الي خلاتك تبكي
ابرار : خلاص وية ما دوريش انتي بروحك قلتيها حيوانة
اني : والله لو ما تتكلميش معاش نكلمك
مراد : هوازن
اني : خيرها هوازن ؟ وخيره وجهك شاحب هكي ؟ تي تكلمو
مراد : سيبتني وانهت صداقتها مع برو
اني : حيييييي عليا اني نوضو انتو الزوز
ابرار : خيرك
اني : اخر مرة نشوفكم تبكو عليها والله نزعل منكم ، خيرني اني مش مالية عينك سايباتك هاديك مش ديما تقولي انك دوري فيها وهي ما تعدلش واني نهدرز معاك ولا نسيتي انك انتي وامل صاحبات روح بروح وجتنا نور وميس مش صاحبتك
مراد : كله الا زعلك خلاص
ابرار : عارفة اني غلطت وبكيت عليها خلاص ويتي
وضبطتهم
-

#كذبة_السعادة
-
مراد : يعني هي خاينة
عماد : خاينة ورخيصة اني عندي ما ندير وخيي وفوتها احسن لك هي سلام
هوازن : شن قلتله
عماد: تفاهمنا خلاص
ورجع بالسيارة ومشي بينما هوازن كانت تشوف ليدها وهوا خاش للشارع وقف السيارة وفتح الروشن
عماد : اهلا يا حويجة
قامت هوازن راسها وتلفتت لروشن جيهتها
ـ
#يتبع

#كذبة_السعادة
-
هوازن:خيرك سكرت الحوش
عماد:بش ما يخشش السوداني
هوازن:وكان خش شن بيصير يعني
عماد:مش حيصير شي المهم
هوازن:ها هي اهو قدامك شبعت من شوفتي
عماد:مازال ما كملتش
هوازن:مممم
وتلفت للورا وشدها كويس ما قدرتش تقاوم
عماد:تقدري تعيطي لوين ما تبي
هوازن : شن دير انت
عماد : توا تعرفي
دخلها للدار وطلع مسدس
هوازن وهي ترعش : عماد خيرك
عماد : افتحي الدولاب
هوازن خافت منه وفتحاته
عماد : البسيه وبعد عشرة دقايق بنجي نلقاك لابستيه والا نقتلك في مكانك
وسكر عليها الباب بالمفتاح
-
مراد قدام باب الحوش يراجي فيها بكل صبره وشن يبي يدير ؟ يبي يتأسف لوازن لو غلط معاها في حرف او شي
-
مرت ساعتين
هوازن : اني نبي نطلع
عماد : مربوحة
هوازن : علاش درت فيا هكي
عماد : لانك رخيصة
هوازن : كيف
عماد : تبي نتزوجك ولالا
هوازن : اكيد
عماد : بنجيك غدوا للجامعة
هوازن : باهي
عماد : وبتجي معاي
هوازن : تبصر انت امي قالت من الجامعة للحوش طول
عماد : ايه نجيك الصبح وفوتي المحاضرات ولما يتو محاضراتك نرخيك
هوازن : بس لازم نقرا
عماد : اني بنتزوجك ولا مانبيكش تقري
هوازن : تمام ولبست وطلعت تجري
هوازن قعدت تبكي { اني شن درت معقولة هكي درت بعت مراد ع خاطره وهكي دار فيا وللحظة فقدت عدريتي ياربي عاوني وسامحني }ا
-
وصلت ودرست ولقت مراد قدام الباب
مراد فرح : اسمعيني والنبي هوازن اسف سامحيني انتي زعلانة مني واني عارف خلاص نوعدك نكملو ع معتز ونجيب خواتي وخوتي ونخطبك من ماليك بس سامحيني
هوازن شبحتله ونزلت دمعتها وبدون ما تتكلم خلاته بروحه
مراد : هوازن ردي عليا قوليلي خيرك بس حرام عليك
هوازن ردت وبصوت واطي هلبا يعني بينها وبين نفسها : اني الي سامحني اني الي خنتك سامحني وخشت للحوش قابلتها ابرار
ابرار : اهلا مراد كان يسأل عليك
هوازن : ايه كلمني
ابرار : خيرك هزون
هوازن : نبي نرقد
ابرار : تمام خشي تلقي تلقي البنات مفرشات
هوازن : تمام وخشت
مراد خش بدموعه لقي ابرار في الجنان ترقد في ولدها لان داخل دوشة
مراد : حبيب خاله
ابرار شافتله : ههههه بيرقد اهو
مراد : هاتيه قبل ما يرقد
ابرار : باهي خوده
مراد قعد يلعب فيه كانت بنتها تلعب مشالها هوا واخد اياد وقعد يلعب فيهم
ابرار جت جنبهم : نشوفهم عندكم انت والحب وغمزتله
مراد شبحلها مخنوق : مش حنحصل زي اولاد اختي لكن ان شاء الله ههههه
ابرار حست بيه : فضفض
مراد : شني
ابرار : احكي شن فيه
مراد : من قالك اني مضايق ؟
ابرار : لو تسحابني هوازن انت غالط اني ابرار نشوف في الهموم من عيونك تكلم هي اني نسمع
مراد ضبطها : ربي ما يحرمني منك يا الي تحس بيا من غير ما نتكلم
ابرار : ولا منك
-

#كذبة_السعادة 🌸
-
روحنا للحوش وكلنا فرحانين مشو معتز ونور للهوتيل واحني روحنا تعبانين والي هذا روح رقد ع طول الا شخص واحد
مراد والتفكير واخده { معقولة هكي تعاملني هي كانت مغيبة اني فرحت اني شفتها وهي تتهرب زعما درتلها حاجة بدون ما نعرف ياربي اني نحبها يا ربي لين قلبها عليا يارب وخليها تحس بيا يارب} وقعد نايض للفجر وناض صلى ودعي وركب قعمز في السطح وبدي يتفرج ع الشروق لعند ما رقد
-
نور ناضت بكري وتت الفطور ودارت لفة ع روحها وتأخر معز في النوم فتحت التلفزيون ولفت ع القنوات وملت وقعدت نص ساعة تدور ع التلفزيون
معتز ناض ولقي نور مهناش شاف للتليفون لقاها الساعة عشرة ونص ناض غسل وجه وتوضا وصلى ومشي للصالة لقاها مقعمزة
معتز : صباح الورد يا وردة
نور قامت راسها وابتسمت : صباح النور
معتز : كيف حال وردتنا اليوم
نور ناضت : الحمدلله وانت
معتز : كيف بيكون حالي وانا متصبح ع وردة زيك
نور تحشمت : وتيت الفطور كان بتفطر
معتز : هههههه باهي هي
فطرو ومر الوقت لعند العصر
-
هوازن : وبنبات عندها وين المشكلة
امها : ايه باهي غدوا تمشي الجامعة ومن غادي روحي لهني
هوازن : باهي حاضر
وباستها وطلعت قامت التليفون خشت للارقام و
....: اهلا بحبيب القلب
هوازن : اهلين
.....: شن صار
هوازن : بعد ساعتين لازم نمشي للمحضر
.....: ايه عادي يا قلبي والعنوان توا نبعته في رسالة
هوازن : تمام سلام
-
ابرار ركبت لنور هي وامل
امل : صحة صحة
نور : سلمك عطيك الصحة
ابرار : صحة صح بتتعبي فيه لكن تحملي كلها ساعتين وترتاحي منه
نور : هههههههه لا كان معش قدرت حتى بعد ربع ساعة نحيه
ابرار : هههههههه من حقك
( الي يتكلمو عليه الصدرة يوم المحضر )
-
ناض مراد من نومه لقي روحه في السطح تصحصح وناض وقف حاشية السطح ويشوف في سيارة درست وشوية نزلت منها هوازن نزل يجري
مراد : هوازن هوازن
هوازن تلفتت : ها
مراد استغرب من كلمة ها لكن ما دورش : كيف حالك
هوازن : كويسة تبي حاجة ؟
مراد : ايه نهدرز وهكي
هوازن : مراد احني في عرس خوك راه
مراد : عادي شوية من وقتك بس
هوازن : مراد فوتني ما عنديش خلوق نتكلم
مراد نصدم : ها اوك تمام
-
وخشت هوازن وطلع مراد مع الرجالة وجو ناس نور ونزلت العروسة ودارو العالة وبعد مرور تلات ساعات روحو واختفت معاهم هوازن
-
هوازن : الو عماد
عماد : وين وصلتي
هوازن : وصلت للمكان لكن فيه حوازة ومكان خالي
عماد : ايه خشي للحوازة
هوازن : اوك
-
مراد : برو
ابرار : عيونها
مراد : وين هوازن
ابرار : طلعت قالت بتمشي بتجيب حوايج وبعدين بتجي تبات
مراد : باهي لما تجي قوليلها نبي نكلمها
ابرار ابتسمتله : حاضر
-
يتبع

#كذبة_السعادة
-
مين زينا ياحبيبي الليلة
قولي في مين !
انا حاسة من كتر الشوق
اننا رايحيين

علي دنيا حب هتجمعنا
والكون كله ده مش حيسعنا
وهعيش اسعد واحدة
انا وانت سنين وسنين

ياه علي الفرحة دى اللي انا فيها
يوم بالدنيا دى ولياليها
وحياتي اللي بحلم بيها
هعشهالك حبيبي

ايه تاني فى حياتي نقصني
وانت في حضني وانت لمسني
من كل العيون احرسني

انا ملكك حبيبي
- 🎶
معتز حاضن نور بقوة اما نور فرحانة من كل قلبها
قعدو سنتين مخطوبين وحبو بعض ونور الشخص الوحيد الي حباته في حياتها كلها هوا معتز ومافيش حد يقدر يملي مكانه دونه
ومعتز نفس الشي حبها من كل قلبه ولو تقوله نبي روحك يعطيهالها بدون نقاش
وكان كل الي بينهم حب وحنان وطيبة وكرامة وروح متحدة بس بجسدين طبس معتز لوذنها وهمسلها
معتز : لو تخش فيك شوكة حيوجعني قلبي اي حاجة تزعلك قوليلي بس لان لو ما قلتيليش برضو بيوجعني قلبي يا نور انتي امي التانية نحبك قد بعد الارض ع السماء نحبك قد انفاس البشر انتي روحي نفسها انتي روحي حد ذاتها ما تخليش قلبي يوجعني ع خاطرك بس ❤️
نور بهمس : انا ما نتحملش في عيوني حاجة يا عيوني ❤️
ابتسمو لبعض الاثنين وكملو وقصو التورطة وكانت الضحكة ع وجه الكل وكملت الليلة اسعد ليلة بالنسبة لـ نور ❤️ معتز-
-
روحنا للحوش وكلنا فرحانين مشو معتز ونور للهوتيل واحني روحنا تعبانين والي هذا روح رقد ع طول الا شخص واحد
-
#يتبع

#كذبة_السعادة
-
اني:نانا يا عمري كله ربي ما يحرمنا منك
كنت شارية تاكم لروحي بس لبست الي جابتهولي حناي ( كان خيط فضة وفيها جوهرة وخراسات جوهرة جوهرة )
وحناي : وهذا لامل شنو رايك ؟
اني : يهبل مشاء الله بتفرح بيه وبالدات هي حامل ونفسيتها مش حلوة الايام الاخيرة
حناي :ناديهالي شريتلها هي وبنتها
اني : تم تم
ومشت ناديتها وجيت ولبستها وعطتني متاع العروسة ولبست ابرار وهبة ( هبة تعتبر فيها بنتها من السنين الي عاشو فيها مع بعض )
-
هوازن : ايه
ملاك (بنت عمي):ايه وهذا الي صار
هوازن : ايه والله بدو يدرهو الكبد
ملاك : ايه والله هلبا
هوازن : توا نجي
ملاك تمام
-
ردت هوازن ع تليفونها
هوازن : اني في العرس نقدرش نتكلم في التليفون
.....: واني نحبك مش من حقي نكلمك ولا شني ؟
هوازن : في الحوش مش اهني
وجي مراد وسمع صوتها جاها فرحان
مراد : هوازن
هوازن : تمام سلام
وسكرت وتلفتت
مراد : اهلا عاش من شافك
هوازن : اهلين بيك تعيش وتشوف { وفي خاطرها تقول الحمدلله ما سمعنيش}
مراد : البسي عبايتك وتعالي نهدرزو مستاحشك
هوازن : نبي نحضر توا يفوتوني البنات والزمزامات
مراد : خليهم شن بنديرو بيهم
هوازن : مراد نبي نمشي اني
مراد : نزل راسه وحك شعره باهي تجيبيلي طاسة مية
هوازن : مراد بنلحق البنات هي سلام
مراد : قتـ .... وسكت وعرف روحه يضايق فيها قعد ينادي قعد ينادي في اي حد وصدفة خشت هبة للكوجينة
هبة : مراد خيرك
مراد : لا شي نبي طاسة مية بالثلج
هبة : تمام هي
وعبتله وعطاته ( كانت لابسة قفطان اسود مش لاصق هلبا اما اليدين لاصق وطويل ولابسة تاكم حناها فضي
مراد : سامحيني تعبتك معاي وفوتت عليك الداخل
هبة : علاش بيفوت عادي تمت توا تبدأ غيرها ما تدورش
مراد : جديات ؟
هبة : والله المهم هات الطاسة وصحتين ولد عميمة
ومشت وخلاته في الصدمة الي هوا فيها من تصرفات حبيبته معاه
-
فات الوقت دربكو البنات لعند الوقت الي بيجيبو العروسة فيه
ابرار : وية شكلي مش ماشية
اني : علاش ؟
ابرار : صغاري وبوهم مهناكش
اني : بلا دلع خواله قاعدين واركبي وبعدك مراد صاحبه اياد ديما ياخد فيه ويطلع فيه وكله
ابرار : زعما ؟
اني : هاتيه اني نعطيهوله
ابرار : تمام
خديت ابرار وكلمت مراد وجي خداه وخلاه معاه ومشينا لصالة العروسة وبعد ما خشت لبستها هديتها وفرحت بيها وصورنا
-
سندس (اخت نور) : هيا بش ترقصو مع بعض
نور : اوك تمام
ونزلو من المنصة وفتحولهم اغنية
ـ 🎶
الفرحة اللي انا فيها
دى كلها ترجع ليك
وانا جنبك راضية ومرتاحة
لكل ما فيك
سبت انا كل الدنيا عشانك
وهاشاركك حضنك ومكانك
وبقولك ياحبيبي حياتي
انا ملك ايديك
مين زينا ياحبيبي الليلة
قولي في مين !
-

#كذبة_السعادة
-
شكلها عندها عيون عسليات كبار رموشها طوال ووجهها دائري وفمها مش كبير ومش صغير عادي خدودها فيهم حمورية من كثر بياضها ومش طويلة ومش قصيرة هلبا حلو طولها قدام هوازن هي الاحلى ومراد ما يشوفش فيها هلبا وكل ما شافها كانت بالحجاب ولانها لما ماتت امها تمشي لخالاتها ولا تجينا بس كانت صغيرة وتعودت تقعد قدام خوتي بدون حجاب عادي )ا
هبة : مراد ؟ مراااد
مراد كان سرحان ونخلع : ها نعم نعم
هبة : وين مشيت
مراد : ها لا شي شن قلتي
هبة : قتلك كان تبي حاجة من الكوجينة خود براحتك ما تتحشمش
مراد : اها تمام
هبة ابتسمت : تمام
ومشت
-
عندنا بطلة مغيبة هلبا نمشو نشوفوها
هوازن تتكلم في التليفون
....: نبي نشوفك عاد خلاص
هوازن : غدوا ما عنديش محاضرات مانيش ماشية نشوفك بعد غدوا
.....: وعد ؟
هوازن : ايه وعد
....: ها نسيت
هوازن : شنو تاني
....: شن صار في مراد
هوازن : مش بتخطب انت وقتها نوافق ونقوله صار نصيب وكذا
.....: اوك لكن لازم نشوفك بروحك في الفراغ
هوازن : باهي طولت هلبا
.....: ايوه بس خليها غدوا قولي لامك بتطلعي مع صاحبتك احسن
هوازن : باهي توا نشوف ، يلا حبيبي نبي نطلع
....: لوين ؟
هوازن : عرس خو صاحبتي وخو مراد
....: ولازم تبعدي عليها حتى هي
هوازن : اصلا معش تدور فيا بعد تجوزت توا عازمتني بس
.....: تمام هي سلام
-
معتز : الو وية تبي تركبي معاي انتي راه
اني بأسلوب مستفز : تمام امرك يا عريسنا
معتز : ههههه تمام مرزن دمك سلام
اني : قلت الحق اني ههههه
معتز : ما يأمر عليك والي هيا خلي ناخد السيارة ونجي
اني : تمام بالهني والحفظ يارب
جتني حناي ولفتتني لعندها وضبطتني
اني : خيرك حناي
حناي : فيك لامك يا بنتي فيك حنانها وطيبتها فيك ملامحها فيك صوتها فيك امومتها
اني : بس امي احسن مني في الحاجات هادي
حناي : لا هي علمتكم الحاجات هادي والله يرحمها خلتكم صغيرين ولحقها بوك لكنك ما خليتش العيلة ظهرها مكسور
اني : كانت وصية امي ما ينفرقوش خوتي من بعض واني نحاول ننفدها اهو زفيت الخوت والاخت قعدلي واحد وتحت عيوني
حناي : وانتي اني بنزفك
اني : وتكون احلى زفة في حياتي وضحكت ضحكة بريئة
حناي : الله يعطيني العمر ونزفك انتي وصغارك
اني : الله يطوللنا في عمرك اصلا من يوم مشت امي قعدتي انتي امي مع انه مكانها كبير وفاضي بس هذا الي صار
حاي : الله يرحمها يلي لينت قلوبكم وخلتكم رحيمين
اني : امين هيا تعالي نلبسك ذهبك
حناي : لا قبل نلبسك هديتي
اني : مش اني العروسة غالطة
حناي : ههههههه وكان ربك ما عطانيش عمر وشفتك عروسة البسي هذا في عرسك وهذا لبسيه لعروسة خوك ما عنديش جهد نلبسهولها
فتحت الصندوق محلاه التاكم
-
يتبع

#كذبة_السعادة 🌸
-
درس مراد السيارة وخش للحوش فتحتله هبة التلفزيون ودارتله شاهي وجابتهوله
مراد : صحيتي
هبة : سلمك صحة
مراد : سلمك بس هبةة
هبة : نعم
مراد : نحب نشرب الشاهي مع نفص بالتن
هبة : تمام دقايق بس
مراد : صحيتي
هبة : حاجة كبيرة
ابتسم مراد وهي مشت للكوجينة
-
في الخيمة
خالتي : بنت خوي هبة ما تقولش هكي
عمتي : لا قالت وقللت ادبها هلبااا
خالتي : تمام توا نحاسبها بعدين
عمتي : اني قلت نقولك ما بيت الموضوع يوصل للرجالة
خالتي : اسم الله علينا من العدو
عمتي : شن قصدك ؟
خالتي : نعرفها بنت خوي كويس ولو قالتلكم الكلام هذا ما يكونش قالاته بدون سبب واني توا نفهم منها
عمتي : ايح
خالتي : هيا عندي ما ندير
عمتي : مربوحة
-
اني : تعالي وئام
وئام ( بنت الخالة ) : نعم
اني : سكريهالي
وئام : تمام
امل : اووووف
اني : خيرك
امل : سمنت وهذا ما باش يلتبس
اني : بالشوية عليك عادي هوا ربط توا نديروه تعالي
خديت من عليها وربطتلها خيط القفطان
اني : وتم توا
امل : ايه كويس
وئام : وية
اني : نعم
وئام : مديلي القفطان لبنت اختي
اني : تمام
امل : وية
اني : عيونها
امل : تجيبيلي بنتي الي في بطني متعبني
اني : من عيوني هي
-
خالتي : اية
اني : نعم
خالتي : عمتك ناوية مشاكل لهبة
اني : عمتي تعرفيها انتي
خالتي : بوها يبي يسافر توا وبيرفعهم اربعة سنين بش تكمل قرايتها وهوا بيحضرالدكتورا
اني : وباه
خالتي : لو تقول حاجة بتفسد عليهم
اني : مش حتقدر تقول شي وكان قالت نقنعوه احني
خالتي : ان شاء الله وخلاص
اني : هيا وقت نبي ناخد ميمو لامها وبنمكيج ليا ولبنتك وامل
خالتي : تمام ربي يعاون
اني : ويعاونك
-
هبة : تفضل
مراد : اوووه منورة والله
هبة : ههههه نورك ، كان تبي حاجة تانية ناديني
مراد : تم
هبة : تمام
مشت هبة للدار ولقت ابرار تمكيج فتحت شعرها وكان شعر هبة يوصل لفوق ركبها بشوية وقسلي وناعم وبدت تتشور فيه
ابرار : هبة
هبة : نعم
ابرار : نبي مية وحاجة تتاكل خفيفة
هبة طفت الششوار : تمام
ناضت هبة ودارت شدادة صغيرة لمت الحواشي ونست مراد وكان مراد متكي ووجه قابل للباب خطمت هبة ولاول مرة مراد يشوف هبة بالحجاب ولانه ما شافش مزبوط ما دورش وتلفت للتلفزيون وجاته هبة
هبة : مراد لو تبي حاجة خش للكوجينة ما تتحشمش
تلفت مراد نحكيلكم ع هبة ( هبة بنت يتيمة الام وتولت مسؤلية اختها وخوها الصغار عاشو مع بوهم وجداهم كانت عايشة معاهم وبعدين جداهم بتمشي تعيش عند خالتي لان خالي بيسافر وما تبيش تقعدد بروحها ومن ناحية تانية هبة طيبة هلباا وطول حياتها لما حد يطلب منها طلب تقوله باهي وحاضر وما ترفظش وتحب الكل وفرهودية
-
يتبع

#كذبة_السعادة 🥀
-
الدكتور : بما ان حالتها كويسة تقدر تطلع الصبح توا لا
محمد : مش مشكلة تمام
مراد : شكرا دكتور
وجي معتز جايب امل
اما امل قاعدة بجفافها
-
مر اليوم وروحت للحوش وكان يوم عادي ومر الي بعده والي بعده وجفاف امل يزيد اكثر واكثر وجي عرس معتز ومرو الايام الاولى عاديات فيهم ملل ( زي عرس اي ولد ممل ) وجي يوم الحفلة
-
ع المغرب من ليلة الحفلة لمعتز ونور
هبة ( بنت الخال ) : احترمي روحك انتي وياها مسد مقعمزين في حوشهم مسد تسبو وتقرمو فيهم
ملاك (بنت عمي ) : والنبي ؟
عمتي : خيركم تقول قطاطيس ؟
ملاك ( بنت عمي ) : شوفي بالله بنت سليمان زعميته
هبة : بنت سليمان ايه عندك فيها شك حتى هادي ؟
ملاك : عندي فيها ايه هههههه ( ضحكة استفزازية ) امشي لاية وابرار شن ديري اهني
هبة : والله انكم ناقصات تربية خزي ع اشكالات هكي وخلاص
عمتي : هبة انتي يتيمة مفروض مش هذا كلامك
لين ( بنت عمي ) : ايه الي ما عندهاش ام ما يحقلهاش تتلكم اصلا ههههههههه
هبة : خير من عندها ام وحقيرة زيك هههههه
عمتي بتكشيخة : الزمي حدودك
هبة : ههههههه انتي كانك تعرفي الحدود خلي بنات خوتك يلزموها
اريام ( بنت عمي ) : ضمي فمك خير ما نخلوك دم توا
هبة : ما عنديش خوت لكن عندي بو وسبع عمام بولادهم سند ظهري يربوك انتي وبنات عمامك هدوم ولاني متربية مش حنقول حتى عمتكم
عمتي : عند عمتك كلامك هذا
هبة : ع اساس عميمة ما تعرفنيش بش دور كلامك وتعبرك هه يلا نخليكم بذنوبكم اهني لكن خلوها في بالكم حوش عمتي اميمة احسن منكم وعالي عليكم وزي ما تعرفو العاليين ما يطبسوش والواطيين يستفزو في الي فوق بش يولو زيهم هههههه
ومشت وخلتهم
عمتي : توا نوريك يا قليلة ترباية
-
ميس (بنت الخالة ) : هبهوب
هبة : نعم
ميس : خيرهم معاك
هبة : لا شي يلقطو في ذنوب حوش عمتي اميمة
ميس : ههههههه هذا مستواهم تلقيط الذنوب وبس
هبة : هذاك هوا اني بنمشي لحوشنا توا نشوفك بعدين
ميس : وخوتك
هبة : لا امك قتلي خليهملي
ميس : تمام نشوفك
هبة سلام
-
ابرار : هبهوب
هبة : جيت
ابرار : مهند ما يقدرش يجي لكن بيرفعنا خوي
هبة : تمام
وركبو مع مراد ومشي لحوش خالي سليمان ( بو هبة )ا
مراد : هي
هبة : انزل نديرلك شاهي ومنها نولو معاك
ابرار : راهو مهند مش جاينا ما عندناش غيرك
مراد : باهي ندرس ونجي خلي الباب مردود
هبة وابرار : تمام
-
#يتبع

#كذبة_السعادة 🌸
-
اني : منو انت ؟
الولد : نسيتي ؟
اني : من انت بش ننسى ؟
الولد : اني معز !
اني : يا والله استهبال الي خاش يستهبل والي طالع يستهبل
معز : ما فهمتش ؟
اني : يا معز من وين نبي نعرفك ؟
معز : اني ... قصيت عليه
اني : انت معز عرفنا وولي من وين ما جيت ما عمريش كلمت ولد اني بش نعرفك
معز بصدمة : تمام
وطلع ظلمته وقت هوا ما يعرفش اني فاقدة الذاكرة ومفكرني ضحكت عليه بس كره روحه وطلع واني نعست من الادوية الي ناخد فيها فيهم نسبة منوم ورقدت
-
المغرب
محمد : امول
امل : نعم
محمد : اختي فاقدة ذاكرتها
امل : اسم الله شن جاها
محمد : دارث حادث امس
امل بتجاهل : اها اهم شي الصحة الحمدلله
محمد : مش اهني المشكلة
امل : محمد خلاص
محمد : خيرك ؟
امل : شي نبي نرقد اني سكر وراك الضي
محمد : اوك براحتك
طلع وسكر الضي والباب وراه ويتمتم بروحه { اية وفوقها هادي وووه عليا صبرك ياربي }ا
-
مراد : هيا بالك نبي نمشي للبنت مانبيش نخليها بروحها
معتز : امشي توا نلحقك
مراد : شكلها اية عداتك بالزهايمر
معتز منتبه للتلفزيون هز راسه بمعنى شنو
مراد : ماهو اية راقدة في المستشفى ع خاطر سيارتك ولاه
معتز : يا اخي شوف محمد
مراد : مية مصيبة ع راسي في مرة وووووواك
وطلع وقابله محمد
محمد : خيرك توكوك
مراد : نبي نمشي للبنت مانبيش نخليها بروحها
محمد : قاعدة معاها اختك توا ماشي اني
مراد : مالا جاي معاك
محمد : باهي تعال هي
مراد : هيا هي
-
ابرار : مهند
مهند : عيونه
ابرار : سلملي عيونك ، شن تقول تتذكرنا ولالا
مهند : قاللكم الدكتور بتتدكر عادي
ابرار : ان شاء الله
واني راقدة قعدت نادي : ابرار ابرار
ناضت ابرار وجتني تجري : نعم عيوني قاعدة اهني اني
اني فتحت عيوني بخلعة وعيطت : ابراااار
ابرار : نعم نعم يا قلبي قاعدة اني ( وضبطتني ) مش مسيباتك يا قطعة من روحي
اني : ما تسيبينيش بالله عليك ما تخلينيش زي ما دارو ماما وبابا
ابرار : مستعدة نسيب الدنيا ع خاطرك ياروحي ( وخلت عيوني في عيونها ) وعد
اني : وعد ورجعت ضبطتها
مهند : واحني اهني
اني : حبايب خالتو
ابرار : تعرفي من هادو ؟
اني : من ينسى صغار اخته
ابرار : وشن تتفكري تاني
اني : شن قصدك
ابرار : اخر حاجة تتدكريها شن هي ؟
اني حاولت نتذكر لكن راسي وجعني : مش متذكرة حاجة راسي وجعني
ابرار : باهي كيف شكل محمد ومعتز ومراد ؟
وهما كيف خاشين
اني : اهما محمد ومراد
محمد ومراد شبحو لبعض
ابرار ضبطتني بالقوة
اني : خلاص سيبي نبي نروح اني
محمد : من عيوني تروحي ع البساط الاحمر
مراد : وعليها ورد
اني : مبردكم
ابرار : هههههه امشو قولو للدكتور
محمد : هيا ثواني بس
-
يتبع

#كذبة_السعادة
-
الممرض : محصلة صدمة قوية فقبل ما يصير الحادث اغمى عليها وحصلت ضربة ع دماغها وهي فاقدة الوعي غتوا تكون فاقدة نص داكرتها
الدكتور : شن وضعها الصحي
الممرض : التحاليل تقول ان الاعضاء الجسدية سليمة والعقل يحتاج لوقت اقل شي اسبوع بس مش حتسترجع كل الذاكرة
الدكتور : يعني زي انها ناسية خوتها بس لانهم قدامها حتتذكرهم والاحداث الي مش متكررة قدامها مش حتذكرهم
الممرض : بالضبط بس ممكن يحكى عليه وتتذكره لكن بعد ما يطلع دماغها من الصدمة
الدكتور : تمام ما تغيبش من عيونكم وراقب دماغها
-
واني في النور نادي فيهم كلهم وفتحت عيوني
-
الممرضة : انتي كويسة
اني : اني وين
الممرضة : ما تخافيش انتي في المستشفى ، اني بنفتحلك صور وانتي قوليلي تعرفي شن هوا او من هوا او لا ! تمام ؟
اني : علاش ؟
الممرضة : لا بش نشوفوك كويسة او لا ! وابتسمتلي
اني : اوك تمام
-
امل كانت راقدة جنب الصغار وخشت ابرار للدار ولقت مكان زايد من التعب اتلوحت ورقدت
اما محمد ما قدرش يرقد وهوا يتذكر في كل لحظة وقت كان مسحور وكيف كان يحب شيماء ووووو
مراد تلوح ع السرير وقام تليفونه وشاف اخر مكالمة كانت بينه وبين هوازن ليها مدة اسبوعين واخر رسالة منها قبل اسبوع واتصل بيها ويعطيه خارج نطاق التغطية
اما معتز غلبه النعاس ورقد
وكان هذا كله الصبح مرت ساعة ورا ساعة
-
ناضت امل ع الساعة احداش لقتهم راقدين حطت الغدي ع النار وضمت شوية وقعمزت تتفرج ع مسلسلها وجابت الصغار جنبها بش ابرار تكمل نومها
-
عندي كنت مع الممرضة شوية سمعت دكتور يقول { هاذي غرفة اية محمود } صوت ولد
الولد طقطق ع الباب
اني : تفضل
الولد : اهلا
اني : منو انت ؟
الولد : نسيتي ؟
اني : من انت بش ننسى ؟
الولد : .......
-
#يتبع ❤️

#كذبة_السعادة
-
تلفتت لقاته خطيبها ولما شافها الامير نصدم ومشي ركب حصانه وهرب ولما رجع للملكة تجوز بنت عمه ووصلت دعوة العرس للبنت لكن المرة هادي شافها وفي ايدها بنت صغيرة وعاش كل واحد فيهم مجروح ومن يعرف ممكن يجي يوم ويجمعهم القدر } ناضت امل شافتلهم كيف راقدين وتكلمت بالشوية وحنكمللكم القصة غدوا ❤️ تصبحو ع خير توا
وباستهم وسكرت الضي وقعدت تفكر
-
في المستشفى 🏥
فتحت عيوني مع السااعة 12 ونص
اني : اني وين
ابرار : ويتا حمدلله ع سلامتك
محمد : انتي في المستشفى
اني : علاش
وشفت للتغدية في يدي والدم في يدي التانية والالات الي جنبي
اني : شن صاير
محمد ومعتز ومراد وابرار مكفيين بالسكوت ومصدومين
اني فنصت فيهم : ردو عليا
مراد : هوا احني الي بنسألوك شن صاير معاك
ع خشة ام الاء : يا بنيتي الحمدلله ع سلامتكم
تسنيم : اهلا الحمدلله ويتا طلعتو من عينها
تلفتت لخوتي : خيركم جامدين في مكانكم
وفتحت ام الاء الستار وكانت وراه راقدة الاء
اني : الاء قاعدة اهني شن صاير
تسنيم : مش درتو حادث
اني : امتى ؟
محمد : وين كنتي اخر مرة
ام الاء : الولة بنيتي
الاء : اهلا وتلفتتلي
اني : حق درنا حادث ؟
الاء : ايه
معتز :الراجل جاته جلطة الي خشيتو فيه
اني :امتى؟فهموني
الاء :بعد ما طلعنا من الجامعة
اني :امتى طلعنا من الجامعة او بالاصح امتى مشينا للجامعة ؟
محمد :شن اخر حاجة تتفكريها
اني : وقت محمد مشي وسيبنا
محمد : اني محمد
اني : لا محمد ما عنداش لحية
محمد : درت لحية
اني : وين ابرار ؟
ابرار : اني اهني
اني : نقصد ابرار اختي
ابرار : ايه اني
معتز : تعرفيني اني ؟
اني : اكيد دكتور اهني بابا وين
مراد : هادي فاقدة الداكرة
اني فنصت فيه : بلا استهبال
الاء : وتعرفيني اني مني ؟
اني : كان الاء عندها اخت اكبر منها كنت نقولك انك اختها الكبيرة
الاء : اني الاء بحد ذاتها
اني : تستهبلو عليا ولا شنو انتو وين خوتي اني
فتح محمد تليفونه وفتح ع صورة ليهم مع بعض : اهو شوفي بروحك
اني : اها
شوية حسيت بنعاس
محمد : نادو الدكتور
اني رقدت بدون ما يحسو وشوية نضت بس نضت في عالم تاني كان ظلام قعدت نادي ونادي بس مافيش رد
-
الممرضة كانت ديرلها في يبرة
والدكتور فتح عيونها بيشوف البؤبؤ
-
اما اني في الظلام رجليا معش قاموني وطحت ونادي في محمد وابرار ومعتز ومراد وماما وبابا بس ما حد يرد عليا وقعدت نبكي شوية ونشوف نور بعيييد لكن يتقرب بروحه لا غلط اني الي نمشيله بس ما نمشيش
-
الممرضة دخلوها تحت الالة ناخدو صورة ع دماغها
-
اهوا النور واهني قدرت نوقف وخشيت للنور
-
الممرض : دكتور دكتور
الدكتور : شن فيه
الممرض : محصلة صدمة قوية فقبل ما يصير الحادث
-

#كذبة_السعادة
-
تسنيم : حاضر
اتصال ....
المكينة : الرقم المطلوب خارج نطاق التغطية
تسنيم : والتانية ما عندهاش تغطية
ام الاء : يا ربي احفظهم
تسنيم : عادي راه ما صارلهمش شي
ام الاء : ان شاء الله كلامك صح
تسنيم : اصلا الاء حتى كان طاحت من سابع دور تنوض زي الحصان لا بيها لا عليها هيهيهيهيهي
ام الاء بعصبية : مشاء الله الله يبارك انتلفي من قدام وجهي
تسنيم : هههههههه نجيه المتعفلق
ام الاء : اقلبي وجهك خيرلك
-
محمد : هاا دكتور كيف حال البنات
الدكتور : البنت الي اسمها الاء معاكم ؟
محمد : ايه كيف حالها دكتور قول بخير
الدكتور : طلعت من عينها الحمدلله
معتز : يا دكتور نبي نعرف اية كويسة ولا لا
الدكتور : اني مسئول ع الاء اما اية لدكتور تاني
تنهد معتز وهوا خايف : يا ربببببي
محمد : تمام شكراً دكتور
الدكتور : ان شاء الله هدا حد السوء عليكم
محمد : اجمعين يارب
-
امل : اهلين تفضلو
ابرار : اهلين
وخدت امل للكوجينة
ابرار : ما تردش عليا البنت
امل : تعالي توا تخش علينا اكيد تبدل عند صاحبتها هيا
ابرار : ان شاء الله كلامك بس
-
تسنيم : الوو الاء وينك من الصبح
محمد : اني محمد يا تسنيم
تسنيم : من محمد
محمد : خو اية اسمعيني كويس اختك ما فيها شي فقدت وعيها وبس
تسنيم : ما تاكلش كويس هي ديما تسيخ
محمد : ياربي تي خلي نكمل كلامي
تسنيم : ها اسفة كمل
محمد : هي واية دايرات حادث
تسنيم : هااااا
محمد : المهم قولي لامك قاعدين في المستشفى ... اختك مافيها شي راه حتى نايضة توا
تسنيم : تمام جايين بس انت اية جاينها خطاب
محمد : حي علياااا نسيتهم بكل هيا سلام
اتصال .....
امل : ايوه محمد
محمد : اسمعي جو ؟
امل : ونحاولو نوصلو في اية ما قدرناش
محمد : اعطيني ابرار
امل : تمام لحظة ، ابرار هاك محمد
ابرار : خيره
امل : مش عارفة يبيك
ابرار : ايوه
محمد : الناس توا نكلم معز المهم ما تخليش تصير حاجة لامل
ابرار : تي ادوي
محمد وشد دموعه : اية
ابرار : ايه خيرها
محمد : ....
-
#يتبع 🌸

#كذبة_السعادة 🌸
-
نضنا اني والاء وياسمين وصلنا عند السيارة
ياسمين : هييييي نسيت بنات تعالولي قدام الكلية طول
اني : خيرك شن فيه
الاء : اها خيرك
ياسمين : نسيت ناخد الشيتات
اني : تمام باهي توا نجوك، هيا الاء
ياسمين : نشوفكم
ركبت السيارة وخرت ودرست قدام الكلية وجتني رسالة من ياسمين
ياسمين ( امشو ما تراجونيش احمد توا يجيني عندي مراجعة ) رديت ( بهدلتيني تمام )ا
الاء : ها هي هادي ؟
اني : ايه وقتلي برو عمدها مراجعة
وخرت ومشيت وانا في طريق السريع نمشي عادي
.
.
.
.
.
الولد : وخيتي تسمعي فيا ( ومشي لـ الاء ) وخيتي بالله ردو عليا
راجل : الو بالله في حادث ( حشاكم منه ) في السريع سيارة صاحبها متوفي خاشات فيه زوز بنات
الحوادث : تمام جايين
-
مراد : واااااك ومسكرة تليفونها المشكلة مفروض قبل ساعة قاعدة اهني
ع خشت محمد : خيرك توكوك من بكري
مراد : اختك اعطيتها السيارة وع اساس قبل ساعة قاعدة اهني وما هناش
محمد : باهي توا تجي
مراد : تي عندي موعد ع نص ساعة
محمد : هاك السيارة وبرا توا
مراد خدي المفاتيح وطلع للطريق اما محمد مع امل وابرار يمشي يشريلهم شن يبو من الدكان ويوتو ( مقابلة معز واية )ا
-
الولد : التليفون فيه رمز كيف بنتصلو توا ؟
الولد التاني : هاته
فك الشفرة وفعلاً الارقام مسجلين في الشفرة واتصل بـ
مراد : اية في الموعد اني سلام
وسكر من غير ما يسمع ولا كلمة
الولد : ها شن صار
الولد الثاني : قال في الموعد من غير ما يسمع ولا كلمة
الولد : شوف حد تاني
الولد التاني : فيه رقم مسجل بإسم عزوو
الولد : تي اتصل
اتصل ........
معتز : ايوة وية
الولد : السلام عليكم
معتز شاف للتليفون تأكد من الرقم : هذا رقم اختي ويرد عليا ولد
الولد : والله يا وخيي صاحبت التليفون صايرلها حادث ( حشاكم ) رافعينها للمستشفى توا
معتز كان مقعمز وقف وبصوت عالي : نععععععممممم؟
الولد : ياريت تجوها في مستشفى .....
معتز سكر منه وطلع طيارة للمستشفى
-
امل : تأخرت البنت هادي
محمد : هاتي التليفون جنبك قاعد
امل : تفضل
محمد خدي التليفون وهوا بيتصل اتصل معتز
محمد : شوية ونعاودلك بنكلم اية
معتز : اسمعني جاي
محمد : نكلم اية ونكلمك
معتز : اية في المستشفى
محمد : نعمممم
معتز : معاها الاء
محمد : لا اله الا الله اي مستشفى ؟
-
ام الاء : تسنيييييييم
تسنيم {اخت الاء}: نعميين
ام الاء : اتصلي بأختك شوفيها وينها
تسنيم : ماهو اليوم اية بيجوها ناس
ام الاء : ايه بش تجي تاخد حاجاتها
تسنيم : هااا ايه صح توا نتصل بيها
اتصال ......
المكينة : الرقم المطلوب مقفل
تسنيم : مقفل تليفونها
ام الاء : اتصلي بـ اية
تسنيم : حاضر
-
يتبع

Most Popular Instagram Hashtags