#حكم_جزائرية

MOST RECENT

قالو ناس زمان:👌
الرجال يبانوا فالشدة وجه البارود اذا خرج مافيه ردة والرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة.
#أمثال_جزائرية
#حكم_جزائرية
#الجزائر

ناس بكري قالوا : 👇👍👌
الزين للنساء والنساء لخيرة الرجال والرجال للمحنة والمحنة لي قدر عليها
ماتخالط ما تقول انا الغالط ماتعاشر النحل ما تشكي من لسعاتو
أحكي سرك للغريب حتى واذا محافظش عليه، ينشرو بعيد على دوارك ولا تحكي سرك للقريب كي ينشرو يجيبلك العيب لباب دارك
زين النساء في السترة والراجل يتقاس بالهدرة
ومتحكمش على الناس بالنظرة
اذا حبيت تشرب الماء صافي، شوف مجراه وِ اذاحبيت تحكم لغزال، تبع خطاه وعمرك لا تقول كلام ما تعرف معناه لازمك كلام موزون وزيد ثبت معاه و اذا عينك تْصاحب صاحب الراجل الفحل كي البارود، ديما يخلي الدم يسيل معاه
خيار لكسيبة للخيل وتكون قادر على عشاهم، وخيار لحباب الرجال وتكون تعرف معناهم، وخيار الهواية البارود والصيادة حذاهم.
عيب النفس في كثر الخطايا وعيب العين من قلة النوم وعيب العقل في موت الخلايا وعيب القلب دسان الهموم وعيب الروح في خبث النوايا
الرجال يبانوا فالشدة، وجه البارود اذا خرج مافيه ردة، والرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة.
#مساء_الخير #امثال_شعبية #أمثال_شعبية_جزائرية #اقوال_وحكم #حكم_جزائرية #امثال_جزائرية #الجزائر_في_الزمن_الجميل #قالو_ناس_زمان #التراث_الجزائري_الأصيل #التراث_الجزائري #بوقالات_جزائرية #البوقالات_الجزائرية

اللوحة للفنان المستشرق Yvonne KLEISS-HERZIG (1895-1968) بعنوان Scène de palais.

Most Popular Instagram Hashtags