shakway shakway

103 posts   3679 followers   1 followings

شكواي (كيفي بتحلطم)  سوالفي من واقعي كمواطن كويتي..و مستوحاه من احداث في مجتمعي حقيقيه.. #شكواي

http://www.shakway.com/

اقعد اليوم كله اخطط و اقول الفطور ماراح اكل وايد.. و راح انتظم غذائيه.. و اول ما يقول الله اكبر.. القاهم يفرقون بيني و بين البرياني و انا اصيح هدوني عليه عور قلبي.. و اروح النادي عقب حسب تخطيطي قبل رمضان انه بيكون غير يعني.. لكن هيهات.. كل اللي في الجم اصلا جنهم زومبي يمشون.. منثولين من الفطور.. بس للامانه معذورين.. طباخ الديره و ابداعاتهم بالفطور متسنعه.. و الله يخلي امهاتنا فديت روحهم.. توقف على ريبها طول اليوم تسوي انواع و اشكال و تتصل على واحد واحد من عيالها تبي تتكد كلهم موجودين على فطورها.. و لقاه مؤذن و اهي لا الحين تحط صحونها.. و تطالع فينا و احنا ناكل حولها و تبتسم راضيه ما تبي شي من الدنيا.. وجودها في حياتنا نعمه اكبر من اي نعمه.. و الله يخلي الانستغرام اللي شجع بنات الديره يدشون المطبخ.. بس مو نفس امهاتنا تبي لمت عيالها.. لا اهي همها كم لايكاتها😜 بس هم زين احسن من قبل كانوا يقولون شكو ادش المطبخ.. انا مو ضد انه البنت يكون لها دور اجتماعي غير التقليدي.. لكن لا تنسا انه دورها في البيت مطلوب.. الشي اللي تقدمه للبيت محد غيره يملك روح التقديم المطلوبه.. واحد من ربعي متزوج يابانيه دكتوره في هندسة الجينات.. و جدا انسانه مشغوله لكن يقسم لي انها في الطاعه الزوجيه و الدور المنزليه مثل الزوجه العربيه القديمه و افضل و بطريقه حضاريه.. و انها تفعل معجزات عشان ترتب جدولها و بدون ما يطلبها هو هالشي.. و لكن عند اليابانيات هالتقليد بانه المرأه هي المنزل و المنزل هو المرأه.. المهم باجر باجر اكيد اكيد بظبط نظام الاكل (خير انشالله) 😣

استخارت و استادرت و نظرتله بعين الرحمه.. و في قمة غضبه سالها: ما هذه النظرات السخيفه.. قالت هي نظرات قد رأيتها في عينيك و انا ارتعش خوفا منك في ليلة زفافنا.. صمت قليلا ثم قال: لازلتي لم تردي علي؟ ما الذي قمتي به؟ فوقفت على رجليها بعد ان سقطت على الارض و اقتربت منه و حاولت ان تمسك يديه في حنان.. فدفعها لتسقط مره اخرى و اقترب ليضربها.. فقامت بسرعه و احتضنته.. فحاول ان يبعدها عنه لم يستطيع.. فقال لها: اتركييينيي..قالت: انا اخاف ان اتركك..قال:اتركيني لاعطيكي ما تستحقين..قالت: انا اخاف ان اتركك..فلن ينصفني منك الا رجل.. و لا ارى غيرك رجل..و عندما احس بدفء دموعها على صدره هدأ..فسألته: انا لا اعلم ما قمت به لاستحق هذا الغضب منك..فهل تقول لي ماذا فعلت؟ فرفع عينيه للمرآه امامه ليرى عينيه الحمراوتين و يرى تلك الزجاجه الفارغه على الارض.. و زوجته و ملابسها الممزقه في احضانه.. ليستوعب اين وصل به ادمان الخمر.. فقال: قمتي بالموافقه علي كرجل كان هذا الخطأ الذي قمتي به..و حين احست انه سيسقط..حاولت حمله بكل قوتها و اقعدته على السرير..و قالت: انا لازلت أؤمن بك و لازالت احبك.. و سأبقى احبك.. فانت زوجي و الرجل الاول و الاخير في حياتي..لكن اتوسل اليك..ان تراجع نفسك فقط.. فهدأت نفسه..و انزل رأسه في حجرها.. و يسالها: هل الله يحبني الى هذه الدرجه ليرزقني بمثلك؟!
.
(النسخه الكويتيه)
.
متزوج سكران رد بيتهم و حلجه متروس علج يضيع الريحه.. لقا مرته قاعده بالصاله بالموت سند طوله..و بصوت خشن قالها شمسهرج لا الحين..قالت اطالع افلام و ناطرتك تخلص سهر و ردح.. قال شهالحجي عيب يا مره؟! قالت: خل عنك الخرابيط، البطل اللي عندك بالسياره فودكا ولا ويسكى؟ اذا ويسكي لا تنزله امس سوالي حارج..
#عاشت_ام_العيال

ادري ادري صايره غطاتي تطول..لكن والله اشغال الدنيا..وفي الكويت مسوين فيك مثل الي يفر الطاحونه..يشغلونك عشان ما تشغلهم بحلالنا..قصدي حلالهم😜قبل اشوي في ممشى الكوت كنت اركض جني ضب بهالحر مدري شالطاري..لقيت ثلاث بنات طالعين من ستاربكس و فجأه طاحوا في بعض طق..كفخ والله ولا كفخ الرياييل..و سب اوصخ منه مافيه..و ماكو احد بس انا اطالع..و مستحيل ادش افرق لانه للامانه الكويت جدااا تحب الرياييل في المخافر..لو تشتكي على خدامه اثيوبيه قالوا انت متحرش فيها جنسيا..بفهم منوا قالكم شبابنا اكثر شباب العالم شهوت..نصهم فاشوش و ربع داقين فياغرا و ربع ممن عافاهم الله..و ينامون قبل توصل المره الفراش..المهم البنات عبالكم وحده بجت ابدا ماخذتهم عزه بالنفس مثل الذكور بالضبط..وين اول من تهوش لبنت تقعد يومين تبجي و تتحلم فيك من الخرعه..الين تعبوا راحوا لسياراتهم و سب من بعيد و تصوبع..و قبل فتره منتشر فيديو هوشة بنات بالافنيوز نفس الشي..زين يعني اللي كنا متوقعينه صار..من كثر ما البنات خذوا حقوق و تعدت حتى حقوق الرياييل انقلبت الايه..يقولي واحد اعرفه هذا من التفلت اللي صاير مخلين البنات براحتهم..قلت شنو المفروض نسوي برايك..قال احكرهم صك عليهم اكبتهم..قلت غلط!السيء سيء من داخله ماله شغل..قالي انت انفتاحي متحرر كافي تقول ليش ما يسوون فيلجا مثل دبي بذمتك ترضى اهلك يدخلونها..قلت اذا اهلي بيسوون هالشي صدقني ماراح يردهم فتحوها او لا او الحكره..المشكله انه ابو حكره هذا السكران ذاك اليوم ياي يشتكيلي يقول كان يطلع مع وحده اكتشف بعدين انها اخت هذا و انها حتى قبل لا تعرفه تروح حفلات و شرب..طيب شنو فادتك فيه حكرتك..للامانه الوضع عندنا غريب و الاغرب اذا شفت بره اشلون مسويين..و للمعلومه اكتشفت انه انتشروا من عندنا بنات بزنس للمراقص بره..يعني هم ياليت للوناسه بس..نقول غلطه او اسلوب حياه..لكن عاد بزبز يا بتاعت البزبز..طيب شنو السبب الانفلات و ضياع الانوثه..كلن له راي..اما انا اشوف انه البنات نفسهم فتحوا عيونهم و اكتشفوا عندهم حقوق زايده و استغلوها و كأنه عندهم انتقام من الرياييل قبل..و يتمادون اكثر و اكثر الين يشوفون الغلط صح..و الشباب ماشالله ابد ما يعطونهم ويه كلش.. بس يوصلونهم لبيوتهم و يعرضون ارقامهم اذا حبوا يكررون خدمة الحمايه..يا بنت الناس..الانوثه مغريه و تعتبر قوه حاولي تستعملينها اشوي و اتركي الذكوره لاهلها اما تحاولين تصيرين ريال و هم تبين تصيرين انثى ما يصير..حددي موقف انتي زينه ولا مو زينه و صيري صريحه مع نفسج و اسلوب حياتج..المهم اخليكم احاول اكمل رواية الفلس ما ودها تخلص 😩

السلام عليكم الاخوه و الاخوات المتابعين.. ادري مو لايق علي الرسميه😁 لكن احتفالا بان هذا موضوعي ال 100 في شكواي.. يا كثر ما اسولف و اتحلطم و اهذر.. ابي تعطون من وقتكم اشوي و تنتبهون للي بقوله الحين.. ترا انا بشر ادمي اغلط مرات اتلكم صح مرات.. اعيش بسوداويه مرات و مرات اكون متفائل.. ادري يضايق كثير منكم اختياري للمواضيع و الصور.. بس ترا انا اتلكم عن واقع اوشوفه و اعيشه مو من عندي.. الفرق اني اسرده بطريقتي.. و انا اتعامل مع هالاشياء بسخريه علشان ما نفجر.. طيب.. انا اتابع تعليقاتكم اول باول و ناس وايد تميزها و صرت جني اعرفها شخصيا على الرغم من اني ما ارد و احب التعليق حتى لو ضدي.. اني ما ارد غالبا بسبب اني قلت رايي بالموضوع و لك الحريه تقول رايك.. مممم.. للامانه كثير دخلوا علي و علقوا و قاموا يسالون ليش ما تكتب روابه و للامانه اناه كنت ماخذها اسولف.. بس جني عجبتني الفكره و بصراحه اقدر عليها.. و انلها بمعرض الكتاب بس اخاف من بعض الفولورز ييون يذبحوني هناك.. الحين ابي انا منكم طلب صغير.. اكيد كثير منكم تابع مواضيعي من الاول.. و بمناسبة موضوعي ال100 اتمنى اتمنى تشاركون بهالشي.. ابي تقولون بصراحه هل افكر جديا باني انزل روايه عن الواقع اللي اكتب عنه؟ و ثانيا.. لما انه عندي سوالف وايد لا الحين ما قلتها و بصراحه مدري من وين ابدي فاختار رقم 1. سالفه من سوالف السكران 2. مقارنه بالنسخه الكويتيه 3. قصه مؤلمه 4. انتقاد عاده كويتيه .. و اذا ما عرفت تختار منهم فقط اذكرلي احسن سالفه قريتها عجبتك من شكواي :) راح يساعدني هالموضوع اني ارتب افكاري خصوصا توني طالع من الف سالفه و سالفه.. ادري اني ما اسوي دعايات لكن من كثر ما احرجوني ناس بانهم سوولي دعايه و نشر انا من اليوم اي شخص يسوي كابتشر للاكاونت و ينزله عنده تقديرا مني بسويله فولوا و شكرا :) اي صح و اللي عنده اي سؤال يتفضل هني :)

شوفوا العرس شزينه و شحلاته عفويه و حب و رقص..العروس في قمة السعاده و الزوج و بدايه موفقه الله يتمم عليهم.. بس دقيقه دمعتي نزلت غصب تذكرت عروسنا..
١. العروس من ٥ الفجر بالصالون كفاح بالصبغ و التظبيط المكانيكي للوجه
٢. يطلعونها بعد اعتماد انها ليست كما هي عشان لما تشوف صور العرس بعدين تقول كان اشزيني وش جرا عليا.. مو يالطيبه انتي ملبسيني بدلة ايرون مان انتي مش انتي وانتي عروس
٣.يطلعونها بعد عمليات جراحيه مدة ١٠ ساعات و اخرها ينطرها بره مأجر سياره حقها طبعا كان يغازل عليها عالخليج ساعه قبل يييلها..ولا عبابكم حبا فيها موصلها
٤.يقعد اهو و خواته و امه و الخدامات و المصوره يرفسون في العروس ساعه عشان تنحشر تدش اهي و الفستان الاسطوري اللي الذيل ماله ينفرش عليه البوفيه كامل و يبقا مكان للويترز يريحون عليه
٥. تدخل الصاله و الكل يخز ينطر غلطه بنظرات انتقاميه انتقاديه انتهاكيه لحرمة الانسان..و هي تدخل مرتعبه و لازم تسوي روحها خايفه حتى لو مو خايف
٦. المعرس المسكين منشق شقتين قوم سلم اقعد قوم اقعد..تمارين عسكريه شاقه..
٧.يوصل الصاله و لازم يطلع واحد عرض يقول فلان ما يدش و فلان شكو..و تصير هوشه
٨. يدش و لو انه اكبر ثقه بالعالم بيموت من الرعب لما يشوف الجوكر و جماعته ناطرينه..اذا اهله ما يعرفهم..و يقلب حليمه ابي امي ابي ابوي من النظرات القاهره المرعبه
٩. يقعدونه يم العروس المتصرقعه رعبا..جنه ياهل ضايع ودوه لامه
١٠.يبدا الرقص الاستعراضي لخواته و حركات الاكشن الاعتزازيه يعني نحر مادري منو
١١. ممنوع المعرس يسوي حركات غزل و سوالف عشان لا يقولون خفيف..يعني لو سوا مثل صاحبنا بالفيديو..احتمال يعطونه بلوك اجتماعي و ديليت من عزايم المستقبل
١٢. المعرس ما يمديه يبلع ريجه او يريح يقولون له اخذ ذبيحتك و توكل
١٣. يسحبها من ايده و بروحه هلكان من التمارين السلاميه و هذي تسحب بذيلها و اهلها يركضون وراها و للامانه منظر اكشن سريع يتفق الجميع على نقل هذه الكتله البيضاء الى المذبح..لانه الكل يبجي اكيد رايحه تموت..
١٤. يوصلون لبيتهم و طبعا المصوره ناطره تبي تصور و تعال شوف ويه المعرس جنه طالع من السجن من الخرعه و التعب..
١٥. و امها تقط دمعتين جنها قاطه بنتها بالتهلكه..
١٦. العروس كالخروف المرتعد الابيض الكبير تنطر اهلها يفصخونها عشان يدخل عليها سبع البرومبه..
١٧. المعرس بالصاله يفكر يمديني انام شوي؟!
١٨. يدخل عليها و يبدأ صراع الجبابره و طق و صفق و دم.. و ضحايا و دموع و قوهو اداء..
السؤال اللي عندي:
وين الروووووومانسيه بالموضوع؟؟؟؟
لو مواعد عيوز بالمباركيه جان في الموضوع احساس اكثر..
#شكواي #عرس

الانهيار..هي اللحظه اللي تعلن فيها الانهزام..تطرحك على ركبك بالارض..و تحاول تقوم و كان الارض تقول تعال..وين بتروح..تلتفت حولك ما في احد..وين اللي قال و ادعا..و حلفلك العهد ما يخون..وين الصديق اللي كان لك عون..تعال ارفعني على كتفتك..انا كتفي ماعاد يشيل..ثقلت علي الهموم..ودك تقوم..لكن بدت راحتك عالارض..تجمع كبريائك..و ترفع راسك..لكن تسود العيون..هل انا انعميت..و تصير تدور نجوم تدلك الدرب للوقوف..لكن الظلام صعب..و تعب على تعب..ما عاد تنفع العيون..تخضع و تقرب كتوفك للارض..وين قوتي و قدرتي..انا ضيعتني انسان..احاول اقنع نفسي انها استوت..و بمشي اي درب..بس اقوم..و بشلع هالقلب..و اعيش انسان ما يبالي..ما عندي شي اخسره..خلني ما يهمني الا حالي..دام الدعوه مصخره..لكن فيني شي مدري شلون..يجبرني راسي انزله..و لقيت نفسي في وضع السجود..و عيوني المغلقه ذرفت الدموع..و لساني حاولت امسكه..لكن صرخة من صدري طلعت..يا اللللللله..يا ربي اعلن لك خضوعي..يا اللللله ماقدر..ارحمني..عجزت القا من يفهمني.. ادري طولت الغياب..ادري ثقل علي الحساب..بس يا ربي ساعدني اقوم..ما عندي رفيق اتبعه..اعلن الكل الانسحاب..انت موجود؟! تسمعني؟! ادري ضعيف عندي الايمان..يمكن من كثرة الذنوب..ادري جربت كل الدروب..اجبرتني على دربك..ماقدر على قوتك..يا الللله صوتي راح..ما عدت اقدر اقول..تسمعى صدى قلبي التعبان..انا اعلن لك الانهزام..و حاولت ارفع راسي من الارض..لكن كان الرب يقول اشكي بعد..قول انا اسمعك..يا رحيم انت بي عليم..قومني..علمني..دلني وين اروح..اجيلك وين..ماعاد ابي من الدنيا شي..بس اقوم..لا تذلني..ما به احد..الا انا و انت..الجرح صعب..و الدوا دورته عند الناس..بس ما بقا الا دواك..عطني يا رب..ان كنت اذنبت فانت الغفور..و ان كبر الذنب..فانت الكبير..و بعد اطول لحظة صمت..جربت اقوم..الثقل من ظهري انشال..و اوقف مثل اللي هدته الايام..و بقدرته..شفت شي غريب..كان واحد ما اشوفه ساعدني..و حسيت بالبسمه ترجعلي..و كاني نسيت همومي عالارض..بكمل وقفت و رفعت عيوني فوق..قلتله لا تتركني..رفعني ولا غيره قدرني..و لما تنازلت الارض عن ركبتي..بدت ضحكتي..كاني مشلول و اول مره يمشي..و بديت اول خطوتي..لا تتركني..ابي امشي..و مشيت و التفت لمكان سجدتي و استحيت..رجعت لها و هالمره انا انحنيت..قلت مابي امشي. اتركني في سجدتي انا معك مرتاح..

كشخت لبست و تعطرت و طلعت من البيت ناطر الشله تاخذني و نروح حق معرض كويتي و اندقر..و في بالي خيال بأن ارى المشاريع الطموحه و الاختراعات المبدعه..و يعتصر قلبي الامل... اشفيني قلبت فلونه.. المهم وصلوا و رحنا للمعرض بداية المصافط منظمه و ماكو زحمه ابدااااا..و ماشالله وسن تبي تقط سيارتك قطها فوق الرصيف بين الشجر بمصافط المباركيه و تعال مشي..يعني هم لمن يسوون معارض متوقعين شنو بنجفس السياره و نحطها بجيبنا ولا بنيي بباص نقل جماعي..ماعلينا و لازلت اتامل بكويتي و اندقر يكون افضل..وصلنا و لا في مدرعات جدام المعرض..والله مابالغ في مدرعات.. قلت الاكيد انه في كويتي مخترع قنبله ذريه و خايفين عليها..اشوي ولا هيلوكبتر فوق روسنا و قريبه...حسيت اني بفيلم حربي..و انخشيت ورا الرمل..و السكران قام يركض خايف..و بغا يدش مكان توني انتبهله معرض رمل!؟ مدري منو يايبين من بره يلعب بالتراب و الماي..و اذا بتشوفون اشسوى ادفعوا..احم احم و ترا في تكت في اي بي..هذيل ما يشوفون الرمل العادي طبعا..في رمل لونه ذهبي حقهم بس..ماعلينا في وسط تلك الحرب نحاول الاقتراب من موقع المعرض..و عندما وصلنا عند البواب وقفنا احدهم...لحححححححظه اوووووقفوا..و طبعا ما نسمعه من صوت الهليكوبتر..جان يقول عوايل بس..انصدمنا!! ليش عوايل؟! حتى المعرض عوايل..زين المطلوب احنا ويك اند و شباب وين نطس..نقعد بالديوانيه لين نموت من السكري و السوالف..ولا نروح نلعب كره بالملاعب اللي حجزها ٢٥ بالساعه..ولا نروح اي فعاليات طبعا طل فعاليات..عشان فئه ضاله من الشباب عميتوا..و شفت وراه ولا بويه بتدش..جان اقول هذي اكيد مو عوايل..قالي بالبطاقه مكتوب انثى..يعني مو المقصد منع التحرشات لانه اتوقع الكل عارف انه البويات اكثر شي بالدنيا تحرش..توهقنا رحنا نتمشى بره و نشوف في شلة كويتيين يايبين كلاب نصور معاهم..و احنا ناطرين ولقيت البويه طلعت..ناديتها لو سمحت اخوي البويه شنو فيه داخل و في عيوني دمعة شفق..قالت:في وحده داخل تسوي سمبوسه نااار..انصدمت و اندقرت مره اخرى قلت ماكو اختراعات؟! قالت:بلا بلا في ديجي داخل يرقص خوش واحد..قلت تكنولوجيا ماكو..قالت اذا تبي يحطهم لك بالايفون بلا..وقفت اطالع بالمدرعه..وانت خايف عالسمبوسه يالطيب؟! و وصلني خبر بانه كويتي و اندقر كان مشروع دعم مشاريع و صار مشروع ربحي لشخص قام ياجر البوث مادري بجم..و حاليا يعاملون جنه وزير متقاعد 😶 ما علينا المهم انا و السكران طحنا بالبطاط هذا الحلزوني ابداع صراحه..صج اللي يسوي هندي..بس مشروع كويتي اشفيكم..

بعد ما خلص حذف ظهره عالفراش..طلع زقاره ولعها و هي فتحت تلفونها تشوف الواتساب..و فجأه قامت تبجي بحراره..قالها: اشفيج؟ قالت: تخيل حبيبي ما سأل عني حتى برساله بعيد الحب..قال:زين ارسليله انتي؟قالت: لا مابي ابين اني ميته عليه..اذا ما حس من نفسه ولا ماله داعي..قالها:كيفج..و كمل زقارته و شغل التلفزيون..و ردت تبجي و هي تطالع التلفون..قال:يلعن ام البعصه..اشفييج؟! قالت:تخيل بالانستغرام حاط صورة دبدوب و كاتب مشكوره يا قلبي..اكيد وحده وصخه من بنات البزنس يايبتله..ابتسم و طنش و بيكمل زقارته..ردت تصارخ..و بغا يلتفت يصكها عكسيه..صارخ :اشفييييييج؟ قالت: توني انتبه طاقني بلوك؟! قالها طقج مرض..انتي وين الحين؟! قالت:بشقتك..شفيك؟ قالها:وين بشقتي؟قالت:بسم الله عليك..بفراشك اشفيك؟! قالها:جم دافعلج عشان تنامين معاي..قالت بدلع:والله انت قايل ٥٠ و بتظبطني اذا دلعتك..بس اشفيك؟بغا ينتحر الا شعره و رد انسدح و ولع زقاره ثانيه..و ردت لتلفونها..و غيرت الحاله بالواتس الى..هامتي ما تنحنيله لا ولا لعشره مثيله..و اشوي ردت اشهقت و صاحت و كانت اخر شهقه و عيونها الثنتين مبطلين..و عقب البكس التايسوني..قالها: انا اغبى ربعي لكن اعرف انه من ارخصت نفسها ارخصوها الناس..تبين حب اشلون؟ اشفييييج؟ قالت:خو هو ما يدري.. فعادي انجرح..لو كان يدري صح..من حقه اشفيك..انصدم..و قام يدور خمر..قالت:اشفيك؟ قال:ابسكر بنسا سوالفج المرض..قالت:صج..زين تكفه انطرني بصلي و اشرب معاك..المهم الولد من يومها لا الحين معلق: اشفيج اشفيج اشفيج
#السكران_العاهره

اخذت تمتص احلامها و هي تغسل تلك الاكواب..تكتم تلك الانفاس الحاره التي تمزق صدرها و هي تدخلها و تخرجها..و تلك الايدي ترتجف تاره و تستعجل تاره..تحاول ان لا تنهار و تتمالك قوتها لتظل واقفه..يجب ان تنهي غسيل تلك الاكواب قبل ان ينتبه لها احد..و تلتفت حولها خوفا ممن حولها..كادت ان تنجح مهمتها الى ان الحظ لم يسعفها..فهاهي اخته دخلت المطبخ و جاءت من خلفها تخطي ببطء..و تنظر الى جسدها النحيل..و اقتربت منها حتى اصبحت تسمع تلك الشهقات..و ترى جسمها المرتجف..مدت اخته يدها من خلفها لتمسك يدها و هي تغسل تلك الاكواب..فتوقفت للحظه..فقالت في اذنها:الى متى؟ فصمتت و اخذت تحاول ان لا تبكي..فقامت اخته النظر الى ذلك الوجه الصبور..فما التفت حتى صعقت..فذلك الوجه بات متورما..و تجري دموعها فوق جروح خدها..فلم تتمالك اخته الا ان حضنتها و تذكرتها في زفافها كيف كانت في قمة الجمال..فاخذت تبكي عليها..قالت:هذا لا يحتمل..يضربك؟! انا اخته و اعرفه زين ما راح يترك هالزفت اللي يشربه و هالبودره الا ذابحج يا مجنونه..الصبر مو لهالدرجه..تطلقي و افتكي منه..ارحمي نفسج و ارحمينا من ذنبج..ما تبين عز ابوج..ما تبين اهلج..و تنظر اليها بعينها المكسوره..تحاول ان تتمالك نفسها و قالت بصوتها المجروح:بيت ابوي شي و بيتي شي..انا ماراح افشل و بحاول..و راح اصبر..و الله بيعوضني و كلي ثقه فيه..و لو سمعت كلامج شنو بقول لعيالي اذا كبروا..بصبر و بصبر..و ربي ماراح ينساني..قالت اخته: ترا مو عيب تكونين مطلقه..كل الديره مطلقات..ردت بصوتها القوي الصامد و تحاول تجبر دموعها توقف: انا مو مطلقه..انا ام..انا زوجه..انا عندي بيت..نظرت لها اخته في تعجب من صبرها..و اكملت الزوجه:فيه مشاكل و ماكو بيت بدون مشاكل..و اذا الله ابتلاه..فمبتليني معاه..هذا حال المتزوجين يشاركون بعض..الحلوه و المره..قالت اخته:احنا خايفين عليج يا بنت الناس..قالت:اذا بتخافون..خافوا علينا مو علي لحالي..و فجأه صوته يناديها بشره..وقالت لاخته:روحي لا يشوفج..و صعدت له و اقفلت الباب خلفها لتدخل الجحيم معه..و ها نحن اليوم بعد عدة سنين نرى ذلك الرجل الصالح من انجح الناس و ابرزهم..و اطيبهم خلقا و افضلهم..و ابتسامته لا تفارق وجهه حين يدخل منزله..ليرى تلك الزوجه الصاله تغسل الاكواب..ليمسك يدها من الخلف..و يسألها: الى متى؟ و تلتفت ليرى وجهها المشرق..و يسألها:هل قصرت معك بالخدم حتى تقومين بالتنظيف بنفسك..و تبتسم له..و ترد: انا زوجه..انا ام..هذا بيتي..فليس هنالك من يهتم به مثلي..
#القصه_ليست_خيال و الرجل معروف باصله و طيبه و حتى ابنائه من انجح الناس و افضلهم..

بقول سالفه و ابي منكم تحطون منشن للشخص اللي تشوفه عفوي و تكتب (عيبه عفوي) او (ميزته عفوي) او شخص (اتمناه عفوي)..لانه العفويه كثير منا يعتبرها عيب و تجرح و في منه ينظرلها ميزه تريح البال..و في منه وده يصير عفوي و خايف ينكسر فيه..مثلا لمن طلعنا انا و مطحون و راهي و السكران لقهوه..و راح السكران الحمام..وقعدت يمنا وحده حلللللوه..و السلاتيح اللي قاعدين صار كل واحد يقط عينه هناك انه يبيها..قام راهي رايح راد جدامها على انه رايح الحمام يعني شوفي كشختي و طولي..قلت شفيك..قال انطر هذي خطط اشدراك..ولازم ما اطالعها انطر تطالع صوبي و اسوي روحي عادي..تكفه شكواي سو روحك تسولف معاي عشان اخزها..قمت اسوي روحي اسولف بس انا قاعد اسب فيه..و مطحون يطالعها كانه بينتقم منها لو انا مكانها ابلغ عنه خطف بالنظر..و ظلينا اشوي جذي..ولا ياي السكران يقول اشفيكم..و التفت عليها جان يقول بعفويه..انتي حيل حلوه..انصدمت البنت و ضحكت..قالها اقدر اكلمج..و خذت رقمه..طبعا راهي انهار..الحين تفضل هالسكران المنتف علي..مو ياخي انت مطولها و هي قصيره..ترا القلب يرتاح بالتواصل المباشر..يعني العفويه بين البنات و بعضهم قليييييييل تلقاها..مجرمين بصراحه..جدامي زميلتين بالعمل يسلمون على بعض..اول مره احس انك ممكن تسلم و تسأل و انت مسكر اسنانك..ابتسامه غريبه..و اول ما طلعت خل تولي ال.... قلت ليش..قالت صادفتها بعرس جان تسوي روحها ما تشوفني اول نص ساعه و بعدين ياللله يات سلمت..طلعت منه يات هذيج جان تقول ترا هذي ام ويهين ديربالك قلت ليش..قالت شفتها بالعرس و كانت واقفه مع وحده ما اواطنها و لمن ييت اسلم عليها جان تسلم من خشمها!! قلت:ماشالله عندكم حبت الخشم بعد؟! قالت: لااا بس يعني نفسيه..اكيد كانت تسولف معاها عني..و للامانه هني وقفت و اعلنت انه الشباب علاقتهم مريحه اكثر..واحد يقول للثاني وينك يا حيوان ما سلمت علي بالعرس..و هذاك يقوله مالي خلقك اذلف..و يرد هذاك:العن ابوك زين تروح النادي..طبيعي الوضع عادي..و ما يخلو الموضوع ان بعض الشباب صاروا مثل بعض البنات..و للامانه شي غريب..ترا ان تعاملت بعفويه اكثرت او عبرت عاللي فيك بطريقه مباشره بترتاح و تريح..طبيعي الصراحه بتجرح مرات لكنها افضل من انك تحشرها في قلبك و ترا الكتم هذا يسود القلوب..يعني السكران على انه دايخ و دايم مصيعني لكن عفويته لها جاذبيه ما تقدر تقاومها..مهما اكون زعلان و معصب عليه..اطخ..و بعض الناس عفويته دفشه لانه اهو مجرم..بس همن افضله عشان يكون حوله ناس من نفس الطينه و يعيش مرتاح..فيعرفون يقدرون يتحملونه او لا..المهم ورونا العفويين بنعرفهم..😍

ان لم تستطع ان تقاوم فحاول ان تستمع..مجتمعنا غريب عجيب..ندعي انه احنا مطبقين الدين شكلا..وتحت العبايه لابسين قميص نوم..مثال:مسموح عندنا اقامة الحفلات الغنائيه لكن اذا رقصت يا ويلك..خلاص اذا على حرام امنعوا الغناء بعد..ولا عند الدينار تحل المحرمات 😉بقولكم سالفة السكران و اعتبروها جرأه او سالفه تقولها لاحد و تعطيها قوسين بيني وبينك..صاحبي السكران دق علي يصيح شكوااااي الحقني..قلت اشفيك قال رفيجتي حامل..قلت مبروك شبتسمونه..قال انا السكران ولا انت..قلت:المطلوب..قال:ابي حبوب..مادري منو قاله اني فاتح كرخانه..و المتعارف عليه عندنا بالديره انه اذا البنت حملت تاخذ حبوب اسمها سايتوتك و هي حبوب قرحه..السعر المعلوم ٧٠ثلاثه فوق و اربعه تحت..قلتله ماعرف و لو اعرف ماراح اييبلك..ساعه يعطيني محاضره عن الصداقه و الاخوه..وانه اشلون عبسي كان مع عدنان و ما هده بروحه..المهم قالي دبرتها و عطيتها و طيحت..قلت عظم الله اجرك..بعدها بشهر ولا يايني يصيح..شكوااااي رفيجتي حامل..قلت عاد انت حيوان بصراحه..ليش ما استخدمت الاساليب المحليه المتقدمه للوقايه من الحمل..طبعا المتعارف عليه..خل اليهال يلعبون داخل بس ينامون بره؛) يعني باختصار جايبين العيد..قالي لا ما طاح..و طبعا صاحبته سكرانه مثله شهر ما تدري..قلت شبتسوي..قال حاليا قاعد افكر اشتري غلوفز ملاكمه و انشالله خير😳..بعد اتصالاته مع شبكة الفساد مالته كلم خبيره في هالامور و عطته الخطوات الاكيده و للامانه لما شرحها لي مت ضحك..بس سواهاو فعلا انتهى الموضوع الى انه بقا عليه التنظيفات ..لما راح المستشفى طلبوا عقد زواج..و بعد فراره عرفوا دكتور عنده عياده يسويها من تحت لتحت..و طبعا شغل لقافه..الدكتور شكله شرشبيل لابس كوت ابيض..ويهه ويه الشر..انا اللي مالي شغل خفت..قاله عندك عقد زواج قال لا..قال ٧٥٠ ..طبعا هي ما تكلف ٥٠ بس شغل استغلال..قاله زين بس هي وراها عرس بعد شهرين بجم تسكرها..حسيتها قوطي بيبسي..قاله ١٠٠٠ و اذا تبي الاثنين تسويهم عندي ب ١٥٠٠ خصم قوي صراحه..و دق على الخبيره شرحلها الموضوع قالت خله يولي و خلها تاخذ عشبة المدينه للتنظيفات زينه..و عالتسكير في حبوب من فيوجن بيوتي تفي بالغرض..و شرط زوجها ما يحس بهالشي..و تم انجاز المهم بنجاح..والحين البنت تجهز لعرسها..وامورها طيبه..و مبروك يا زوجها ياللي تظن زواجك التقليدي يحميك من انك تاخذ وحده تعرفها..هذا مجتمعي و هذا واقعنا..اذا ما عشنا بسخريه بنموت من القهر..و حاليا السكران داق علي يقول هذي تاخرت عليها العاده بعد.. شسوي؟! الظاهر بسوي فيه مثل ما يسون بالكلاب في امريكا لا ابتلشوا فيهم جذي..

عادت و هي تجري من جارتها بعد ان وجدت لديها موقد صغير و تركت صغارها لديها لتتمكن من طبخ عشائها المميز و دخلت منزلها المكون من غرفتين صغيرات و اخذت تشعل النار و تبحث في المطبخ عن طعام يمكن من جعل عشائها مميز فلم تجد الا بعض الطعام الذي لا يكاد يكون شيئا ففتحت نافذتها على جارتها الاخرى تسالها ان كان لديها اي خضرات فساعدتها بالبعض..فاشعلت النار على عشائها المتواضع..و راحت تعدو لغرفة نومها تبحث بين ملابسها عن قميص نوم لهذه المناسبه و في قعر تلك الكومه من الثياب الباليه وجدت قميص نومها الذي ارتدته في ليلة دخلتها فحضنته و راحت تبكي كيف جرا عليه الزمن و الفقر حتى اصبح في قاع تلك الكومه..فحاولت ان تعطره فلم تجد شيئا فحزنت ولكن لم تجعله مانعا لجعل ليلتها مميزه..و اردته و اخذت تبحث عن شموع و لم تجد شيئا فعادت لمطبخها لتبحث و تعثرت في احد الكراسي و سقطت على الموقد الذي اشعل النار في القميص..وتمكنت من اطفائه بعد جهد و كان ذلك مع دخول زوجها عليها..فنظر اليها محترقه و الطعام على الارض و دموعها على وجنتها..فسالها ما بك..و مع صوتها المتحشرج. قالت: كنت احاول ان اجعل عيد الحب بيننا مميزا فلست اقل من الرجال لتحضى بتلك الليله وخفت ان ينسينا الفقر الحب الذي بيننا..و لكن لم يسعفني الحظ..و انا اسفه حبيبي..فانت تستحق افضل من هذا..بل تستحق افضل مني..فانا بلهاء..فاحتضنها و قال في اذنها..اعلم ان الفقر يسكن معنا هنا..ولكن انا غني بك..وان اجمع لهذا اليوم منذ ثلاث اشهر فلستي اقل من باقي النساء لادعوك لعشاء في الخارج..فقوموا معي واتركي هذا الزلزال في المنزل و لنذهب..قالت و هي تضحك و تمسح دموعها..ليس لدي ما ارتديه..قال:لو بحثتي فوق الخزانه لوجدتي ذلك الفستان الذي احضرته لكي..بدل ان تبحثي في قعر الكومه عن هذا القميص.. (النسخه الكويتيه).. رد البيت تعبان من الدوام لقاها حاطه شموع الارض و حاطه عشاها عالطاوله و لابسه قميص نوم كله ريش..تأفف و قال ياليل..قالت كل عام و انت الحب حبيبي..قال خليها لبالليل..قالت بالليل بتقول عندك دوام..و مالك خلق..قال الحين انا مالي خلق..بنام نتفي الريش اللي عليج و حطي الغدا بالمايكروييف..قالت:واللي سويته هذا كله عالفاضي؟! قال:استريحي بس هذي رصت ميري للشموع اعرفها خمسين مره سويتيها و هذا طبخها اعرفها اذا كشخت الاكل الشي الوحيد اليديد القميص و قصتج و مو حلوين..نامي بس نامي..وبعد هذه القصه بشهر تم القبض على تلك الزوجه في شقة مشبوهه في حاله انحرافيه شديده و كانت متمسكه بقميصها بو ريش حتى تلك اللحظه..

follow this page in feedly

Most Popular Instagram Hashtags