schools.secrets schools.secrets

5,427 posts   355,387 followers   81 followings

名校Secrets  分享校園資訊

[Guest]話說每班都有一堆好勢利嘅女仔,而我正正就係嗰堆女仔嘅一分子,但我覺得係嗰堆到好似上演緊現代宮深計噉。原本我哋感情好好,但因為之前前後有幾人得罪咗個大佬,攪到被人bu,令到我哋之間嘅關係差咗,都好驚得罪人,做野講野都要好小心。前一陣子學校有跳舞比賽,我有份跳,比賽結束後有幾個低form過黎揾我影相,我覺得冇乜嘢,但係就俾佢哋串咗好奈,仲要個態度幾差,唔同半時我哋玩玩吓嗰啲串人。而家放緊暑假,我哋幾乎得閑都唔約出黎,同上年日日出咁濟分別好大,然後我發現原來佢哋有約出黎食飯但冇揾我。我知道佢哋係班到討厭邊個,但佢哋即使討厭一個人表面上都會同佢fd。我成績ok,所以佢哋成日都借我功課抄,我諗我哋嘅友誼會唔得返抄功課。我好驚佢哋係背後討厭我,成為佢哋下一個bu 嘅對象,點算好⋯⋯
Sorry for 1999
圖片源自:網上

[Guest]🤤細個果時好鍾意睇宮崎駿動漫。特別係千與千尋。唔知大家有無睇過呢?雖然近期d動漫,好似:工作細胞都幾好睇。🧐但好懷念宮崎駿所有作品嘅深度。好似千與千尋唔單純係娛樂,仲帶出人性丶貪慾等道理。#sorfor1999
圖片源自:#天空之城#崖上的波兒#風起了#哈爾的移動城堡#龍貓#魔女宅急便#千與千尋#幽靈公主#飛天紅豬俠#宮崎駿

[Guest]我今年升___中一,果D運動暑假班嘅教練唔係專業導師,而只係D畢業年返黎教,一D都唔pro,仲要偏心D識打籃球嘅學生,由得D唔識打籃球嘅學生,hea教lor,淨係教D識打籃球嘅人。____籃球隊D人仲要不停罵果D唔識打籃球嘅人好頹,真係好_無禮貌。佢揀人入籃球隊,會喺我地練習期間睇表現,點知佢淨係揀識打籃球嘅人同高嘅人。我地喺背後做咁多付出、仲要特登練,都無人理,偏偏喺我地好用心打間波果陣走左去睇識打籃球果D人打波,咁你地又點知道我地嘅表現?識打籃球嘅人hea打都話佢打得好,我地就一定差。有冇理過我地嘅感受?好後悔入左___,真係一間好差嘅學校。圖片源自:#宅男打籃球

[Guest]件事係咁嘅
我啊媽由幾個月之前性格開始變
脾氣變得好差好差
動不動就黑面同鬧我
有時候 明明我咩都冇做 咩都冇做錯
佢可以無端端破口大罵 無中生有
心情一差就發洩哂係我度 各種難聽嘅說話
*
有一次
佢原本心情都好地地
但一傾完電話唔知做咩心情就好差
見到我就破口大罵
有一次
佢叫我拎豉油
我拎慢咗少少
佢又破口大罵
有一次
佢炒炒下餸
發現醬料用哂
就鬧我 你幾時用哂 但我真係冇用過
有時候明明自己咩都冇做錯 只要佢心情一差 我就要比佢鬧
*
每日兩三次依啲情況
我慢慢開始每日都要係屋企提心吊膽 睇個面色
每一次佢對我破口大罵
我都同自己講 佢返工好辛苦
忍下啦 忍忍就過 體諒下
屋企人要互相包容
但係 佢一次又一次得寸進尺
慢慢透支我嘅容忍度
一次比一次過分 我一次比一次難受
成日偷偷係被到喊
*
今日
佢放工見到係度我食外賣
唔知點解又對我破口大罵
咩原因都有然後又扯到我唔做家務
我只不過係食個外賣而已
點解要比人破口大罵?
我當時再都忍唔住 我內心嘅容忍程度已經爆咗
我趁佢係我間房走咗
拎咗面前嘅玻璃杯dum咗落地下
發咗我最大嘅脾氣
(((你地可以話我不孝
*
我覺得
點解下下都要破口大罵?點解要成日無事生非?
家務 你好聲好氣叫我幫手做 我一定會做
屋企 已經變咗一個我日日要提心吊膽嘅地方
圖片源自:網上#小丸子

[Guest]
我有個喺中學認識咗四年嘅好朋友,中學果時我地好fd,食飯小息都會一齊。同時間我地考dse果年,大家會約埋一齊去學校圖書館溫習。因為學校溫習可以方便問老師。好好彩,我地大家都考到大學,不過讀嘅係2間唔同大學仲要唔同科。咁我係讀商業,而佢係讀media 。但佢自從讀咗media 之後,就好似潛咗水咁,好難先約到幾次食飯。不過唔緊要,知佢忙,所以比較少搵佢了。想等佢有時間再約。今年暑假,我打算約佢出嚟玩下,估佢完咗sem後應該無咁忙,咁我WhatsApp’s 問佢得唔得閒,但佢已讀不回,之後我再試喺中學fd底group 問,都係已讀不回。過左幾日後,我打比佢,點知打左好多次都吾通。😭如果唔去都講一聲啦。其實佢點解咁嘅樣?想遠離我?最後我放棄唔搵佢了。#sorfor1999圖片源自:#海綿寶寶

[Guest]點解依家啲人咁鍾意言語欺凌?
事發起因:
某一日一齊打機,喺第一場嗰陣已經有一個人先講嗰句我唔鍾意嘅詞語,跟著喺聊聊我都已經唔出聲淨喺打咗句「你好_煩」
之後第二場另一個人又講,所以我直接唔幫佢打野怪,之後佢就開XX我。
明明人哋本身已經表明唔鍾意嗰個詞語,仲要三番四次咁繼續講,講完之後仲要理所當然咁講自己冇錯。
其實佢哋邊度黎嘅勇氣?
仲要話我雙重標準,我真喺諗唔明。
明明事前已表明不喜歡,但喺你死都要講。
依堆朋友其實喺咪唔駛再當佢哋喺朋友?圖片源自:網上

[Guest]我係一個9月就升中六既女仔,當我諗起開學之後,要不斷補課,小測,我就好大壓力。我係一個唔受得壓力既人,至於點解我唔受得壓力,係要由我中一講起。
我中一既時候,仲未習慣新學校的模式,加上嗰陣咁啱好錫我既爺爺過咗身,成績一直跌。但到中一尾聲嗰時,我成績就好翻啲。
好安全咁升到中二,發生咗一件令我以後都唔可以再受太大壓力既事,就係有一日,我爸爸喺返工既時候喺紅隧暴斃,走咗。我好記得嗰日我去到醫院,我成家人都好唔開心,尤其係我嫲嫲。接受咗爸爸已經死咗既事之後,仲要發生多一件事,就係我爸爸喺當時既兩年前同咗佢女朋友結婚,仲要喺全家都知,得我唔知既情況下結婚,突然間多咗個老母,我真係接受唔到,因為對我黎講,老母得一個,同埋我啲屋企人喺度呃我。由於我屋企得我一個孫,所以我爸爸走咗後,我就一個人負起曬決定屋企所有野既責任,講真,對於一個中二既女仔黎講,係好辛苦的。自此之後,我就因為太大壓力而患上抑鬱症同狂燥症,每晚都要依靠安眠藥先可以訓到覺。
升到中三,選科既時候,我受盡我同班同學既歧視同欺凌,我成績都因為受到影響,而揀唔到我想讀的科目,逼住要讀雙史。(因為我學校得好傳統既科目
升到中四,我做咗一個決定,就係drop咗其中一科史,等自己無咁大壓力。到咗升中五既暑假,我又得知我既家姐喺屋企服藥自殺,對於佢既死,我非常後悔,因為當時我無去開解佢。
中五成年,原本無咩點,臨尾我啲同學開始喺網上話我,真係好唔開心,嗰時我真係好想死咗去。
到依家,為咗考DSE要開始拼老命去搏殺,屋企人仲要不停逼我,我真係接受唔到佢地喺度逼我。
我係咪要用死先可以解決問題?
圖片源自:網上

[Guest]我係一個文具控,番學好鍾意帶好多文具番學。同時都儲咗好多文具。雖然暑假緊,但行街果時,見到間好舊嘅文具店,見到小學果時用過嘅換芯筆,好懷念,所以買左。但都係儲,唔會帶番學校用,一嚟學校無咩人會用,二嚟係無咩機會用到。😭當作係一種番學時回憶吧。其實依家真係連原芯筆都少用,唔好話換芯筆。#sorfor1999 #回憶諗起舊時#
圖片源自:網上

[Guest]我係一個成績偏上既女仔,升中四,身邊既同學每一日都係講追星,追韓劇,我雖然知道亦明白佢地講乜,但係我真係覺得好唔自然,搭唔到一齊講,漸漸friend越來越少/ 唔close,比人標籤為唔合群,但係其實我都唔想㗎,我鍾意睇書,個個話我死讀書,喺書入面既時間係我最享受既時間,可以忘記世事,真係好開心㗎,有咩方法可以令佢地明白我??
#冇惡意
#1999 圖片源自:網上

[Guest]我f3升f4 長話短說綜合2個問題
希望各大網友可以俾啲意見
1 數學方面跟唔上
可能本來數學底就打得差 再加上f1至f3嘅老師講數都有啲快 我個腦又轉得慢 每次教完嗰日放我都要用時間去慢慢理解 但係理解完明白啦識做啦 過多幾日或者一個假期而家唔記得 嘗試過長期一段時間去重溫 但係都係冇用 對我嚟講所有嘢執埋一齊反而有啲混亂 每次測驗或者考試都係前嗰一兩日臨急抱佛腳溫 咁反而有效果 雖然仲有段距離但係我知道 中六dse咁多嘢記唔可以再維持咁樣 所以想問下有咩方法可以記數學。

2 滿15歲想做兼職但係家人唔支持
因為我父母係遲婚生我 所以佢哋嘅歲數都唔細啦 屋企又係得阿爸做嘢撐起屋企 佢又係做嗰啲勞動性工作 即係成日整親嗰啲 咁我個人好鍾意食嘢 大部分零用錢都買嚟買嘢食 咁依家大個都想買小小護膚品 女仔又要買m巾護墊 有時同朋友去玩食飯都需要錢 我零用錢一個月就一百 實在唔夠用 重點係我唔想攤大手板問佢哋攞錢 所以我就提議我滿15歲出去做兼職 起碼有自己嘅生活費 可以嘅話仲可以畀啲家用 但係我老豆就話唔支持 佢又叫我讀好啲書 講真讀書方面我覺得數學唔係好掂 其他我都可以應付到 想問下你哋有冇啲咩方法可以勸掂。
圖片源自:網上#超人特攻隊

唔知大家平時用電話做乜多呢?
有唔少人都會喺出街果時用App聽歌或者用YouTube睇片。但有無發現D數據唔係無限任用,好快就用晒? 成日要喺關鍵嘅時刻限住自己熄data,仲同自己講:唔可以用咁多! 有同感嘅Ching就舉下手啦!
但依家唔洗擔心啦!因為SmarTone推出咗個大專生至Lite計劃,揀埋「隨時聽」同「隨時睇」,就有無限數據任聽 #Joox, #KKBOX#Spotify,又有無限數據任睇YouTube片*,快D click 入去了解下啦!👉🏻http://bit.ly/2LsTuSn
*只適用於指定應用程式內收聽音樂或觀看影片時所產生的本地數據用量。受條款及細則約束
#SmarTone #Moreoflife #隨時聽 #隨時睇 #music #video #大專生 #university #年輕人 #數據

[Guest][男校]
我讀男校,係朋友安排下參加咗船P。咁我喺學校無咩朋友,有一至兩個平時比較傾得多嘅。咁有位朋友(簡稱佢為B),佢好鍾意玩,佢搞左個船p,約咗d其他學校嘅女仔一齊玩。但喺船上我吾知係怕羞定點,見到咁多佰生男女,所以無點出聲,之後想R下水吹,但好似搭唔到嘴,最後完左成日party 我都無點出聲又無人理。感覺自己好無用。😭
圖片源自:網上#sorfor1999

Most Popular Instagram Hashtags