sara_almutawa sara_almutawa

1760 posts   94637 followers   543 followings

سارة المطوع  مُفكرة فوتوغرافية 📋✏📷 Riyadh , Saudi Arabia Co-owner Of @varietalcafe Snapchat: almutawa-sara

http://www.varietalcafe.com/

السلام عليكم ومساكم الله بالخير
.
يسرنا الإعلان عن بطولة الإيروبرس ٢٠١٧
واللتي ستقام بإذن الله في محمصة بيت التحميص بتاريخ ٣٠ سبتمبر
.
وهذا الملصق هو اللذي فاز بمسابقة تصميم
ملصق بطولة المملكة العربية السعودية
للإيروبرس ٢٠١٧ واللتي سبق ان أعلنا عنها
وبجائزة مقدارها ١٠ الاف ريال وفازت بها
المبدعة سندس الفرائضي
.
ومن مفاجآت هذا الموسم جولة تصفيات
جديدة لمنطقة القصيم والشمال.
.
وقهوة موحدة للمتسابقين من الزملاء
في محمصة راو بدبي
.
وسوف يتم الإعلان عن تفاصيل التسجيل
والمشاركة قريبا
.
ويوجد أماكن محدودة للداعمين لهذا
الموسم ولمن لديه الرغبة بالدعم المادي فضلا
التواصل معنا في سلالات القهوة
.
وتمنياتنا للجميع بالتوفيق وترقبوا مزيداً من التفاصيل 💛
ملاحظة : تلقون بحساب سلالات القهوة تاقات كثيره بالصورة مثل حساب الفائزة بجائزة افضل تصميم والمحامص والكافيهات الداعمة لهذي السنة
.

#سلالات_القهوة #قهوة #قهوة_مختصة #قهوة_سوداء #القهوة #تقهو #الناس_الرايئة #إيروبرس
#varietalcafe #specialtycoffee #coffee #espresso #coffeetime #coffeelover #aeropress

حياكم الله على سنابي 💕🌿 تكلمت اليوم عن طاحونة مميزة للبلاك كوفي ومنتشرة في مقاهي كثير حول العالم والحلو فيها انها مناسبة للمستخدم المنزلي

يسعد مساءكم بالمسرات 💘
ماشاء الله طلوا على حساب غادة البابطين الله يحفظه 💕
@gababtain .

واضيفوها عندكم تستاهل 💪🏼
قاعدة تنزل صور ومقاطع موثقه لفرحتهم بالعيد الي بدت من قبل رمضان !!
الصراحه على بساطة تقريره إلا أني اعتبره برنامج تربوي تطبيقي رائع 📋🖊
حبيت عرضه لتفاصيل كثيره مثل
مشاركتهم للاطفال بإخراج زكاة الفطر 💪🏼 .
ياقلبش ماشاء الله هالاديات الي طالعه بالصورة من حساب غادة😍
الله يحرمهن عن النار ومن علمهم 😭
وكيف الاطفال مستمتعين بتعلم شعائرهم بفرح وفخر وحب وامان !! الاطفال مب بس يطلعون زكاتهم لا يشاركون بفرح وعفوية هدايا العيد ماشاء الله يجمعون اطفال العائله الاحفاد قبل رمضان وشوفوا التفاصيل سنه يجمعون البنات وسنة الاولاد وش يسون اذا جمعوهم قبل رمضان ؟
يطلعون معهم يخلونهم يشرون هديا العيد بنفسهم من حلويات سواء لاطفال العائلة او الاطفال بالمسجد ثم يجمعونهم الاولاد والبنات جميع قبل العيد عشان ينظمون الهدايا !! ماشاء الله عليهم تدرج بنفيسة الطفل وتعليمه الصبر والعطاء !! مشاركة حب اهتمام بر وصل معاني وقيم كثيره تنغرس بعقلية الطفل !! .
وحبيت عرض غادة لمشاركتهم لحوامة حي الريان !!
الله يكثر من امثالهم 🌿💕
و الله يسعد غادة مب سهل انك تشارك العامة هذي التفاصيل
وتشرح برنامجك وواضح القصد منها مشاركة بحب 💘💘 .
كله كوم وجدتهم فنتوخه الله يرحمه كوم ثاني 😭😭😭 طلوا هناك تعرفون .
شكراً غادة وكل وسائل التواصل الاجتماعي بركة الي عرفتنا عليكم والله يديم افراحكم ومثال يحتذى فيه فخوره فيكم 💘

مساءكم ايطالي مدهش 💘
مع تقرير إيتالي "٣-٣"
.
وجينا للجزء الاهم بالتقرير وهو تقييم الطعام الي يهم الأغلب منا
وقبل التقييم بس بقول معلومة عن الجلسات!! فيه جلسات مكشوفه والناس جمب بعض وفيه جلسات ببارتشن وجلسات صادة ومكشوفه .
شوفوا الصور يمين ويسار ببدا بتقييم الاكل المالح 😍
طلبنا كان عباره عن :
١- ‫لازانيا
و ماشاء الله كانت لذيذه جدا💘💘 من زماااان ما ذقت لازانيا بهذا الطعم😻
من جد إذا ابي انبسط بلزانيا لذيذه الآن هو خياري الأول بالرياض 👌🏼
واعطيه تسعه من عشره كان ودي اعطيه عشره لكن كميه اللحم المفروم كانت قليله .
. . ‫٢- وطلبنا بيتزا .
.
بجبنة البوراتا والكوساوالطماط 😻
كانت لذيدة من قلب 💘💘
وبيتزا ايطاليا على اصوله الصحيحة 👌🏼
اعطيه ثمانيه من عشرة وإذا بطلب بيتزا على اصوله مافيه ادنى شك هي بتكون خياري الاول !!
لكن ليه التقييم كان ثمانيه ؟!
لان كانت فيه نقطيتين نقصت التقييم
.
الأولى قدموها لنا بصحن صين !!
والبيتزا اصوله تتقدم بقاعده خشب لأن الخشب يخلى عجينه البيتزا تتنفس صح بعد حراره الفرن وصحن الصين يكتم البيتزا وتمتلي العجينه بعد الفرن بسبب الحراره رطوبه !!
وهذا يخرب قوام العجينه تصير رطبه طليت على موقعهم
ولقيتهم يقدمون البيتزا بقواعد خشب وبعض المرات بصحون صين .
النقطة الثانيه مستوى جبنه البوراتا كان وسط
وكانت الجبنة تزلق من البيتزا هي وقطع الطمام
ويطيحن بالصحن😂
لأن الطمام كان ني ومقطع صغار وشكلهم حطوه عقب الخبز
عموما كنت ارجع الجبنه وارجع الطمام لانه لذيذ اواسفط البيتزا
الييتزا لذيذه لذيذه بشكل مجنون خاصة صلصة الطمام 💘
.
‫٣- المشروبات
.
كانت جح بفراوله والثاني خلطه فيها انناس
الجح ما كان واضح طعمه وعصير الاناناس كان طعم البرتقال هو الي واضح فقط ‬
.
‫٤- طلبنا حلويات تيك اوي عباره عن تيراميسو
كان طعمه وسط !!
كنولي برضوا كان طعمه وسط
وشي اسمه مارينوتسو كون لا بانا -> ترى هذا كله اسم ما امزح 😂
وكان عليه طلب وانا بالمحل كلن يطلبه !! هو الي طالع مع بوكس الحلى كبير وكله كريمة بيضاء
تفاجئت الصراحة كان عباره عن خبز صامولي قاسي
محشي كريمة خفق !! .
الميزه الوحيده الحلوه فيه انه كان حلاه قليل !! تمنيت الخبز كان كيك هش مشرب شيره بنكهه حلوه مثل ما الورد او فستق او او بندق او حتى قهوه كان بيخلي طعمه اكثر دهشه ‬
‫.
عموماً هذي اول تجربه لي مع إيتالي
وبس انقطع نفسي😅 صح نسيت الخدمة والأسعار 🕺🏻
الخدمة كانت ممتازة
واسعار المالح تلقونه مع الصور ‬بفاتورته
اما الحالي تلقون الاسعار طالعه باحد المقاطع وانا اصور الحلويات لأن الفاتورة نسيت اصورة بس واضحة اغلب الاسعار بالمقطع.....

مساءكم ايطالي مدهش 💘
مع تقرير إيتالي "٢-٣"
.
اليوم بتكلم عن مطعم او سوق إيتالي والي يعتبر إضافه رائعه لمدينة الرياض وبخصص هذي الجزئيه لاجواء المكان 😻
والصور والمقاطع المرفقة من تصويري 🕺🏻
.

اجواء المكان ساحره جداً 😍
وخاصه اني اول مره ادخله اصبت بالدهشه عيوني قلبت قلوب قلوب والعقل صفر كأنه طفل حاطينه بمحل العاب 😂 😻
.
الوان المكان شرحه ابيض ورمادي وهذا الشيء ابرز جمال المنتجات الايطاليه المعروضه للبيع
عموما اول ما ندخل المحل بنحس كأننا داخلين سوبر ماركت كله اكل لذيذ وبس مافيه شيء مب لذيذ 😂 💘
.
الأسياب كله منتجات شهيه معروضه بطريقة انيقة وانا ادور
بين الاسياب فجئه شفت كورنر او مظلة او منطقة صغيره بين الأسياب !!
مخصصه لصنع الكريب قدامنا 😍
وقوارير النوتيلا جبال حوله😍 ريحه الكريب ومنظر النوتيلا وهو يندهن بوفره يثير المشاعر هههههههه
واكمل مشي وفجئه اشوف بار مخصص لصنع المشروبات البارده والعصائر و القهوه قدامنا !! ومكينه لمرزوكو متصدره المكان انا هينا ذبت لاني احبه جدا هي من افضل المكائن الايطاليه لصنع الاسبريسو
ومشيت والعيون قلوب 😻
و شفت فرن البيتزا الذهبي الجمييييل ومنظر البيتزا تتحضر قدامنا يعني قدامنا تتحضر قهوه وبيتزا ونوتيلا انهيار تام ههههه شوي الا اشوف لحوم تنشوى واجبان معلقه شيء مجهز للبيع وشيء لطبخ
والباستا معلقه كانه حِبال ووتصلح عجين قدامنا بقوام واشكال مختلفه المنظر صعب وصفه بالمحل 😻
مدهش لاخر حد !! وانا ما تطرقت لاسياب البهارات الايطاليه وقوارير زيت الزيتون والخل المتنوعة وعلب الخضروات المعلبة والمجففه وقطع الشوكولا المصفوفه يمين يسار فوق تحت .. الخ شوي واقول تنكس 💃🏻
.
المحل تغذية بصريه مدهشه ما ودي اطول الموضوع اكثر
بس حبيت انبه انه رغم انبهاري الشديد هذا
واعجابي بالمساحه وضخامته وتوزيعه الرائع !! تفاجئت وانا ابحث امس عن المعلومات ان فرع الرياض صغير مقارنه بالافرع حول العالم
بعضه كانت عباره عن مجمع " مول" مستقل له ادوار متعدده شوفوا الصور المرفقه بالجزء الاول من التقرير !!
.
ولاحظت ان افرعه حول العالم تنباع فيها خضروات طازجه
وحنا فرعنا فقط بعض الخضروات المعلبة مثل الفطر والطماط المجفف وغيرهم !!
عموما هذا الشيء ما ينقص من جمال فرع الرياض ابد 💘
.
انتظروا بقية التقرير مع الجزء الاخير 📋🖋

مساءكم ايطالي مدهش 💘
مع تقرير إيتالي "١-٣"
.
اليوم بتكلم عن مطعم او سوق إيتالي
@eatalyarabia
والي يعتبر إضافه رائعه لمدينة الرياض 💘
الصراحه زرت عده دول ومن بينه ايطاليا ويكون هذا المطعم فيه
ولا ازوره لأن اللسته حقتي تكون طويله ولا يوصله الدور لين هو وصل عندنا لرياض وقررت ازوره البارح 👌🏼 ويمكن تاخرت على ما زرته لأن حتى الرياض الآن صارت لستت المطاعم فيه طويله 😂
.
ماشاء الله التجربه امس كانت اكثر من رائعه وهذا الشيء شجعني ابحث عن معلومات اكثر عن المطعم واثبت الموضوع بانستقرامي 💘
اول شيء احب اقوله ان الصور المرفقة لهذي الجزئية من التقرير
من موقع إيتالي لفروعهم حول العالم ومن عده مواقع تتكلم عنه .
اكثر شيء شدني للمطعم عموماً قبل حتى ما ازوره هو اسمه
إيتـــالي
استغربت وشو يعني إيتالي يقصدون ايطاليا مثلا !! اذا لاحظنا الاسم بالانجليزي للمطعم .

eataly
.
السبلنق مو سبلنق دوله ايطاليا !!
ايطاليا تنكتب كذا .
italy .
وش الفرق بين ايطاليا أو إيتالي
طلع ان اول ثلاث حروف من كلمة المطعم هي
eat .
يعني اكل "إيت"

واول حرفين من ايطاليا
it "إت"
.
فاستبدلوا اول حرفين من ايطاليا بكلمة اكل
وتنسمع بالاذن كلمة المطعم مثل بداية اسم الدولة ايتالي !!
جربوا قولوا eataly و italy بنفس الوقت !! .
فجمعوا الكلمتين مع بعض الي هي "اكل +وايطاليا "بالانجليزي
وطلعوا اسم جديد الي هو اسم المطعم ان شاء الله فهمتوا علي 😅😂 الايطاليين فنانين بموسيقى نطق الكلمات
المهم وصار يرمز اسم المطعم للاكل الايطالي !! وهذي الكلمه غير مستخدمه من قبل هي من اختراعهم وكانت الكلمه جميله وموفقه وترمز لفكرتهم!!
وهي جمع الطعام الايطالي اللذيذ بمكان واحد بحيث يكون مطعم وكوفي شوب وسوق لبيع الخضروات والمنتجات الايطاليه المتخصصه بالاكل والشرب !!
أو كأنه عباره عن سوبر ماركت ايطالي وفيه مطعم وكوفي شوب .
وكان اول مره يفتح بمدينة تولين الايطالية
وكان الموقع عباره عن مصنع قلبوه لسوق إيتالي !! وكان هدفهم انهم ينشرون هذا السوق حول العالم
وبعام ٢٠١٣
كان اول فرع خارج ايطاليا بامريكا
وبدا ينتشر بامريكا وبعده دول كثيره حول العالم لين وصل عندنا بالرياض 😍
وصار بشارع التحلية 👌🏼
.
انتظروا بقية التقرير 📋🖊

مساكم الله بالخيرات والمسرات ❤️
لعيون السنابيات الي ما جربوا عصير سقنتشر نزلت التقرير بانستقرام
الصراحة اول مره اجربه وكنت احسب نفسي آخر وحده بالرياض تجربه طلعن كثار الي مثلي 🙃
.
اول شيء لازم تعرفون اني منب راعية عصيرات وكوكتيلات
يعني ما عندي خبره 😝
.
وكنا بطريقنا لمنتجع قوت قريب منه جداً قلت ذا الي كلن يصوره يعني ما عنيت له بعد 😝
عاد وقفنا نجربه 😎
.
بالبداية سألناهم اذا ممكن يسوون لنا الي بالصورة بدون سكر
ضحك علينا الموظف قال هذا خلطة العصير حقته به ايسكريم
مايجي بدون سكر 😅
.
وماشاء الله وحنا عندهم كان كلن طالع داخل يشرون نفس العصير
الي بالصورة عليه طلب شديد واسمه سقنتشر مثل اسم المحل
وعلى فكرة شكله من كثر ما عليه طلب ما سووه قدامنا
كانت الثلاجة ملياااااانه منه مصلح وجاهز !! بس ناخذه ونطلع
ولما طلبنا عصير موز لا سووه فرش قدامنا !!
وحتى عصير الموز خلط معه ايسكريم !! سكر سكر !!
.
بقولكم عن المزاز قبل ما اتكلم عن طعم العصير
المزاز كان صدمة عريض مره كانه ماصورة
اعرض مزاز مر علي 😂 -> صيغة مبالغة شوي 🕴🏻
المهم ومشطوف المزاز و مايل من تحت .
العصير كان طبقات من الايسكريم وڤانيلا وعصيرات طازجه
العصيرات الي استطعمته فراولة ومنقو والظاهر كان فيه موز بعد
وفيه قطع صغار من الفواكه وهي موز و رمان ومنقو
العصير لذيذ جداً وبارد ويسرسح على القلب💘 😻😻😻 من كثر السكر يضرب بالراس وتطلع ابتسامه عريضه
وخاصه كل ما انسفت طبقه ونزلت الي بعده
يجي طعم سعيد آخر
ويتخدر الواحد اكثر والابتسامات تصير كركرات 😂
.
يشبع من قلب وجبه مب عصير 😅
المهم لذيذ وعموما افضل العصير بدون سكر 👌🏼💘
والمزاز طلع مصمم كذا عشان يمدينا نشفط الفواكه والايسكريم
بسلاسه ومرونه 🕺🏻
.
ونختم بالأسعر اخذنا حجم صغير
عصير السقنتشر كان ب ١٦ ريال
وعصير الموز كان ب ١٢ ريال

مساكم الله بالخيرات والمسرات ❤️
حياكم الله على سنابي حالياً قاعدين نزايد في سلالات القهوة
@varietalcafe
على محاصيل زراعية فاخرة للبن من مزرعة لا إزمرالدا في بنما
@haciendalaesmeralda
وفي عالم القهوة المختصة تعتبر هذي المزرعه من بين افضل واغلى المزارع في مجال القهوة المختصة ❤️
دعواتكم لنا ولكم🌿

كل عام وأنتم وأحباكم بخير 💘🌿
.
الي يحبون الكستناء مثلي بردوا على قلوبكم بايسكريم لا دورية بالكستناء لذييييذ لذييييذ من مفضلاتي الجديدة 💘

مساكم الله بالخير 💕
كوب القهوة الذيذ عنده قدره فائقه على اسعاد القلب والعقل ويعطي طاقة منعشه جداً 👌🏼
لي فترة ازور عدة مقاهي واقيم قهاويهم بالسناب شات اليوم قيمت قهوة كراميلا
@caramella.cafe
ووفقت بكوب لاتيه لذيذ و سعيد جداً 😍
وكان البن المستخدم خلطة مركب الهند من محمصتنا محمصة سلالات القهوة من كثر ما كان الكوب ماشاء الله ضابط
حبيت اوثق التجربه بانستقرام
ويارب الي وده يستمتع بكوب قهوة لذيذه يجد ضالته عندهم 😎 .
باخذكم معي ببعض التفاصيل الي عاينته عندهم لتجربه متكامله 📋✏️ .
اول شيء كراميلا كافيه عبارة عن مقهى صغير مخصص لطلبات شباك السيارات بحي الياسمين شمال الرياض
يقدم قهوة تجارية وقهوة مختصة ويقدم ايسكريم وغيرهم
ويقدمون من محمصتنا نوعين من القهاوي
الاول هو خلطة مركب الهند وهي مخصصه للإسبريسر
والنوع الثاني قهوة فردية المصدر وهي اليدا ٣١
من بنما وهي تستخدم للاسبريسو وللبلاك كوفي .
حبيت المنيو حقهم عملي قطعة بلاستيك مدخل فيها المنيو صاير لها وجهين حطيت لكم صورة روحوا يمين ويسار تنقلوا بين الصور عندهم مشروبات كثيرة مابين ساخن وبارد و شكلهم شهي ومتنوع وعندهم ايسكريم مكينه ڤانيلا ويحطون عليه صوصات وحشوات متنوعه وعندهم مخبوزات معروضة مثل الكارسون والبراونيز وغيرهم .
وبرضو حبيت عندهم خدمه لما طلبت لاتيه
بخلطة مركب الهند شكل البريستا فهم اني من محبين القهوة المختصة وسالني قبل ما يسوي الاتيه كيف تحبين درجة حرارة الحليب وطلبته منخفضة على اصوله عشان ما ينحرق البروتين الي بالحليب ويحافظ على السكر الطبيعي الي فيه
وفيه ملاحظة المنيو ماكان مكتوب شيء عن خلطة مركب الهند انتم اسالوه عن انواع القهوة المختصة او اطلبوا مركب الهند بالطلب
" حالياً بشكل تجريبي عندهم برضو من محمصتنا خلطة مخرج ١٣ لاسبريسو وقهوة سلطان باشا للقهوة التركية "
.
و حبيت عندهم خدمة عطان كرت وفيه عشر خانات
وختم لي على ثلاث خانات منهم بعدد الاكواب الي طلبناه
وفكرة الكرت احتفظ فيه وكل ما اطلب منهم يختمون عليه لين اكمل العشرة بعده يعطونن هديه كوب قهوة مجاني او ايسكريم شوفوا تفاصيل الكرت بالصور .
واحب اختم ان خدمتهم كانت ممتازة وسريعة
سعيدة جداً بهذي التجربة
لي فترة ودي اجربهم وكثير من عملائهم يمدحونهم
وفعلا كانوا شيء يستحق المدح
مره مبسوطه صار عندي مكان جديد لمشاوير شمال الرياض
ما اشيل هم كوب القهوة السعيد من وين اطلبه 💘

اسعد الله صباحكم بالخير والرضا والبركة
شكراً حبايب قلبي آل انستقرام على التعزية والمواساه انتم اول حبايب السوشل ميديا كلماتكم ومشاعركم دخلت اعماق قلبي !! وشكراً للجميع سواء من تواصل معي بالحضور والمصافحة وتبادل الأحضان الرقيقية والدعوات المثلجه لصدر !! وشكراً لكل من تواصل معي بصوته الرقيق وكلماته الحانيه !!
وشكراً لكل من كتب لي عبر وسائل التواصل الإجتماعي اجمل الكلمات وانتقى بحب كلماته ومشاعرة !!
وشكراً لكل من حاول الاتصال ولم ارد عليه لانشغالي !!
وشكراً لكل من نوى التواصل ولم يكتب له !! وشكراً لكل من دعى !!
وجزى الله الجميع خيراً 💕

إن العين تدمع والقلب يحزن ولا نقول إلا ما يرضى ربنا وأنا على فراقك يا أمي لمحزونون
أحباب قلبي أمي وأبي هم السابقون ونحن اللاحقون
إنّا لله وإنا إليه راجعون انتقلت حبيبتي والدتي ونور قلبي لولوة صالح البسام البارحه لرحمة ربها الكريم ، وسوف تقام على والدتي الصلاة بعد صلاة العصر اليوم الاثنين بإذن الله في مسجد الراجحي بالرياض
.
أسألك ياربي ياالله يا علي ياقدير يارحمن يارحيم ياسلام يا مؤمن يا ذو العطاء والمن ان تتولى والدتي برحمتك وأن تأنسها في أول لياليها وتجعلها راضيه مستره وأن تغفر لها وترحمها وأسألك يالله أن تجعل يا كريم ما أصابها رفعة لدرجاتها اللهم وأغسلها بالثلج والماء والبرد وتولها برحمتك أنت ولينا وخالقنا ومحينا ومميتنا ومحينا بعد الممات
وأسألك يالله أن تجعلها من اهل جناتك جنات الفردوس الأعلى راضيه مرضيه هي وأبي ونحن وجميع المسلمين والمسلمات والمؤمنين والمؤمنات الأحياء منهم والأموات
وأن تجمعنا بهم وبأحبابنا في جنات الخلد فرحين مستبشرين
آمين

Most Popular Instagram Hashtags