saleh_alkerani saleh_alkerani

28 posts   126,036 followers   150 followings

صالح حسن الكيرعاني  سنابي 👻 saleh_hsn

🇸🇦 ❤️ 🇦🇪
سلامي سلامٍ كنّه الغيث من منشاه
على دار زايد من بلاد السعودية


#صالح_الكيرعاني

يا طيب ربعي فالرخا و الشدة
عون الرفاقة و الخوي و الجار


حنا ال كيرعان الكرم و الهيبة
والكلمة اللي ترشد المحتار


#صالح_الكيرعاني

يا مرحبا بك يا هلال الصيامي
وقت الغروب امبيّنٍ كنّك القوس
.
بين الجبال و بين سود الغمامي
تاقت لك اعيونٍ و تاقت لك انفوس


#صالح_الكيرعاني

اتشرف بكم ❤️

#خصال_الرجولة قصيدة هلالية جديدة


بسم العزيز امنزّل الانفال
ربٍ بذكره تستوي الاقوال
.
ابدا و اسالك وقفةٍ محموده
يالمستعان القادر المتعال
.
والكيرعاني لا صهل في منبر
يرويك من شعره حِكم و امثال
.
حظّك يقوم اليا نصيت الجيّد
وايطيح لا منّك نصيت انذال
.
لا تزهم اللي ما ضري بالشدّة
واللي ما عاشر فالحياة ارجال
.
يا زين كُثر المال بيد المطلق
اللي على بابه تحط ارحال
.
والمال كُثره شين عند الخامل
اللي من الطرقي يجيه اجفال
.
محدٍ يحوش المرجلة بالحيلة
ولاّ بلبس البشت و الدسمال
.
واللي يبي يسمع كلامٍ عندي
ترى الرجولة من ثلاث اخصال
.
من كان فيه امن الثلاثة وحدة
رجّال له بين الملا منزال
.
امّا شجاعٍ له وقوع و هيبة
اللي ذراعه تردع العيّال
.
ولاّ كريمٍ ينفعك من ماله
اللي يديه امن الجميل اطوال
.
ولاّ حكيمٍ صايبٍ في شوره
اللي مسيره مرضي العُقّال
.
هاذي الخصايل من جمعها يصبح
شيخٍ اميرٍ ما عليه اجدال
.
واللي ما يملك وحدةٍ من ذولي
ما ينحسب عند العرب رجّال


#صالح_حسن_الكيرعاني

الصديق اللي معي في كل حال
لا زهمني جيت له مثل الهبوب

قُرب نفسي من مطاليق الرجال
مثل قُرب الحق من بيض القلوب


#صالح_الكيرعاني

انا قريحة خاطري ما يشوقها
الا الامور الكايدة في طروقها
.
شعري ثمين و خالدٍ كنّه الذهب
لونه شعاع الشمس ساعة شروقها
.
كم كلمةٍ في خاطري ما هرجتها
لا جيت ابشرحها حصل ما يعوقها
.
واليا تحدّثنا نقلّل و نختصر
كُثر الحكا للي وساعٍ حلوقها
.
واجهت في دنياي خلقٍ مشكّله
وميّزت من كثر التجارب فروقها
.
اعرف وجيه الصدق و الكذب بالنظر
كن البشر يكشف لي الله عموقها
.
لنذال ما يثمر بها الجود والتعب
الا ثمارٍ توجع اللي يذوقها
.
الحنظلة مُرٍ ثمرها ليا اثمرت
مهما السحاب العذب يروي عروقها
.
لجواد تجلي همّك اليا نصيتهم
حتى لو انْك امقصّرٍ في حقوقها
.
النخلة الخضرا لو الملح تشربه
تلقى جناها حاليٍ في عذوقها


#صالح_حسن_الكيرعاني

من يشمت ابشخصٍ وطى درب منقود
حقٍ يجي له يوم يمشي على اثره
.
والعاديات اللي بها الخير معقود
ياما لها عثرات ماهيب عثره


#صالح_حسن_الكيرعاني

اللهم صل على محمد ❤️

صلّو على اللي سنّته منهجنا
وضّح لنا التحليل و التحريما

والله تعالى في كتابه نزّل
( صلّو عليه و سلّمو تسليما )


#صالح_حسن_الكيرعاني

اهنئكم بحلول #عيد_الأضحى المبارك ❤️

سنابي 👻 saleh_hsn


انا عشت غرب العاصمة حول خمس اسنين
ولانيب هاجر ديرةٍ قد ربيت ابها


#صالح_الكيرعاني

بيت يتيم للمجاراة من سنابي 👻 saleh_hsn


ما ننقل الا العَطف و الفَرد و الطيب
يوم الردي ما ينقل الاّ النميمة


#صالح_الكيرعاني

Most Popular Instagram Hashtags