[PR] Gain and Get More Likes and Followers on Instagram.

saleh_alkerani saleh_alkerani

69 posts   125902 followers   134 followings

صالح حسن الكيرعاني  ••••••• لإحياء الأمسيات الشعريّة أو الإعلان والنشر يُرجى التنسيق مع م / محسن واتس اب : 0542701280 ••••••• قناتي في اليوتيوب 👇

https://youtu.be/IU-cvJSx-2o

المقطع كامل في البايو 👆🏻


انا قريحة خاطري ما يشوقها
الا الامور الكايدة في طروقها
.
شعري ثمين و خالدٍ كنّه الذهب
لونه شعاع الشمس ساعة شروقها
.
كم كلمةٍ في خاطري ما هرجتها
لا جيت ابشرحها حصل ما يعوقها
.
واليا تحدّثنا نقلّل و نختصر
كُثر الحكا للي وساعٍ حلوقها
.
واجهت في دنياي خلقٍ مشكّله
وميّزت من كثر التجارب فروقها
.
اعرف وجيه الصدق و الكذب بالنظر
كن البشر يكشف لي الله عموقها
.
لنذال ما يثمر بها الجود والتعب
الا ثمارٍ توجع اللي يذوقها
.
الحنظلة مُرٍ ثمرها ليا اثمرت
مهما السحاب العذب يروي عروقها
.
لجواد تجلي همّك اليا نصيتهم
حتى لو انْك امقصّرٍ في حقوقها
.
النخلة الخضرا لو الملح تشربه
تلقى جناها حاليٍ في عذوقها


#صالح_حسن_الكيرعاني

من يشمت ابشخصٍ وطى درب منقود
حقٍ يجي له يوم يمشي على اثره
.
والعاديات اللي بها الخير معقود
ياما لها عثرات ماهيب عثره


#صالح_حسن_الكيرعاني

اللهم صل على محمد ❤️

صلّو على اللي سنّته منهجنا
وضّح لنا التحليل و التحريما

والله تعالى في كتابه نزّل
( صلّو عليه و سلّمو تسليما )


#صالح_حسن_الكيرعاني

اهنئكم بحلول #عيد_الأضحى المبارك ❤️

جديدي قصيدة على #البحر_الهلالي


المقطع كامل في البايو 👆🏼 او اطلبه من المنسق واتس اب 0566632080


يقولون لي دام المنابر تطولها
فعدّد لنا مجموعةٍ من فحولها
.
ترى الكيرعاني ناوي اليوم بالفخر
كما تفخر الفُرسان بـ اطيب فعولها
.
صحيح اعترفت ابسبعةٍ شاع ذكرهم
لكنّ الصراحة يالنشاما بقولها
.
انا سيّد الشّعار متبوع مذهبي
مامثلي على عرض الأراضي وطولها
.
بسيفي ورى الجوزا مواصيل هامتي
تعدّت بروجٍ مستحيلٍ وصولها
.
نجوم الجزيرة كلّهم في ظِلالتي
تعقّل ركايبها وتسرج خيولها
.
و تحتي نهار الفوز دهماً مضمّره
و كلٍ فِـ ساقتها ولحدٍ بحولها
.
عيون المذرّي تكتحل من عجاجها
وليا ذاقت الكرباج ما شيف زولها
.
عشقني عجيب الشعر والشعر مشلحي
ترحّبي اكنوزه و تطوي سدولها
.
افضّ البكار امن المثايل بطوعها
و غيري من الخيبة تسحّب ذيولها
.
بيوتي ليا قيلت فِـ مجلس تبسّموا
و تلهم فطاحلهم و تدهش عقولها
.
تخالفني ارخومٍ من الجهْل والحَسَد
كما خالفت بعض النصارى رسولها
.
و صح الله الساني عدد بارق الطّفَل
تنثّر على اتهامه و حدّر سيولها


#صالح_حسن_الكيرعاني

#عيدكم_مبروك❤️


الله يعيد اعياد ربعي و الاصحاب
واللي على الحد الجنوبي مرابيص
.
وايعود عيدك يالغلا سيد الاحباب
ياللي جنابك عندنا ماهو ارخيص


#صالح_حسن_الكيرعاني

بيت يتيم واللي بيجاريه مرحبا به ❤️ •

سلواي في دنياي لا ضاق صدري
خوّة رجالٍ فيهم الطيب فِطرة


#صالح_الكيرعاني

#قصيدة_وطنية


المقطع كامل في البايو 👆🏼 او على الواتس 0566632080


البيرق المرفوع بالدرعيّة
اللي يهبّه نفحةٍ شرقيّة
.
هيّض قريحة هاجسي رفرافه
ساعة وصلت العاصمة عصريّة
.
مسطور في مثناته اصدق كلمة
الكلمة اللي فالضماير حيّة
.
سلام يالحاكم وريث امعزّي
اللي على نجد العذي كرسيّة
.
سلام يالحاكم سلامٍ صادق
تسليمةٍ من خاطري مثنيّة
.
تسليمةٍ ممزوجةٍ بالعنبر
ولاّ عبير الروضة الوسميّة
.
يا سيدي سلمان عز الملّة
الله يعزّك يا عقيد الهيّة
.
لك صولةٍ ترهب عدوٍ منخش
اللي جنوده زمرةٍ حوثيّة
.
سلمان لا سل السيوف الحدّة
جاتك من اعروق العدا مرويّة
.
كم دولةٍ متذرّية في بشته
وصارت دولهم للابد محميّة
.
يا كم شعوبٍ من يمينك عاشت
لين اصبحت في حالةٍ مرضيّة
.
اسياستك يبو فهد متبوعة
تدهش ملوك الكورة الارضيّة
.
والشعب في حكمك يعيش الوحدة
يوم الدول بالتفرقة مبليّة
.
والمملكة باخوان نوره صارت
فوق النجوم النايفة مبنيّة
.
والختم صلى الله على اشرف خلقه
بعداد وبل المزنة الصيفيّة


#صالح_حسن_الكيرعاني

سنابي 👻 saleh_hsn


انا عشت غرب العاصمة حول خمس اسنين
ولانيب هاجر ديرةٍ قد ربيت ابها


#صالح_الكيرعاني

بيتين على #البحر_الهلالي_العرج


ثلاثين عامٍ من حياتي طويتها
و كلٍ يبي درب الحياة طويل
.
عسى الله يبارك في بقيّة عمارنا
فلا بد من عقب المقام رحيل


#صالح_حسن_الكيرعاني

من سنابي اليوم 👻 saleh_hsn


يا اخواني الغالين يا اهل الدوامات
الله جعلكم في عروشٍ شريفة
.
لا تشتكون امن التعب كل الاوقات !
كم عاطلٍ ودّه يحصّل وظيفة


#صالح_حسن_الكيرعاني

بيت يتيم للمجاراة من سنابي 👻 saleh_hsn


ما ننقل الا العَطف و الفَرد و الطيب
يوم الردي ما ينقل الاّ النميمة


#صالح_الكيرعاني

Most Popular Instagram Hashtags