[PR] Gain and Get More Likes and Followers on Instagram.

rnii_5 rnii_5

324 posts   33753 followers   172 followings

قصص ملهمه.  ‎أستقبل قصصكم ‎الهادفة بالدايركت 📥 💛القراءه المستمره تجعل اللسان فصيح💛

قصتي حصلت أمس صليت على الرسول الهم صل وسلم على نبينا محمد بصلاه الابراهميه في يوم واحد بس ٢٠٠٠ مره وانحلت أمور معقده من سنه وشهر سبحان من فرج الهم من جد الصلاه على الرسول انشراح صدر وقوه وتفريج همووووووم والله اكتب وانا مستناسسه بقووووه

مرحبا الغالية ،، الحمد لله بتوفيق من الله وقتي كله خصصته للصلاة على الرسول عليه الصلاة والسلام .. لقيت راحة نفسية وسعادة وتوفيق وبركة في كل أموري
مواقف يومية تستويلي تحسسني بفضل ربي عليه ثم فضل الصلاة على رسوله الكريم

الله باركلي في وقتي ومالي وأولادي .. الناس مسخرة لخدمتي بدون ما اطلب .. والله اني اخجل من كرم الله

لو اقول المواقف اللي امر فيها ما بخلص وكله بفضل رب العالمين ثم الصلاة على الرسول صلى الله عليه وسلم

قصة جديدة 💘💜
.
.
انا قصتي عجيبه جداً مو حوقله ولا استغفار دعوة من كلمتين غيرت حياتي انا كنت مهملة جداً بصلاتي اسهر باليل وانام بالنهار واجمعها كلها اخر الليل واحيانا ما اصلي ابدا
وامي بس تهاوشني مع اني وحيدتها بين اولاد واحب المشاكل وكلن يتهرب مني منبوووذه مره من عند اهلي مع ان اهلي ملبين لي كل شيء لابتوب وجوال وفوق هذا كله كنت ارسب كثير 😞 لدرجة ارسب في كل المواد عادي ولا فيه ولا ضمير يحس واعيد دور ثاني ولا انجح وعادي وبمرحلة المتوسط عدت ٤ مرات قالوا اذا رسبتي بعد راح نفصلك💔 المهم انا كرهت نفسي كل الي قدي نجحوا وتخرجوا وانا لسى ادرس وصديقاتي كلهم راحوا من المدرسه المهم كان فيه محاضره عندنا بالمدرسه ايام الثانوي جايبين داعية وتتكلم عن يوم البعث نهاية المحاضره قالت الي عنده سؤال يجيني ورحت لها وقلت لها كل شي واني كرهت نفسي وما اقدر اتغير حاولت بس ما قدرت
قالت انتي تبين تتغيرين اكيد وكل شيء تبينه يصير قلت ايه قالت كثري من ( ياذا الجلال والاكرام ) وهذا رقمي دقي علي تخيلي مانصحتني ولا قالت شيء سكت ومشيت
كررته ايام قليله وقلت الحمدالله والشكر شلون ابي ربي يستجيب لي وانا عاقه وأأخر صلواتي المهم وكلمتها وقلت انا قلتها وماقدرت اتغير قالت يابنت الناس كرريها شهرين ثلاثه وربي ي هيون تغيرت كثير وصرت اصلي ونجحت وتغيرت معاملة اهلي لي لدرجة ان دخلت جامعة الملك سعود وانا معدلي مايسمح وبذاك الوقت ماحد يدخل الا بالتسعين لا وبعد دخلت علوم الحاسب وتخرجت ولا حملت ولا ماده ومرتبة الشرف ومعدلي ٤.٧٤ واول ماتخرجت تزوجت وتوظفت بالجامعه معيده مابي اذكر اسم الجامعه اخاف يعرفوني متابعاتك 😄
المهم جت في بالي قبل فتره بسيطه هذي الدعوة ياذا الجلال والاكرام وبحثت عنها وعرفت معنها وعرفت ان ربي معنا مهما سوينا او قصرنا ويعطينا فرصه والحمدلله على نعمه الظاهرة والباطنه 💖

قصة جديدة 🌈🌤
.
.
‎مره قريت قصه شاب يقول انه كل
ماتمنى من الله شي قام وصلى قبل الفجر ودعا
فيها يقول انها كل شي كان يدعوه بذيك الساعة يتحقق
وقولت انا بسوي مثله وحافظت عليها والله ان كل ماتمنيت شي أقوم أصلي بذي الساعة وادعي ويتحقق يارب لك
الحمد واهم شي الثقه بالله الذي لا يعجزه شي بالأرض ولا بالسماء

قصة جديدة 🌈🌤
.
.
في رمضان الماضي دعوت أن ما يجي رمضان القادم
إلا وانا أحفظ سورة البقرة والحمد لله جاء رمضان وانا حافظة البقرة وآل عمران😭❤️
.
.
.

افضل ثلاث ساعات في الشهر المبارك💜🌤

قصة جديدة 🌈🌤
.
. ‏أحد الأشخاص الذين كانوا في معتقل غوانتامو يقول لي.. دوامت على الاستغفار لمدة 3 اشهر وكنت أستغفر مابين 15 ألف - 20 ألف استغفار في اليوم ..
‏يقول: خلال هذه الفترة كنت منشرح الصدر مرتاح البال سكينه عجيبه تسكن قلبي وتحسنت معاملة السجانين معي وما تمنيت شيء إلا اتاني قبل ان اطلبه..
‏ويكمل الأخ قوله: يقول اقترب عيد الفطر وتمنيت العيد مع زوجتي واولادي واكثرت من الاستغفار.. ويقول اتتني بشارة الفرج في ليلة العيد !

قصة جديدة 🌈🌤
.
.

الله يسعدك حبيت أوصل معلومة لاحظتها ع نفسي الفترة الي الأمنيات والدعوات ربي حققها لي كنت متسامحه مع كل الناس ولا بقلبي كره لأحد ومتعاونه وأحب اخدم الناس من نفسي بذات أهلي وكمان كنت مهتمه بنفسي وبشرتي ومكتفية بذاتي وأحس بسعادة من دون سبب طبعا يسبق هذا النتيجة كلها الاستغفار والله انه بالاستغفار تحققت لي احلام مستحييله وبدون تحديد عدد اهم شي النية والصدق مع الله تخرجت من الثانوية بنسبة مره ضعيفة جلست ٤سنوات كل مااقدم محد يقبلني تقفل كل شي بوجهي ومرة قريت بشريط قناة بداية عن قصة وحدة مع الاستغفار

وشريت سبحة ١٠٠حبة كنت اخر أليل استغفر لين تعود لساني ع الاستغفار حتى وانا اتفرج ع تلفزيون استغفر السبحة مهم تكون معاك عشان ماتنسين خلال ٦شهور زانت نفسيتي وعلاقاتي واحلويت كل من شافني قالي جميلة وانا كنت عاديه وشفت رؤية جميلة وماارتحت لين فسرتها النتيجة=جاتني منحة دراسية مجانا الكل يحلم فيها حتى الي معدلها عالي تحلم بالتخصص الي درسته وكنت مقدمة ع وظيفة خاص جنب البيت من سنين انتظر يقبلوني دقو علي وقبلوني فترة مسائية ومريييحة والموظفات كانو مثل خواتي يحبوني ويساعدوني ويعطوني اجازه ايام الاختبارات
ولسى كرم ربي ماخلص نزلي حافز اقسم بالله كانت ايام جميييلة كل شي اتمناه القاه وتساهيل ورضا نعيييم وراحه الحمدلله وربي اغناني عن حاجة كل الناس حتى اهلي تغيير جذري لحياتي من حرمان لجنة ونعيم بس فيه شي مهم لاتستهينون فيه ذنوب الخلوات❌ هي الي احرمتني رزقي اذكر مسحت الأغاني ونويت لوجة الله حتى يرضى عني واحيانآ اطبخ شي وأطلعه للعامل صدقه وانويه بشي الي اتمناه وكل ذنب كنت أسويه بخلواتي تركته وكرهته سبحان الله من مواظبتي ع الاستغفار ربي أكرمني بترك الذنوب أولآ بعدين جاء الخير الكثيير...

قصة جديدة 🌈🌤
.
.

قبل يمكن ٦سنوات كنا نسكن في بيت شقة
وبيتنا قديم كنت اصلي كل يوم في الثلث الأخير
وادعي ربنا يعوضنا ببيت افضل واسال الله ان يفتح لنا رزق وابكي وانا ادعي لانه فعلاً كنت اريده يتحقق والله ماكملت اسبوعين بس الا ونزل اسماء
في الجريدة انه منطقتنا بتتحول الى مشروع
سياحي وتم تعويض بمبلغ كبير الحين الحمدلله اللهم لك الحمد من شقة الى منزل كبير وفخم وهذا من فضل ربي

قصة جديدة 🐢
.
.

كنت اتابع الشيخ خالد الجبير وكان دائم ينصح بصلاة ركعتين بعدفعل الذنب اي ذنب مدمن عليه بإذن الله راح تتخلص منه واستدل بحديث
قال رسول اللهﷺ
(ما من عبد يذنب ذنبا فيحسن الطهور، ثم يقوم فيصلي ركعتين، ثم يستغفر الله إلا غفر الله له)

وبفضل الله ثم بفضل الركعتين تخلصت من معاصي كثيرة مثل اللعن وتعرفون النساء أكثر أهل النار ويكفرن العشير ولهذا أمرنا رسول الله صلى الله عليه وسلم بكثرة الإستغفار والصدقة
وهاذي الركعتين علاج بإذن الله وذكر الشيخ قصص منها واحد كان مدمن على التدخين قال له بعد كل سيجارة توضأ وأصلي ركعتين وأستغفر وقدر يتخلص من التدخين

وكمان واحد كان دائما تروح عليه صلاة الفجر قال والله إذا أخرت الفجر أصلي مائه ركعة يقول والله صرت اصحى قبل الفجر بربع ساعة هذا بس نوى نية ما طبق سبحان الله

‏‏﴿ وأصلح لي في ذريتي إني تبت إليك‏ ﴾
‏توسل بالتوبة لصلاح الذرية، باب صلاح الذرية؛ التوبة.. #الوتر

Most Popular Instagram Hashtags