rnii_5 rnii_5

308 posts   32328 followers   141 followings

قصص ملهمه.  ‎أستقبل قصصكم ‎الهادفة بالدايركت 📥 💛القراءه المستمره تجعل اللسان فصيح💛

قصة جديدة 📍📢
.
.
سبحان الله يابنات صار شيء غريب قدام عيني واشبه بالمعجزة
خالتي لها كرشة كبيرة حتى قبل ماتتزوج كرشتها بارزة مممممررره وملمسها قاسي ومخربة جسمها وكانت دائما تقول ودي انحف ودي انحف هي مو سمينه بس اللي يشوف كرشتها يشوفها سمينه وانا حاسة فيها ممرة 😢 وكل مرة اذا دعيت لنفسي فالسجود ادعيلها وتروح كرشتها بدون شر وبدون ماتتعب السؤال هنا تدرون شصار؟ تخيلوا بدون مانحس كرشتها راحت واختفت وخالاتي يقولون لها واو يافلانة كيف نحفتي كذا وكيف وكيف ؟؟؟ قالت مدري كذا من الله رغم اني مااسوي تمارين الا يمكن فالاسبوعين مرة على طول انا تذكرت ان الدعاء لأخيك في ظهر الغيب مستجاب ابتسمت ابتسامة في قلبي وسكت ماقلت لها العبرة هنا ادعوا لاخوانكم المسلمين في ظهر الغيب علشان يدعون لك الناس وانتي ماتدرين اعمل خيرًا تلقى 💜

قصة جديدة 📣📍
.
.
السلام عليكم أختي،الله يسعدك ويوفقك في حياتك على هذا الحساب الجميل وفكرته ،،حابه أقول عن فائدة سورة الفاتحة والله إنها علاج سحري بس لازم تكون بيقين ،تعلمتها من أمي طلعت لي حبة في عيوني وكنت خايفه ماتروح قالتلي أمي بعد كل صلاة أقرأ الفاتحة 7 مرات والله اختفت بعد كم يوم ،،ومره طلعت حبوب في كفي وقريتها 7مرات وبيقين ونمت و اليوم الثاني راحت الحمدلله ،،وليا تجارب كثيرة مع هذي السورة العظيمة هيا أصلاً رقيه وذكر فيها حديث أن الفاتحة رقيه ،، حبيت أفيد متابعينك الله يوفقهم ويسعدهم دنيا وآخره..

قصة جديدة📣📍
.
.
حبيبتي يعطيج العافيه عالحساب الحلو حبيت اشارك بقصتي عن دعوه بظهر الغيب ..عندي شخص عزيز علي متزوج من 3سنوات وزوجته حملت 2مرتين و سقطت و ظلت فتره ماحملت و كان الدكتور ناويلهم عملية طفل انابيب وانا كنت احاول بكل صلاة فرض او نافله ادعي لهم بالذريه الصالحه وحتى وانامسافره مانسيتهم من دعائي الحمدلله رب العالمين توه بشروني ان زوجته حامل وايد فرحتلهم وادعي ربي يرزق كل محروم و يفرج هم كل مهموم 💞💞. فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ 💌💌

قصة جديدة📢📍
.
.
بقولك عن شي صار لي بسبب دعاء سبحان الله كنت ادعي ل اختي ربي يهديها واستمريت ب الوتر ان يهدي اختي مع ان كانت اختي كل اغنيه تسمعها وكل فلم تشوفه قبل بس الحمدالله الحين ماتقطع فرض الحمدالله عليكم ب الاستغفار وربي كنت ادعي لها انها تنجح والحمدالله جابت جيدجدا قبل كانت مهمله بس الحين الحمدالله تغيرت

قصة جديدة📢📍
.
.

كنت اعاني من اذى الناس لي بلسانهم ولعبهم باعصابي لمدة ست سنين وكل سنة يزيد همزهم ولمزهم قدام الحريم علي رغم اني ما أذي احد لين جاني اكتئاب حاد وصرت ما اتحمل شي ، نويت احفظ سورة البقرة اول يوم حفظت عشر ايات وسبحان الله انحلت مشكلتي اللي اعاني من سنين بيوم واحد وأنحلت معاها اغلب مشاكلي، فجأءة توقف همز الناس وارتاحت نفسيتي وصرت فجأءة تمر علي مواقف احرج فيها اللي اذوني بدون ما احس وارتاحت نفسيتي. والله اني احفظ كم اية وادعي ربي واشوف الدعوة تتحقق بعد كم ساعة 💙💙

قصة جديدة📢📍
.
.
آآآآآخ يابنات ,, دعاء التعار وما أدراك ما دعاء التعار ,, كثييييييييييييير يغفل عنه وكثييييييييييير مايعرف انه هذا الدعاء 
حتما تستجاب فيه الدعوه بإذن الله تعالى ,, بنات والله الذي لا اله الا هو انه هذا الدعاء بفضل الله تعالى صارتلي معجزه

في ليله سمعت صوت امي وهي تقوم الليل وانا كنت نااااااااااااايمه 
بس تنبهت من الصوت وعلى طول تذكرت الدعاااااء وقلت ((
لا اله الا الله وحده لا شريك له له الملك وله الحمد وهو على كل شي قدير , سبحآن الله لا اله الا الله والله اكبر , 
ولا حول ولا قوة الا بالله العظيم , اللهم صلي على محمد وعلى آل محمد كما صليت على 
ابراهيم وعلى آل ابراهيم انك حميد مجيد ,, اللهم بارك على محمد وعلى أل محمد 
كما باركت على ابراهيم وعلى آل ابراهيم انك حميد مجيد )) وبعدين قلت اللهم إغفرلي
وارحمني وتب علي ,,,,,,,,,,,,,,,, وأدعي بدعاء ينفعني بالآخره أولا 
وأجيانا اقول في وسط الدعاء ( لا اله الا انت سبحانك اني كنت من الظالمين ) ,, وفي هذي الليله بعد دعاء الاخره دعيت ربي بدعاء للدنيا وطلبت من ربي انه مايخلص 
هالاسبوع الا والشي هذا متحقق ,, المهم بنفس اليوم الي دعيت فيه الدعاء طلعت للجامعه وبعد اول محاااااضره

حصلت المعجزه وجاتني ووحده وقالتلي الي كنت ابيه وكأنه رب العالمين مرسلها لي 
وأنا مصدووومه مو قادره استوعب ,, والله ثم والله حصلتلي معجزه أنا ماقدر افصل بالموضوع اكثر لانه خاص مره

والله يابنات انا الى يومكم هذا وانا منجنه من الي صارلي أحس انه حلم ومافيه شي بعيد على رب العالمين ,, يابنات ,, دعاااااااااااااااااء التعار ثم دعاااااااء التعار ثم دعاااااااء التعار

قصة جديدة📍📢
.
.
كنت ألّح بالدعاء في كل وقت وامس كان بين إذان وإقامة صلاة العشا وكان فيه مطر وصرت ادعي والح بالدعاء واكرر(اللهم يامن آتيت موسى سؤله آتني سؤلي )واسمي حاجتي و بقيام الليل خليت دعائي بعد مارفعت من ركوع الوتر صلاة عالنبي،قعدت اكرر الصلاه عالنبي ، ولما جيت انام قلت اللهم اني نمت على دعائك فأيقظني على اجابه منك واني نمت على معصيتك فإيقظني على مغفرة منك وانتي نمت على حسن ظني بك فإيقظني على إستجابتك لحسن ظني ونمت، وبعد المغرب رحت اشوف حسابي لقيت المقطوعه اللي متأخره سنه ونص نزلتلي فيه😭 اللهم لك الحمد والشكر ، يابنات ادعو وانتم موقنين بالإجابه لااااااازم موقنين لاتستصعبين شي على الحي القيوم واتركي اي ذنب بسيط تسوينه وبإذن الله تشوفين فرج ربي، واللحين باقيلي ثلاث امنيات اطلب الله يحققها لي وانا متأكده انه ربي راح يرزقني بها بالايام القليله الجايه وانتم بعد أسأل الله العظيم رب العرش العظيم انه يرزق كل وحده فيكم ماتتمنى ويفرج همها بالايام القليله الجايه ، وادعولي انه ربي يعوضني بالزوج الصالح الشاب العازب والا الأرمل لأني ماأبي معدد وانا مطلقه وماابي مشاكل

قصة جديدة📍📢
.
.
ديون تهد الرجال فما بالكم بوولد ضال ايضا ولاحول ولاقوة الابالله..وفي رمضان الماضي ألهمني ربي الدعاء فكنت أبدء بالحمد (اللهم لك الحمد حتى ترضى ولك الحمد اذا رضيت ولك الحمد بعد الرضى.اللهم لك الحمدحمدا يليق بجلال عظمتك وعظيم سلطانك)ثم الدعاء ثم أختم بالصلاة على النبي.صلى الله عليه وسلم..وكنت أجد لذة وأحس بقرب الفرج وماهو الاوقت قصير وانحل أكثر ديني واهتدى ولدي ولله الحمد والمنه -
-
ايش دعواتكم اللي دائما تكررونها خل نسرق😋💕

قصة جديدة📍📢
.
.
وحدة من صديقاتي🕊
استمرت على الاستغفار اسبوع كامل في جلستها ووقفتها...في مطبخها وصالتها ...في كل احوالهـــــــــــــــا 🕟🕙 وكانت تسأل الله الوظيفه الطيبه وسبحان الله تم لها ماارادت...تبارك الله ♥️💜 -
-
اذا مررت من هنا فاكتب استغفر الله 👇🏻🕊

قصة جديدة 📍📢
.
.
والله اني لما اكثر من الاستغفار الاحظ في نفسي طمانينه وسكينه وتيسير في الرزق😍💕 لدرجة ان صار زياده في راتب زوجي غير متوقعه 💸وصار يعطيني هذه الزياده لي وهو اساسا ماكان يعطيني😳 اي شيء في يدي ،،صحيح مايقصر علينا في شيء لكن انه يسلمها في يدي فهذا والله لم يكن الابفضل الله وحده بعد مداومتتي على الاستغفاربكثره♥️😍😍 وباذن الله لن اتركه لاني المس بركته في حياتي كلها فنصيحتي لكم اكثروا من الاستغفار😭😍♥️
-
-
- سبحان الله ربي هو الوحيد اللي يغيّر من حال الى حال 💜💜😍

قصة جديدة📢
.
.

لقد أسميت كل غرفة في منزلي بإسم
فصالون للتكبير وغرفة المعيشه للتهليل والمطبخ للإستغفار وهكذا جميع غرف المنزل
فكلما دخلت لغرفة لتنظيفها إستغليت الوقت حسب مسماها فعند ترتيبي لصالون النساء أشغل لساني بالتكبير حتى الإنتهاء من تنظيفها وعند تنظيفي للمطبخ أنشغل بالإستغفار وهكذا حتى أنتهي من عملي
فبذلك إستفدت من عدة نواحي نظفت وقلبي مطمئن ولساني يلهج بالذكر والبركة تعم أرجاء منزلي 💕
-
-
فكرة فخمّه من الآن اطلقت مسميّات على غرف بيتنا، اهم شيء غرفتي سميتها الاستغفار لان كل شوي اجيها 😅🌝

قصة جديدة📢📍
.
.
انا في بالي شوز معين ولقيته موجود بأحد المواقع الالكترونية ونفسي فيه بس قيمته مو معاي قلت لأمي ابيه ، امي ماتهمها الكماليات مالومها طبعا لان ماديتنا شوي بسيطة،،،، قالت امي لا كالعادة يعني وهذا الرد المتوقع المهم مالكم بالطويله رحت طلبته الشوز " الدفع عند الاستلام"وقلت مافيه قوة غير قوة ربي انا متوكلة على الله واكرر لاحول ولاقوة الا بالله واستشعر قوة ربي كيف خلق السماء والارض وكيف جعل السماء بلا عمد واقول لنفسي اللي له ملك السموات والاراضين يقدر يجيب لك القيمه والفلوس اللي ناقصتك واكرر لاحول ولاقوة الا بالله ومو اكررها وعقلي في مكان ثاني لا اكررها واستشعر قوة ربي وعظمته والمفاجآه ان امي بعد يومين قالت بتسلف من خالتك قيمة الشوز اللي تبينه ، متخيلين امي امي اللي ماتهمها الا الاساسيات جاتني وقالت لي بنفسها انها بتجيب قيمة الشوز 😭😅 مره مره انصدمت وعلمتها بالسالفه اني طلبته واني كنت احوقل وكذا وبس ماعرف اختم الزبده اني تفاجئت واندهشت وشكرا لك يارب ♥️♥️

Most Popular Instagram Hashtags