[PR] Gain and Get More Likes and Followers on Instagram.

qalampir.uz qalampir.uz

14062 posts   326569 followers   4 followings

Qalampir.uz  Реклама бўлими тел.: +99899 8423320, +99871 2561953

http://www.qalampir.uz/

ТОШКЕНТ ОСМОНИ УЗРА ДАВЛАТ БАЙРОҒИ ҲИЛПИРАДИ!

Ўзбекистон Республикаси Давлат байроғининг қабул қилинган кунига бағишлаб Мудофаа вазирлиги томонидан оммавий югуриш акцияси ўтказилиши ҳақида маълум қилган эдик.

Бугун, 18 ноябрь кунида Тошкент осмони узра давлат байроғини ҳилпиратиб учиб юрган вертолётлар пойтахт аҳолиси ва меҳмонларига ажойиб кайфият улаша олди.
AS-350 русумидаги иккита вертолёт пойтахтнинг Махтумқули кўчаси устидан учиб бориб Амир Темур майдони усидан айланиб олди ва парвозни Юнусобод ҳамда Мирзо Улуғбек туманларининг қолган айрим қисмида давом эттирди.
Кузатар эканман, кўзимга киши билмас даражада ёш олиб, баланд овозда “Бўлар экан-ку!” деб ҳайқирганимни билмай қолдим.
Дарҳақиқат, мустақиллика эришганимиз даврда илк бор бу фахрли сана “ноодатий”, ажойиб усулда байрам сифатида нишонланмоқда.
Вертолётнинг миллий байроғимиз билан қилаётган парвози Тошкент аҳолиси ва унинг меҳмонларга хуш кайфият улашди.
Хаёллар оғушида давлат рамзини осиб олган вертолётга қарар эканман, ҳақиқатдан ҳам ўзимда Ватанга бўлган муҳаббат, туйғу янада ошганлигини сездим.
Бу ҳолатни кузатган барчада ана туйғу кучайганини катта ишонч билан ҳам айтиш мумкин.
Ҳозирча мамлакатнинг қолган ҳудудларида ҳам вертолёт парвози кузатилгани ҳақида бизда маълумот йўқ. Лекин, умид ва ишонч билан айта оламанки, 18 ноябрь санаси мамлакатнинг қолган барча ҳудудларида ҳам кўтаринки кайфият улашувчи усулда нишонлана бошланади.

“Постда” газетаси ва ИИВ Ички ишлар хавфсизлиги бошқармаси билан ҳамкорликда тайёрланиб газетхонлар ҳукмига ҳавола қилинган ушбу мақолани ўқидиму ниҳоят ахборот ошкоралиги анча изга тушиб қолганлигига, таъбир жоиз бўлса, адолат посбонларининг “қилмишлари” ҳам адолат ҳукмига тортилиши мумкинлигига амин бўлдим.
Сиз ҳам бунга бефарқ бўлмайсиз, деган умидда қуйидаги воқеа-ҳодиса тафсилотларини сиз азиз ўқувчиларга илиндим... Мақолада айтилишича, Тошкент вилоятининг Янгийўл тумани ИИБ Жиноят қидирув ва уюшган жиноятчиликка қарши курашиш бўлимининг тезкор вакили, капитан Азиз Юнусов ўз лавозимида 2014 йилдан бери фаолият кўрсатиб келмоқда эди... Унинг вазифаси — таниб олинмаган мурдаларнинг шахсини аниқлаш, бедарак йўқолган, шунингдек, жиноят содир этган шахсларни қидиришдан иборат бўлган.
Азиз Юнусов аввалига сидқидилдан хизмат қилди, раҳбарларнинг топшириқларини ўз вақтида бажарди. Аммо кунларнинг бирида у ноқонуний йўлдан боришга қарор қилди... Мақолада келтирилишича, капитан Юнусов туманда яшовчи Зиёда ва Матлуба исмли аёллар билан жиноий тил бириктирди (кейин маълум бўлишича, “тил бириктириб келаётган эди”). Шу тариқа адолат посбони раҳбарлик қилган “уюшган гуруҳ” гўёки гиёҳвандлик воситасини ноқонуний сақлаган шахсни қўлга олмоқчи бўлади. 
Давоми http://qalampir.uz/news/14080

“Washingtonpost” нашрининг мухбири Шимолий Кореядан қочиб ўтган 25 нафар кишилар билан суҳбатлашиб мамлакатдаги сиёсий ва ижтимоий ҳаёт борасида журналистик суриштирув олиб борди. “Буюк меросхўр” деб номланадиган ушбу суриштирувда Шимолий Кореяда сиз давлат томонидан қўллаб-қувватланмас экансиз, “ҳеч ким эмассиз”, дейилади.
2011 йил 29 декабрь куни Ким Чен Ин Шимолий Корея бошқарувига келган вақтда унинг мамлакат сиёсий ва ижтимоий ҳаёти яхши томонга ўзгаришига аҳолининг ишонч катта бўлган.
Журналистик суришитрув давомида интервью берган қочқинларнинг айтишича, “Буюк меросхўр” бобоси ва отасидан ҳам қаттиққўл бўлиб чиққан.
Улардан бири эса, Ким Чен Ин мамлакатда иқтисодиёт эркинлигига эришиш учун ҳаракат қилган бўлса-да, ташқи алоқани камайтиришга эришгани каби сўз ва фикр эркинлигини тўсиб қўйган. “Washingtonpost” нашрида ёзилишича, Шимолий Корея фуқароларининг кўпчилиги мамлакатни, фарзандларининг етарлича билим олишлари учун тарк этишаётганини билдиришган. Айримлар эса бойлик орттириш ва эркин яшаш учун чиқиб кетишга мажбур бўлишган.
АҚШ томонининг ҳар бир ҳаракатига эътибор қаратаётган ҳамда етарлича жавоб бериб келаётган Шимолий Корея томони эса ҳозирча мамлакатдаги ОАВлар ва айрим журналистлар орқали “ахборот ҳужуми” га реакция билдиришганича йўқ.

Россия Федерацияси президенти Владимир Путин 17 ноябрь куни Санкт-Петербург шаҳрига ташриф уюштириб, Маданият форумига келди.
Владимир Путиннинг матбуот котиби Дмитрий Песков Россия президенти кортежининг Санкт-Петербургга бориш йўлида 50 дан ортиқ портловчи воситалар ўрнатилганлиги ҳақидаги 60 дан зиёд ёлғон қўнғироқлар қабул қилинганини маълум қилди. “Президент Санкт-Петербургга ташрифи вақтида борадиган объектлари ва йўлидаги турли жойларга 50 та портловчи воситалар жойлаштирилганлиги ҳақида 60 га яқин қўнғироқлар келиб тушди”, деди Дмитрий Песков.
Маълумотларга кўра, хавфсизлик хизмати бу вазиятни бартараф этиш учун барча чораларни қўллаган. Энг муҳими, ёлғон қўнғироқлар президентнинг ташриф режа жадвалига ҳеч қандай таъсир кўрсатмаган.
Песковнинг айтишича, портловчи воситалар ўрнатилганлиги ҳақидаги қўнғироқлар чет элдан бўлган. Ҳозирча қўнғироқ эгаларининг шахси аниқланмаган. Матбуот котиби тез орада телефон террорчилари қўлга олинишини таъкидлади.

Ақшлик машҳур теннисчи, “Катта дубулға” туркумидаги турнирнинг бир неча маротаба ғолиби бўлган Серена Уильямс турмушга чиққанини эълон қилди.
Хабарларга кўра, Арманистонлик тадбиркор Алексис Оганян ва Серена ўзаро учрашиб юришган.
Серена Уильямс ва Алексис Оганяннинг тўйлари тез кунларда Янги Орлеанда бўлиб ўтиши айтилмоқда.
Тўй маросими ҳақида кўпчилик хабардор бўлмаганига қарамай, унинг ўтказилиши учун 1 млн АҚШ долларидан ортиқча маблағ сарфланиши тахмин қилиш мумкин.
People журналининг маълумотига кўра, қўшиқчи Бейонс, актриса Ева Лонгория ва унинг турмуш ўртоғи Хосе Бастон, Уильямснинг профессионал спортдаги рақибаси Каролина Возняцкиларнинг тўйга ташрифи кутилмоқда.
Эслатиб ўтамиз Серена Уильямс ва Алексис Оганян бундан икки ой олдин қиз фарзандлик бўлишган ва унинг исмини Алексис Олимпия деб номлашган эдилар.
Олимпиада ўйинларида 4 та олтин медални қўлга киритган Уильямс 2018 йил бошидан яна катта спортга қайтиши ҳақида ҳам маълумот берди.

Ўзбекистон Республикаси Ички ишлар вазирлиги тизимида қатор ўзгаришлар амалга оширилди.
Жумладан, Самарқанд ҳамда Наманган вилоятилари Ички ишлар бошқармаси бошлиқлари ўзгартирилди.
Полковник Азиз Анварович Тошпўлатов Самарқанд вилояти ИИБ бошлиғи лавозимини бажаришга киришган бўлса, полковник Одил Эргашевич Отахўжаев эса энди Наманган вилояти ИИБ тизимига раҳбарлик қилади.

Аргентина президенти Маурисио Макри ва унинг оила аъзоларини олиб кетаётган кутилмаганда ўз парвозини якунлади. Бу ҳақда “Telam” ахборот агентлиги хабар бермоқда.
Хабарда йатилишича, Чападмалалга ҳордиқ чиқариш учун кетаётган Аргентина президенти ва унинг оиласи манзилга етишларига 10 дақиқа қолганда вертолёт қўнишга мажбур бўлган.
Негаки вертолёт бошқарувчиси кучли шамол учишга халақит бераётганини, агар парвоз давом эттирилса, воқеа фожиа билан тугаши мумкинлигини билдирган.
Шундан сўнг вертолёт дарҳол ерга қўндирилган ва президент ҳамда унинг оиласи автомашиналар кортежи билан манзилига етказилган.

Аввалроқ Ўзбекистон Республикаси Президенти Шавкат Мирзиёев Президент Мун Чжэ Иннинг таклифига биноан 2017 йил 22–25 ноябрь кунлари давлат ташрифи билан Корея Республикасига бориши ҳақида хабар берган эдик.
Ўзбекистон Республикаси Президенти Шавкат Мирзиёев Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига табрик йўллади. Бу ҳақда ЎзА хабар бермоқда. Эътиборингизга мазкур табрикнинг тўлиқ матнини ҳавола этамиз.
Ўзбекистонда корейс миллатига мансуб юртдошларимиз истиқомат қилаётганининг 80 йиллигига бағишланган тантанали маросим иштирокчиларига
Азиз дўстлар!
Ҳурматли меҳмонлар!
Шу кунларда кўп миллатли халқимиз корейс миллатига мансуб юртдошларимиз Ўзбекистонда истиқомат қилаётганининг 80 йиллигини нишонламоқда.
Ўтган асрнинг муҳтожликка йўғрилган ғоят мураккаб даври – 30-йилларида шафқатсиз сиёсий тузум тазйиқи остида ўн минглаб корейслар Узоқ Шарқдан Ўзбекистон заминига келиб қолишган. Ўзбек халқи ўзига хос олижаноблик ва бағрикенглик билан тақдир ҳукмига ташлаб қўйилган корейсларга меҳр кўрсатди, бағрига олиб, бошпана берди.
Меҳнатсеварлиги, қатъий иродаси, аҳиллиги, интизоми, ерга меҳри билан, дунёқарашимиз ва маданиятларимиз ўхшашлиги туфайли корейслар Ўзбекистон тимсолида иккинчи Ватанини топди ва унинг муносиб фарзанди, кўп миллатли Ўзбекистоннинг тенг ҳуқуқли фуқаросига айланди, ҳурмат-эътибор қозонди. Халқимиз шундай юртдошлари билан фахрланади. 
Давоми http://qalampir.uz/news/14071

Хабарингиз бор, АҚШнинг 35-президенти Жон Кеннеди 1963 йил 22 ноябрь куни Далласда, маҳаллий вақт билан соат тахминан 12:30 да отиб кетилган эди.
Кейинчалик Ли Харви Освальд исмли шахс томонидан отилган дейиладиган Кеннеди ушбу суиқасд натижасида оламдан ўтган.
Ушбу воқеа бўйича АҚШ да махсус комиссия ўша пайтда деярли бир йил тергов ишларини олиб борган ва жиноят бир киши томонидан содир этилган деган хулосага келган.
АҚШ фуқароларининг 70% аҳолиси Олий суд раиси Эрл Уорреннинг бу хулосасига ишонишмайди. Шунинг ортидан мана неча йилдирги бу шубҳали ўлим юзасидан турли маълумотларни ўзида жамлаган ҳужжатлар ошкор қилиб қилинаяпти.
Барчамиз биламизки, Кеннеди президент кортежида рафиқаси Жаклин билан кетаётган пайтида снайпер томонидан отиб кетилган, лекин унинг ўлими кимга ва нима учун кераклиги борасидаги саволлар ҳамон очиқ қолмоқда. “Hoursnews” нашрининг маълумотига кўра, 17 ноябрь куни АҚШ Миллий Давлат Архиви томонидан президент ўлими ҳолати бўйича 10 минг 744 та ҳужжат мавжудлиги эълон қилинди.
Қизиқарли томони бу сафар эълон қилинган маълумотлар орасида айнан АҚШ махсус хизматларининг архивида мавжуд бўлганлари ҳам борлиги омма эътиборини тортди.
Ҳужжатлардан 8336 таси тўлиқ бўлиб, 2408 таси ҳали охиригача етказилмаган, деб айтиб ўтилган.

Буюк Британиянинг Бакингемшир графлиги осмонида енгил моторли самолёт ва вертолёт тўқнашиб кетди. Бу ҳақда “The Guardian” нашри хабар бермоқда.
Маълумотларга кўра, самолёт ҳамда вертолётнинг учувчилари, шунингдек, 2 нафар йўловчи ҳам вафот этган.
Хабарда айтилишича, самолёт ва вертолёт осмонда тўқнашиб кетган, сўнгра ўрмон ичига қулаб тушган.
Воқеа жойига қутқарувчилар ва тиббиёт ходимлари етиб келишган.
Авиаҳалокатлар тергови билан шуғулланувчи хизмат вакиллари ҳодиса тафсилотларини ўрганишмоқда.

Кеча, 17 ноябрь куни Россиянинг Иркутск вилоятидаги хусусий уйда йирик ёнғин юз берди. Ёнғин оқибатида уч нафар бола ҳалок бўлгани маълум қилинди.
Тергов жараёнларида кечки пайт Свирск шаҳридаги Радишев кўчасида ёнғин келиб чиққани ва воқеа жойида 2014 ва 2015 йилларда туғилган уч нафар ўғил болаларнинг жасади топилгани маълум бўлган.
Хабар қилишларича, бахтсиз ҳодиса юз берган вақтда уйда катта ёшли оила аъзолари бўлмаган. Уч нафар фарзандини уйда қолдирган ота-оналар ички ишлар идоралари рўйхатида тургани аниқланган.
Воқеа содир бўлган ҳудудда тергов ишлари олиб борилаётгани ва ҳодиса сабаблари ўрганилаётгани хабар қилинган. Ўлим сабабларини ўрганиш учун суд тиббий экспертизаси ўтказилиши режалаштирилгани қайд этилган.

Most Popular Instagram Hashtags