qalampir.uz qalampir.uz

20,199 posts   481,558 followers   4 followings

Qalampir.uz  Реклама бўлими тел.: +99899 8423320, +99871 2561953

Тошкент шаҳрида 2018-йил 27-март куни бўлиб ўтган Афғонистон бўйича халқаро конференция давомида эришилган келишувларга мувофиқ, Ўзбекистон Республикаси ушбу мамлакатдаги вазиятни барқарорлаштириш ва уни ривожлантиришга қаратилган саъй-ҳаракатларни давом эттирмоқда. Бу ҳақда Ташқи ишлар вазирлиги баёнотида қайд этилган.
Ўзбекистон ўтган давр мобайнида Афғонистон ҳукумати, АҚШ, ХХР, Россия, Халқаро мулоқот гуруҳига аъзо мамлакатлар, Евроосиё минтақаси, Жанубий Осиё, Ўрта ва Яқин Шарқ давлатлари вакиллари билан бу борада қатор маслаҳатлашув учрашувлари ва музокаралар ўтказди. “Тошкент конференсияси иштирокчиларининг умумий позициясини рўёбга чиқариш мақсадида Ўзбекистон тегишли алоқалар ўрнатиб, Толибон ҳаракатининг юқори мартабали вакиллари билан амалий учрашувлар ўтказди. Учрашувларда Афғонистонда узоқ муддатли тинчлик-барқарорлик ўрнатиш ва мамлакатни иқтисодий ривожлантиришга қаратилган мулоқот ва ўзаро ҳамкорлик истиқболлари муҳокама қилинди”, дейилади вазирлик баёнотида.
Шунингдек, Ўзбекистон Рамазон ҳайитини нишонлаш муносабати билан Афғонистон ҳукумати ва “Толибон” ҳаракати ўртасида эришилган ўт отишни тўхтатишга эришилганини олқишлаши қайд этилган ва бу ярашув муддатсиз давом этишига умид билдирилган.
Ўзбекистон ўз ҳудудида Афғонистон ҳукумати ва Толибон ҳаракати ўртасида тўғридан-тўғри музокаралар ташкил этиш учун зарур шароитлар яратишга ҳар томонлама тайёр эканини билдириб ўтган.

Бугун, 18 июнь куни АҚШ президенти Дональд Трамп Германияда иммиграция масаласида юзага келган баҳс сабаб Европа юритаётган мигрантлар сиёсатини танқид қилди. “Германия халқи ўз етакчиларига қарши чиқиб, бусиз ҳам қийин аҳволдаги коалицион ҳукуматни янада танг аҳволга туширмоқда. Мамлакатда жиноят кўпайиб боряпти. Европа катта хатога йўл қўйди – миллионлаб мигрантларнинг келишига рухсат берди. Улар маҳаллий маданиятни қўпол ва сезиларли тарзда ўзгартирди”, дейди Трамп ижтимоий тармоқдаги саҳифасида.
Шунингдек, Америка президенти АҚШда ҳам бундай ҳол юз беришига асло тоқат қилолмаслигини таъкидлаган.
Маълумот ўрнида, ҳозирда Италия мамлакатга келаётган ноқонуний мигрантларни қабул қилмаяпти. Италияда қабул қилинмаган минглаб мигрантлар Испанияга киритилди.

Аввалроқ, бугун, 18 июнь куни Тошкент шаҳар ҳокимлиги ва ҳокимият ҳузуридаги жамоатчилик кенгаши томонидан давлат ҳокимияти ва хусусий секторни ўзаро яқинлаштириш ва улар ўртасида ҳамкорликни йўлга қўйишга қаратилган “Тоp-500” бизнес форуми ўтказилиши ҳақида хабар берган эдик.
Айни дамда форум старт олди. Унда Тошкент шаҳар ҳокими Жаҳонгир Ортиқхўжаев, Тошкент шаҳар ИИББ бошлиғи, Тошкент шаҳар прокурори, Тошкент шаҳар солиқ инспекцияси бошлиғи иштирок этмоқда.

Форумни Тошкент шаҳар ҳокими Жаҳонгир Ортиқхўжаев очди. У бугунги тадбирда Тошкентнинг энг кўзга кўринган, шижоатли ва янги ғояларга эга тадбиркорлари тўпланганини айтиб, уларга Тошкент шаҳар ҳокимиятини келгуси режаларини таништирди.
Ортиқхўжаев нутқи давомида Тошкент шаҳар ҳокимиятининг галдаги фаолияти очиқ ва ошкора, шаффоф ташкил этилишини алоҳида қайд этиб, тадбиркорларни ҳамкорликка чақирди. Ҳалол тадбиркорлар унга лозимлигини айтаркан, Тошкентдаги бозорларни шаҳар чеккасига кўчириш назарда тутилаётгани ва қайси тадбиркор давлат билан шерикчилик асосида бозорлар фаолиятини ташкил этишни истаса, мурожаат этиши мумкинлигини маълум қилди.
Ортиқхўжаевга кўра, Сергелидаги автомобиль бозори Тошкент вилояти Чиноз тумунига кўчирилади. Ушбу бозорни ишини юритмоқчи бўлган тадбиркор ҳам Тошкент шаҳар ҳокимиятига таклиф билан чиқиши мумкин.
Қолаверса, Белдирсой, Чимён ва тоғли ҳудудлардаги бир неча дам олиш масканлари ҳам тадбиркорларга “тортиқ” этилади.

Японияда бугун, 18 июнь куни 6,1 магнитудали зилзила юз берди. Зилзила ўчоғи Осака префектурасидан шимолда 13 километр чуқурликда бўлган.
Тахминий маълумотларга кўра, ер қимирлашида уч киши, жумладан, ўн ёшли қиз ҳалок бўлган. Яна саккиз киши турли даражада жароҳат олган.
Табиий офат натижасида Хонсю оролининг жануби-ғарбидаги тезюрар темир йўллар ва автомагистралларда ҳаракат тўхтатилган. Шунингдек, 300 та мактабда дарслар бекор қилинган.
Бироқ янада кўпроқ зарар кўрган Осака префектурасида тонгда электр узатиш тармоғи тикланган. Ҳалокат жойидаги аэропортлар фаолияти ҳам қайта йўлга қўйилган. Асосийси атом эгенгияси объектлари зарар кўрмаган.
Ҳукумат қидирув-қутқарув ишларига мамлакат мудофаа кучларини жалб қилган.

Жорий йил 17 июнь куни Самарқанд вилоятнинг Пайариқ туманида жиян ўз амакисини ўлдириб қўйди. Бу ҳақда Ўзбекистон Республикаси Ички ишлар вазирлиги Матбуот хизмати хабар берди.
Хабарда айтилишича, “Нурбек Азимжон Форум” МЧЖ раҳбари А.Т. бир қишлоқда яшовчи 56 ёшли амакиси Ш.Ў билан жанжаллашиб қолиб, амакисининг бош ва кўкрак қисмига пичоқ билан зарба берган. Натижада Ш.Ў. ҳалок бўлган. Ҳозирда А.Т. ушланган.

2014 йилда мексикалик беш дўст - Фернандо, Матье, иккита Даниэль ва Хавьер Бразилияда бўлган ЖЧга борганлар. Саёҳатдан сўнг дўстлар кейинги мундиалга ҳам биргаликда боришга ваъда берганлар. 2018 йилда улар ўз ваъдаларини бажарганлар. Аммо бунинг учун бир инсонни картонли макетига алмаштиришга тўғри келган.

Улар чемпионатга узоқ тайёрланган. Саёҳат учун эски автобус сотиб олиб, уни йўл учун махсус жиҳозлаганлар. Узоқ вақт ҳаммаси режа бўйича кетган. Бироқ сўнгги лаҳзада Хавьернинг турмуш ўртоғи унинг чемпионатга кетишига рухсат бермаган.

Уддабурон дўстлар бунинг ҳам чорасини топишган. Улар ўзлари билан Хавьернинг бутун бўйи баробар макетини олиб, унинг футболкасига: “кампирим мени қўйиб юбормади”, деб ёзишган.

Мухлислар автобусни океан орқали Европага келтирганлар, кейин Берлин, Прага, Будапешт, Рига, Краков ва Санкт-Петербургга борганлар. Бутун йўл давомида картонли Хавьер улар билан бўлган.

15 июнда мексикаликлар автобуси Москвага келган. Дўстлар миллий терма жамоалари немисларни мағлуб қилганини томоша қилган.
Қизиғи шундаки, хотини рухсат бермаган картонли Хавьер бутун дунё мухлисларининг севимлисига айланган.

Испания маликаси Кристинанинг турмуш ўртоғи Иньяки Урдангарин коррупцияга алоқадорликда гумонланиб суд қилинди.
Испания қироли Фелипе IV нинг куёвига олти йиллик қамоқ жазоси белгиланган. У жазони Авила шаҳридаги “Бриева” қамоқхонасида ўтайди.
Маълумотларга кўра, “Бриева” аёллар қамоқхонаси ҳисобланади. Урдангарин қамоқхонанинг эркаклар учун қисмига жойлаштирилган.
Испания Олий суди жорий йил 12 июнда Урдангарин иши бўйича якуний ҳукмни чиқарган. У хизмат вазифасидан фойдаланиб пулларни шахсий мақсадларда ишлатиб юборий, солиқларни тўлашда товламачилик қилишда айбдор деб топилиб, беш йил ўн ой қамоқ жазосига маҳкум этилган.

Россияда футбол бўйича жаҳон чемпионати авжига чиққан пайтда мамлакатда бошқа бир мавзу катта муҳокамаларга сабаб бўлмоқда. Яъни хориждан келган меҳмонлар билан россиялик аёлларнинг ишқий муносабатларга ўрнатиш тақиқланаётганлиги шу муҳокамани келтириб чиқарган.
Аслида бу иш бўйича ҳукумат даражасида ҳеч қандай чекловлар қўйилгани йўқ. Фақат Коммунист партияси етакчиси Тамара Плетниова рус аёлларини хорижликлар билан алоқа қилмасликка чақирганди. 70 ёшли сиёсатчининг бундай чақирувига асос бор.
Чунки 1980 йил Москвада ўтказилган ёзги Олимпиада ўйинларида хорижликлар билан ишқий муносбатлар ўрнатган аёллар дунёга келтирган болалар кейинчалик ирқий камситилишларга мубтало бўлганди. Бундан ташқари, Плетниова рус аёлларини турли касалликлардан ҳимоялаш учун шундай мурожаат билан чиққанлигини айтди.
Тамара Плетниовага қарши чиққанлар шу қадар кўп бўлдики, охири бу ишга Россия федерацияси президенти Владимир Путиннинг матбуот котиби Дмитрий Песков аралашди: “Рус аёлларининг ўзига боғлиқ иш бу. Зотан улар эркиндирлар. Ўзи истаган иш билан шуғулланишлари мумкин. Чунки улар дунёнинг энг чиройли аёлларидир”, деган.
Тақиққа қарши чиққанлардан яна бири Россия терма жамоасининг ҳимоячиси Юрий Жирковнинг рафиқаси Инна Жиркова бўлди. “Рус аёлларига бундай чеклов қўйишдан олдин ўйлаш керак. Очиғи, рус аёллари турмуш ўртоқларига вафодор. Улар ўз эрларидан бошқа кимсага қайрилиб ҳам қарамайдилар” деган.

Узоқ йиллар мобайнида Самарқанднинг “Динамо” жамоаси сафида барқарор ўйин намойиш этиб, ҳурмат сазоворга эга бўлган собиқ футболчи Сирожиддин Сайфиев ЎФАга клубнинг ундан молиявий қарздорлиги бор экани хусусида мурожаат қилган.
Вазият атрофлича ўрганиб чиқилгач, ЎФА “Динамо” футбол клубига Сирожиддин Сайфиевдан унинг футболчилик фаолияти давомида тўпланиб қолган қарздорлигини узиш бўйича муддат белгилаганди. Давом этаётган июнь экваторида “Динамо” Сайфиевнинг ҳисоб-рақамига 40 миллион сўм миқдорида пул ўтказиб берди ва собиқ футболчиси олдидаги қарзини узди. Бу ҳақда ЎФА Матбуот хизмати хабар бермоқда.
Футболчилик фаолиятини якунлаганидан сўнг унда саратон касаллиги аломатлари мавжудлиги аниқланган Сайфиев мана бир неча йилдирки, оғир дардни енггишга уриниб келмоқда. Яқин ўтмишнинг номдор футболчиларидан бири мазкур ҳолат юзасидан қуйидагича фикр билдириб ўтди: “Ва ниҳоят менга йиғилиб қолган қарзлар тўлаб берилди. Шу ўринда айтишим керакки, “Динамо” менга ўз ҳисобидан ҳайрия қилмади, балки менинг ўз вақтида берилмаган иш ҳақимни қайтарди. Энди бу пулларни муолажалар учун сарфлайман. Зора шифо топишимда бунинг ҳам нафи тегиб қолса. Бунда менга кўмак кўрсатган ЎФА раҳбариятига ўз миннатдорчилигимни изҳор этмоқчиман. Уларнинг кўмагидан мамнунман”, дейди Сирожиддин Сайфиев.

Голландия жанубида ўтказилаётган мусиқий фестивалда кичик автобус томошабинлар устига юриб кетди. Воқеада бир киши ҳалок бўлган ва икки киши жароҳатланган.
Ҳодиса 18 июнь куни тунда машҳур Pink Pop фестивали ўтказиладиган жой яқинида содир бўлган. Полиция берган маълумотларга кўра, автобус дарҳол воқеа жойидан яширинган. Ҳозир у қидириляпти.
Маълумот учун, сўнгги вақтларда автобус ва автомобилларнинг одамлар устига юриб кетиши ҳолатлари кўпайиб боряпти. 2017 йилда шу каби воқеалар Украина, Буюк Британия, Латвия, АҚШ ва дунёнинг бошқа мамлакатларида содир бўлган эди.
Бу каби воқеалар бошқарувни йўқотиш сабаб, баъзида эса атайин қилинади. Белгияда ўтган йили автобус ҳайдовчиси атайин одамлар устига юрган эди. Куни кеча Москвада Қирғизистонлик такси ҳайдовчиси машинада одамлар устига юриб кетди. Воқеа ҳайдовчи бошқарувни йўқотгани сабаб юз бергани айтилди.

Бутун дунё футбол ишқибозларининг нигоҳи Россияга қаратилган пайтда, Германияда “Дунё гўзали -2018” гўзали аниқланди. Ушбу кўрик танлов Miss Germany Corporation томонидан ташкил этилди.
Германиядаги энг катта Европа паркида 32 мамлакатдан келган қизлар 8 гуруҳга бўлинган ҳолда “Miss World” ким бўлиши учун 5 та шарт бўйича баҳс олиб бордилар. Иштирокчиларнинг ёши чегараланган (18-33 ёш ораси) кўрик –танловда бельгиялик 18 ёшли Зое Брунет ғалаба қозонди. “Дунё гўзали -2018” ғолибаси Зое Брунет танлов якунидан кейин “Эътибор беринг, Россиядаги жаҳон чемпионатида ҳам 32 мамлакат вакиллари иштирок этмоқда. Улар орасида Бельгия бор. 32 мамлакатнинг гўзаллари орасида ““Miss World” шарафига лойиқ кўрилдим. Ишонаманки, мундиалда ҳам Бельгия ғалаба қозонади”, дея фикр билдирди.
Эслатиб ўтамиз, аввалроқ Забияка лақабли башоратчи эчки Бельгия терма жамоасини жаҳон чемпионатида ғолиб чиқишини тахмин қилган эди.

Қирғизистоннинг Жалолобод вилоятида 11-синф ўқувчисини зўрлашда гумонланган йигит қўлга олинди. Бу ҳақда “Кабар” нашри хабар берди.
Маълумотларга кўра, 14 июнь куни ўқувчи имтихонларга тайёрланиш учун қўшнисиникига чиқиб кетиб, уйига қайтмаган. Эртаси куни унинг отаси милицияга мурожаат қилган.
Текширувлар натижасида 15 июнь куни қизнинг тунда зўрлангани аниқланган. “Гумондор қўлга олинди. Сари-Тала қишлоғи фуқароси машинада қилган жиноятини тан олди”, дейди милиция.
Гумондор қамоққа олинган.

Most Popular Instagram Hashtags