[PR] Gain and Get More Likes and Followers on Instagram.

paidaly_kenes paidaly_kenes

2404 posts   521505 followers   4124 followings

Қыздарға пайдалы кеңестер 📝  👸 Қыздарға арналған пайдалы кеңес парақшасы ✍️ Пайдалы кеңестер 🍀 Денсаулық 🍳 Пайдалы ас 📖 Пайдалы цитаталар ♻️Сұрақ-жауап 📌 Бізді оқи жүріңіздер

Сабырсыздықтың соңы

Өте сабырсыз бір жігіт досының үйіне амандаса барыпты. Досы тұратын қабатты үйдің қақпасында тұрып есік қоңырауын басады. Есік қоңырауы екі мәрте шырылдаса да, ешқандай жауап болмайды. Ол тағаты таусылып, үйіне қайтып кетіпті.

Біраз жолға келген соң, бұлай істегенім жараспас деп қайта айналып келіп, есік қоңырауын баспты. Бұл жолы екі мәртеден соң еш жауап болмаған соң, ашуланып кетіп қалыпты.

Ол біраз жолға барып, тағы да кері қайтыпты. «Мен келемін деп айтып қоймап па едім. Үйде жоқ болуы мүмкін емес. Мүмкін бірер шаруаға айналып, естімей қалған болуы керек» деп ойлапты. Қайта келіп, есік қоңырауын қанша басса да, жауап болмапты. Енді шынымен ашуға мінген ол, қайта айналып жүре бергенде, төбесінен мұздай суық бір шелек су өне бойын малшындыра құйып өте шығыпты.

Сөйтсе оның үйдегі досы есік қоңырауының тұтқасын алса, адам жоқ. Біраздан соң тағы алса, тағы адам жоқ. Әбден ашуға мінген ол «біреу мені ақымақ қылайын деген екен» деп, бір шелек суды алыпты да, үшінші мәрте қоңырау шалынған соң, терезеден әлгі жігіттің басына шашып жіберіпті.

Сабырсыздық кейде құралақан қалдырады. Құралақан қалсаң мейлі, ол тіпті келістіріп «сыбағаңды» беруі де мүмкін. Күтуге тиісті адамдар болса, сабырлықпен күткенге не жетсін!

қайырлы түн !

Бетке арналған гимнастика

Сіз күлу, жылау, таңғалу сияқты сезімде болған кезде, бет теріңізде әжімдер пайда болады. Ол – табиғи құбылыс. Алайда бет терісінде ондай әжімдер көбейіп кетпес үшін күнделікті гимнастика жасап тұрған жөн. Күніне 15-20 минут уақытыңызды бөлгеннің өзі жеткілікті. Бастысы, бұл істі әдетке айналдыру қажет.

1. Алақанның қырымен қасыңызды қысыңыз, бірақ жайлап істеңіз. Себебі сіз жаңа әжімдерді тудыруға емес, оларды азайтуға жасап жатқаныңызды ұмытпаңыз. Бас бармақпен көздің ұштарын, ал сұқ саусақпен қас арасын ұстап тұрыңыз. Саусақтарыңызбен ұстап тұрып, қасыңызды көтеруге тырысыңыз. Арасына 10-15 секунд салып, үш рет қайталаңыз.

2. Қасыңызды барынша жоғары көтеріңіз. Содан соң оны алақаныңызбен ұстап тұрыңыз. Бас бармақтарыңызды құлақ қалқанына тіреңіз. Максимум тырысып, қасыңызды түсіріңіз.

3. "Көздің қиығы" жиналатын көздің шеткі бұрышына ортаңғы саусақпен басыңыз. Ал сұқ саусақты ішкі бұрышына басыңыз. Осы қалыпта көзіңізді барынша ашып, жоғары қараңыз. Көздің жоғары тұсына күш түскенін сезіну керек.

4. Аузыңызды аздап ашып, ерніңізді ішке қарай кіргізіңіз. Ал сұқ саусақты бетіңізге қойыңыз. Ерніңізді ішке тарта отырып, барынша кеңірек күлуге тырысыңыз. Саусақтарыңызға теріңіздің қарсыласуын сезінесіз. Осы гимнастиканы 10-15 рет қайталаңыз.

5. Мұрынның ұшын сұқ саусақпен шамалы көтеріңіз. Екінші қолыңызбен оны түсіруге тырысыңыз. Бірнеше рет қайталаңыз.

6. Еріннің шетін сұқ саусақпен ұстап тұрып, бар күшіңізбен күлуге тырысыңыз. Күлкіңізді шамамен 15-20 секунд ұстаңыз.

7. Сұқ саусақтарыңызды еріннің жоғарғы жағына қойып, жымиып, "А" дыбысын қаттырақ айтуға тырысыңыз. Осы гимнастиканы 15 ретке дейін жасаңыз.

8. "Оооо" дыбысын айтқандай ерніңізді дөңгелектеңіз. Тіліңізді таңдайға тигізіп тұрыңыз. Саусағыңызбен ерін ұштарын итеріп, қозғаңыз. Бірнеше рет қайталаңыз.

9. Тіке отырыңыз. Иегіңізді барынша алға шығарыңыз. Сол қалыпта 20 секунд тұрыңыз. Қайталаңыз. Нәтижесінде иек және мойын бұлшық еті қатаяды.

10. Күлкілі гимнастика: тіліңізді шығарыңыз, жағыңызды алға қозғап, басыңызды айналдырыңыз. Мойын бұлшық еттеріне күш түскенін байқайсыз.

Мамандықты дұрыс таңдадыңыз ба? Тест

Мамандықты дұрыс таңдадыңыз ба? Тест

Алдымен туған күніңізге байланысты жеке кодыңызды анықтаңыз. Түрлі мамандық тобы белгілі бір санмен байланысты. Мәселен, туған күніңіз: 25.12.1983
Күні: 25=2+5=7
Айы: 12=1+2=3
Жылы: 1983=1+9+8+3=21=2+1=3
25.12.1983=(2+5)+(1+2)+(1+9+8+3)=7+3+3=13=1+3=4
4 саны – сіздің жеке кодыңыз
Егер сізде екі таңбалы сан шықса, онда оларды өзара қосып, бір сан алу керек. Мәселен: 23=2+3=5

Нәтижені жеке код бойынша қараңыз
1. Қызмет саласы: Түрлі дәрежедегі бастықтар. Шығармашыл жандар. Ұйымдастырушылар. Жауапкершілік танытып, нәтижеге қол жеткізе алатын белсенді, қызу жұмыстар.
Мамандықтар: Банк қызметкері, менеджер, хатшы, дәрігер, мемлекеттік қызметкер, қоғам қайраткері, зергер, әртіс, суретші.
Мақсат: Өзіне сай келетін істі табу.

2. Қызмет саласы: Өзгелерге қамқорлық көрсетіп, көмек беруге байланысты мамандықтар. Қоғамдық қызмет көрсету саласы.
Мамандықтар: Дәрігер, қоғамдық қызметші, өнер қайраткері, саяхатшы, ойшыл, үй ханымы, фермер, актер.
Мақсат: Сезім мен қиялды дамыту. Сүйікті және танымал болу тілегі.

3. Қызмет саласы: Медицина, техникалық мамандық, өздігімен жұмыс істеу қабілеті. Ойлау жүйесі белсенді түрде жұмыс істейтін кез келген сала сәйкес келеді.
Мамандықтар: Менеджер, әскери қызметші, кеден қызметшісі, хирург, спортшы, кәсіпкер, журналист, администратор.
Мақсат: Күш пен қуатты түгелімен жұмыс жолына арнау.

4. Қызмет саласы: Майда бөлшектерге аса назар аудару қажет кез келген жұмыс, өндіріс, бақылау мен қорғауға байланысты жұмыстар.
Мамандықтар: Аналитик, журналист, мұғалім, администратор, сатушы, емші, ақпараттық қызмет, дәрігер, құрылысшы.
Мақсат: Ақпаратты жинақтау, саралау, тапсыру, үнемі ізденісте болу.

5. Қызмет саласы: Халықаралық ақпарат алмасумен байланысы бар жұмыс. Өзінің ұйымдастырушылық қабілетін көрсету орны.
Мамандықтар: Заңгер, жарнама агенті, қаржыгер, мемлекеттік шенеунік, психолог, жазушы, аудармашы, ғалым, мұғалім, кәсіпкер, менеджер.
Мақсат: Ақиқатқа, жоғары білімге ұмтылыс.

Намаз оқымай жәннаттан үміт ету, автобус аялдамасында ұшақ күтумен тең сияқты.

Шашқа арналған банан маскасы

Қазір ауа ластануына байланысты шашқа дұрыс күтім жасау қиындап барады. Ал күтім мен қорек жетіспегеннен, шашымыз қатты және өлі күйге енеді. Шашқа сау түр беру үшін үйден маска дайындап қолданған дұрыс. Оны дайындау үшін дүкенге жүгірудің қажеті жоқ. Барлық ингредиенттер үйден табылады.

Банан мен бал маскасы

Бұл маска тез және қарпайым дайындалады. Шаштың терең қоректенуіне көмектеседі. Екі бананды езіп, оған 1 шай қасық бал қосамыз. Барлығын блендермен жақсылап араластырамыз (блендер міндетті емес, қасықпен араластырса да болады). Масканы шаштың түбінен бастап ұшына дейін толық жағып, ораймыз. Оны 30 минут ұстаймыз. Содан соң суық сумен шаямыз.

Банан мен йогурт маскасы

Бұл маска майлы шаштарға жақсы әсер етеді. Жақсы піскен екі банан және табиғи йогурт қана керек. Бананды еземіз, оған жарты стақан йогурт құйып, жақсылап араластырамыз. Шашқа жағып, сонымен қатар, бас терісіне массаж жасау қажет. Шашымызды жақсылап орап, 30 минут шамасында ұстаймыз. Суық сумен шайып тастаймыз.

Масканың әсері одан да жақсы болу үшін екі маскаға да алоэден жасалған гель қосуға болады

Жылдам арықтататын балдыркөк сорпасы

Америкалық хирургтер семіздікпен ауыратын адамдарды операция алдында арықтататын сорпа ойлап тапқан.

Сорпа өте тиімді, мұндай диетаны ұстау қиын емес және жылдам арықтауға жақсы көмектеседі. Балдыркөк (сельдерей) диетасына қарсы көрсетім жоқ және қандай да бір шектеу қойылмаған. Диетаны кез келген адам ұстай алады. Балдыркөкті күнделікті қолдану жалпы нығайтушы, жасартушы және тазартушы әсер береді.

Балдыркөк диетасы 1 аптаға есептелген. Мұндай диета кезінде банан мен жүзімнен басқа жемістерді және картоптан басқа көкөністерді жей беруге болады. Таза су, минералды су, көк шай және қантсыз кофе ішуге болады. Диетаның негізгі шарты — куніне бір рет бір тәрелке сорпа ішу.

Сорпаға қажетті азық-түліктер: - 400 гр балдыркөк сабағы;
- 0,5 кг ақбас капуста;
- 6 орташа пияз;
- 3 орташа қызанақ;
- 2 жасыл болгар бұрыш;
- тұз, қара бұрыш.

Дайындалу жолы:

Көкөністерді жуып, тазартып, тураймыз. Барлығын қазанға салып, 3 литр су құямыз. Оған дәміне қарай тұз және қара бұрыш саламыз. Қазанды отқа қойып, қыздырамыз. 10 минут қайнатамыз. Содан соң бұқтырып, көкөністер жұмсарғанша қайнатамыз. Өте пайдалы және арықтататын балдыркөк сорпасы дайын!

барлығы кішісінен басталады! ағаштан жасалған макет

Брокколи – нағыз дәруменді-минералды қуат!

Брокколи – қырыққабатты тұқымдастардың біржылдық өсімдігі, қою жасыл түсті гүл шоғыры болып табылады. Бұл көкөністің атауы «брокко» деген итальян сөзінен шыққан, бұта деген мағынаны білдіреді. Брокколидің құрамында жасұнық, калий, фосфор, кальций, магний, темір, мырыш, марганец, күкірт, С, В1, В2, В5, В6, РР, Е, К дәрумендері, А дәрумен негізі бар. Брокколидің құрамындағы С дәруменінің мөлшері лимон құрамындағы мөлшермен бірдей. Бұл көкөністен әр түрлі тамақтар әзірленеді. Оны қуыруға, суға қайнатуғ немесе шикілей түрде жеуге болады. Шикілей түрде көбінесе салаттарға қосылады.

Брокколидің пайдалары:

Асқа тұрақты қолдану - күйзелістен ең жақсы қорғаныс.
Брокколидың калориясы өте аз болғандықтан диета ұстап жүрген, денсаулығына аса мән беретін адамдар үшін өте қажетті көкөніс.
Ол тәбет пен ас қорытуды жақсартады. Асқазанда ойық жарасы (язва) бар адамдарға пайдалы. Оның бұл артықшылығы құрамында U дәруменінің жеткілікті мөлшерде болуына байланысты.
Иммунитеттің күші лимфа жүйесіне тікелей байланысты. Алайда лимфа жүйесінің үштен екі бөлігі ішекте орналасқандықтан брокколи ішекті әртүрлі қалдықтардан, улы заттардан қорғап, иммунитетті көтеріп, ағзаның әртүрлі аурулар қоздырғыштарына қарсы тұру қабілетін арттырады.
Қан аздықтың, індеттердің, бауыр ауруларының алдын алады.
Ол теріге оң әсер беріп, қартаю процесін тежейді.
Құрамындағы сульфорафан қатерлі ісік жасушаларының көбеюін тоқтатады.
Қандағы холестериннің мөлшерін азайтады.
Сүйектің, тістің бұзылуына жол бермей, қазірде жиі кездесетін остеоропороздың алдын алады.

керемет емес пе ?

Most Popular Instagram Hashtags