[PR] Gain and Get More Likes and Followers on Instagram.

Instagram post by @fardos_kitchen Fardos's Kitchen

يسعد احلى صباح معطر بريحة الحطة الفلسطينية و الزعتر و لمة الاهل الحلوة 😍 اطيب فطاير زعتر اخضر خرجوا من مطبخي و صراحة من كتر ما همه طيبين اشتهيتكم احبابي تجربوهم و تستمتعوا باطيب وجبة فطور ممكن تتناولوها !
لاكون صريحة معكم عملتهم و ايدي على قلبي خفت يطلعوا يابسين بحكم كمية الزيت و رقة العجين بس النتيجة كانت عكس ذلك تماما عنجد بتستغربوا .. لما دقتهم اصابني ذهووول اديش لذيذة
طبعا رح تسألوني عن الطريقة كالعادة بس مارح احطها الا لا اشكر صاحبة الوصفة متابعة عزيزة جدا من متابعاتي اسمها """هديل حازم قعدان""" بوجهلها الف تحية و شكر
فطاير زعتر اخضر
١ كيلو طحين
٢ ملعقة كبيرة سكر
١ معلقه صغيرة ملح
٢ معلقة خميرة فوريه
1/4 كوب زيت زيتون
3/4 كوب زيت نباتي
ماء فاتر للعجن الحشو :
زعتر اخضر مغسول ، مجفف من السوائل و مفروم فرمة متوسطة ١ بصل مفروم ناعم جدا رشة ملح
ربع كوب زيت زيتون
١ ملعقة كبيرة سماق ( حسب الرغبة )
الطريقة :
- نعجن مكونات العجين بإضافة الماء الفاتر بالتدريج حتى تصبح العجينة لينة و ناعمة خالية من الكتل . نغلفها بقليل من زيت الزيتون و نتركها لتختمر ساعة
- نخرج الهواء من العجين و نلفه مجددا ليختمر نصف ساعة - نقطع العجين إلى كرات بالحجم المطلوب و نغطي و نترك ليختمر نصف ساعة اخرى - في هذه الاثناء نحضر الحشو بخلط كل مكونات الحشو و ممكن تقلية البصل قليلا حسب الرغبة ( انا افضل ذلك )
- نبدأ برق كل كرة عجين على سطح مبلول بالزيت و بيدين مبلولتين بالزيت ايضا . نرق اقصى درجة ممكنة باطراف الاصابع ، على شكل مربع ، نراعي عدم تمزق العجين .
- نضع مقدار من الحشو بالوسط و نلف اطراف المربع إلى الداخل و نطوي . - نضع في صينية الخبز ، نرش الوجه بالسمسم و الجبنة النابلسية حسب الرغبة مع الضغط و رق كل قطعة مجددا باليد . - نخبز في الفرن و تقدم ساخنة و مقرمشة - الف هنا و عافية
#زعتر_أخضر #فطاير #وصفات_فلسطينية

12 Comments

  • 79w ago basharbustami basharbustami

    شكراجزيلا لتعبكم ومجهودكم واتقانكم كل التقدير والعرفان

  • 79w ago fardos_kitchen fardos_kitchen

    @basharbustami شكر لك يا بشرى على هالتعليق الحلو مثلك وانا سعيدة جدا بمتابعتك و باعجابك لهذا البوست 🌹

  • 79w ago hyatyq8 hyatyq8

    فعلا شهية طالعة مثل عجينة البوريك الرقيقة .. تسلم ايدياتك

  • 79w ago fatenajjawi fatenajjawi

    @fardos_kitchen وأنا كمان أشكرك وأشكر الأخت هديل على هالوصفة الرووووعة اللي ان شاءالله حأجربها قريباً ، كل الحب لك غاليتي 😚❤️

  • 79w ago fardos_kitchen fardos_kitchen

    @hyatyq8 وايدك يا جميييييلة

  • 79w ago fardos_kitchen fardos_kitchen

    @fatenajjawi الله يسعدك فتون و ان شاء الله تجربيها و تعجبك

  • 78w ago dubaifoodboutique dubaifoodboutique

    تسلم ايديكي

  • 78w ago fardos_kitchen fardos_kitchen

    @dubaifoodboutique وايديكي مدام منال 🌹

  • 38w ago fardos_kitchen fardos_kitchen

    @asmasoso1966 جربيها و قوليلي رايك 💕

  • 37w ago asmasoso1966 asmasoso1966

    وعد باذن الله بس اجربها رح ابعتلك❤❤

  • 33w ago hhhhmmmm8512 hhhhmmmm8512

    ما شاء الله حساب جميل و متنوع و مميز ...قليل نحصل مثله الله يبارك لك فيه 🌹 لكن حبيت أسأل بعد إذنك تنفع العجينه للحم بالعجين و فطاير دبس الفليفله

  • 33w ago fardos_kitchen fardos_kitchen

    @hhhhmmmm8512 الله يسعدك و يخليكي شكرا .. مش عارفة صراحة اذا بتنفع او لأ بس اجرب بخبركم

Most Popular Instagram Hashtags