nrt.kurdish nrt.kurdish

25075 posts   494128 followers   40 followings

NRT  ‎ئه‌کاونتی فه‌رمی ئێن ئاڕتی له‌ تۆڕی کۆمه‌ڵایه‌تی ئینستاگرام 👻: nrtmedia

http://nrttv.com/

پیرەمەگروون.. منداڵێک دەیەوێت جۆزەی کارەبای مۆلیدە هەڵبداتەوە

ڕاوێژکارێکى نێچیرڤان بارزانى و پەرلەمانتارێکى یەکێتى داواى مافى پەنابەرێتیان لە کەنەدا کردووە

بەپێی زانیاریەکانی ئێن ئاڕ تی، ڕاوێژکارێکى نێچیرڤان بارزانى و ئەندامێکى پەلەمانى کوردستان لە فراکسیۆنى یەکێتی لە کەنەدا داوای مافى پەنابەرى سیاسییان کردووە. بەپێی زانیارییەکانی ئێن ئاڕ تی، سیروان زەهاوى، ڕاوێژکارى نێچیرڤان بارزانى سەرۆکى حکومەتى هەرێم بە بیانوى ئەوەى هەڕەشەى لەسەر بووە خۆى و خێزانەکەى لەڕێى خاچى سورى نێودەوڵەتییەوە چوونەتە کەنەدا و داوای مافى پەنابەرى سیاسییان کردووە.

زەهاوى کە سەرۆکى لیژنەى ڕوبەڕوبوونەوەى گەندەڵى بوو لە کەرتى تەندروستى و لەلایەن بارزانیەوە ئەو ئەرکەى پێ سپێردرابوو، خاوەنى بڕوانامەى دکتۆرایە لە یاسادا و پێشتر سەرۆکى لیژنەى نووسینەوەى دەستوورى هەرێمى کوردستان و ئەندامی خولى پێشووى پەرلەمانی عێراق بووە.

رۆشتنى سیروان زەهاوی بۆ دەرەوە، لەکاتێکدایە کە ماوەیەک پێش ئێستا لەپەڕەى تایبەتى خۆى لە فەیسبوک بڵاویکردەوە، لەسەر دەستبردنى بۆ چەندین کەیسى گەندەڵى و هەوڵەکانى لەبوارى چاکسازیدا ڕووبەڕووى هەڕەشە بووەتەوە.

لەلایەکی دیکەوە و هەر بەپێی زانیارییەکانی ئێن ئاڕ تی، گۆڕان ئازاد ئەندامی پەرلەمانی کوردستان لە فراکسیۆنی یەکێتی ماوەیەکە لەگەڵ خێزانەکەی لەهەرێمی کوردستانەوە بە بیانوى چارەسەرکردنى منداڵەکەیەوە چووەتە ئەمریکا و لەوێوە بە قاچاغ چووەتە کەنەدا و داواى مافى پەنابەریى سیاسى کردووە.

پێشتر سەعید مەسیفی ئەندامى پەرلەمانى کوردستان لە فراکسیۆنی یەکێتی لە ڕونکردەوەیەکدا ئاماژەى بەوەدا، گۆران ئازاد بەمەبەستی چارەسەرکردنى منداڵەکەى چووەتە دەرەوەى وڵات نەک بۆ داواکردنی مافی پەنابەریی، وتیشى دوای وەرگرتنی چارەسەری پێویست بۆ منداڵەکەی بە زووترین کات دەگەڕێتەوە هەرێمی کوردستان.

ش.ع

یەکێتى لەبارەى ڕیفراندۆمەوە لەگەڵ یەکگرتوو لە کۆبوونەوەدایە

ئەیاز مزوری - هەولێر

یەکێتى لەدواى کۆبوونەوەکانى لەگەڵ کۆمەڵى ئیسلامى و حزبی شیوعى کوردستان بۆ گفتوگۆکردن لەبارەى ڕیفراندۆمەوە، لە ئێستادا لە کۆبوونەوەدایە لەگەڵ یەکگرتووى ئیسلامیى کوردستان. بەپێى زانیارییەکانى ئێن ئاڕ تیش، بڕیارە یەکێتى سبەی بۆ گفتوگۆکردنى هەمان بابەت لەگەڵ پارتى و حزبى زەحمەتکێشان کۆببێتەوە.

شاندێکى یەکێتى بە سەرۆکایەتیى مەلا بەختیار کارگێڕى مەکتەبى سیاسیى یەکێتى و بە ئەندامێتیى سەعدى پیرە و ئاسۆ مامەند و ڕزگار عەلی، کە سەرجەمیان ئەندامى مەکتەبى سیاسیى یەکێتین، لەگەڵ سەڵاحەدین بەهائەدین ئەمیندارى گشتیى یەکگرتوو و هەروەها هادى عەلی وتەبێژى یەکگرتوو و سەرۆکى ئەنجوومەنى سیاسیى ئەو حزبە، ئەبوبەکر هەڵەدنی ئەندامى ئەنجوومەنى جێبەجێکردن و غازى سەعید ئەندامى ئەنجوومەنى جێبەجێکردنى یەکگرتوو و عومەر محەمەد سەرۆکى ئەنجوومەنى سلێمانیى یەکگرتوو لە کۆبوونەوەدان.

بەپێى زانیارییەکانى ئێن ئاڕ تى، بڕیاریشە سبەى یەکێتى کۆبوونەوە لەگەڵ پارتى دیموکراتى کوردستان و حزبى زەحمەتکێشانى کوردستان ئەنجامبدات.

کۆبوونەوەکانى یەکێتى لەگەڵ ئەو لایەنانەدا لەکاتێکدایە کە دوو ڕۆژ لەوە پێش مەلا بەختیار دواى گەڕانەوەیان لە ئێران لە کۆنگرەیەکى ڕۆژنامەوانیدا ڕایگەیاند، بەرپرسانى ئێرانى ناڕازین لە ئەنجامدانى ڕیفراندۆم و پێیان ڕاگەیاندوون، نابێت چاوەڕێى هیچ شتێکى باش لە ئێران بکەن بۆ ئەو بابەتە.

لەدواى ئەوەش یەکێتى بۆ تاوتوێکردنى هەڵوێستى ئێران لەبارەى ڕیفراندۆمەوە دەستیکردووە بە کۆبونەوە لەگەڵ حزبە کوردستانییەکان لە کۆبوونەوەکاندا باسى پرسى ڕیفراندۆم، کاراکردنەوەى پەرلەمان و کاریگەریى ئێران و ئەگەرى زیانەکانى داخستنى سنوورى لەلایەن ئێرانەوە و پەیوەندییەکانى ئێران و هەرێم تاوتوێ دەکرێن.

چەند ڕۆژ لەوە پێش سەفین دزەیى وتەبێژى حکومەتى هەرێمى کوردستان ڕایگەیاندبوو، شاندێکى حکومەتى هەرێمى کوردستان بۆ پرسى ڕیفراندۆم سەردانى ئێران و تورکیا دەکەن، کە شاندەکەى حکومەتى هەرێم بۆ تورکیا بە سەرۆکایەتیى نیچیرڤان بارزانى سەرۆکى حکومەتى هەرێمى کوردستان دەبێت.

لەگەڵ ئەو پێشهاتانەشدا بڕیارە شاندى ئەنجوومەنى باڵاى ڕیفراندۆم سەردانى ئیسپانیا، بەریتانیا، ئەمریکا و چین بکات.

پێشهاتەکانى پەیوەندیدار بە ڕیفراندۆمەوە

ڕۆژى ٢ى نیسانی ٢٠١٧ مەکتەبى سیاسیى یەکێتى و پارتى کۆبوونەوەیەکیان ئەنجامدا

لە ڕاپرسییەکی سۆشیاڵ میدیای ئێن ئاڕ تیدا %٦٠ ی بەشداربووان دەنگیان بە (نەخێر) داوە بۆ سەربەخۆیی

بەپێی زانیارییەکانی ئێن ئاڕ تی بارزانی بە سەردانێکی تایبەت لە وڵاتی فەڕەنسایە بەبێ ئەوەی ئامانجی سەردانەکەی بزانرێت. هاوکات تا ئێستا سەرۆکایەتی هەرێم و میدیایەکانی سەر بە پارتی باسیان لە سەردانەکەی بارزانی بۆ فەڕەنسا نەکردووە.

لەدوای شەڕی داعش بارزانی چەند جارێک سەردانی فەڕەنسای کردووە و دواین سەردانیش لە شوباتی ئەمساڵ بوو کە لە کۆشکی ئێلیزێ لەگەڵ فرانسۆ ئۆلاند سەرۆکی پێشووی ئەو وڵاتەدا کۆبۆوە.

لە ڕۆژی ٩ى ئەم مانگەشدا شاندێکی باڵای ئەنجومەنی ڕیفراندۆم بەسەرۆکایەتی بارزانی سەردانى بەلجیکای کرد و زنجیرەیەک کۆبوونەوەی لەگەڵ بەرپرسانى ئەو وڵاتە و پەرلەمانى ئەوروپا لەسەر پرسى ڕیفراندۆم ئەنجامدا و دواتر شاندەکە گەڕانەوە بۆ هەرێم، بەڵام بارزانى نەگەڕایەوە.

هەورامان - بیارە

وێنەکان لەلایەن ڕێکەوت قادرەوە نێردراون

كۆمێنت بنوسە و لەسەر شاشەی ئێن ئاڕ تی بڵاودەبێتەوە

پرسیارتان چیە؟
گۆڕان دەتوانێ شوێنەکەی نەوشیروان مستەفا پڕبکاتەوە، سەرۆکی جڤاتی گشتی وەڵامتان دەداتەوە

بەرنامەی تاوتوێ
كاتژمێر ٠٧:٠٥خولەك

ناو و وێنەی کاندیدانی گۆڕان بۆ ڕێکخەری گشتی و خانەی ڕاپەڕاندن

ئێن ئاڕ تى ناوی کاندیدەکانى ڕێکخەرى گشتى و خانەى ڕاپەڕاندنی گۆڕان بڵاودەکاتەوە

ئێن ئاڕ تی ناوی ئەو ١١ کەسە ئاشکرادەکات کە تا ئێستا خۆیان بۆ پۆستەکانى ڕێکخەرى گشتى و خانەى ڕاپەڕاندن کاندید کردووە.

بەپێى زانیارییەکان ناوی ١١ کاندیدەکە بریتین لەمانەی خوارەوە:

١-عومەرى سەید عەلى
٢-عوسمانى حاجى مەحمود
٣-جەمال حاجى محەمەد
٤-جەلال جەوهەر
٥-ئاسۆ ڕەحیم
٦-شۆڕش حاجى
٧- د.ئیسماعیل نامیق
٥-دلێر عەبدولخالق
٨-محەمەد عەلى
٩-ئاسۆ مەحمود
١١-عەبدوڵاى مەلا نورى

هەتا ئێستا ١١ کەس خۆیان کاندید کردووە بۆ خانەى ڕاپەڕاندن، بەپێی زانیارییەکانیش تەنیا عومەرى سەید عەلى خۆى بۆ ڕێکخەرى گشتى گۆڕان کاندید کردووە.

ئەوەش لەکاتێکدایە ئەمڕۆ دواى هەڵبژاردنى سەرۆک و جێگیر و سکرتێرى جڤاتى گشتى گۆڕان زمناکۆ جەلال ڕێکخەری ژوری هەڵبژاردنی بزوتنەوەى گۆڕان رایگەیاند، هەتا ئێستا ١١ کەس خۆیان بۆ ڕێکخەری گشتی و خانەی ڕاپەڕاندنی بزووتنەوەی گۆڕان کاندیدکردووە.

هەروەها وتیشى، تا سبەى کاتژمێر ٤ی ئێوارە ناوى کاندیدەکان وەردەگیرێن بۆ پۆستى ڕێکخەرى گشتى گۆڕان و خانەی ڕاپەڕاندن.

بەپێى دەستورى ناوخۆى بزوتنەوەى گۆڕان، جڤاتى گشتى دامەزراوەیەکى ڕاوێژکارییە و سەرۆکى جڤاتەکە دەبێتە یەکێک لە حەوت ئەندامەکەى خانەى ڕاپەڕاندن.

هاوکات بڕیارە ڕۆژى سێشەممە جڤاتى نیشتمانى بزوتنەوەى گۆڕانیش کۆببێتەوە و لە کۆبوونەوەکەدا ڕێکخەرى گشتى و ئەندامانى خانەى ڕاپەڕاندن هەڵببژێردرێن و تا سبەینێش خۆکاندیدکردنى هەڵسوڕاوانى گۆڕان بۆ ئەو پۆستانە بەردەوام دەبێت.

بەپێى ڕاپرسییەکى سۆشیاڵ میدیاى ئێن ئاڕ تى کە ١١٩ هەزار کەس بەشدارییان تێداکردووە، و لەناو بەشداربوواندا ٩٢ هەزار کەس وەڵامى پرسیارى ڕاپرسییەکەیانداوەتەوە و دەنگى دروستن، زۆرینەیان دەنگیان بە نەخێر داوە بۆ سەربەخۆیى هەرێمى کوردستان.
کەناڵى ئێن ئاڕ تى لەڕێگەى تۆڕى کۆمەڵایەتى فەیسبووکەوە گەورەترین ڕاپرسی ئەنجامدا، کە لە ڕۆژى ١٠ى حوزەیرانەوە دەستى پێکرد و تا ١٠ى تەموز بەردەوام بوو، و پرسیارى ڕاپرسییەکە بریتى بوو لەوەى: لە ڕیفراندۆمى سەربەخۆیى هەرێمى کوردستاندا دەنگت چى دەبێت: بەڵێ یان نەخێر؟

لەماوەى یەک مانگى ڕاپرسییەکەدا ١١٩ هەزار کەس بەشدارییان تێدا کردووە، و ٩٢ هەزار و ٨٣ کەس وەڵامى پرسیارى ڕاپرسییەکەیانداوەتەوە، بەپێى ئەنجامى دەنگى بەشداربووانیش: لەسەدا ٦١ پۆینت ٧٤ دەنگیان بە نەخێر داوە و لەسەدا ٣٨ پۆینت ٢٦ دەنگیان بە بەڵێ داوە بۆ سەربەخۆیى هەرێمى کوردستان.

لەکۆى ئەو ٩٢ هەزار و ٨٣ کەسەى کە وەڵامى پرسیارى ڕاپرسییەکەیانداوەتەوە، ٥٦ هەزار و ٨٥٥ کەس دەنگیان بە نەخێر داوە و ٣٥ هەزار و ٢٢٨ بەشداربوو دەنگیان بە بەڵێ داوە بۆ سەربەخۆیى هەرێمى کوردستان.

ڕاپرسییەکەى ئێن ئاڕ تى گەورەترین ڕاپرسییە کە تاوەکو ئێستا لە میدیاى کوردیدا ئەنجامدرا بێت، بەشێوەیەک کە نزیکەى ١٠٠ هەزار کەس بەشدارییان لە ڕاپرسییەکەدا کردووە و هەڵوێستى خۆیان ئاشکرا کردووە لەبارەى ڕیفراندۆمى هەرێمى کوردستانەوە.

كۆمێنت بنوسە و لەسەر شاشەی ئێن ئاڕ تی بڵاودەبێتەوە

ئایا حکومەت دەتوانێت کێشەی کەمی کارەبا چارەسەر بکات؟

بەرنامەی رای تۆ
كاتژمێر ٠٥:٠٥

ئێن ئاڕ تی دەقی نامەیەکی نەوشیروان مستەفا لەبارەی هەڵبژاردنی ڕێکخەری گۆڕانەوە بڵاودەکاتەوە

ئێن ئاڕ تی دەقی نامەیەکی نەوشیروان مستەفا بڵاودەکاتەوە کە مانگی شوباتی ئەمساڵ نووسیویەتی و باسی هەڵبژاردنی ڕێکخەری گشتی بزووتنەوەی گۆڕان و ئەندامانی خانەی ڕاپەڕاندن دەکات.

لە نامەکەدا نەوشیروان مستەفا باس لەوە دەکات کە دوو ساڵ لەمەوبەر ڕایگەیاندووە ئەرکی ئەخلاقی و دینی و نەتەوەیی خۆی بەجێهێناوە و کاتی ئەوە هاتووە کە گۆڕان کەسێکی دیکە بۆ ڕێکخەری گشتی هەڵبژێرێت، بارودۆخی کوردستان و "هێرشە ناڕەواکانی" پارتی بۆ سەر گۆڕان و خودی خۆی بڕیارەکەی دواخستووە.

هاوکات لە نامەکەدا نەوشیروان مستەفا دەڵێت، بۆ ئەوەی سەرکردایەتی نەبێتە مۆتەکەی سەر لەشی حزب، بۆ هەڵبژاردنی ڕێکخەری گشتی و خانەی ڕاپەڕاندن پێویستیان بە بەستنی کۆنگرە نییە بە پێچەوانەی حزبەکانی دیکەوە.

دەقی نامەکە:

هاوڕێیانی بەڕێز
ئەندامانی جڤاتی گشتی بزووتنەوەی گۆڕان
ئەندامانی جڤاتی نیشتیمانی بزووتنەوەی گۆڕان
ڕێز و سڵاو

نزیکەی دوو ساڵ لەمەوبەر لە سێ بۆنەی جیاوازدا بە ڕاشکاوی ڕامگەیاند کە ئەم بەندەیە ئەرکی ئەخلاقی، ئەرکی دینی، ئەرکی نیشتیمانی، ئەرکی نەتەوەیی خۆمم بە جێهێناوە و بزوتنەوەی گۆڕانیش کەوتووەتە سەرقاچی خۆی، بۆیە ئیتر ڕەنگە پێویستییەکی ئەوتۆی بە من نەمابێت و منیش توانای کارکردنی جارانم نەمابێت و کاتی ئەوە هاتبێت گۆڕان ڕێکخەرێکی دیکە بۆ خۆی هەڵبژێرێت. بەڵام ئەوەی دوایخستم لە جێبەجێکردنی ئەم بڕیارە ڕووداوە نەخوازراوەکانی کوردستان و بەدوای ئەویشدا هێرشی ناڕەوای پارتی بوو بۆ سەر بزووتنەوەکە و بۆسەر شەخسی خۆم.

ئاڵوگۆڕ لە هەیکەلی سەرکردایەتی بزووتنەوەی گۆڕاندا لە چاو حزب و ڕێکخراوەکانی تردا ئاسانە، ئەوەشمان لە ئەنجامی شیکردنەوەی تەجروبەی هەموو حزبەکانی تر دەرهێنا، بۆ ئەوەی سەرکردایەتی نەبێتە مۆتەکەی سەر لەشی حزب، بۆ هەڵبژاردنی سەرکردایەتی پێویستان بە بەستنی کۆنگرە نییە وەکو حزبەکانی تر، جڤاتی نیشتیمانی بە شێوەکی ئاسۆیی لە هەموو باژەرەکانی کوردستان و لەناو ڕێکخراوکانی تاراوگە هەڵدەبژێرێت، بەبێ ئەوەی پێویستان بە کۆنگرە بێت ڕێکخەری گشتی و ئەندامانی خانەی ڕاپەڕاندن هەڵدەبژێرن.

ئێستاش جڤاتی نیشتیمانی بە هاوکاری و هەماهەنگی ژورەکان و جڤاتی گشتی کەسێک لە خۆیان یان کادر و هەڵسوڕاوانی دەرەوە هەڵبژێرن بە ڕێکخەری گشتی و ئەندامانی خانەی ڕاپەڕاندنیش هەڵبژێرن، بە پێچەوانەی هەموو

Most Popular Instagram Hashtags