nasser_alwobair nasser_alwobair

341 posts   241589 followers   20 followings

ناصر الوبير  شاعر .. يُؤمن أن الرضى أهم من السعاده ، !

https://www.youtube.com/channel/UCbyCl6weBDZbtjQYK_KNJwA


ㅤㅤ



سامح رفيقك .. في شهر التسامح .. ㅤ
كل عام وأنتم بخير وبحب وتسامح يارب ❤️ ㅤ
ㅤㅤ










جانا #رمضان .. وتو نور سراجه
ياخوي .. هذي فرصتك واغتنمها



سامح رفيقك ، لين يضحك حجاجه
حتى .. ولو نفسك هو اللي ظلمها



خير النفوس .. اللي بدت بالمواجه
اللي تسلّم .. والعفو من شيمها



لا تخلي بصدرك على الناس حاجه
الدنيا ما تسوى .. تعييييش بـ ألمها



قبل رمضان تغيب شمعة سراجه
سامح تراها ( فرصتك ) واغتنمها




#ناصر_الوبير





منشن لـ ( جنّة ) الدنيا 💛ㅤ









طفلة نست تكبر .. وغنت للحمام
عن شاعر ً .. ما كانت الجنه معه





يا ثغرك .. اللي يشبه لحال الغمام
يمطر كلام ً ، ما قدرت استجمعه !





كل ( الجمال ) اللي نشوفه بالانام
والله العظيم ، اني أشوفك منبعه !





حتى ( عرق وجهك ) ليا زاد الملام
وردً يبلله ( الندى ) في مطلعه ، !! ㅤ



تدري شكثر فيني شعور من الهيام
كثر ( الكلام ) ، اللي علينا نسمعه !





خذي من يدينك تعبت من الزحام
سافربي عن ضيق الليال الموجعه





انا وصلت لمرحله في هالغرام
أني اشوفك بالجهات الاربعه





كل ابتسامه منك لغيري حرام
حتى لو ان فيها أجر او منفعه





يحق لي أغار حتى من السلام
تراك فرصه .. مستحيل أضيعه





ياشعرك : اللي علم الليل الظلام
يامبسم ً : مهما اشوفه ماشبعه





ما ا تبع ( المقفي ) ولو عالي مقام
الا انت .. من بد المخاليق اتبعه ، !





عيونك ( الكسلا ) .. قبل وقت المنام !
تعطي قصيد الشاعر المبدع سعه، !! ㅤ



دامك معععي ، لايشغلك كثر الكلام !
أحد مايكون بخير .. ( والجنه ) معه ؟
‏ㅤㅤ


ㅤㅤ




#ناصر_الوبير

منشن شخص تخاف تخسره 💔













غلطت في حقي بعد ما عتبرتك
مثل الندى ما يقدر يفارق الصبح




تخون وتساوم ، وانا اللي ذخرتك !!
لايامي .. لكنك على شوفي تشح !!




ㅤيا عاري بطبعك .. تراني سترتك
وشفايدة حسنك وروحك على القبح



مشكلتي اللي من سببها خسرتك
لي قلب ً رهيف ولي خاطر ً سمح



ومشكلتك اللي بعدها ما عذرتك !!
بنيت في قلبي من مكابرك صرح



لو كنت أعرفك صح كان آختصرتك !!
لكن خطى عمري ما كنت آعرفك صح



أصلاً انا اللي بالقصائد شهرتك
كتبت عن غدرك وطولت بالشرح



تذكرك خلق الله ليا من ذكرتك
وانا بدونك ذاكريني على المدح


ربحت نفسي من بعد ما خسرتك
ما قلت لك بعض الخساير بها ربح














#ناصر_الوبير
#شعر

الساعه 8:5
#ناصر_الوبير

منشن شخص وقوله .. حط نفسك مكاني ،؟ ㅤ










وتقول احبك .. ؟ ياخي تكفى عشاني ، !!
لا تقول شي اكبر من إحساسك ، شفيك ؟




تعبت اشيلك ، ( بالضلوع ) المحاني ، ،!
تعبت من هذا الحزن .. وين اوديك ؟؟



طبيعي اسكت واخلق احساس ثاني
هزمتني .. لين ( انكسر ) قلب يغليك !




احب فيك احساسك الأولاني
يوم اهتمامك بالعلاقة محليك




تدري متى اشعر باني ذاك الاناني ؟
لا شفتهم عندي ( يجيبون ) طاريك !




اسكت .. ولا آسولف لهم عن حناني
ماودي حتى بالحكي نشترك فيك ، !




حب من ( طرف واحد ) لو انه كفاني
ما كانت جروحي بصدري تناديك ، !



ابسط حقوقي .. بالغلا و الأماني ، !
اني ( ليا حسّيت بالفقد الاقيك ) ، !!



تدري غيابك بالعمر وش عطاني ، ؟
صبر ًجميل ، ودمعتين ً تناديك ، ؟؟



وتقول ليش افارقك ، في زماني ، ؟
وتقول ليش أزعل وافارق واخليك ،؟



بالله تكفى .. حط نفسك مكاني ،،!
‏تقدر تحب إنسان مايفتكر فيك ،، ؟





#شعر
#ناصر_الوبير

💜منشن شخص ، وقله قررت احبك من جديد ㅤ



ㅤㅤ












ㅤيا بو الجمال اليوسفي .. الله يسعد لي مساكㅤㅤ
عقب الفراق ولوعته .. ( قررت احبك من جديد) !! ㅤ


تسالني شكثر الغلا .. ؟ ، والله لو تعرف غلاك
ماكان يطري لك تخليني في هـ الدنيا وحيد !!



آحبك .. بكثر ( السوالف ) من وراي ومن وراك
وآحبك ، ( بحجم الثقه ) مهما حكوا تبقى تزيد



لبى العيون الناعسه / والشامه / ومبسم شفاك
سبحان من سواك ..واحسن خلقك بخلق ً فريد




ياصاحبي مشتاق اسولف لك عن احساسي معاك
ومشتاق .. اسولف لك ‏عن اللهفة ، وذكرانا وآعيد ، !



يا صاحبي .. واليا متى ؟ آشتاق وآحلم في لقاك !
‏تعال ، وارجع لي .. ( آنا قررت آحبك من جديد ) ، !








ㅤ❤️ تصميم المبدع
@i_mohammad7
@i_mohammad7
@i_mohammad7




#قررت_احبك_من_جديد
#ناصر_الوبير

تخيّل اسمك .. مـ آقدر آقول آسمك ؟








تصميم

@i_mohammad7
@i_mohammad7




ㅤㅤ





يا كعب شوف احوالنا كيف صعبه
يابن زهير ( المجتمع ) ماهو يمك !





بانت سعاد .. وقلتها من محبه ، !
لو هو خطا .. كان النبي قام ذمك





حبيبي .. يسعد وجهك اللي احبه
مشتاق يا جعل الحزن ما يضمك!





الطير .. أميز لا سرى بغير سربه
وانا كذا في ( عزلتي ) لا يهمك !! ㅤ



گـل القصيد اللي عليك افتخر به
لانك عفيف وتشبه حروف اسمك !





الحب ، لو ( المجتمع ) يفتكر به !!
ماكنت ابيك .. وغيري اللي يضمك





الحب بعيووون ( التقاليد ) .. غربه
وطبيعي ماتلقى وطن ، لجل حلمك





لك ( نظره شرعيه ) .. وربك امر به
وشفيك تتزوج على نظرة أمك .. ؟





لجل القرابه ... ياخذونك لـ قربه !
ماهو لجمالك ، وابتسامات فمك !





لعيال عمك .. خايف تروووح لعبه
وانا اللي ( أولابك ) من عيال عمك





من كثر ( ماعاداتنا ) حيل صعبه !
تخيّل آسمك ، ما أقدر أقولك أسمك






#ناصر_الوبير

تتوقعون اقدر أشكركم يا أهل الرياض عقب هذا الحضور؟

#قررت_احبك_من_جديد
#معرض_الرياض_الدولي_للكتاب
#ناصر_الوبير

فمان الله





أسترني بالضحكات دمعي فضحني
شف دمعتي طاحت .. قبل لا آتكلم !





كذاب .. لو قلت الحكي ماجرحني ، ؟
ياليتني ( ساكت ) .. وكنت آتحلم ، !!




الحزن نفسه لو تكلم .. نصحني ، !!
آفارقه ، لكن آنا ما آتعلّم





تعبت أكتب هالشعر .. ماشرحني
وانا البسيط اللي عن الحب علم !





الحب فرصه .. والزمن ما منحني
الا غيابك .. شفت كيف أتألم .. ؟؟




بعدك ربحت الحزن .. واللي ربحني
قصيد شاعر بالحنين يتظلم !!




فيني شعور من التناقض ذبحني !
أضحك ، عشان أتذكرك ، واتألم





ياخي ياتستر دمعي اللي فضحني
ولا فمان الله .. واسلم وسلم





#ناصر_الوبير

ان كنت ما تقدر على رد الجميل ،؟ ㅤ





اللي عشانك مايسوي المستحيل
هذا هو اللي ودك انك تخسره !







كب الردي .. لو هو ولد عم وعديل ،!
باب ً .. تجيك الريح منه سكره ، !!






عسى الردي وامثاله القشرا قليل
اللي ليا ضاق الزمن ما نذكره ،!






لو للمراجل ( رحله ) ودرب ورحيل
يموووت .. ماقص بحياته تذكره !







وعسى الكفو في هالزمن عمره طويل
اللي على ضيق الليالي نذخره







وشفايدة كلمة خوي ماله مثيل
ان كان فعله مايجيب المفخره







لو گـل زرع بزرعه بلقى حصيل ،!
يمدي لقيت ( وجيه ) ربعي مثمره







شفني زرعتك طيب ومعروف وجميل
ولا حصدت الا جميل ً .. تنكره .. !!






الحين صرت لخوتي .. عابر سبيل ؟
من عقب ماعمرك معي عاش اكثره ؟







كنت احسبنك طويق للحمل الثقيل !!
واثرك في وقت الشقى غصن اشجره







ياصاحبي ماني على حالك وكيل
اشكر جميل الناس وربك اشكره







ان كنت ما تقدر على رد الجميل !
على الآقل يا صاحبي لا تنكره ،! ㅤ




#ناصر_الوبير

❤️على الأقل تحشم معك روعة الجو

#ناصر_الوبير


من كثر ما ( عاداتنا ) حييييل صعبه !
تخيّل آسمك .. ما آقدر آقول آسمك !! ㅤ



. . . .






يا كعب شوف احوالنا كيف صعبه
يابن زهير ( المجتمع ) ماهو يمك !





بانت سعاد .. وقلتها من محبه ، !
لو هو خطا .. كان النبي قام ذمك





حبيبي .. يسعد وجهك اللي احبه
مشتاق يا جعل الحزن ما يضمك!





الطير .. أميز لا سرى بغير سربه
وانا كذا في ( عزلتي ) لا يهمك !! ㅤ



گـل القصيد اللي عليك افتخر به
لانك عفيف وتشبه حروف اسمك !





الحب ، لو ( المجتمع ) يفتكر به !!
ماكنت ابيك .. وغيري اللي يضمك





الحب بعيووون ( التقاليد ) .. غربه
وطبيعي ماتلقى وطن ، لجل حلمك





لك ( نظره شرعيه ) .. وربك امر به
وشفيك تتزوج على نظرة أمك .. ؟





لجل القرابه ... ياخذونك لـ قربه !
ماهو لجمالك ، وابتسامات فمك !





لعيال عمك .. خايف تروووح لعبه
وانا اللي ( أولابك ) من عيال عمك





من كثر ( ماعاداتنا ) حيل صعبه !
تخيّل آسمك ، ما أقدر أقولك أسمك






#ناصر_الوبير

Most Popular Instagram Hashtags