[PR] Gain and Get More Likes and Followers on Instagram.

mema_beauty mema_beauty

1771 posts   41699 followers   455 followings

ميما بيوتي عالم الجمال  أُنثى مُتيمه بالجمال💄 هُنا عالمي الخاص👒 تجاربي📌 أفكاري الخاصة📒 نصائحي. وتقييمي بكل حيادية mema_beauty بوتيكي👇سنابي👆 mema_b_s

http://www.mema-beauty.com/

كريم الرجل هذا من هيمالايا .. من فيكم جربته؟؟ متوفر بالجمعيات سعره اقتصادي ومفعوله ممتااااز

من تنتظمين عليه بتطلعين بنتايج ترضيج .. وافضل وقت بالنسبه لي قبل النوم وعقبه دلاغ

منتج اقتصادي اخذيه وبلا تردد

#mema_foot #mema_economic

اذا جربتي هالنوع ياريت تشتركينا رايج

هالروج من mikani

درجته honey 30

اللي لاحظته على هالغلوسات المات انها خفيفه ماتسوي طبقه ودبق ولو حطيتي شفايفج على بعض ماراح تحسين ان في روج اصلا التركيبه بطله وحبيتها مب المات المزعج ابدا

واللون عجيب للشتاء

#mema_lipstick
#milani #lipstick

تمر بنا أحداث نراها شرا وتحمل في طياتها خير ونعم لا تحصى.. جمعة مباركة عليكم جميعا

ياربي شكثر احب هالانسان .. احس روح بابا زايد فيه

ربي يحفظه ويطول بعمره ويديمه تاج على روسنا

#محمد_بن_زايد
#اليوم_الوطني_الاماراتي

عاش اتحاد اماراتنا
اللهم ادم نعمة الامن والامان على وطننا

وارحم قائد ومؤسس الاتحاد

شامبوهات ايف روشيه احبها هذا الوردي ريحته تجنن وهو علاجي ويناسب الشعر الضعيف .. واخر مره خذت البلسم منهم بعد حبيته وريحته تجنن صح مفعوله كبلسم مب وايد قوي بس انا شعري ناعم وخفيف فناسبني

منتجات هالماركه احبها واستخدمها من سنين

#mema_hair

مطعم القريه التركيه الاكل فيه لذيذ

والوجبه اللي في الصوره .. لحم بالطماط مطبوخ بالفخار .. بس شي من الاخر لذيذ واللحم ذايب ذوب

الكباب بعد كان فنان

اذا تحبين اللحم .. فهو خيار موفق

#mema_restaurant

لربما يعوضك الله بشيء أحب إليك مما فقدت فلا تحزن..
صباح الخير.. #mema_perfume

شوزات نيكولي احبها .. واحب تفاصيلها

#mema_fashion

(فسنيسره لليسرى) سيأتيك ما قد ينسيك ما أخذ منك..
وسيرزقك الله ما لم تكن متوقع أن يأتيك.. ثق بالله فقط..
صباح الخير

عطر افنيو الشرقي النسائي من بوند جميل لكل وقت .. انوثه وفواح .. راح يعبي لج المكان ريحة ورد ونظافه

اذا تحبين ريحة الورد شميه .. ريحته تذكرني بريحة الحريم الكبار فخم راقي وبارد .. احس لو اهديتيه امج اكيد بتحبه

ريحته رعفران على ورد تركيبه جميله مع العود والدخون بتطلعين بشي واااااو . وبروحه ريحته فواحه وراقيه

مقدمة العطر جوز الطيب الزعفران شيح وبرقوق

قلب العطر ورد وماي ورد الفاوانيا وياسمين

القاعده عنبر باتشولي مسك

#mema_perfume

مزيل المكياج من غارنيه لازالة مكياج العيون والمكياج اللي ضد الماي . حلو بس بس ما حسيت انه واو ولازم ارجع اخذ منه

يشيل المكياج ومخليته اكثر شي عشان اشيل بقايا المسكرا بس اذا دخل منه شوي داخل عيني يزعجني وتضبب

اذا خلص افكر اجرب النوع الاصفر هذا ما اظن برجع اشتريه مش لانه سيء بس لانه مب واو ما حبيته قد الحب مالي بيودرما

#mema_makeup_remover

ربي ان كان البلاء منك حبا فأرزقنا صبرا ورضا.. وان كان منك غضبا فأغفر لنا وارحمنا يا الله

جمعه مباركه عليكم

هالاسفنجات من ايسنس .. بس مادري شركة ايسنس سوتها كبيوتي بلندر والا كحصى نفلع فيه الناس 🤣🤣🤣 يابسه ياااابسه والله عورت عيني وانا اوزع فيها الكونسيلر

لاتفكرين فديتج لا يغرج التعليب والالوان

#mema_brush

Most Popular Instagram Hashtags