[PR] Gain and Get More Likes and Followers on Instagram.

maroco_blog maroco_blog

299 posts   93025 followers   2266 followings

مدونة ماروكو الكويتية  . • مدونة جماليـة : - جميع مافي المدونة تم نقله من خلال تجربة شخصية . Snap : maroco_blog [ لا ابيح نقل مواضيعي ] . Kuwait whats App : +965 99557408

.
اي وحده تعاني من الشعر الخفيف
وتبي تعرف الاسباب والعلاج
دخلي الهاشتاقات اليايه :
#ماروكو_اساسيات_تكثيف_الشعر_1
#ماروكو_اساسيات_تكثيف_الشعر_2 .

.
عبايات أزاليا
عبي راقيه و ذربه✨
@azeabaya 💕

سؤال من الدايركت 💕
وبنات اعتذر من استقبال اَي سؤال🙄
.
عن نفسي ما انصح بزواج الاقارب

.
عبايات بيت بسمة 👆🏻
@bait_basma @bait_basma
.
تبين خام اسود مثل سواد الليل
وجودة وشغل عدل مدل 👌🏻
اختاري بيت بسمه ع ضمانتي 🙈♥️

.
كل الأشياء الي تعطيها اكبر من حجمها
تتعالى عليك،
والشي إذا تعالى عليك
ما يخليه ينحني إلا التجاهل،
من باب “إسحب عليه”
.
منو يوافقني الرأي ؟!
.
أحب اشكر لولو سويت @lolo_sweet_kw
ع الشغل السنع
خلوا الديكور الحلو والسعر المميز ،
والمواعيد المضبوطة ع صوب ،،
طعم الحلو لذذذذييييذذذ من قلب
غصب ترجعين تاكلين منه من لذاذته
.
شغل مرتب ويُبيِّض الويه 👌🏻
اعتمديني زبونتج الدائمة 🙈
وربي يرزقج من أوسع ابوابه ❤️
@lolo_sweet_kw

صباحكم عسل 🍯
.
راح اتكلم عن منتج جدا مشهور
من شركة #فيلورجا #filorga الطبية
.
وتكلمت بالجزء السابق عن مواصفات منتجات هالشركة
اللي تميزها عن باجي الشركات المصدرة لمنتجات التجاعيد
.
المنتج اسمه : #ميزو_ماسك #Meso_mask
.
[ العلبة البيضة ع اليمين في الصورة ]
.
بصفه عامه هو منتج قوي وفعال
ونتايجه مضمونه ان شاء الله خاصة عند
الابتعاد عن عوامل ظهور التجاعيد وتسريعها
وسبق وذكرتها في الاجزاء السابقة للموضوع
.
.
#مميزاته :
.
*يحتوي ع #حمض #الهايلورنيك_اسيد ،
#مهمته :
يملي الخطوط التعبيربية البسيطة
والتجاعيد السطحية
يمنع التجاعيد ويرطب البشرة
.
*يحتوى ع مركب ( ان اس تى اف )
اللي يحفز انتاج الكولاجين وإلايلاستين
حاز ع براءة اختراع لانه يستخدم في الميزوثيرابى
.
.
شنو فايدته !?
يشتغل بمفعولين :-
ـ______________
.
#المفعول_الاول : ( وهو مفعول فوري )
- يزيل اثار التعب والإرهاق
- نضارة وحيوية
- تثبيت الماي ع سطح الجلد فيعطيه نضارة وصحة
- يعبي الخطوط السطحية
- يهدي ع البشرة ويبردها لانه يحتوي ع مادة الرامنوز
- تفتيح البشرة
.
.
#المفعول_الثاني : ( وهو مفعول طويل الامد )
يحتوي ع الكولاجين والايلاستين المسؤولين عن شباب البشرة
فـ يعبي الخطوط من الداخل ويشد البشرة بشكل ملحوظ ،،
.
.
- طبعا ما توضح نتايج المفعول الثاني الا بالاستمرار
وكلنا ندري ان من الطبيعي :
اي منتج بشرة تبين نتايجه بالظهور الواضح
من 4 لـ 6 اسابيع من الاستخدام المنتظم ،،
.
[ الحلو فيه تقدرين تستخدمينه
#تحت_العين و #الشفايف ]
.
.
.
#طريقة_الاستخدام :
.
مسحي ويهج بمزيل مكياج لازالة اي رواسب بالبشرة
وغسليه بغسول طبي مناسب وبعدها سنفرة
نشفي ويهج عدل ووزعي طبقة خفيفة منه
خليه 20 دقيقة ، وشطفيه بالماي البارد
(مرتين في الاسبوع فقط)
.
لنتايج مضاعفة :
- ( يستخدم قبله من نفس الشركة :
غسول الرغوة وهو اول غسول للتجاعيد والنضارة
وثم سنفرة #scrubandmask << راح اتكلم عنه باذن الله
ومن ثم الماسك )
.
ـ________________________________
.
.
#تجربتي_الشخصية :
.
عمري 29 عندي بداية تجاعيد سطحية بسبب بعض الاهمال
والحمد لله لقيت نتيجة ارضتني جدا
خاصة اني قاطعت كل عوامل ظهور التجاعيد
.
كل وعود المنتج للمفعول الاول صحيحة ونتايجه واضحة
اما التفتيح فكان شي بسيط
.
اما المفعول الثاني
لأني ما اعاني من خطوط بارزة او ترهلات فما قدرت
احكم ع نتايج المنتج في تحقيق وعوده للمفعول الثاني
.
.
ـ________________________________
.
اذا خلص راح ترجعين تشترينه !?
اكيد نعم وبدون تردد
متوفر بأغلب الصيدليات
ـ @filorga_kuwait
.
.
وهاتي وردة 🌹 ي وردة 😊🌹
.
.

😊

زعنانه لحد يكلمني 😒
.
صراحه ماكوو تشجيع ابدااا
باللايكات والتعليقات 💔
.
عدد اللايكات من اكثر من سنة
والعدد نفس الشي ماتغير ،
الفلورز يزيدون واللايكات والتفاعل يقلون
رغم ان المشاهدات تحت كل صوره تطلعلي بالآلاف ...
ليش؟؟
.
تدرون شنو المجهود المبذول من ورا الشاشة ?
ادرس واتأكد وابحث عن كل كلمة قبل لا اكتبها
رغم ضغط جدولي اليومي وانشغالي الدائم
والمقابل ضغطه ع القلب الفاضي تخلينه احمر
او وردة 🌹 بدل كتابة الاحرف
المهم اشعر اني قاعدة اكتب شي يفيدكم 💔
.
عالأقل تشجيع لمجهودي
وتساعدون ان الاكاونت ينتشر أكثر
.
.
من اول يوم فتحت فيه الحساب وانا واضحة بطرحي
ودقيقة بكتابة مواضيعي وابسطها لكم قدر المستطاع
واحاول ارد ع اكبر عدد يسمح لي فيه وقتي
من غير الجهد المضاعف معاكم في الدايركت
.
فتحت هالحساب عشان اكسب محبتكم وثقتكم
واتواصل معاكم وأرد عليكم واجاوبكم
مو عشان اطنش واحقر او ارد بدون نفس
والحمدلله فئة كبيرة منكم يدري بهالشي
.
ومن حزة مافتحت هالحساب ،
وانا سعة صدري كبيررررة
و ردودي عليكم اكبر حتى من حجم سؤالكم
احب اعاملكم كأخت كبيرة
نصوح لكم من كل قلبها 💕
والحمدلله اثبت عندكم مدى مصداقيتي
في النصح وفي الطرح
وما امدح شي الا فعلا يستحق المدح
ولا اعطي المواضيع اكبر من حجمها
ولا اخفي عيوبها وسلبياتها
واضحة لدرجة كبيرة
ويالله من فضله لمست هالشي فيكم
لان مصداقيتي وسمعتي اكبر من مبلغ اعلاني
يخليني اخسر ثقتكم كـ اخواتي مو متابعاتي
.
فأقل مقابل منكم تسعدوني بضغطة ع الشاشة
وحرف تحت الموضوع كـ اثبات وجود لكم
وتشجيع لي بالاستمرار
هذا في حال كنتم
ما تأيدون حذف الحساب
وتبوني استمر معاكم ❣️
.
.
اتمنى ألمس تفاعلكم في المواضيع الاخيرة
لان صج بخاطري اسوي لكم مسابقه كبيرة
هدية مني لكم ،
بس تفاعلكم النازل كل مره يخليني اتردد عنها
.
.

تكملة الاجزاء السابقة
في كل مايخص مقاومة وعلاج تجاعيد البشرة
.
.
من بعد ما قررت استعيد بشرتي
ماقبل الحمل والولادة
.
ومن بعد بحث طويل عن الشركات الطبية
المطابقة لٱسس الاختيار الصحيح لـ
مستحضرات مقاومة وعلاج التجاعيد
ومدى فعالية مكونات منتجاتها مقارنة باسعارها ،،
.
كانت منتجات شركة #فلوريغا الطبية والعلاجية
من ضمن اهم الشركات الطبية اللي اخترتها تكون
من مجموعة منتجاتي للعناية الصحيحة بالبشرة ❤️
.
استخدمت منتجاتهم لفترة كافية ووافية
خلتني اقدر احكم عليها بكل ثقة 💯
.
.
شنو اللي يميز ماركة #FILORGA عن غيرها
من الشركات المنتجة لمستحضرات البشرة !?
.
#1 - ماركة فرنسيه قديمة ومتمكنه بمجالها من 30 سنة
.
#2 - تختص وتتركز ابحاثها ومستحضراتها على :
#تغذية_البشرة و#مقاومة_التجاعيد المبكرة
ومعالجة علامات كبر السن والشيخوخة
لجميع الاعمار
.
#3 - تركيبات مستحضرات #فيلورجا مطابقة
لمكونات ابر الميزوثيرابي المعالجة للبشرة
.
#4 - هي في الاساس شركة طبية لتصدير
مواد الطب التجميلي و#الفيلر و#البوتكس
وكل مايخص تجميل البشرة بالعيادات الطبية
وهذا دليل ع انها :
شركة طبية وعلاجية ليست فقط تجميلية
مما يفسر تمكنها التام بمجالها
وفعالية مستحضراتها ع علاج تجاعيد البشرة
خاصة ان تركيبة مستحضرات فيلورجا تحتوي على :
نفس مكونات تركيبة حقن الميزوثيرابي
اللي تنتجها وتصدرها للعيادات التجميلية
.
وهي عبارة عن مكونات مجددة للبشرة
خليط من 54 مكون ناشط وفعال
.
بالإضافة لـ #حمض #هيالورونيك
ذو وزن جزيئي منخفض <<
شنو اهميته 👆 !?
يمد بعمر البشرة ويؤخر الشيخوخة ويعالجها
شنو 👆 يعني وزن جزيئي منخفض !?
يعني كلما قل وخف وزن الـ #هيالورنيك_اسيد الجزيئي
كلما اخترق أعماق #الجلد واشتغل عليها
و#شد_البشرة بشكل افضل
.
.
وهذي مميزات كافية لأي #مستحضر مثالي يختص بـ
مقاومة #علامات_تقدم_السن وعلاج اثارها 💪
.
في البوست القادم راح اتكلم ان شاءالله عن
منتجات جربتها من نفس الشركة وحبيت مفعولها 💕
.
@filorga_kuwait
________________
.
@filorgaproducts
@filorga_kuwait
@filorgausa
@filorgakuwait
@filorga_uae
@filorga_uk
@filorgasaudiarabia
@filorga_espana
@filorga_ir
@filorga.qatar
@filorgamedical_sa
@filorga_tunisie
@filorga_bh
@filorga.qtr
@filorga_france
.
.
شنو جربتيه من منتجات #فلورجا !
ورايج فيه !?
.
وهاتي وردة 🌹 يا وردة 🌹
بالذمة ما استاهلها 🙈 !!!

.
اذا كنت طالعة زواره
وشفت عباية رزه بكل تفاصيلها
اتحططططم 💔
حتى لو كبتي يبي ينفجر عبي
لازم ثاني يوم اشتري عباية ترضيني 🤣💕
.
{ شعاع عباية } @abayat_shoaa
مصممة عبي مميزة
وشغلها من ضمن اروع مجموعة حسابات العبي
اللي تعاملت معاهم
وعرضت عليكم حساباتهم مسبقا
.
الخام اسووود فخم والقصة ولااااا غلطة
والموديل ذرب ، والشك راقي وشغل جدام وورا
.
دايما العبي مظلومة بالتصوير 💔
.
اشكرج حبيبتي ع تميزج واجتهادج بشغلج
وربي يرزقج من اوسع ابوابه @abayat_shoaa
.
.

شلونكم حبيباتي 💕
.
موضوعي مكمل لما سبق
ويتكلم عن :
.
- المكونات الفعالة بمستحضرات  التجاعيد
- المعلومات والشروط المهمة قبل شراءها
.
نقطة مهمة 👇 :
.
• المستحضرات الموضعية تعالج فقط :
.
- التجاعيد السطحية
- الخطوط الدقيقة
- الوقاية من ازديادها
- تزيد تماسك البشرة ومرونتها
- التصبغات والمسام الواسع
بسبب علامات الشيخوخة المبكرة
.
.
مشتقات فيتامين (أ) يعتبر الافضل
لانه يشتغل ع الطبقات العميقة بالجلد ، وهي :
1/ التريتينوين(الرتن إ)
ثم 2/ الريتينول retinyl
- يمنع التجاعيد أما بعد ظهورها فهو يفيد
فقط التجاعيد الدقيقة والسطحية
(راح اتكلم عنه بشكل مفصل باذن الله بموضوع مخصص له)
.
.
.
- أحماض الهيدروكسي Hydroxy Acids ،
مثل :
ألفا / بيتا / أحماض هيدروكسيبولي
تقشر الجلد، وتنمي خلايا البشرة وتجددها
.
.
.
أنزيم Q10 :
ينظم إنتاج الطاقة بالخلايا / يمنع التجاعيد اليديدة
.
.
.
#ببتيدات النحاس والمواد القائمة على النحاس :
النحاس موجود بكل خلية،
لما يتحد مع جزيئات البروتين
يخلق شي اسمه الببتيدات ، مهمته :
يسرع التئام الجروح ويحفز انتاج الكولاجين
تقوي فعالية مضادات الأكسدة القوية
.
.
.
الكينتين Kinetin :
من مضادات الأكسدة القوية
- يحسن التجاعيد والتصبغات
- يخلي الجلد يحتفظ بالرطوبة
- يحفز إنتاج الكولاجين
.
.
.
مستخلصات الشاي :
مقاومة للتجاعيد ومضادات للالتهابات والاكسدة
.
.
.
(( مو شرط توفر جميع المكونات السابقة في المنتج ،
المهم توفر بعضها ونسبة تركيزها والمواد المضافة لها
لتعزيز فعاليتها ))
.
.
شلون نتأكد من فعالية المنتجات المضادة للتجاعيد
بالرغم من توفر المواد السابقة في تركيبتها ؟
.
- مستحضرات التجاعيد التجميلية وليست الطبية
قبل الموافقة ع إدخالها في الأسواق
لا تخضع لاختبارات السلامة بدقة مثل العقاقير الطبية
لهالسبب مافي أبحاث معتمدة رسميا تحدد فعاليتها
ولا حتى ضمانات
.
.
عند اختيار مستحضرات للتجاعيد :
.
اختاري مستحضرات طبية وليست فقط تجميلية
التجميلي مواده الفعالة المذكورة ان وجدت فهي :
تحتوي ع جرعة وتركيزات اقل من الطبي
لذا نتائجها محدودة وقصيرة ،
وفوق هذا :
تحتاجين التزام دقيق ووقت طويل
عشان تشوفين نتايج بسيطة
.
بشكل عام لأي مستحضر تجاعيد
مهم الانتظام والالتزام بالمنتج ولمدة طويلة
اقل مدة تلمسين النتايج هي 6 اسابيع
مع الابتعاد عن عوامل تسريع التجاعيد
.
.
في الجزء القادم : 👇
شركة #طبية عالمية متخصصة بمستحضرات
{ استعادة شباب البشرة }
تحتوي مستحضراتها على
اغلب #المواد_الفعالة لعلاج التجاعيد
وبتراكيز ممتازة جدا
.
.
وهاتي وردتي 🌹
بسرررعة😠
.

.
تكلمت مسبقا بـ جزئين عن :
.
• الجزء (1) :
-التجاعيد وانواعها مع تقدم السن
•الجزء (2) :
-اسبابها وعوامل تسريع ظهورها
.
.
الجزء (3) الحالي عن :
-شلون نحمي بشرتنا ونحافظ عليها من التجاعيد المبكرة !?
.
.
بسبب مسرعات ظهور التجاعيد
تظهر بعمر الـ 20 لـ 25
خطوط دقيقة وتجاعيد غير مرئية ،
وبـ سن الـ 30
تتحول لـ تجاعيد مرئية سابقة للعمر الحقيقي
.
.
.
.
الوقاية خير من العلاج
.
طبقي تعليمات سهله تحميج
من تجاعيد علاجها غالي وصعب
ـ_______________________
.
.
-شرب ماي مو اقل من 8 اكواب باليوم
.
-يكون منظف الوجه مخصص له مناسب لنوع بشرتج
ينظفها عدل ،يحافظ ع ترطيبها ،ينعمها ،مايسبب الحبوب
طبي خالي من الصابون والملونات والكحول والبارابين
.
-بعض الامراض تجفف الجلد بقوه فتظهر التجاعيد ،
حافظي ع نظامج في الاكل ، زيدي شرب الماي
لا تهملين ادويتج وحاولي تعالجين المستطاع منها
مثل :
سكري ، قصور الغدة الدرقية ، اكزيما ، صدفية ،
نقص حديد وفيتامين (أ) و (ب) ، كلى ، تصلب متعدد
.
-تسبحي بماي دافي بدال الحار،
ورطبي البشرة بعدها ، لانه يسحب الزيوت الطبيعية
والرطوبه من البشرة الحامية من التجاعيد
.
-الخروج للشمس بـ واقي طبي مناسب لنوع بشرتج
.
- عدم الاكثار من مشروبات الكافيين كـ القهوة ،
لما شربينها ضاعفي كمية شرب الماي
.
-بعض الادوية تسبب الجفاف والتجاعيد مثل :
مدرات البول ، مضادات الهستامين ،
الرواكيوتان ، مضادات التقلصات
.
-نامي وقت كافي لـ يفرز الجسم هرمون الـ HGH
المسؤول عن شباب الجلد ، مرونته
السهر وقلة النوم تزيد افراز هرمون يقتل خلايا الجلد
.
-الطوالة بالمكياج اهم اسباب شيخوخة الجلد
يسرب المكياج المحتوي ع السيليكا للمسام
تعجز البشرة عن تجديد خلاياها
ولان اثناء النوم تتجدد خلايا البشرة
حرصي ع ازالة بقايا المكياج بـ المزيل ثم الغسول
.
-عالجي حبوب وبثور البشرة
لما لا تلعبين فيهم بإيدينج ، تضرينها
وتتركين فيها ندوب وتظهر التجاعيد
.
-بالنهار والليل نظفي بشرتج ورطبيها بمرطب
يناسب نوعها واحتياجها
.
-تقشير البشرة مرتين اسبوعيا لتجديد خلاياها
.
-قللي سطوع شاشة التلفون خاصة الاضاءة الزرقة
وغسلي ويهج بالماي بعد إستخدام التلفون
.
.
ـ___________________________
.
كل ماسبق 👆 هي طرق الوقاية من التجاعيد
اما بحالة وجودها بالبشرة ،الحل:
1/ تطبيق ماسبق
2/ استخدام مستحضرات تعيد للجلد مرونته وتماسكه
.
.
.
#لكن الصيذليات مليانة بعدد كبير من
مستحضرات مقاومة وعلاج التجاعيد ،،
.
[ موضوعي القادم ]👇
شلون نعرف نختار المنتجات الفعالة ?
شنو المعلومات اللي لازم نعرفها عنها قبل لا نشتريها !
.
وهاتي وردة 🌹 ياوردة

Most Popular Instagram Hashtags