[PR] Gain and Get More Likes and Followers on Instagram.

marcosora marcosora

33487 posts   6686 followers   408 followings

m a r c o s o r a .  iPhonetography @ 5s & 6s camera. #馬高食食食食在乜乜乜 系列 #跟住馬高去旅行之乜乜篇 系列 #馬高愛門釘 系列

飲料の時間合集✨
.
好好味必飲:
伊藤園信州產巨峰-陣味好天然
伊藤園白桃烏龍茶-茶味同桃味都好香
午後紅茶梳打-飲左好幾次,朋友話我飲完好似high左咁😂
新奇士西柚梳打
不二家白桃橙梳打
Orangina橙汁梳打-響日本成日飲
.
可飲可不飲:
新奇士桃味乳酪梳打
Polls Sapporo北海道蘋果汁
伊藤園沖繩菠蘿梳打-好糖味,小朋友的味道
伊藤園橙味茉莉花茶
Dydo桃味搖搖啫喱
Tropicana提子蘋果汁
威路士提子梳打
.
千其唔好飲:
泰越青檸特飲-鹹甜酸撈埋好怪
Teas' Tea light 橙茶
世界のkitchen檸檬皮蜜糖-果皮味好重甘到苦
.
📷 iPhone 6s
➡️ Slide the Slides
#馬高食食食食在屋企

I won't go, I won't sleep, I can't breathe,
until you're resting here with me.
I won't leave, I can't hide, I cannot be,
until you're resting here with me.
.
📷 iPhone 6s

都成年幾兩年冇食過貓眼蛋包飯~以前新開果陣為左成佢個限定和牛漢堡扒,一放工就要衝過去灣仔😂 而家個胃老左食唔落咁多野,淨係食個多包飯就算🙈
.
鴛鴦汁要咖喱同忌廉,太耐冇食都醒唔起個咖喱辣辣地,相反忌廉白汁甜甜地又重奶味真係好正,下次黎索性叫單味算😂 話時話,以前成碟食哂都唔覺飽,而家食完飽到hihi係咩一回事🙈 再話時話,其實呢間野都算唔話得,又新開張到而家成三年都冇加過價,良心小店✨
.
貓之眼
🏠 灣仔汕頭街25號地舖
📷 iPhone 6s
➡️ Slide the Slides
#馬高食食食食在灣仔

屋企樓下個街市都裝修左就快一年,開咗幾間熟食,當中最鍾意一定係呢間韓食味家,本身一路都想食,但係佢本店係響鯉魚門街市,所以咁耐都未食過,依家開正響樓下真係開心死😂
.
其實有幾款嘢食佢都做得唔錯,韓式炸雞夠香口又夠平,韓國野應該要咁先係合理價錢而唔係成過百蚊碟囉😌 滷豬手都好正,揀大隻嗰啲仲會幫你起埋骨,食落好腍好入味,至於紫菜卷就正常啦,有時夜左會劈價廿蚊盒,平得來飽肚囉😌 而泡菜炒飯就堅係辣,得到我食咗半盒已經頂唔順放棄😂
.
韓食味家
🏠 鴨脷洲利東邨道5號利東街市91-93號舖
📷 iPhone 6s
➡️ Slide the Slides
#馬高食食食食在鴨脷洲

係銅鑼灣電車廠呀✨ 話說時代廣場開咗間Lego store,入面擺咗呢個電車廠景,正正就係時代廣場嘅前身,其實我都唔係好記得時代廣場之前係咩樣,細個多數係去三越同大丸多😂
.
📷 iPhone 6s
➡️ Slide the Slides

八沢烏冬✨ 其實我好鐘意食烏冬早年連自家烏冬都食得好開心,但可惜而家都執得七七八八,得返丸龜同甘味,前者都仲有食但口味太正經冇乜新意,後者街坊水準但價錢唔平都好少食,然後今次呢間味道ok多花款得黎價錢又幾合理😍
.
三個人叫左三款烏冬兩款小食,小食都係D普通料冇乜特別不提也罷,重點係D烏冬,我叫嗰個係冷烏冬,有個果醋俾你點,入面溝左少少wasabi酸酸地又辣辣地咁好開胃,唔係佢有四隻巨型帶子,睇返同蛋嘅比例都真係幾大隻😮
.
另外朋友叫過黑松露忌廉海鮮本身我都想叫,但唔知海鮮有乜,驚又係嗰啲蟹柳熟蝦八爪魚果D gap野,點知上到黎發現原來係三文魚再加兩隻巨型帶子,三文魚同忌廉係絕配喲,而佢本身個忌廉湯好香奶味,下次再嚟我會叫呢個食囉😂 仲有個西冷烏冬係撈的,試咗個汁覺得有啲似籌喜燒嗰啲甜豉油,都幾正😌
.
除咗上環之外筲箕灣都有分店,果邊仲收晏D tim~上環收九點都幾早下😂
.
八沢
🏠 上環皇后大道中181號新紀元廣場1樓101A號舖
📷 iPhone 6s
➡️ Slide the Slides
#馬高食食食食在上環

白鬚子炸魚😌 好少食fish & chips 一來熱氣二來性價比唔高三來好多地方整得又貴又唔好食,而今次呢個條魚個味係唔錯,食落有陣多春魚果種味響度,但個炸皮都幾油下濕濕地咁唔多掂,同樣地D薯條係零脆度,每一條都好似浸過油咁都幾難食,雖然七十零蚊比起其他同類型舖算平但唔會係揸囉,如果唔係朋友話要食我自己唔會食呢間野囉🙄
.
白鬍子炸魚薯條
🏠 中環中環7號碼頭地舖
📷 iPhone 6s
#馬高食食食食在中環

話時話,都好耐冇食過榮記以外嘅車仔麵,望吓個check list發現原來有mark到呢間上環嘅麵尊,一於就去試吓啦✨ 每人叫咗三個餸,其實要滷嘅都幾好食,豬紅冬菇雞翼都唔錯,至於牛腩同咖喱魷魚就一般般,後者都幾辣下唔係我杯茶,齋我冇食到就是😌
.
麵尊
🏠 上環蘇杭街22-24號1號舖
📷 iPhone 6s
➡️ Slide the Slides
#馬高食食食食在上環

朝聖荃灣ikea😂 其實個餐廳同其他分店冇乜分別,特別係佢個汽水機口味,全部都係佢啲小食部飲品,可惜當日去到所有汽水都係冇氣🙄 最期待係佢個梨味,但冇氣就變到冇乜味咁,都幾難飲😂 反而最鍾意係紅果子味,就算冇氣都幾似果汁😌
.
食物方面叫左雞肉丸,好似好食過平時啲肉丸😂 西冷扒都唔錯食落唔會話好韌,最好味係個南瓜露,幾香又夠滑😌 其實佢仲有芝士焗龍蝦,不過冇乜信心會好食😂 同埋而家燒全雞做緊特價七十蚊都唔駛,可惜嗰陣唔肚餓😂 仲有走先發現原來佢有自助夾烤雞,九蚊隻好抵食囉😱 等熱潮過左要再戰,而家就連閒日下晝都多人到痴線🙄
.
除咗餐廳之外佢仲有小食部,小食部重點係佢個焦糖雪糕,平時佢啲雪糕都只係M記質素,但今次呢個意外地好味,焦糖味超香而且食落都幾滑,拍得住出面買廿幾蚊杯嗰啲質素,仲要只係買三蚊杯,必食囉✨
.
食完都有喺入邊兜咗個圈,發現有個display係將張床打直咁放,即刻諗起近排又段大陸片響ikea周圍趕走瞓覺嗰啲人,其實全部床都咁樣放D大媽咪冇得瞓囉😂
.
宜家家居餐廳及美食站
🏠 荃灣青山公路388號8咪半3樓
📷 iPhone 6s
➡️ Slide the Slides
#馬高食食食食在荃灣

呢間平時成日經過,入去食都真係第一次,叫左兩個麵同兩個小食,D麵其實一般,個冷麵醬又冇乜山葵味但麵以外ge野都幾唔錯,豬軟骨又係炆到好腍兼入味果D,牛蒡爽口又開胃,最正係個醉雞卷,肉嫩冇雪藏味。今次趕時間睇戲先快食,下次多時間會試埋佢D點心,見隔離枱食得好滋味咁😌
.
話說後來再睇開飯發覺D俾喊ge人都係話佢好食但服務差,而當晚睇還算正常,畢竟係賣麵唔係賣笑,更何況我都係天生閪面人所以好明白,但有件幾好笑ge事:話說點左兩餸兩麵,但等左廿分鐘個冷麵都未黎,見附近遲黎ge客都有得食時就催下個店員,然後佢拎左張單check一check,就隊返埋黎話張單落左三樣野je wo,然後我俾左個黑人問號佢😂 事關我張點菜紙明明寫左四樣野而你落左三樣野點解你將個疑問扔返俾我?😂 咁當然佢望住我個黑人問號樣load左兩秒都醒目話幫我落返,其實成件事冇乜野,只係覺得好好笑je😂😂😂
.
慶麵
🏠 大角咀角祥街2號J地舖
📷 iPhone 6s
➡️ Slide the Slides
#馬高食食食食在大角咀

中環店限定口味: 栗子味✨ 其實我對栗子冇乜特別喜好,不過呢個都唔差,中間好似仲有落煉奶同底部有焦糖漿~❤️ 不過始終都係逝去ge雜莓最得我心,好掛住雜莓味啊😭 btw 中環店唔洗等位又夠闊落就是爽😌
.
Shari Shari Kakigori House 氷屋
🏠 中環蘇豪士丹頓街47號地舗
📷 iPhone 6s
➡️ Slide the Slides
#馬高食食食食在中環

又係炸飯堡ar~😍 今次特價係鰻魚餡😏 鰻魚睇起上嚟同想像中一樣唔算好厚肉,但食起上嚟又幾滋味,可能係加左塊芝士上去令個口感豐富左,如果佢有鰻魚汁落仲正😏
.
京.33
🏠 灣仔活道1A號地鋪
📷 iPhone 6s
➡️ Slide the Slides
#馬高食食食食在灣仔

Most Popular Instagram Hashtags