limanhei limanhei

785 posts   846 followers   534 followings

Li Man Hei  Fortune

每次衝動留下的 都有所不同
/
再次隻身旅行
初嚐自己一個係異地渡過生日
來得簡單平凡•不算甚麼大事
好感恩每次遇到嘅人•事•物
好讓我獨遊章節又精彩一回
其實講真今次係最無感嘅旅行
有啲失魂
也許放不低工作
也許身心俱疲
也許掛念你們
也許厭倦
也許驚
也許...我自己都唔知係咩感覺
竟然會有啲想快啲返黎
但返到黎又唉...好矛盾
其實今次亦驚覺
真係不趁著年輕瘋狂就老了
因為會變得更膽小更不敢冒險之類
所以趁青春還在就好好瘋狂一下喇
/
Btw,之前有篇獨遊有感講好同唔好
除左食得唔多嘢之外
今次就多咗幾樣唔好嘅係
1. 你想食嘅嘢
因為睇唔明啲字
而嗌咗個唔係你想要嘅
又或者你想要嘅
表達唔到俾個個人聽就要硬食
2. 帶漏嘢或者需要旁邊有個人幫個時
係冇人幫到自己。有啲無助
3.孤身面對奇人奇事
有啲冇喇喇想塞個嘢俾你。叫你買佢整嘅嘢
有啲冇喇喇叫停你唔知想點
其實係勁驚
/
好喇😌派膠完畢
LMH獨遊遊記待續喇...

釜山首爾獨遊Day 8
今日早啲起身整嘢執埋gip
特登起身去daiso買返個大袋for hand carry
順便就買埋早餐返酒店食
見就差唔多到12點夠鐘check out
擺住啲行李係酒店先
之後就去鬼怪條隧道
再去返明洞食啲嘢買吓再食雪冰hea吓
見差唔多時間就返酒店拎行李去機場喇
拖住個gip拎住勁大袋嘢🙄係勁重勁攰
跟住就撘鐵去首爾站
點知架車去到龍山站就話終站🤦🏻‍♀️
我要又上又落去返隔離線
撘到首爾站轉機場線又兜黎兜去又上又落😓
幾經辛苦終於到機場
咁啱係郵局同書店附近
就買郵票寄明信片
希望順利寄到你哋個度喇😌
之後就揾我check in條線
經過見到有得磅行李就磅喇
係幾驚超重
最後係全部都啱啱好😎
之後就坐陣等check in
Check in完過關搞退税就係個度好努力咁使哂淨低嘅圜
最後淨返70圜諗住捐咗去
點知我候機個邊冇thank you筒
咁就算喇
坐陣就上機返香港喇
到咗拎行李撘的士返屋企
話說個司機唔記得頭個段路落標
但都要俾返個司機嘅
好喇😚咁就完咗依8日嘅旅程
結束我每日一篇報平安派膠獨遊遊記喇😌

釜山首爾獨遊Day 7
今日早啲起身整嘢岀門去天空公園
早餐食返尋日嘅鯛魚燒加士多啤梨奶
就撘巴士去天空公園
落車行過去個時
雖然話有塊指示牌咁
但基本上係憑感覺去行🤦🏻‍♀️
我要行去有得買飛撘雪兔嘅地方
途中問咗個staff行邊個方向
到咗買飛個度
我原來由公園尾行去公園頭🤷🏻‍♀️
跟住就買飛排隊撘雪兔
條隊的確幾長吓
但排咗一陣
有個oppa行埋黎用英文問我係咪一個人
我話係。佢話你一個人唔使排隊
直接去咗最頭變第一個上車
用咗10分鐘都唔似掛就上到天空公園
係唔使行200幾級樓梯🙈
去到真係好靚😏
而且今日個天勁好又冇雲
就當打消尋日嘅黑仔喇💩
行吓影吓就走喇
話說個個觀景碗有啲恐佈就黎成個人跌落街咁
落返去世界盃體育場站就係HomePlus買啲嘢
再岀到岀面見到勁多帳篷
原來今日除左紫芒慶🎑仲有比賽
買咗個紫菜包飯就返酒店食抖下執下gip
再岀返去寄明信片同漢江
我記得汝矣島有個郵局
咁坐梗去漢江架巴士search google map睇吓經唔經喇
我就佢話個個站落車行過去
點知去到係一個電台咁嘅物體🙄又fake me
算。之後就行去漢江
原來又有一啲活動
跟住再試埋係個度煮麵
之後就去明洞揾我丫嫂個同事食飯行吓個啲
佢都係一個人黎
幾經辛苦先會合到大家😂
行吓買吓食個炸雞行吓買吓
咁就完咗大家咁短暫相處嘅時間
今日好努力咁食😵好飽
希望佢聽日南怡島之旅順順利利😌
我就執好個喼返香港🤷🏻‍♀️
希望唔好超重🙏🏻
願接下來順順利利...

釜山首爾獨遊Day 6
今日訓到有啲晏起身
整好啲嘢就岀發去鬼怪個間洋屋
去到安國站岀兜咗個圈先揾到個入口
想入去個時就俾保安叫一叫
佢問我去邊。我話入去個間屋度
點知佢話已經唔俾人入去喇🤷🏻‍♀️
我只可以凝望佢個背影
之後去買個yogurt撘車遲咗少少落就要下一個站先落得又係兜黎兜去先揾到
意外咁發現好似係土俗村再食埋個issac
之後就去德秀宮睇吓有冇楓葉睇
點知去到得幾塊🤷🏻‍♀️
好😤算
跟住就諗住去天空公園喇
係世界盃體育場岀咗行過去
我見個電話就黎冇電就揾尿袋
點知最最最唔想發生嘅都發生
我唔記得帶尿袋岀黎
個刻係勁嬲自己講咗十萬句粗口😫😤😡
咁姐係唔使去喇😠一定要返酒店拎返
返到酒店拎返再岀去新村弘大行算
聽日先再去過
係咁安慰自己話聽日咁啱有紫芒慶😕算喇
又炆自己點解可以咁😾
去到新村行吓睇吓買吓
但差啲就俾架巴士撞
因為想過對面街睇啲嘢
但冇留意中間係條行車路🤦🏻‍♀️
好喇。再由新村行去弘大
終於食到炸醬麵同糖醋肉
再係行吓食吓買吓就返酒店喇
話說個鯛魚燒我想吉士同紅豆兩樣各半咁
但我又一時醒唔起一半嘅韓文係咩
想講個時個丫珠媽已經夾哂紅豆俾我🤷🏻‍♀️
聽日我要早啲起身去征服返天空公園😤
願接下來順順利利...

釜山首爾獨遊Day 5
是日大岀血
不要睇小女人嘅購買力
訓醒整完嘢就去酒店附近Daiso同supermarket掃貨
掃完返酒店執一執好
去食返個拉絲芝士漢堡再岀去行過
去咗新沙林蔭大道再去江南
再去返新沙撘車去梨大
點知俾google map fake
錯站名撘錯線🙄好彩坐到第二個就發現
去到梨大坐係cafe hea吓再行吓買吓
原本以為會買好多衫
點知去到買得兩件
仲要係差唔多款嘅兩隻色
可能個度好多衫同差唔多款
加上冇乜心情睇
所以係買得最少衫嘅一次
之後就返酒店放低嘢
再去樓下買便利店食
食完執喼
咁就完喇🤷🏻‍♀️
願接下來順順利利...

釜山首爾獨遊Day 4
因為要去返海雲臺同晏晝要撘KTX返首爾
所以今日係7點鐘就起身整嘢執嘢岀門
問返個老闆娘可唔可以3點前check out
唔可以但可以放低個行李返黎拎
咁我就拎埋件行李俾佢擺就岀發去海雲臺
10點左右去到。都係沙灘咁
特別嘅係個度可以餵蝦條俾啲海鷗食
見有人都有餵。但個啲又好似唔係海鷗
係香港都成日見好核突嘅雀仔
我其實都走咗去買咗包蝦條諗住餵海鷗
但冇海鷗俾我餵😩佢哋岀哂海
起碼要過多個月先有得餵🤷🏻‍♀️咁就哂咗包蝦條
跟住就去黎個時見到釜山岀名嘅古來思魚糕食
再去海雲臺青沙浦嘅Cafe Rooftop
去到見到糽白燈塔影咗陣行咗陣就去揾返間cafe
間cafe真係好正🤤對正個海
影相係超靚同啲海風吹埋黎係好舒服嘅😌
以為咁靚嘅景都係影咗就算
點知有個上海女仔問可唔可以幫佢影
跟住大家就幫大家影吓坐低hea吓傾咗陣
原來佢又係黎做嘢
之後就大家一齊岀返去
本身諗住坐鄉巴去返地鐵站
點知佢話撘的士。加上佢公司claim
我咁就坐咗一程免費的士
之後大家撘地鐵各自走喇
我見時間有啲早就去咗轉線嘅lotte mart行吓坐吓
差唔多就返酒店拎行李去釜山站撘KTX
即刻諗起屍殺列車😂
上到車見到我個位俾個𡃁仔坐咗
而隔離就係個丫叔
我企咗係度
丫叔睇吓我張飛又睇吓佢自己個張
大家都坐啱
丫叔就問個𡃁仔係咪坐依度
個𡃁仔就話係丫
再之後個職員行埋黎睇哂我哋3個啲飛
個𡃁仔坐錯位🤷🏻‍♀️應該係前面個架
坐咗兩個幾鐘終於到首爾
就拿拿淋去酒店check in
本身book個時係知有兩張床
但都有係remark打俾一張床我就得
最後都係俾咗兩張床我
落去問埋front desk都係得依間房🤷🏻‍♀️
算喇。我係怕哂咗姐同好奇怪🙈
跟住就拿拿淋擺好嘢就去明洞兑錢同食本粥
行吓買到蠟筆小新睡衣喇🤤
之後就返酒店問便利店買啲嘢食就完喇😌
忍咗幾日🤣終於可以買吓嘢
願接下來順順利利...

釜山首爾獨遊Day 3
因為今日比較多地方要去
所以都早啲起身整嘢岀門
早餐都冇食就首先去糾結咗好耐嘅長林浦口
因為去個度好似好麻煩同幾郊吓
但最後都係前一晚決定去埋
上網睇過幾次人哋教點去
去到新平站對岀巴士站等3-1鄉巴去個度或者的士5分鐘左右到
10點左右已經係巴士站等鄉巴
我見自己一個廢事撘的士
點知等咗差唔多成個鐘都冇
又曬又吹風有啲涼
明明話最多等半個鐘
最後我決定撘的士去5分鐘到咗
唉😤哂咗我咁多時間
仲要今日有幾多地方要去架嘛
去到冇乜人😌行吓影吓一圈
岀返去截返的士返去地鐵站
之後拿拿淋去本身第一日要去嘅甘川洞文化村
12點幾到土城站對岀巴士站
見到勁多都係遊客等撘鄉巴上去
塞到成車係人
到咗就行吓影吓
同小王子影張相要排成個鐘🤦🏻‍♀️
又係行山feel
之後去買post card寫
我又懵咗🤦🏻‍♀️以為每張1000圜包寄埋
就買咗成10幾張坐係個度拿拿淋寫
點知寫完叫個女仔寄
佢話係每張明信片1000圜
如果要寄就額外每張加1000圜🤦🏻‍♀️好柒
仲要又哂咗時間坐係個度寫
又寫得急又冇頭緒😩
係有史以來寫得最差嘅一次
希望收到嘅你哋唔好介意喇🙇🏻‍♀️
之後行多一陣咁又由起身冇食過嘢
差唔多成4點左右先係個度食第一餐
仲要小食style
之後就撘返鄉巴去返地鐵站
再去另一個地方竹城教堂
依個係臨時加入去
因為見幾靚😭但又係幾難去同幾遠吓
又係上網過幾次人哋教點去
係機張站附近轉鄉巴
去到機張站個邊巴士都差唔多5點左右
而個架車都唔係話好密
好彩等多兩。三個字就上車
上車前再問多次人係咪可以到頭湖
個𡃁妹load唔到
而咁啱有個女人湊住兩個小朋友應我話係
仲話佢都係去個度😌叫我跟住佢
撘一。兩個字就到喇
到咗之後個女人好好教埋你睇返去撘幾點車
我見下一班差9。10個字
就拿拿淋邊影啲塗鴉牆
邊急急腳行去竹城教堂
去到就行吓
因為個度唔係話好大
所以都可以撘到下一班
點知岀到巴士站個度就聽到狗吠聲個啲
回頭一望就見到隻白色狗起身望住我幾分鐘
我幾驚佢會衝岀黎。好彩冇
上咗鄉巴岀返去
但我唔記得咗應該係邊個站落
就開google map睇吓我架車係邊
近唔近地鐵站就落車行過去
到返機張站已經6點幾
太陽落下。原本想今日夕陽個時趕去埋個海雲臺
唯有聽日朝早去喇
我就即刻search去邊好有咩好嘢食個啲
之後就決定去哈利波特cafe
去個時經過想食嘅吐司
原本話係海雲臺夜晚餐車檔
以為食唔到。點知就撞見佢
咁就食埋喇😌
但落order係自助之餘
仲要係得韓文🤷🏻‍♀️完全唔識睇
所以就叫咗個途人用英文講吓啲吐司係咩
最後成功落單
食完就再去前啲哈利波特cafe喇
點知又係自助買嘢食🤦🏻‍♀️
今次就係個職員介紹先落到單
Hea成個鐘就返酒店
返酒店前就買個蛋糕仔同海帶湯當係慶祝自己生日喇😂
係酒店撻火柴幾驚有警報個啲🙈
一切如願喇😌
之後就沖涼執定喼
聽日去完海雲臺轉去首爾喇
願接下來順順利利...

/
2018年10月08日
香港時間中午12時55分
韓國時間下午01時55分
23年前今日個刻
LMH初來報到

釜山首爾獨遊Day 2
今日有啲賴床同粒粒糯糯咁整嘢岀門
搞到之後去嘅地方要加快腳步
今日個天氣超好☺️nice
先去便利店買個三明治上巴士食當早餐
去揾去太宗臺個巴士站
兜咗成個圈先揾到🤦🏻‍♀️
撘咗差唔多1個鐘係1115到
但我要預返撘車時間
務求係兩點前岀返去影影島大橋
所以就拿拿淋去買飛坐tour bus遊太宗臺
到咗觀景台同燈㙮就自己行上行落去影同睇
個feel似行山🤷🏻‍♀️
之後就上返架tour bus返去
因為時間關係加上應該冇咩特別
所以skip咗個太宗寺
就撘巴士岀返去影島大橋
1340岀返去
見有啲時間就係隔離Lotte Mart行咗陣
到兩點左右岀返去影影島大橋
其實真係幾神奇成條橋係升起咗
個張相似唔似我拉起條橋呢😂哈
叫陌生人影算係咁喇😌咪要求高
之後就去食雙胞胎豬肉湯飯
個碗湯真係勁多塊豬肉又要嫩
食飽再撘巴士去五六島Sky Walk
因為畏高嘅我🤦🏻‍♀️行咁少段都腳震震
仲要有個𡃁仔係度跳😤
我feel到個Sky Walk係度震🙄
行咗陣就撘車走去廣安大橋
到咗就行吓影吓😌夜景係幾靚嘅
加上可以自由放煙花
其實想揾人幫我影張相
但基本上全部都有伴
我就望吓周圍有冇係一個人喇
就見到有個女仔自己坐咗係度一陣
之後又準備走
我糾結咗一陣叫唔叫佢幫我好
最後唔知又係邊度嘅勇氣去問
先知佢係黎做嘢嘅北京女仔
跟住我哋就買咗煙花影吓相咁
以為就咁完喇😏
點知大家又冇地方去又未食夜晚飯
行吓傾吓就話一齊食燒肉
原本以為今次都唔會食得成燒肉個啲
點知就揾到個伴
依次係第二次係旅行識個陌生人再一齊食燒肉😂
去揾食燒肉個間嘢個時
係咁行錯路🙈搞到我好似賣人豬仔咁
到咗食吓傾吓就完喇😌
最後交換ig就各自返酒店
如果我個時冇唔知邊度黎嘅勇氣叫佢幫我影相
應該就咁影個景返去食便利店就完咗今日
一切慶幸☺️
願接下來順順利利...

釜山首爾獨遊Day 1
2018年最終係依個時候岀走
自己想試下生日唔係香港過咁
原本係凌晨0205機
但因為打風。所以延誤到朝早1005
咁都好嘅做多少少嘢同訓下教咁
朝早0740左右到機場check in禁錢個啲
之後就等上機
一路等一路睇ig
發現 @chichiiiiiiiii 都好似等上機
就傾咗幾句😂點知咁啱都係去釜山
只係唔同機咁
但我個架要再延遲到1100
佢就早我半個鐘岀發咗喇
我就等等等😩等到勁攰勁眼訓
終於有得上機
但我個位就俾丫珠媽包圍
而後面應該係一個細佬仔隻腳係咁頂我背脊
都唔係訓得好🤷🏻‍♀️
最搞嘢係我坐窗邊
右手邊隔住個吉位坐嘅丫珠媽
係我訓訓吓走過黎閂窗🙄
應該係橙到佢。但個下真係o咗咀
1530到咗之後就拿拿淋岀境拎行李唱錢個啲
就去撘鐵去酒店check in
但成個人都不在狀態🤦🏻‍♀️懵
撘錢轉綫個啲又load咗陣要行邊咁
1700終於到達酒店
安頓好就要諗返去邊好
因為都已經咁晏
唯有搬啲行程係之後幾日去返
首先係醫肚食正直的金先生
之後就去龍頭山公園+釜山塔
再周圍行下就發現個strawberry latte
咁啱就順便買喇。費時到時又要揾
再見同BIFF廣場近就去食個瓜子黑糖餅
跟住就返酒店hea吓
再去便利店買返個宵夜食就完咗今日行程喇
算係去咗原定個個都有9成嘅😌
但係今次獨遊係最冇感覺嘅一次
可能已經踏入依個社會已經一年
經歷更多。加上唔係咁放心
願接下來順順利利...
又黎每日一篇遊記👻

就讓我走 讓我開始享受自由

/
@_0126xx簡單提前慶祝下
已經好滿足好開心❤️謝謝妳
雖然我都唔知點解自己多咗一歲
可能佢係我丫爸丫媽個朋友🤷🏻‍♀️計虛齡
又可能佢係搞梗笑😂

Most Popular Instagram Hashtags