kun.uz kun.uz

57,065 posts   948,839 followers   6 followings

Kun.uz  - Official account - Uzbekistan News Agency Тезкор, холис ва қизиқарли янгиликлар. Гувоҳнома №0987 Реклама 👉 +998977379931 Web site:

Давлат «Ўзбекистон» меҳмонхонасидаги ўз улушини сотади, бу Вазирлар Маҳкамасининг тегишли қарорида айтилади, деб ёзмоқда Spot.

Ҳозирда меҳмонхона биносини бошқарадиган «Otel O’zbekiston» МЧЖ қўшма корхонасида давлатга 80,13% тегишлидир.

Давлат рақобат қўмитасининг балансида бўлган улуш 2 ой ичида очиқ савдоларга қўйилади.

Янги эгалар ўзларига модернизация қилиш ва, керак бўлса, меҳмонхонани реконструкция қилиш мажбуриятини олиши керак бўлади. Тўловнинг максимал муддати - 3 йил.

Катта шаҳар ритмида керакли маиший техника харид қилиш учун вақт йўқми?

Ўзбекистон бўйича етказиб бериш, мутахассислар маслаҳати ва бошқа каби муҳим сабаблари, MEDIAPARK.UZ Интернет-дўконидан маҳсулот буюртма бериш кераклиги, қуйидаги мақолада кўрсатилган.

Фото: MEDIAPARK
2 йил муқаддам MEDIAPARK жамоаси мутахассислари интернет-дўконни ишлаб чиқмоқни бошладилар. Ушбу соҳани ўрганиб чиқиб, ходимлар харидорлар учун кенг ассортиментли платформани ишга туширдилар. Интерфейс содда ва тушунарли бўлганлиги сабабли интернет-дўкондан маҳсулот буюртма бериш жуда кам вақт талаб қилади.

1-сабаб: маиший техникани мамлакатнинг барча вилоятларига етказиб бериш имкони

Яқинда БТС Эхпресс Cарго Сервис билан ҳамкорлик ўрнатилди. Энди MEDIAPARK.UZ платформасида онлайн харид қилинганда буюртма тасдиқлангандан сўнг, қисқа муддатда Ўзбекистон Республикасининг барча ҳудудларига маиший техника ва электроника етказиб берилади.

2-сабаб: расмий вакиллар билан ҳамкорлик қилиш ва сифат кафолати

MEDIAPARK.UZSamsung, LG, Polaris, Midea, Gree, Xiaomi, Phillips, Sony, Panasonic, Artel, Avalon ва бошқа машҳур дунё брендлари билан яқин ҳамкорлик қиладиган маиший техника ва электроника интернет-дўконидир. Энг муҳими – харидор маҳсулот сифати учун ташвишланмаслиги мумкин. MEDIAPARK.UZ интернет-дўкондан буюртма қилинган маҳсулот учун 100% кафолат беради. Харид қилингандан кейин ҳам мутахассисдан маслаҳат олиш имконияти мавжуд.

3-сабаб: маҳсулот ассортименти ва харидорлар учун бонуслар

MEDIAPARK.UZ интернет-дўконида 5000 дан зиёд энг керакли маиший техника ва электроникалар йиғилган: барчаси сизнинг ҳаётингизни янада яхшилаш ва қулайлаштириш учундир. Шунингдек, бу ерда техникаларнинг ноёб моделлари қулай нархларда тақдим этилган. Керакли маҳсулотни топиш учун унинг номини қидирув сатрида ёзиш ёки тегишли тоифага киришнинг ўзи кифоя. Ҳар бир модель саҳифасида техник хусусиятлари батафсил таърифланганлиги сабабли маҳсулотнинг асосий афзалликларини билиш имконини беради.

Сайтда мунтазам равишда харидор қимматли совринни қўлга киритиши ёки товарларга чегирма олиши учун фойдали акциялар ва танловлар ўтказиб турилади.

У адлия вазирининг 15.08.2018 йилда 3055-сон билан рўйхатдан ўтказилган буйруғи билан тасдиқланди, деб ёзмоқда Norma.

Янгиланган карточка буйруққа иловада кўрсатилган. Ҳужжат эълон қилингандан кейин янги шаклдаги карточкалар берилади, бироқ бунгача берилганлари амал қилиш муддати тугагунга қадар ҳақиқий ҳисобланади.
Эслатиб ўтамиз, аккредитация карточкаси чет эл фуқаросига Ўзбекистонда бўлиш ва меҳнат фаолиятини, бироқ фақат уни қабул қилаётган ННТда амалга ошириш ҳуқуқини беради.

ННТнинг, ш.ж. диний ташкилотлар, халқаро ва хорижий ННТ ваколатхоналари ва филиалларининг чет эл фуқаролари бўлган ходимлари, шунингдек уларнинг қарамоғидаги оила аъзолари аккредитациядан ўтказилади.
Аккредитациядан ўтказиш учун қабул қилаётган ННТ Адлия вазирлигига зарур ҳужжатлар илова қилинган ариза беради ва 5 ЭКИҲмиқдорида йиғим тўлайди. Ариза 1 ой мобайнида кўриб чиқилади.

Ҳужжат 16.08.2018 йилдан кучга кирди.

Кўксаройда бўлиб ўтган олий даражадаги музокаралар якунида президентлар қатор ҳужжатларни имзолади. Ўзбекистон Республикаси билан Тожикистон Республикаси ўртасида Стратегик шериклик тўғрисидаги шартномада узоқ муддатли ва барқарор шериклик муносабатлари ўрнатиш мақсади, ўзаро ҳамкорликнинг стратегик йўналишлари белгиланган, деб хабар бермоқда давлат раҳбари матбуот хизмати.

Давлат раҳбарлари бўлиб ўтган музокаралар ва эришилган келишувлардан мамнунлигини, Стратегик шериклик тўғрисидаги шартнома улар орасида алоҳида аҳамиятга эга эканини таъкидлади. “Ўзбекистон ва Тожикистон муносабатларидаги катта ўзгаришлар ҳақида кўп гапириш мумкин. Лекин энг муҳим ютуқ – амалий ишларимиз миллионлаб одамларга наф келтираётгани, уларнинг қалбида илиқлик уйғотаётганидир. Биз бундан буён ҳам халқларимиз дўстлигининг бузилмас кўпригини ҳар томонлама мустаҳкамлашга ҳаракат қиламиз”, деди Шавкат Мирзиёев.

Ўзбекистон ва Тожикистон иккита ГЭСни биргаликда қурмоқчи. Бу ҳақда Ўзбекистон Республикаси президенти Шавкат Мирзиёев Тошкентда Тожикистон президенти Эмомали Раҳмон билан музокаралар якунлари бўйича матбуот анжуманида маълум қилди.

Ўзбекистон раҳбарининг таъкидлашича, Зарафшон дарёсининг Тожикистон ҳудудидаги қисмида 320 мегаваттдан ортиқ қувватга эга бўлган гидро электр станциялар қурилиши режалаштирилмоқда.

Бу объектлар икки давлат компаниялари томонидан қурилиши мумкин

Тожикистон президенти Ўзбекистон президентига бу борада халқаро ташкилотлар аудитидан ўтган тайёр лойиҳалар мавжудлиги ҳақида маълумот берган.

Президентнинг таъкидлашича, Ўзбекистон ва Тожикистон ўртасидаги ҳукуматлараро комиссия ушбу масалани кўриб чиқади.

Эмомали Раҳмоннинг қайд этишича, Ўзбекистон ва Тожикистон ушбу станцияларда ишлаб чиқарилган электр энергиясини ўз иқтисодиётини ривожлантириш учун ишлатади.

Шунингдек, Ўзбекистон Тожикистоннинг Сарез кўли ичимлик сувидан биргаликда фойдаланиши мумкин. «Мен кўп минбарларда, халқаро давраларда, хусусан БМТда ҳам кўп бора таъкидлаганман: «Биз ҳеч қачон қўшниларимизни сувсиз қолдирмаймиз». Аксинча, бугунги музокаралар давомида қўшниларимизни ичимлик суви билан таъминлаш мақсадида 17 км³ ҳажмдаги Сарез кўлининг сувларидан ҳамкорликда фойдаланиш масаласини кўриб чиқиш бўйича топшириқлар бердим», дея қўшни давлат раҳбарининг сўзларини келтирмоқда «Kun.uz» манбаси.

Ўзбекистон Республикаси Президенти Шавкат Мирзиёев ва Тожикистон Республикаси Президенти Эмомали Раҳмон ўртасида қўшма баёнот ва давлатлараро стратегик шериклик тўғрисидаги шартнома имзоланди. Бу ҳақда «Kun.uz» манбаси хабар берган.

Шунингдек, Ўзбекистон ва Тожикистон давлатлари ўртасида турли соҳаларда келишилган битим, меморандум ва шартномаларни имзолаш жараёни бўлиб ўтди.

Қуйидаги соҳаларда муҳим ҳужжатлар имзоланди:

1) Икки давлат Касаба уюшмалари Федерациялари ўртасида;
2) Миллий телерадиокомпаниялар ўртасида;
3) ЎзА Миллий ахборот агентлиги ва «Ҳовар» Миллий ахборот агентлиги ўртасида;
4) Сурхондарё вилояти ва Хатлон вилоятлари ўртасида;
5) Самарқанд вилояти ва Сўғд вилоятлари ўртасида;
6) Фанлар академиялари ўртасида;
7) Дин ишлари қўмиталари ўртасида;
8) Ўсимлик карантини соҳасида икки давлат ваколатли органлари ўртасида;
9) Маданият вазирликлари ўртасида;
10) Адлия вазирликлари ўртасида;
11) Ўзбекистон Ёшлар иттифоқи ва Тожикистон Ёшлар ва спорт ишлари қўмитаси ўртасида;
12) Ўзбекистон Давлат бошқаруви академияси ва Тожикистон Давлат хизматлари агентлиги ўртасида;
13) Геодезия, харитасозлик ва кадастр қўмиталари ўртасида;
14) Ҳарбий техникалар масаласида икки давлат ваколатли органлари ўртасида;
15) Ҳукуматлараро таълим ҳужжатларини тан олиш ва педагогларнинг малакасини оширишда ҳамкорлик қилиш масаласида олий таълим вазирликлари ўртасида;
16) Қишлоқ технологиялари йиғишда ҳамкорлик масаласида икки давлат ваколатли органлари ўртасида;
17) Ташқи ишлар вазирликлари ўртасида (давлат чегаралари, элчихоналарга ер ажратиш, чегара постларидан ўтиш ва бошқа масалалар бўйича);
18) Метрология ва стандартлаштириш, истеъмолчилар ҳуқуқини ҳимоя қилиш ҳамда бошқа масалалар юзасидан икки давлат Бош вазир ўринбосарлари ўртасида.

Қонунчиликка мувофиқ бола туғилганда бир марталик нафақа берилади, деб ёзмоқда “Ҳуқуқий ахборот” канали.

Унинг миқдори ҳозирги кунда 368 600 сўмни ташкил этади.

Мазкур нафақа:

ишлаётган ёки ўқиётган аёлларга иш ёки ўқиш жойидан тўланади;

боланинг онаси ишламайдиган ва ўқимайдиган ҳолларда, нафақа боланинг ишлайдиган ёки ўқийдиган отаси ёки ота-она ўрнини босувчи шахсларга тўланади;

ишламайдиган ва ўқимайдиган ота-оналарга бола туғилганда нафақа ижтимоий таъминот бўлимлари томонидан тўланади.

Repost from @tribuna.uz
Европа футболи аста-секинлик билан тезланиш олмоқда. Ўтган ҳафта кучли бешликдан Англия ва Францияда дастлабки тур ўйинлари бўлиб ўтган бўлса, бу ҳафтадан Италия А Серияси ва Испания Ла Лигаси ҳам старт олади ва айтиш мумкинки, бизни биринчи кунларданоқ бир қатор эътиборга молик ўйинлар кутмоқда. Анъанавий равишда, дам олиш кунлари Европа майдонларида бўлиб ўтадиган қизиқарли учрашувлар анонси билан таништирамиз.

ЧЕЛСИ – АРСЕНАЛ (18 август, 21:30) «Арсенал»нинг тақвимига ҳавас қилиб бўлмайди. Ўтган турда Эмери шогирдлари жуда яхши спорт формасида бўлган «Манчестер Сити»ни қабул қилишди ва мағлубиятга учрашди. Энди эса, «Стэмфорд Бридж»га сафар. «Челси» эса, сафарда тўп сурганига қарамасдан, анча ишончли ўйнади ва йирик ҳисобда ғалаба қозонди.

Ҳар икки жамоа мавсумга бир хил шароитда кириб келишди. Ўтган йилги муваффақиятсиз мавсумдан сўнг, янги мураббий, Европа Лигасига, камтарона трансфер сиёсати. Мутахассислар бу жамоаларга унчалик ишонишмаяпти, сабаби, айтиш мумкинки, Эмери ҳам, Сарри ҳам олдинги мураббийлардан бироз фарқли ўйин фалсафасига эга. Бу эса, дастлабки ойларда бироз ноқулайлик туғдириши мумкин деб ҳисоблашмоқда.

Таркибларга келсак, «Челси» сафида фақат Сеск Фабрегас майдонга тушмаслиги мумкин. Аксинча, жаҳон чемпионати туфайли таътилдан кечроқ қайтган Эден Азар бу сафар ўйинга тайёр бўлади ва асосий таркибда майдонга тушиши кутилмоқда. «Арсенал» сафида эса, узоқ муддатга сафдан чиққан Косьелни ва Колашинацдан ташқари ҳамма тайёр. Ҳатто Начо Монреал ҳам машғулотларга киришди ва у бугун майдонга қайтиши мумкин.

Ўзаро учрашувларга қарасак, сўнгги пайтларда «Арсенал»нинг устунлигига гувоҳ бўламиз. Турли турнирлар ва ўртоқлик ўйинларини ҳам қўшсак, охирги олти ўйинда «Челси» ғалаба қозона олмаяпти. Ўзаро сўнгги учрашув эса, яқиндагина, 2 август куни мавсумолди йиғинлар доирасидаги АҚШ турнирида бўлиб ўтганди. Рюдигернинг ўйин бошларидаги урган голига сўнгги дақиқада Ляказетт жавоб берган ва ўйин 1:1 ҳисобида якунига етган.

Ижтимоий тармоқларда Андижон вилояти Шаҳрихон туманидаги бозорда рўй берган «самосуд» ҳолати тасвирланган яна бир видео тарқалгач, Андижон вилояти ИИБ Матбуот хизмати «Kun.uz»га ушбу ҳодиса тафсилотлари юзасидан изоҳ берди. Маълум бўлишича, бу аёл бозорда ўғрилик қилаётганида қўлга тушганидан кейин сув орқали қочиб қутулмоқчи бўлганди.

2018 йил 14 август куни соат 11.00 ларда муқаддам ўғрилик жинояти учун судланган А.А. Шаҳрихон шаҳар А.Темур кўчасида жойлашган савдо бозорида савдо қилувчи И.Н сумкасидан 192.000 сўм, фуқаро С.Г сумкасидан 270.000 сўм, сотувчи С.М. сумкасидан 30.000 сўм миқдоридаги пулларни ва уяли алоқа телефонларини яширин равишда олиб, ҳодиса жойидан яширинмоқчи бўлганида қўлга тушган. Воқеа жойида жабрланувчи И.Н ва ҳодисага бевосита гувоҳ бўлган Г.Р уни туман ички ишлар ходимларига топшириш мақсадида ушлаб олишган.

Натижада А.А жиноий жавобгарликдан ҳамда фуқаролардан қочиб яшириниш мақсадида ўзини ўша ердан оқиб ўтувчи «Шаҳрихонсой» каналига ташлаган.

Воқеа жойига етиб борган туман ИИБ профилактика инспектори томонидан сувда оқиб кетаётган А.А қутқариб қолинган. Туман ИИБга олиб келинганида, унга нисбатан ҳеч қандай куч ишлатиш аломатлари аниқланмаган.

Содир бўлган мазкур ҳолат ички ишлар бўлими ходимлари томонидан расмийлаштирилиб, А.А нинг ёнида алоҳида-алоҳида солинган 192.000, 295.000, 31.000 сўм миқдоридаги пуллар холислар иштирокида ашёвий далил сифатида баённома орқали олинган.

Мазкур ҳолат юзасидан 14 август куни туман ИИБ томонидан А.А га нисбатан Ўзбекистон Республикаси ЖКнинг 169-моддаси 3-қисми «а» банди билан жиноят иши қўзғатилган.

16 август куни гумонланувчи А.А га ҳимоя ҳукуки таъминланиб, тергов ҳаракатлари давомида унга нисбатан ЖКнинг 169-моддаси 3-қисми «а» банди билан айб эълон қилиниб, қамоққа олиш эҳтиёт чораси танланган.
Тергов даврида И.Н, Г.С ва М.С сўроқ қилиниб, жабрланувчи сифатида эътироф этилган. Ҳозирда жиноят иши бўйича дастлабки тергов ҳаракатлари давом этмоқда.

Ўзбекистон ва Тожикистон делегацияларининг кенг таркибдаги музокаралари бошланди. Унда асосий эътибор савдо-иқтисодий ҳамкорликни ривожлантириш масалаларига қаратилди, деб хабар бермоқда давлат раҳбари матбуот хизмати.

Мамлакатлар ўртасида эркин савдо тартиби жорий қилинган. 2002 йилда Савдо-иқтисодий ҳамкорлик бўйича ҳукуматлараро комиссия тузилган. Ушбу комиссияларнинг ҳамраислари икки мамлакат бош вазирлари экани томонларнинг бу алоқаларга катта аҳамият беришидан далолатдир.
2018 йил икки томонлама муносабатлар тарихида ғоят муваффақиятли бўлди. Йил бошидан буён турли даражаларда элликдан ортиқ учрашувлар бўлиб ўтди. Савдо-иқтисодий ҳамкорлик бўйича ҳукуматлараро комиссиянинг тўртта мажлиси ўтказилди.
Ўзаро савдо ҳажми жорий йилнинг биринчи ярмида 2017 йилнинг шу даврига нисбатан 35 фоиздан зиёд ўсди. Қиймати 300 миллион доллардан зиёд бўлган савдо шартномалари ва битимлар имзоланди. “Ҳамкорлигимизда ҳали ишга солинмаган имкониятлар жуда кўп. Шундай ишлашда давом этсак, тез орада товар айирбошлаш ҳажмини 500 миллион долларга етказамиз. Аслида салоҳиятимиз – камида 1 миллиард доллар”, деди президент Шавкат Мирзиёев.
Савдо-иқтисодий ҳамкорлик бўйича ҳукуматлараро комиссияга ўзаро савдо ҳажмини ошириш ва таркибини диверсификация қилишни изчил давом эттириш бўйича топшириқлар берилди. Икки мамлакат бизнес тузилмалари ва чегараолди ҳудудлари ўртасида кооперацияни кенгайтиришга қаратилган қўшимча чора-тадбирлар кўриш зарурлиги таъкидланди. Қишлоқ хўжалиги техникасини йиғиш, қурилиш материаллари, озиқ-овқат, тайёр тўқимачилик, электротехника маҳсулотлари ва бошқа товарларни ишлаб чиқариш лойиҳаларини тезлаштиришга келишиб олинди.
Транспорт ва транзит ташиш, энергетика ва гидроэнергетика, сувдан фойдаланиш соҳаларида ўзаро манфаатли келишувларга эришилди. Терроризм, экстремизм ва трансмиллий жиноятчиликка қарши курашиш, ҳуқуқни муҳофаза қилиш органлари ҳамкорлиги самарадорлигини ошириш масалалари муҳокама қилинди.
Томонлар ўзаро ҳамкорликни янада ривожлантиришдан манфаатдор эканини яна бир бор тасдиқлади.

Республика олий таълим муассасаларининг сиртқи таълим шаклига кириш тест синовлари биринчи кунининг 1-сменасида 19та олий таълим муассасаларининг 13та таълим йўналишида тест синовлари бир вақтда соат 8:00дан бошланиб, 11:30га қадар тўлиқ якунланди.

Тест синовларида 25 минг 516 нафар абитуриент иштирок этди.
Тезкор маълумотларга кўра, тест синовларида 1 996 нафар абитуриент турли сабабларга кўра тест синовларига келмади.

Тест синовлари тартиб қоидаларини бузганлиги сабабли 58 нафар абитуриент, шундан 19 нафари ҳудудга кириш жойида уяли телефон, шпаргалкалар олиб киришга ва ўзгалар ўрнига киришга уринганлиги учун, 39 нафари бино ичида шпаргалкадан фойдаланишга, бошқа абитуриентга ёрдам беришга уринганлиги учун тест синовларидан четлаштирилди.

Тест синовларини ўтказишга таълим муассасаларидан 2 030 нафар гуруҳ назоратчилари жалб этилди.

Тест натижалари Фелдьегерлик хизмати томонидан махфийлиги ва дахлсизлигини таъминлаган ҳолда Давлат тест марказига 2-cмена якунлангандан сўнг 18.30дан қайтариш бошланади. Тошкент шаҳрида тест материаллари 12.00дан бошлаб Давлат тест марказига қайтарилади.

Most Popular Instagram Hashtags