icsi_mom icsi_mom

28 posts   343 followers   87 followings

Soon MOM  ساصبح ام باذن الله تجربتي في الحقن المجهري ربي لاتذرني فردا وانت خير الوارثين التجربة الاولى لم تكتمل و التجربة الثانية الحمد لله بفضل ربي نجحت ❤️🌺

مساء الخير حبايبي ويسلمو كل اللي سال عني واعتذر عن الغيبه بس الوحام والنفسيه مأثرين علي الحمد لله وماحبيت اكتب الين مااتطمن على اجنتي والحمد لله حمدا كثيرا طيبا ماشاء الله طلعو توينز و اليوم رحت موعدي وسمعت نبضهم الحمد لله والله يثبتهم لي تسعه اشهر ويسهل حملهم وولادتهم باتم صحة وعافيه وقررت اسافر لاهلي ان شاء الله بكرا بعد استشاره الدكتوره لان الصراحه ماقدرت اتحمل وزوجي الله يعطيه العافيه حايس معي ومع الدوام واوقات اتعب وادوخ وهو مو موجود فافضل حل اهلي يكونو مقابليني وان شاء الله ربي يسهلها وبس هذا جديدي وان شاء الله ربي يكرمكم جميعا يارب ويبشرني فيكم

اللهم يا من أمسكت السماء أن تقع على الأرض وهي بلا عمد، أمسك ما في رحمي، وأتمم له على خيراللهم صوِّره في أحسن صورة ونجِّه من كل تشويه ومرض ربنا هبْ لنا من أزواجنا وذرياتنا قرة أعين واجعلنا للمتقين إمامًا

مساء الخير ..
بتكلم هنا عن اسعار العملية في مستشفى سعد التخصصي بالخبر مع الدكتورة سهام العاكوم ....
العملية (سحب +ترجيع+فحص الاجنة الوراثي PGD ) = ٢٤٤٥٠ ريال
دخول للدكتوره =٢٢٨ ريال والمراجعه مده اسبوع مجانا بس اذا فيه سونار راح تعطيهم ٦٠ ريال اعتقد بس الدكتوره كانت مره متعاونه معنا وكانت احيانا تقولي ادخليلي على طول لاتروحين الاستقبال عشان ماندفع كشفيه الله يسعدها
التحاليل : اغلبها سويناها برا المستشفى يافي حكومي او خاص عشان السعر ارخص بكثير والحكومي سوينا فيه تحليل الاجسام المضاده والكروموسومات لانه جدا غالي بالخاص ماعدا تحليل الطفره الجينية سويناه في سعد لانهم الوحيدين اللي يسوونه بالمنطقه وكلفنا تقريبا ٢٥٠٠ وتحليل الاستردول ٣٠٠ وتطلبه منك مره او مرتين على حسب النتيجه وتحاليل قبل العمليه ب١٨٠
الادوية : ابره التنشيط الوحدة ب٣٥٠ تقريبا جونال اف القلم وكنت استخدم القلم الواحد مرتين واخذت خمس اقلام تقريبا والابر الثانيه ناسيه سعرها بس كان عندي حساب في المستشفى بمبلغ ١٥٠٠ ريال وكنت اصرف منه الادويه كلها ماعدا ٣ ابر جونال اف وعلى اخر موعد قالولي خلص حسابك وزدتهم ٣٠٠ ريال يعني تقريبا كلها حول ٢٩٠٠ ريال
وحساب الادويه بعد العملية حول ٦٠٠ ريال وبعد الترجبع حول ٧٠٠ ريال
ومع المحاوله الثانيه عندهم ينقصون لكم الف ريال من سعر العمليه
وبس ان شاء الله اكون افدتكم ومانسيت شي 🌺
#حقن_مجهري #مستشفى_سعد_التخصصي #ربي_لاتذرني_فردا_وانت_خير_الوارثين

حبيباتي بغيت اسالكم الحين عادي اقدر اقوم اطبخ واشتغل على خفيف بالبيت ولا للحين لازم راحه لاني صراحه زهقت من اكل المطابخ ودي اكل اكل بيت واهلي مو عندي بمنطقه ثانية وودي اروحلهم واقعد عندهم وبنفس الوقت افكر بزوجي شلون بيقعد لوحده وماني عارفه ايش اسوي ... من تجاربكم وايش افضل

الحمد لله الذي بنعمته تتم الصالحات اللّهُمَّ لَكَ الحَمدُ إنَّما أمرٌك إذا أردتَ شيئاً أن تَقُولَ لهُ كُن فَيكوُنُ. الحَمدُ لله الّذي لا ينسى من ذَكَرَهُ ، الحَمدُ لله الّذي لا يُخيّبُ من رَجاه ، الحَمدُ لله الّذي مَن تَوَكّلَ عَليهِ كَفاهُ ، والحَمدُ لله الّذي مَن وَثقَ بِهِ لم يَكِلُه إلى غَيرِهِ ، والحَمدُ لله الّذي يجزي بالصّبرَ نجاةً ، وبالاحسانِ إحساناً ، والحَمدُ للهِ الّذي يَكشِفُ عَنّا الضرَّ والَكَربَ ، والحَمدُ لله الّذي هو ثقتنا حين تَنقَطِعُ الحيلِ مِنّا ، والحَمدُ للهِ الّذي هو رَجاؤنا حين تسُوءُ ظُنونُنا بأعمالِنا . الحمد لله الحمد لله ابشركم يابنات انا بفضل الله ماشاء الله حااامل عقبالكم كلكم يااارب 😍🙏🏻

مساء الخير ... انا باليوم السابع بعد الترجيع والحمد لله احس براحه وامل كبير احس بالم الظهر ملازمني من كم يوم يمكن من السدحه واليوم مغص الدوره جا وراح وحسيت بشويه دوخه وانا اتفرج ويااارب تمر هالاايام بسرعه واسمع مدام مبروك حااااامل يااارب ياااارب كلي امل وثقه فيك ماراح تخيب املي ولا ترد دعائي ياربي ياحبيبي ياارحم الراحمين بشرني بثبات اجنتي وحملهم وولادتهم سالمين معافين تامين الخلق والخلقه يااارب يااارب ارزقني وارزق اخواتي المحرومات يااارب لاتردنا وفرح قلوبنا ياكريم ... دعواتكم #الحقن_المجهري #ربي_لاتذرني_فردا_وانت_خير_الوارثين #7dp5dt

يوم الترجيع
الحمد لله والمنه توجهنا للمستشفى وصلنا ع الساعه ٩ونص ودخلنا لمكتب الدخول وطبعا لطعونا نص ساعه زياده ودخلنا الغرفه ووطبعا من البيت مجهزه نفسي ومافضيت المثانه وخليتها نص نص وطول الطريق اشرب زياده ولمن وصلنا خلاااااااص 😰بنفجر مو قادره اتحمل وحاولت اصبر نفسي والحمد لله شوي الا هم داخلين بالسرير وغيرت ملابسي وتوكلت على الله وتوجهنا لغرفه العمليات
وغرفه العمليات بااارده وانا مو ناقصه لا وكمااان بنفجر ياسلااام الله يستر 😬
وجات الدكتوره وطمنتني وخيرتنا كم نبغى نرجع وكم نجمد وتوكلنا على الله واخترنا وبدينا على بركه الله
وطول الوقت ادعي واسمي الله واتوكل على ربي واستودعهم الله وشديت شوي يمكن من الخوف بس جد مافيه اي الم ابداااااااا يدوووب دخلت الانبوب ونزلتهم وشفتهم في الشاشه وخلاص
خمس دقايق الا احنا خالصين والحمد لله
وبعدها اخذوني ع الافاقه عشان ماشاء الله كنت برميل عبيت مثانتي من قلب 😩 وطلبت منهم الدكتوره اني اارتاح قبل لااروح غرفتي
وطبعا خبرونا بالتعليمات واعطوني صوره حبايبي كاول صوره بالالبوم ان شاء الله 😍
ورجعت الغرفه وضليت متسدحه على ظهري اربع ساعات بدون اكل ولا سوائل وبعد ربع ساعه اعطوني تحميله وحطيتها وغفييييييييييت وماقمنا الا على ٤ ونص ووقتها خلصت الاربع ساعات وسوينا الخروج وطلعنا
والحمد لله ❤️❤️❤️❤️❤️
اللهم باسمك الاعظم الذي اذا دعيت به اجبت ان تثبت اجنتي واحناي اخواتي كما ثبت السماء بلا اعمده و ترزقني وترزقهم الذريه كما رزقت زكريا بيحيى يا حي يا قيوم يا واحد يا احد وتسهل لي حملهم وولادتهم وهم بصحة وعافيه ياارحيم
#الحقن_المجهري #ربي_لاتذرني_فردا_وانت_خير_الوارثين #ترجيع_الاجنة #تؤام

مساءكم الله بالخير
من بدايه اليوم وانا مو قادره انام واعد الدقايق والثواني وفي الساعه ٨ وربع صباحا دق الجوال وكانت الدكتوره وانا اللي انخرش ومدري وش جاااني 😬 رميت الجوال لزوجي يرد وقمت اركض اطلع من الغرفة واوقف برا ورجليني ويداتي تتصافق وتتنافض 😖😨وادعي يااارب ياااارب بشرني 🙏🏻
وطلع زوجي يطالع لي بنظرات حزينه ويعطيني ظهره ويدخل الغرفه وانا 😢 طقيت حركه حياه الفهد عالجدار 😩 الا يرجع ويقولي بسررررعه اجهزي الدكتوره معطيتنا ساعتين ونكون عندها😃💃
وطبعا حياه الفهد مازالت مستمره ع المشهد💔 ومن فرحتي بكيييييت 😭وحمدت ربي وماقدرت اقوم رجولي ماشالتني والله من الفرحه وان ربي كريييييم واخذني زوجي وصلينا شكر لله وتجهزنا وطلعنا والحمد لله 🙏🏻❤️
سبحانك ربي مااكرمك الحمد لله الحمد لله حمدا كثيرا طيبا يليق بجلالك يامنت كريم يااارب
ياارب كما بشرتني بسلامتهم بشرني بثباتهم ياارب واحفظهم لي وردهم لي تامين الخلق والخلقه والله يسعدك حبيباتي على دعواتكم وان شاء الله ربي ييسر لكم ويرزقكم ماتتمنون يااارب
#الحقن_المجهريء#ربي_لاتذرني_فردا_وانت_خير_الوارثين

لانه ( ربي ) سأبحر في أمنياتي .....
سأزيد رغباتي ...
سأطمع في دعائي اكثر .....
فحتما ولا بد سأبكي فرحاً يوماً ما ....
من دهشتي بالعطاء ...
لأته ربي 🌺


مو قادره انام في انتظار اتصال الدكتوره عشان تبشرني بنتيجة التحليل وكلي ثقة بربي ان اجنتي سليمه وبيكرمني
يااا ارحم الراحمين لا تردني خائبا وبشرني بسلامه اجنتي ياكريم 🙏🏻
#الحقن_المجهري #ربي_لاتذرني_فردا_وانت_خير_الوارثين
#فحص_الاجنة

ينقال اني اكل اكل صحي 😁😄
ماعلينا بغيت اسالكم وش نظام الاكل اللي عطتكم الدكتوره انا دكتورتي مااعطتني شي وقالت عادي فهل فعلا الموضوع عادي مايفرق ؟؟ محدثتكم مررره ماتعترف بالاكل الصحي 😩💔

#الحقن_المجهري #ربي_لاتذرني_فردا_وانت_خير_الوارثين

يارب في يوم الجمعة وعدت عبادك بقبول دعواتهم.. سأدعو لي ولقلب قريب من قلبي: اللهم ارزقني وارزقه ما نريد وأرزق قلبي وقلبه ما نريد واجعلنا لك كما تريد اللهم قدر لنا ذلك قبل أن تأذن شمس الجمعة بالمغيب..
#يوم_الجمعة #الحقن_المجهري #ربي_لاتذرني_فردا_وانت_خير_الوارثين

Most Popular Instagram Hashtags