food.az food.az

958 posts   15187 followers   5842 followings

🇦🇿Mətbəxin ən dadlı sirləri🇹🇷  ▪Yemək | İçmək | Şirniyyat ▪Milli və Avropa mətbəxi ▪Bişirməyi sevənlərin səhifəsi ▪Facebook-da dəstək olun

http://fb.com/food.azerbaycan

✔Uşaqlığımızın dadı: Pryanik resepti
✅Ərzaqlar:
Qatıq – 1 st.
Şəkər tozu – 2 st.
Yumurta – 3 ədəd
Bal – 1 x.q.
Un – 4 st.
Bitki yağı – 3 x.q.
Çay sodası – 1 ç.q.
Şəkər kirşanı – 6 x.q.

Hazırlanması:

1 yumurtanın ağını qlazur üçün saxlayıb, qalan hamısını şəkər tozu ilə mikserdə yaxşıca çalırsınız. Sonra balı əlavə edib, yenə qarışdırırsınız. Bitki yağı və qatıq əlavə olunur və qarışdırılır. Unu, çay sodasını əlavə edirsiniz və xəmir yoğurursunuz.
Masanın üzərini azca unlayıb, xəmiri hündürlüyü 1-1,5 sm. olmaqla yayırsınız. Stəkanın ağzı ilə və ya istədiyiniz forma ilə xəmirdən “piryanikləri qopardırsınız”. Onları yağlanmış kağız salınmış soba listinə düzürsünüz. Əvvəlcədən isdilmiş sobada 180 dərəcədə 30 dəqiqə bişirirsiniz.
O bişənə kimi qlazuru hazır edə bilərsiniz: Mikserdə 1 yumurta ağını çalaraq, ora şəkər kirşanını əlavə edirsiniz. Bu da hazır!
30 dəqiqə sonra piryanikləri sobadan çıxarıb, üzərinə qlazuru çəkib daha 10 dəqiqə bişirirsiniz.
Nuş olsun!
#metbex #milli #food #yemek #azerbaycan #tasty #baku #mutfak #pranik #cake #instagood

✔İspan mətbəxi: Soyuq şorba QASPAÇO
✅Yayda isti şorba yeməzlər. Bu mövsümdə soyuq şorbalar gündəmdədir. Onlardan biri də ispan mətbəxinə aid Qaspaçodur. Bişirilmir, çiy tərəvəzlər sadəcə blenderdən keçirilir, püre halına salınır və soyudulub süfrəyə təqdim edilir.
Ərzaqlar:
Pomidor – 700 qr.
Qırmızı bolqar bibəri – 300 qr.
Xiyar – 300 qr.
Ağ çörək – 150 qr.
Sarımsaq –  2diş
Treska və ya toyuğun qara ciyəri – 100 qr.
Limon suyu – 2 x.q.
Zeytun yağı – 40 ml.
Duz, istiot – qara, qırmızı
Hazırlanması:
Ağ çörək dilimlənir. Dilimlərin 2-3 ədədini xırda kub formasında doğrayıb, sobada qızılı rəng alana kimi qurudub kənara qoyursuz. Qalan yumşaq çörək dilimlərini qazana qoyub, üzərinə limon şirəsi sıxırsız.
Pomidorlar isti suya salınıb çıxarılır, qabığı soyulur, orta tikələrə doğranılıb qazandakı çörəyin üzərinə tökülür. 1-2 ədəd pomidoru isə saxlayırsınız ki, şorbanı süfrəyə verəndə lazım olacaq.
Bolqar bibərləri xırda kub formasında doğrayın. Xiyarın da yarısını doğrayıb, qazana əlavə edirsiz, yarısını da doğrayıb süfrəyə verilən müddətə saxlayırsız. Xiyarın qabığı, bibərlərin içi təmizlənməlidir.

Qazana sarımsaqları bütöv atıb, duz, istiot səpib, üzərinə bir neçə qaşıq zeytun yağı gəzdirib, bu qarışığı blenderdə püre halına düşənə kimi qarışdırırsız. Əgər çox bərk alınsa, bir az qaynanmış soyuq su əlavə edə bilərsiz. Dadına baxın, zövqə görə əlavə limon suyu, və ya sirkə qata bilərsiz. Hazır püre şorbanı soyuducuda 20-30 dəqiqə saxlayın. Çünki QASPAÇO yalnız soyuq halda dadlı olur. Soyumuş şorbanı boşqablara çəkin, mərkəzinə suda bişmiş və ya qızardılmış ciyər tikəsi qoyulur və xiyar, pomidor kubları, qurudulmuş ağ çörək səpilir. Süfrəyə dərhal verilməli və isinmədən yeyilməlidir.
Nuş olsun!
#mətbəx #soyuq #şorba #ispan #qaspaço #dadlı #milli #yemek #dadli

✔Uşaqlarımıza faydalı toyuq sosiskaları hazırlayaq!
✅Sosiskanı sevməyən uşaq yoxdur. Amma indiki ət məhsullarının da keyfiyyətindən heç əmin deyilik! Belə olan halda, övladının sağlamlığını düşünmək yenə ananın üzərinə düşür. SUFREM.AZ bütün anaları evdə - daha təmiz və faydalı toyuq sosiskaları hazırlamağa, uşaqlarına təbii qida verməyə çağırır!
Ərzaqlar:
Toyuq filesi – 500 qr.
Süd – 100 ml.
Yumurta – 1 ədəd
Baş soğan – yarısı
Duz, istiot, sarımsaq – zövqə görə
Hazırlanması: 
File və soğan xırda kub formasında doğranılır. Birlikdə blenderdən keçirilir. Bir az xırdalandıqdan sonra (tam həll kütlə olmasın) bura südü, çiy yumurtanı əlavə edib, bərabər kütlə alınana kimi qarışdırın. Hamar, şəffaf kütlə alınmalıdır. Bura duz, istiot, döyülmüş sarımsaq qatın.
Soba üçün xüsusi sellofan paketlər satılır. Ondan 20*20 ölçüdə hissələr kəsilir, hər hissənin mərkəzinə 2 x.q. farş qoyulub, trubka formasında bükülür. Bir ucunu iplə bağladıqdan sonra, farşı boru içərisində hamarlayıb, bərabər yayıb, o biri ucunu da sapla və ya iplə bağlayırsız. Sosislər özünü tutsun deyə, 1 saat soyuducuda saxlanılır. Qaynar suda 15 dəqiqə bişirilir. Həm faydalı, həm də təmiz sosislə hazırdır! Nuş olsun!
#asan #dadlı #evdə #sosiska #faydalı #metbex #kulinariya #milli #food #mutfak #azerbaycan #baku

✔İtalyansayağı səhər yeməyi: FRİTTATA
✅Səhər yeməyi üçün ideal... tutumlu.... ləzzətli.... italyan omleti FRİTTATA!
Ərzaqlar:
Yumurta – 8 ədəd
Süd – ¼ st.
Çerri pomidor – 3-4 ədəd
Bekon – 3 dilim
Kiçik baş soğan – 1 ədəd
Gül kələmi – 150 qr.
Holland pendiri – 150 qr.
Duz – istiot - zövqə görə
Hazırlanması:
Böyük bir qabda 8 yumurtanı yaxşıca qarışdırırıq. Üzərinə ¼ st. süd əlavə edirik, duz-istiot səpib, qarışdırırıq. 
Orta odda tavada 3 ədəd bekon dilimini qızardırıq. Üzərinə doğranmış bir kiçik baş soğan, iki yerə bölünmüş çerri pomidorları, doğranmış gül kələmi əlavə edirik. 30 saniyə qovurduqdan sonra tavadakıları yumurta qarışığının üzərinə tökürük, qarışdırırıq. Sonra bu qarışığı yapışmayan tavaya tökürük, üzərini sürtgəcdən keçirilmiş hollan pendiri səpirik. Əvvəlcə 30 saniyə qaz plitəsində orta odda saxladıqdan sonra, omleti sobaya qoyub, 10 dəqiqə 180 dərəcədə bişiririk.
#mətbəx #İtaliya #dadlı #səhər #yemək #omlet #breakfast #seher #food #azerbaycan

✔Ağızda əriyən kəsmikli 3 şirniyyat resepti
✅Evə alınan kəsmiyi yeyən yoxdursa, onu xarab etməyin! Kəsmikdən yüzlərlə dadlı yeməklər hazırlanır,  xüsusilə də desert və şirniyyatlar! Food.az oxucuların xahişi ilə kəsmikdən hazırlanan çox asan və dadlı 3 desert reseptini təqdim edir: ✔Kəsmikli keks
✅Ərzaqlar:
Kəsmik – 150 qr.
Yumurta – 3 ədəd
Marqarin – 150 qr.
Şəkər tozu – 1 st.
Un – 1 st.
Çay sodası və ya qabartma tozu
Hazırlanması:
Yumurtaları şəkər tozu ilə mikserdə yaxşıca çalırsınız. Bura əridilmiş marqarini və kəsmiyi əlavə edirsiniz. Yaxşıca qarışdırırsınız. Kənarda başqa qabda qabartma tozu ilə unu qarışdırıb, bu qarışığa yavaş-yavaş tökürsünüz və qarışdırırsınız. Xama qatılığında xəmir alınmalıdır.
Keks qablarını yağlayırsınız və xəmiri onlara tökürsünüz. 30 dəqiqə əvvəlcədən isidilmiş sobada 180 dərəcədə bişirirsiniz. ✔Klassik kəsmikli zapekanka
✅Ərzaqlar:
Yağlı kəsmik – 500 qr.
Yumurta – 2 ədəd
Şəkər tozu – 3 x.q.
Manna yarması – 2 x.q.
Vanilin
Kişmiş və ya digər quru meyvə (zövqə görə)
Hazırlanması:
Yumurtaları sındırıb, üzərinə şəkər tozu əlavə edirsiniz. Sonra tədricən kəsmiyi və manna yarmasını da tökürsünüz. Ən sonda vanilin və quru meyvələri əlavə edirsiniz və yaxşıca qarışdırırsınız.
Xəmiri tökəcəyiniz formanı kərə yağı ilə yağlayırsınız və içinə azca suxarı səpirsiniz. Sonra xəmiri formaya tökürsünüz və xəmiri bərabər paylayırsınız.
Zapekankanı əvvəlcədən isidilmiş sobada 180 dərəcədə 25-30 dəqiqə bişirirsiniz. ✔Pendirli – kəsmikli sufle
✅Ərzaqlar:
Qatıq – 1 st.
Kəsmik – 200 qr.
Un – 2-3 x.q.
Suluquni və ya digər duzlu pendir növü – 150 qr.
Bərk pendir – 150 qr.
Yumurta – 3 ədəd
Çay sodası – ½ ç.q.
Hazırlanması:
Yumurtaları sındırıb, üzərinə qatığı əlavə edirsiniz. Pendirləri sürtgəcin xırda gözündən keçirirsiniz və qatıq-yumurta qarışığı üzərinə əlavə edirsiniz, yaxşıca qarışdırırsınız. Bura kəsmiyi, unu da əlavə edib, qarışdırırsınız. Qatı xama kimi xəmir alınmalıdır. Xəmiri formaya tökürsünüz. Sobada 180 dərəcə temperaturda kənarları qızarana kimi (təxminən 45-50 dəqiqə) bişirirsiniz.
(!) Sufle bişən zaman sobanın qapısını açmaq olmaz, əks halda sufle alınmayacaq.
Onu həm isti, həm də soyuq halda yemək dadlıdır.
#milli #metbex #mutfak

✔Badımcanlı tava kababı
✅Ərzaqlar:
Uzun badımcan – 4 ədəd
Çəkilmiş ət – 500 qr.
Kiçik baş soğanlar – 7-8 ədəd
Pomidor – 4 ədəd
Bolqar bibəri – 5 ədəd
Sarımsaq – 4 diş
Tomat pastası – 2 x.q.
Bitki yağı – yarım st.
Qaynar su – 2 st.
Qırmızı istiot, qara istiot, duz, kəklikotu
Hazırlanması:
Badımcanların qabığını soymadan yuvarlaq şəkildə dilimləyirik. Həmin dilimləri yarım saat duzlu suda saxlayırıq. Sonra yaxşıca qurulayırıq.
Çəkilmiş ətə duz-istiot vurub, əlimizlə küftə formasına salırıq. Soba üçün nəzərdə tutulan şüşə tava və ya adi tava götürüb, içinə şəkildəki kimi – bir dilim badımcan, bir ədəd küftə olmaqla düzürük. Üzərinə və kənarlarına sarımsaqları, doğranmış bibərləri, pomidorları, soğan dilimlərini əlavə edirik.

Bir kasada isə tomat pastası, bitki yağ, ədviyyatlar qarışdırılıb, sous hazırlanır. Həmin sous badımcanların üzərinə gəzdirilir. Kabab əvvəlcədən isidilmiş sobada 220 dərəcədə 30-35 dəqiqə bişirilir. Nuş olsun!
#türk #kabab #mətbəx #badımcan #tava #metbex #baku #azerbaycan #aztagram

✔Çörəkdən 15 dəqiqəyə hazır olan almalı rulet
✅Ərzaqlar:
Ağ çörək və ya lavaş
Kərə yağı – 120 qr.
Alma
Darçın
Şəkər tozu – zövqə görə
Hazırlanması:
Əgər çörək dilimlərindən istifadə edəcəksinizsə, o zaman onun kənarlarını kəsirsiniz. Yox, lavaş istəyirsinizsə, onları sadəcə üçbucaq formada doğrayın. Çörəyin içini – ağ hissəsini şəkildəki kimi oxlovla yayın.

İçliyi hazırlayaq: almanı xırda dilimlərə bölürsünüz. Şəkər, darçınla qarışdırırsınız. Kərə yağını da əridirsiniz. İçliyi yaydığımız çörək diliminin içinə qoyuruq. Ruleti bükürük və ərinmiş kərə yağında fırladırıq. Sonra şəkərli – darçınlı qarışığa batırırıq. Zövdən asılı olaraq, bu qarışığı qoz ləpəsinin ovuntusu ilə də əvəz edə bilərik.

Ruletləri folqa sərilmiş tavaya düzürük və 180 dərəcədə 15 dəqiqə qızardırıq. Onları süfrəyə isti-isti vermək lazımdır. Xüsusilə də südlü kakaonun yanında səhər yeməyi kimi əla gedir.
Nuş olsun!
#metbex #milli #yemek #baku #aztagram #azerbaycan #love #resept #recipe #tasty #pasta

✔Kartofu bir də belə qızardın!
✅Ərzaqlar:
Kartof – 1 kq.
Soya sousu – 2 x.q.
Bitki yağı – 2 x.q.
Xardal – 3 x.q.
Bal – 1 x.q.
Sarımsaq – 4-5 diş
Quru otlar – zövqə görə (oreqano, reyhan və s.)
Duz – zövqə görə
Hazırlanması:
Kartofları yaxşıca yuyursunuz. Bir qazana tökürsünüz və duzlu suda yarıbişmiş olana kimi qaynadırsınız. Sonra suyu süzürsünüz və kartofları soyuması üçün bir kənara qoyursunuz.
Soya souslu marinadı hazırlayaq: Bir qabda soya sousu, bal, xardal, quru otlar, əzilmiş sarımsaqlar və bitki yağını yaxşıca qarışdırıb, marinadı hazır edirik. (Duz əlavə etməyə gərək yoxdur, soya sousu duzludur və həm də kartofları duzlu suda qaynatmışıq.) Bişmiş kartfoların qabığını soymursunuz. Dilimlərə bölürsüz və onları marinadda saxlayırsınız. 
Listi yağlayırsınız və marinə edilmiş kartofları bir-bir düzürsünüz. Əvvəlcədən isidilmiş sobada 200 dərəcədə qızarana kimi bişirirsiniz.Bu kartof qızartmasının dadı bir başqa olacaq, yedikcə doymayacaqsınız…
Nuş olsun!
#marinad #dadlı #qızartma #kartof
#metbex #milli #baku #azeri #azerbaycan #tasty #made #frenchfries #fries #fast

✔Şam yeməyi üçün asan və dadlı: Balıq kotleti
✅Siz hələ belə zərif və dadlı balıq kotleti yeməmisiniz…
Ərzaqlar:
İstənilən növ balığın filesi – 500 qr.
Baş soğan – 1 ədəd
Sarımsaq – 2 diş
Kök – 2 ədəd
Kartof – 2 ədəd
Ağ kələm – 100 qr.
Yumurta – 2 ədəd
Şüyüd, çəfəri – 1 dəstə
Duz – istiot
Toz halına salınmış suxarı

Hazırlanması:

Balığı, tərəvəzləri ətçəkəndən keçirirsiniz. Farşa yumurtanı, xırdalanmış göyərtiləri, duz-istiotu vurursunuz. Sevdiyiniz xüsusi ədviyyat varsa, onu da əlavə edə bilərsiniz. Yaxşıca qarışdırırsınız. Əlinizdə kotlet forması verib, suxarıya batırırsınız və bitki yağında hər iki üzünü qızardırsınız. Nuş olsun!
#metbex #mutfak #yemek #milli #food #dadli #azerbaycan #tumblr #instagood #tasty

✔Çox sadə "mannik"
✅Mannik – rus mətbəxinə aid çox dadlı, həcmli, asan hazırlanan piroq reseptidir. Bir sözlə, o qədər asandır ki, qəfil qonağın gəlsə belə, tez bir zamanda onu hazırlayıb, çay süfrəsinə təqdim edə bilərsiniz.

Ərzaqlar:

Un – 1 st.
Manna yarması – 1 st.
Şəkər tozu – 1 st.
Xama – 1 st.
Yumurta – 2 ədəd
Əridilmiş kərə yağı - 120 qr.
Çay sodası – 0,5 ç.q.
Sirkə - 1 ç.q.
Duz – bir çimdik

Hazırlanması:

Yumurtaları sındırıb, şəkər tozu ilə qarışdırırsınız. Üzərinə xama və  kərə yağını töküb,  yenə qarışdırırsınız.
Başqa bir iri qabda isə unla manna yarmasını qarışdırırsınız. Üzərinə yumurtalı qarışığı tökürsünüz, sirkəni sodaya həll edib, xəmirə töürsünüz və bircinsli olana kimi qarışdırılır.

Tavanın içini yağlayırsınız. Azca manna səpirsiniz və xəmiri bura tökürsünüz. Əvvəlcədən isidilmiş 200 dərəcədə 30-40 dəqiqə bişirirsiniz.
Mannikə zövə görə quru və ya təzə meyvələr vura, cem çəkə və s. bilərsiniz.

Nuş olsun!
#manna #desert #asan #dadlı #piroq #rus #mətbəx #azerbaycan #milli #mutfak #cake

✔Çox dadlı QARABAŞAQ KOTLETİ: qan artırır!
✅Ərzaqlar:
Qarabaşaq – 1 stəkan
Ət farşı – 350 qr.
Baş soğan – 2 ədəd
Yumurta – 2 ədəd
Şüyüd – yarım dəstə
Sarımsaq -2 diş
Un – x.q.
Duz, istiot
Kərə yağı - 30 qr.
Xren (qıtıqotu) – 1 ç.q.
Zeytun yağı – 50 ml.

Hazırlanması:

Qarabaşaq yuyulur, süzülür, suda bir az qaynadılır. Çalışın çox yumşaq olmasın. Farşa ətçəkəndən keçirilmiş soğan, duz, istiot qatıb yaxşıca qarışdırın. Qarabaşaq ilə əti qatıb, bərabər kütlə alınana kimi qarışdırın.
İçlik üçün: suda bərk bişmiş yumurtaları sürtgəcin iri gözündən keçirib, bura narın şüyüd, döyülmüş sarımsaq, kərə yağı və xren qatıb qarışdırın.
Qarabaşaqlı farşı kiçik hissələrə bölüb kündələyir, əlinizlə bir az yayıb, ortasına 1 ç.q içlikdən qoyursuz. Kotlet formasına salıb, una batırıb, iki üzünü də qızardın. Süfrəyə xama və təzə göyərti ilə bəzəyib verin. İnanılmaz dadlıdır. Nuş olsun!
#metbex #mutfak #resept #recipe #kitchen #food #yemek #dadli #asab #azerbaycan #baku #ganja #cookies #tatli

✔Milli qayğanaq reseptlərimiz və Ordubadın məşhur ballı qayğanağı
✅Siz də fərqli və daha milli qayğanaqlar bişirməyi öyrənin.
Əzizim dur gedək bizə qonaq
Bişirim quymaq və qayğanaq!

Milli qayğanaq növləri: nümrü, çalxama, şirin, ballı.... Nümrü qayğanaqda – yumurtanı heç çalmaq da lazım deyil, elə tavanın kənarına vurub, qaynayan yağa salınır, cızhacız bişir. Gərək sarısını tam bişməyə qoymayasan ki, yaxşı həzm olsun.Çalxama – yumurtanın içinə bir az təzə süd əlavə edib çalxalayırsınız. Bir növ, omlet kimi.Ağsaq oxlax xörəyi – qaynar qayğanağın üzərinə sarımsaqlı camış qatığı töküb yeyirlər.Şirin qayğanaq – yumurtanın üzərinə şəkər səpirlər. Quba bölgəsində üzərinə bəkməz də əlavə edirlər. Onda qayğanaq qəhvəyi rəngdə olacaq.Ballı qayğanaq və Ordubad Çilovu. Bu qayğanağı bişirmək bir dəsgah, həngamədir ki, hər xanım öhdəsindən gələ bilməz.

Ballı Ordubad qayğanağının resepti:

12 yumurta, 1 x.q un və 1 x.q su birlikdə çalınıb, tökülür qaynayan kərə yağının içinə. Qızarana qədər bişirilir. Hazır olanda üzərindən deşiklər açılıb, üzərinə daha 0,5 kq ərinmiş kərə yağı tökülür. Yarim litr su ilə 1 bardaq şəkər, 1 fincan bal od üzərində əridilib, qayğanağın üzərinə tökülür.

Azərbaycan Milli Kulinariya Mərkəzinin prezidenti Tahir Əmiraslanovun “Qayğanaq haqqında dastan”ından
#yumurta #qayğanaq #milli #ballı #Ordubad #metbex #tatli #olmet #recipe #azerbaycan #aztagram #vine #yeni #azeri

follow this page in feedly

Most Popular Instagram Hashtags