[PR] Gain and Get More Likes and Followers on Instagram.

fahadalshahrany fahadalshahrany

595 posts   554477 followers   52 followings

فهد الشهراني  🔻〰➰🔻 ‎الحساب الشخصي للشاعر فهد الشهراني @fahadalshahrany 🔶🔹 ‎ للدعايه والتنسيق(واتس اب فقط) 🖊📢 ‎📲 أ. ابوفيصل /0534741119 👇👇امسية المملكه 👇👇

https://youtu.be/FKODbrXbmF8

.
.
.
عذالي الله يبيّض وجه عذالي
خلّوني اضحك وانا تخنقني العبره
.
.
#فهد_الشهراني

.
.
.
.
تبغى الحقيقه والله اني بليّاك
مثل اليتيم اللّي فقد والدينه .
.
.
#فهد_الشهراني

.
.
.
جاني يقول الهنوف اللي لها رزه
راحت وانا معتريني جرح فرقاها

جاوبت والله مايدمي القلب ويهزه
الا ضياع الهقاوي لاهقيناها

الفقد ينعاض والذكرى لها حزه
وتموت ويموت طاريها وذكراها

الجرح جرح الرجال اللي لها فزه
ماهو بجرح الهنوف ان ساقت اخطاها

الاوله قلت انا اغليه واعزه
والثانيه قلت للخوّه دمحناها

والثالثه ثابته والرابعه جزه
ماتحرق الا من يجيها وياطاها

والخامسه مثل ذبح الناس في غزه
في ذمتي مقدر امحيها ولا انساها
#فهد_الشهراني

.
.
.
.
.
يالسحاب اللّي تهلّين عالقيعان ماي
مابيحييّ هلّت الماء عروقٍ ميّته
.
لو تشيل عروقها المِيت وتزرعها فسماي
مايفيد ابْها سحابٍ يهل بميّته
.
مثل فعلي يوم انومس بصيتي اقرباي
بعضهم جور الليالي كشفلي نيّته
.
ماترك شذب العراقيب ويدوّر خطاي
وان عطيته خير الايام جتني سيّته
.
جنبوني مدّة الفسل والجزله عطاي
ماابيله شمس تشرق ولا ابغى فيّته
.
والله إن يبطي يدوّر على شقرة عصاي
كل مايسمع قصيدي بصوت بنيّته
.
القريب اللّي ليا احتجت ماوقّف معاي
حيّتةٍ بتورّث السّم لو هي ميّته
.
لا يجي في وقت الافراح ولا يحضر عزاي
الله لا يقبل جميله ويقطع جيّته
#فهد_الشهراني

.
.
.
والله‭ ‬وجيت‭ ‬ولك‭ ‬مشاريه‭ ‬وعتاب
من‭ ‬صوب‭ ‬جيت‭ ‬وغابت‭ ‬الشّمس‭ ‬من‭ ‬صوب

وانا‭ ‬حبيس‭ ‬البرد‭ ‬والجوف‭ ‬سرداب
ماغير‭ ‬صوتك‭ ‬بين‭ ‬الأضلاع‭ ‬مشبوب

حتّى‭ ‬بريق‭ ‬الوجد‭ ‬في‭ ‬ناظري‭ ‬شاب
من‭ ‬حين‭ ‬غبت‭ ‬وتاهت‭ ‬جهات‭ ‬ودروب

ماتدري‭ ‬انّك‭ ‬رحت‭ ‬وغيابك‭ ‬غياب!
يعني‭ ‬!رحلت‭ ‬وخاطر‭ ‬الشمس‭ ‬مذهوب

راحت‭ ‬على‭ ‬حزن‭ ‬الشِّفق‭ ‬تكسر‭ ‬اهداب
وانا‭ ‬عليك‭ ‬من‭ ‬الشَّفق‭ ‬رحت‭ ‬مسلوب

خلّيتني‭ ‬في‭ ‬معبر‭ ‬الرّيح‭ ‬مرتاب
بين‭ ‬الأمل‭ ‬والياس‭ ‬والشّك‭ ‬منهوب

تمرّني‭ ‬كل‭ ‬الزوايا‭ ‬والأبواب
وانا‭ ‬على‭ ‬حدّ‭ ‬المواجيع‭ ‬مصلوب

تناسلوا‭ ‬من‭ ‬وجهه‭ ‬الشاحب‭ ‬اغراب
وازريت‭ ‬يالماخوذ‭ ‬تبرى‭ ‬لها‭ ‬نوب

سألتهم‭ ‬وانا‭ ‬على‭ ‬الرجم‭ ‬منصاب
مامرّكم‭ ‬يا‭ ‬حادي‭ ‬العيس‭ ‬نبنوب؟

مابه‭ ‬على‭ ‬عوج‭ ‬النّضى‭ ‬معكم‭ ‬احباب؟
ياناطحين‭ ‬الضّلع‭ ‬والظّلع‭ ‬محطوب

قفّوا‭ ‬ورجْع‭ ‬الصوت‭ ‬يدوي‭ ‬وينساب
في‭ ‬داخلي‭ ‬والجرح‭ ‬بالجرح‭ ‬مخضوب

كذا‭ ‬وقفت‭ ‬اجالد‭ ‬فراق‭ ‬الاصحاب
لاباحك‭ ‬الله‭ ‬هجر‭ ‬وذنوبك‭ ‬ذنوب

ماتدري انّك رحت وحسابك احساب
يعني! حرام انّي من الحب ماتوب

عاتب‭ ‬وطلّعني‭ ‬على‭ ‬طول‭ ‬كذّاب
اشره‭ ‬عليّ‭ ‬بأيّة‭ ‬لغة‭ ‬بأيّة‭ ‬اسلوب

اضحك‭ ‬يفوح‭ ‬الكون‭ ‬زنبق‭ ‬وعناب
سولف‭ ‬يبوح‭ ‬ايلول‭ ‬للثلج‭ ‬ويذوب

تعال‭ ‬باقي‭ ‬لي‭ ‬هنا‭ ‬جرح‭ ‬ماطاب
جرحٍ‭ ‬على‭ ‬خبرك‭ ‬من‭ ‬العام‭ ‬ملهوب

من‭ ‬قال‭ ‬كفّك‭ ‬خلّته‭ ‬ينزف‭ ‬اطياب
من‭ ‬قال‭ ‬لوّنته‭ ‬قرنّفل‭ ‬وخرنوب

ملكك‭ ‬تسوي‭ ‬به‭ ‬على‭ ‬كيف‭ ‬ماطاب
لبّى‭ ‬يدين‭ ‬مطيّح‭ ‬القلب‭ ‬بالدوب

#فهد_الشهراني

.
.
.
#جديد
.
.
من عطاك الشّي يقدر يآخذه
بأمر من سوّى السماء ذات البروج
.
ولا تحسب الباب مثل النّافذه
تُدخل بْكُبْرك ولا تلّقى خروج
.
وليه تطلب شي غيرك شاحذه؟
لو عطوه البحر.. مايعطيك موج!
.
طلبتك شرهه وفعلك نابذه
من خذى بهروج ..يعطيك الهروج
.
ومن يبيع الصدق ليه تواخذه؟
يشتري الكذبه ..ويبنيها بروج
.
ومن نظر في ذاك ..ويش اعطاه ذه
خيل حسراته من الضيقه تدوج
.
اجتهد وتشوف رزقك تآخذه
ولا تفتّش في ملفات الدروج
.
انشد اللّولو عن النّواخذه
حكمةٍ يسري بها العقل النضوج
.
#فهد_الشهراني

.
.
.
.
.
.
#جديد
.

فارقه بالفعل رغم إنك بريئه
مثل مايفرق نهاري عن مسائي
.
والبرائه خلّت عيونك جريئه
ساومت قلبي ويرفض كبريائي
.
خير صمتك في معاليقي مسيئه
ذوّبي صمتك على خط استوائي
.
حسّسي من يعشقك لحظة مجيئه
ان صمتك عشق واحضانك وعائي
.
وعلّميني الثرثره وانتي مليئه
واكرمك بالحب لين اصير طائي
.
والله ان انفوسك عذالك دنيئه
يوم وصلك دائهم اصبح دوائي
.
رميت العذال للعاشق خطيئه
معشر العذال حلّو عن سمائي
.
بيئه تعيشون وتموتون بيئه
وصلنا سبب لكم موتٍ فجائي
.
#فهد_الشهراني

.
.
.
عاد عيدك ياوطن
#اليوم_الوطني 🇸🇦🇸🇦🇸🇦🇸🇦🇸🇦🇸🇦🇸🇦🇸🇦🇸🇦
#فهد_الشهراني

.
.

ترى الشعب السعودي مايهمه يوم بالتحديد
يبين فرحته واللي يريد يقوله يقوله
.
ترى في كل يوم نعيش فرحتنا نهار العيد
ويتجدد ولانا للملك والدين والدوله
#اليوم_الوطني
#فهد_الشهراني
رابط القصيده كامله في البايو

.
.
.
هنا الدوله ترفرف في سماها راية التوحيد
بعد عبدالعزيز اللّي حماها واعلن الدوله
.
تعالت للسما واسترسل التكبير والتمجيد
تدانت كل نجمه كنّها للأرض مرسوله
.
تقول ان السعوديه علت عن قاع وبيد
رفعها الله بالدين الحنيف وحكمة زحوله
.
ماهي بيّة بلد هذي الطهاره في صباح العيد
بعد راح الجهل ووجيهنا بالطهر مغسوله
.
وش الجغرافيا؟؟ وشهي مساحتها ؟ وش التحديد؟
هذي ارقام ندرسها فقط ماهي بمقبوله
.
مساحتها القلوب اللّي روت بالدم رمل وحيد
الين انبت نباتٍ يشبع التاريخ محصوله
.
فروعك للسما والأصل ثابت وانتي التجديد
كذا ماعاد لحدود الخرايط شي بتقوله
،
تحرر كل حدٍ في القلوب بدون شرط وقيد
سكنتي في السماء حتى القمر مابان لك زوله
،

يهز البرق جذعك في السماء وانتي بلا ترديد
تساقط منك مايكفي البلاد بعرضه وطوله
.
ترى الشعب السعودي مايهمه يوم بالتحديد
يبين فرحته واللي يريد يقوله يقوله
.
ترى في كل يوم نعيش فرحتنا نهار العيد
ويتجدد ولانا للملك والدين والدوله
#فهد_الشهراني

.
.
.
.
انحني للفخر ياروس الزعامه
ماعلى سلمان فوق الارض هامه
انحنيله واركدي
طاحت امال الردي
تحت راية سيدي
لا تنكس غيرها يوم الحدادي
راية التوحيد ترفع في بلادي
🇸🇦🇸🇦🇸🇦🇸🇦🇸🇦🇸🇦🇸🇦
#فهد_الشهراني
مقطع من اوبريت روس الزعامه

.
.
. ((جديد))
.
مدّيت لك واخذت منّي ولا اعطيت
وطلبتني في شيْ واخذيت كل شي
وسامحتك لأَنِّي فحبك تماديت
وأمسيت لي وأصبحت فالصبح مو لي
إِبلا سبب ما اخطيت وان كاني اخطيت
اخطيت يوم اهدي ضميري وهو حي
المشكله قفّيت عن وافي الصيت
وسايرت ناسٍ باعت الحومها نِي
غرّوك من قدح الفلاش وتناسيت
ان الفلاش يموت في حضرة الضي
وشبيت نارك في حماي وتدفيت
ماتدري ان صالي لواهيبها في
والحين نارك كنّها نار كبريت
وانا بحر والبحر ماضرّه الكي
شف نار راس العود ان كان شبّيت
بتهينها لا ولّعت قطرة المي
#فهد_الشهراني

شكرا للمصمم المبدع
@salo0om_010
@salo0om_010

Most Popular Instagram Hashtags