emiliawyk emiliawyk

1,501 posts   43,636 followers   632 followings

Emilia Wong  🏳️‍🌈Gender & Politics #wyk9up 🌸My Sex Toy Shop: @emiliaspleasure 💌Gender Blog: emiliawyk.com 📚CUHK LLB ∞ 💖Membership for exclusive photos and views:

-
就黎變飯堂😋😂

- - 【癡肥就能定義一切?】#wyk9up @glitterandlazers 即使開放如我,有時見到啲極端肥人,特別係彷彿在歌頌癡肥嘅Fat body positivity activists,多年來嘅社會教化與本能都會令我同自己講,佢地有問題、佢地唔健康、佢地應該要減肥,唔應該咁有自信。

___________________
Anna O'Brien 就係其中一個例子。即使係我,一個不斷叫人放下論斷、停止欺凌嘅sort of 倡議者,一個自己都深受論斷嘅過來人,一開始認識到Anna嘅時候,都忍唔住論斷左佢。當然,我係將評論放在心中,再靜觀其言行,與Haters嗰種大放厥詞是不能相提並論。
___________________
漸漸地,我認識到Anna 係一個好吸引嘅人:佢EQ超級高,而且好聰明,頭腦清晰、口齒伶俐;佢生活非常active,經常跑步、瑜伽、跳舞,健康過大部分身型「正常」嘅人;佢係一個完美主義者,極有藝術天份同創意,經常配搭出美侖美奐嘅造型與妝容; 佢喺美國哥倫比亞大學完成碩士課程,而且曾獲多間國際知名嘅公司聘用,肯定其工作能力,近年更巡迴世界進行演講。

___________________
然而,諷刺嘅係,大部分人見到佢嘅時候,並唔係見到一個如此出色嘅人,而只係憑佢痴肥嘅外表,就立馬討厭左佢,甚至直接假定佢係一件懶惰、自暴自棄、多多藉口唔減肥嘅廢物。然而,相比於佢,其實我地大部分人先係廢物,甚至廢到膚淺到自以為一眼就能看清楚一個人。
___________________
好多人好以健康理由欺凌肥胖嘅Anna。我未知道Anna係因為咩原因一直保持痴肥,我淨係知道,要講唔健康,好多身形「正常」嘅人都有好多摧毀健康嘅陋習甚至疾病,例如飲食失衡、缺乏運動、夜訓、吸煙、濫藥等。而瘦人都會有不同疾病。偏偏,無人會突然針對呢啲「有疾病嘅人」或「生活充滿陋習」嘅人,單純因為呢啲人望落正常。而大家都會選擇用健康理由針對肥人,甚至未算是肥嘅肉感男女,再延伸到所有範疇嘅人身攻擊。 說到底,即使人地真係唔健康,都與haters無關,唔係佢地口臭欺凌嘅藉口囉。

___________________
Anna 所做嘅,就係希望大家能夠停止膚淺嘅批判,深度地去了解其他人。 「I wanted to make a statement and I wanted to be seen — I'm more than my body and I deserve respect and human decency.」Anna話,佢希望被看見,希望帶出一個訊息 ── 佢嘅價值超越佢嘅身體,佢值得尊重與尊嚴。
___________________
所以,佢選擇於時代廣場中心,穿上比堅尼拍攝。透過呢輯相,佢希望帶出嘅係,佢無懼將肥肉暴露於人前;即使肥胖嘅身軀被看見,並無損佢嘅光芒。 喺時代廣場拍攝時,佢最痛心嘅並不是旁人嘲弄佢肥,而係居然有不少有fat fetish嘅男人,不斷講猥瑣野性騷擾佢、拍攝佢。事後,Anna同佢嘅讀者講,肥人(以及其他所人)嘅價值,並不在於有無人想fuck佢。我地生出黎唔係用黎滿足別人嘅性慾,we are born to change the world。

___________________
你可以唔認同佢,但你只要試下深入瞭解下佢,試下聽佢演講、睇下佢嘅文章、駁論、反思與理想,你應該不能不佩服如此出色嘅一個人。如此一來,佢嘅信息已經傳達,目的已經達成了。

-
唔係淨係我,其實好多女仔,即使無張貼任何性感照片,沒有任何出位言行,都會比陌生人喺網上「問價」性騷擾。有女人會收錢販賣性,但亦有好多女人將性與身體視之為非常親密嘅無價寶,各人有各人底線,no judgy。無啦啦用惡劣嘅態度,問一個陌生人幾錢Q,好明顯係漠視、唔尊重對方潛在嘅底線,姐係五行欠打🤷🏻‍♀️😂 Assume+ 問返佢係咪做鴨gut返佢就啱啦😂

-
買左支$150嘅咪返黎玩唱歌仔😂🎤 音質好似都唔係話好好(as expected)😂 but anyways 自娛下唔錯嘅,分享一小段比大家聽下☺️雖然走走地音(upload左先發覺)😂 我唯有當係個人特色😂 我呢幾日會出文架啦,唔好再催我啦😝😂 Love you guys💖 (呢套衫有其他相on patreon😏☺️)

-
Hi babes💖 Happy Saturday!Today I hope more people realise their self-worth🙋🏻‍♀️ A gentle reminder that you don’t have to impress others on ig or elsewhere😍💖 溫馨提示:你唔係為其他人而活,唔需要討好他人,你本來就已經好足夠好寶貴了😚 #emiliawyk_cuties

-
【欣賞美 = 自欺欺人 = 自甘墮落?】 #wyk9up 英國一個新鮮出爐嘅研究指出,Body Positivity Movement (BPM)也許會令人錯判自己過重嘅問題,增加社會嘅肥胖、癡肥比率。而好多傳媒就將研究結果發酵成「BPM 令社會更加不健康」。雖然英國與香港嘅情況不能直接類比,但呢個研究結果同結論,與香港好多網民對身體政治嘅睇法好類近,例如認為「停批評,欣賞美」嘅廣告係自欺欺人、以醜為美。因此,作為BPM 支持者,我都想指出此研究中幾個錯誤嘅假設,以及不適用於香港嘅地方。

______________

首先,研究假定左BPM 係單為解放肥人。但其實,BPM 係希望所有外型不完美嘅人,都可以學習接受自己。而「不完美」嘅人,指嘅可能係外觀明顯異常嘅人(過胖、過瘦、殘障、皮膚病等等),亦可以係普普通通嘅你我他。因為呢個年代,即使健康正常,人們都好容易受鋪天蓋地嘅廣告、模特兒影響,而對自己嘅外貌過於苛刻。

______________

第二,研究主要針對英國服裝業「Vanity sizing」嘅問題,姐係服裝業刻意將衣服尺碼通縮,加大碼衣服標上中碼,中碼衣服標上細碼。而服裝設計又開始含括令肥人好看嘅款式。研究表示,Vanity sizing 的確可以令人更自信更自在,卻會令人忽略潛在肥胖嘅問題。但觀乎香港以至亞洲地區,我地嘅問題只有以小為大,而且都不太多大碼衣服選擇,係歐美嘅相反。

______________

第三,研究將「健康」狹隘地定義為身體健康,而罔顧精神健康。BPM嘅緣起,係由於社會審美觀太單一,又太難達到,不符合標準嘅人往往在外受別人欺凌,在內變得討厭自己,衍生出各種精神問題,比如抑鬱、躁狂、暴食、厭食、運動上癮、焦慮等。BPM不是無中生有,而是針對呢啲問題而衍生的,最根本嘅目標,就係要讓社會更多元包容,讓每個人活得更自在。接受自己,不代表要讓自己腐朽,反而係邁向健康嘅第一步。比如話,一個肥胖嘅人以往可能會用損害身體嘅方式減肥,因為佢嘅目標係「瘦」而唔係「健康」,佢對自己嘅身體係負面地憎恨、討厭,而唔係欣賞愛惜。因此,佢可能會食藥、做手術抽脂、絕食吸收不足夠嘅營養,伴隨抑鬱等情緒病。但當佢認識左BPM嘅精神,學習到以自己嘅福祉而不是社會標準為先,佢先可以開始滋養自己嘅身體與精神健康,以合適同健康嘅方法、步伐,追求身體健康。

______________

有趣嘅係,當BPM以女性主導,我地或許會以為「誤判自己身形」(weight misperception)嘅人士會係女性居多。但錯了,報告指出,誤判自己身形嘅男性比女性多出三倍,「肥而不自知」嘅唔係以女性而係男性為多,咁其實亦正正證實左社會對女性嘅外表的確更苛刻、施予更大壓力。

______________

縱使研究有上述嘅限制,但我認為呢份報告都提出左不錯嘅觀點。以往,我經常話時裝美容業界為了營利,不斷刻意宣揚過瘦嘅模特兒身材、打擊一般人嘅自信,好讓常人花錢去追隨非人標準。此研究提出左一個觀點:隨著肥胖人士增加,其實不少宣揚「肥也可以是美」嘅主張都同樣係來自既得利益者,例如開始經營加大碼服裝嘅瑪莎,又例如賣身體護理產品嘅Dove。所以呢,要脫離資本注意嘅操控,要有獨立思考,真係談何容易啊。

______________

下次我會講下第三張圖中嗰位activist嘅故事。

-
你好,請問是客戶服務部嗎?是咁的,我的貓好像出現故障了,跟原廠設定不太一樣,會不會是組裝時出了問題呢?#emiliawyk_cuties

-
Olaf is a fluffy sweetheart💖 #emiliawyk_cuties More photos in this set are/will be on #patreon 😉

-
ELSA真係好鍾意望街🤣😘 #emiliawyk_cuties

-
【You are more than your illness.】#wyk9up 屯門揭發23歲女生「弒父殺母」後自殺三屍倫常慘劇。一名剛大學畢業女生,表示長期飽受濕疹折騰,感到生不如死,疑在父親節當晚在屯門寓所內,涉嫌以「穿心刀」弒殺父母後,復以自製毒氣袋笠頭自盡。

________________

香港係一個好畸形嘅社會,壓力同對人嘅批判都大得驚人。來自自己與他人嘅壓力,又會不斷互為因果,嚴重嘅甚至會誘發出不同嘅身心病症。患病影響情緒,情緒又會再惡化病情。

________________

我唔係濕疹患者,無法完全理解事主嘅痛苦。只係我眼見,香港對於不同病患者嘅情緒支援真係好缺乏。喺歐美,近年都唔難見到不同嘅活動,鼓勵健康/身體/外表不完美嘅人接受自己、做自己、欣賞自己,積極面對病情,呼籲社會多同理、少惡言。喺香港?你只係簡簡單單叫人「停批評,欣賞美」,都已經會換來一大班自命好理性但其實只係嘴賤嘅人,同你講唔美就係唔美,喺度自欺欺人不如砍掉重練。
________________

能夠做出殺父弒母再自殺,想必事主必定係從多方面長期受到極大痛苦:身體、心靈、社交、家庭等嘅因素交纏不清。逝者已矣,我唔熟悉佢,唔會評論對錯更不會(亦無資格)將事件歸咎於單一因素,我只係諗,如果呢個社會可以少啲批判、多啲支援、多啲鼓勵同接納,唔知會唔會能夠避免下一單慘劇發生呢?如果事主(疑似)喺討論區談論如何自殺嘅時候,唔好有一群花生友間接推波助瀾,興高采烈討論點死法,呢單慘劇嘅結局又會唔會有一絲改變到嘅機會呢?

________________

可惜嘅係,呢個世界無咁多「如果」,但如果可以,我好想同曬呢個世界所有正在受折磨嘅人講,頂硬上,你得嘅!你就係你,你唔係你嘅病!但健康嘅我實在太無資格如此輕易地說出呢啲豪情壯語啦,唯有寄望有啲身位恰當嘅人可以幫到呢班受緊折磨嘅香港人......

-
Haters care about my appearance more than I do LOL

-
法官:「當他們用磚頭雜物掟向警察時,他們經已實質上破壞社會安寧。本席亦肯定,在磚頭雜物從這些群眾掟出的一刻,暴動經已在西洋菜南街和山東街交界及其附近經已發生。」#hkindependence #mongkokriot

Most Popular Instagram Hashtags