[PR] Gain and Get More Likes and Followers on Instagram.

bnj3shah bnj3shah

92 posts   15352 followers   487 followings

منصور بن جعشه 

http://twitter.com/bnj3shah/

مساكم الله بالخير..
.
الذاكره ماتخون الا مع ( الذكريات ) !
في خاطري كلمه وفي ناظري كلمتين..
.
يالغالي اللي عليك ضلوع صدري شتات
الضحكه : اللي معي ما غيرتها السنين.
.
مدري وش الإعين اللي ماتشوف الذوات
وعيونك اللي تشوف العالم بـ نص عين.
.
ادورك في حياة الناس و أنت الحياة
و أشوف نفسي معك و اعيشني مرتين!
.
وادور الشمس والقمرا و الأربع جهات
واطرافك الأربع و ( أشباهك الأربعين )
.
.
#منصور_بن_جعشه

هواريو يالطيبين :)

مساكم الله بالخير..
.
.
كل ماقلت هبي ياهبوب الشمال
اذكر اني جنوبي والجنوبي عكر
.
انا شاعر ألبس كل معنى عقال
وافتكر فيه فكره اكبر من الفكر
.
اخذ من الحقيقه واخذ من الخيال
وابتكر فيه اشياء ماهي ب تبتكر
.
انا في وجه ربي من وجيه الرجال
لا امكرو خلق ربي ربي اقوى مكر
.
قالو مسيلمه في الكذب اصدق مثال
واصدق الناس عند الناس ابو بكر
.
وانا صادق معى نفسي وصدقي حلال
وهذي نعمه عليها الحمد قبل الشكر
.
بس ودي من الدنيا اشد الرحال
لين ماعاد يبقى لي عليها ذكر
.
مثل حرٍ كانه فوق روس الجبال
لايبي القاع ولا الناس ولا الوكر
.
#منصور_بن_جعشه

تحت البوست هذا فيه مجموعه من أبياتي اخترتها لكم من تغريداتي في تويتر.
.
.
لاتستغرب ان شفت الردى من ردي الساس
‏لأن ( الردي ) أول رداه فـ ( بني عمه )
.
ترا الله يحب الطيب اللي يحب الناس ‏.
من يشيل هم الناس و يسج من همه.!
.
~~~~~~~~~~~~~~~~~~~~~~~
.
ماحصلت فـ أسلوب المجامل سلامة روس
‏يارب الغلا اللي منتشر بين ناس وناس .
.
لو ان الغلا بفلوس والعاطفه بفلوس؟
‏لقيت اكثر العالم فقارى وبدون أحساس
.
~~~~~~~~~~~~~~~~~~~~~~~
.
خوة نديب الطيب تغني لا ندب .
‏عن خوة اللي خوّته زيف و ريا !
‏.
‏تأدبوا منّا ،، ( قليلين الأدب ) .
‏ولا استحوا منّا ( قليلين الحيا )
.
~~~~~~~~~~~~~~~~~~~~~~~
.
عوايد هل المعروف ماتنكر المعروف ..
‏وانا عن جميع الناس رجواي في ربي
‏.
‏ياربي لاتجعلني دريك وبدون شفوف
‏احـب اتجمّل ولا احـب ( يتجّمل بي )
.
~~~~~~~~~~~~~~~~~~~~~~~
.
هقواتي .. كبار ومشاريهي .. كبار.
‏تحرم مثل حرم اليهود من ( الحرم )
‏.
‏اوقـّر اللـي ( يستحقون ) ..الوقـار
‏ولا احتـرم لي واحدٍ .. مش محترم
.
~~~~~~~~~~~~~~~~~~~~~~~
.
بعد السلام .. وبعد .. مردود السلام
‏تحية الإسلام .. بين ( المسلمين ) .
‏.
‏لا تاخذ ..من الناس الا .. الأحترام !
‏وحب الحياه وصادق الناس اجمعين
.
.
#منصور_بن_جعشه

لله در المهلهل
هذي من أجمل ماسمعت في الرثاء قالها بعد مقتل اخيه كليب وهو يرثيه وهو اول من هلهل الشعر
وصبحكم الله بالخير.

مساكم الله بالخير .
.
انا لك شاعرٍ وقّف على سبْله .
ولاطاحت من عيونه دموع الياس
.
وانا لك ، والسحاب اللي نثر وبله..
على القاع وعلى البدو وعلى العساس
.
وعسى صدرٍ ماهو ينبت لك الربله .
تشوفه من سموم القيض حمر اطعاس
.
وجعل يسقى زمان اول وماقبله
قبل ما اصير انا الشاعر وانا الحساس
.
لكن من يوم شفتك تلبس الدبله
وانا مثل اللي مغيب به الوسواس
.
ماعادت عينك الذبله معي ذبله
تغيرت وتكبرت وخذوك الناس
.
ماغير ادورك و ادور القبله ..
تقول اني ادور لي على نسناس!
.
.
#منصور_بن_جعشه

مساكم الله بالخير
.
.
ايامنا وايامنا مثل الرحا
تطحن مثل ماتطحن الحب الرحي
.
والعاشق تمره سنينه ماصحا
اذا صحى عقله وقلبه ماصحي
.
الا على وجه مثل شمس الضحا
اجيه وانا طرب والدرب ابرحي
.
صغير حبه في قلبي ما انمحا
ماينمحي لو حب غيره ينمحي
.
كبر وكبرني معه ولا انتحا
وانا انتحي لنحيته كلي نحي
.
مدري وش اللي غيره جاه الوحا
الظاهر انه نازلٍ عنده وحي
.
اول لامني جيت احبه ماستحا
واليوم لامن قلت احبك يستحي
.
.
#منصور_بن_جعشه

مساكم الله بالخير
.
.
لاهنت ع التصميم @vqu0

مساكم الله بالخير..
.
ياصاحبي والعلم ماهوب يخفاك
كلام اعده مثل عد الروى
.
انا ف راسي خويه وفيه اشتباك
راسي واعرفه زين لامنه خوى
.
وانا وهاجوسي مثل هذا وذاك
ذيب عوا يجاوبه ذيب عوا
.
بع من يبيعك بيع واشتر من شراك
ولاتصير التبع تباع الغوا
.
وخلك قوي لاصار في الوضع ارتباك
بقوه تقوا على اقوى من قوا
.
وتأكد ان الله لاحبك ابتلاك
سبحانه اللي حط ل الداء الدوا
.
وان عذربوك اللي ماهم في مستواك
الناس لو عاشو سوا ماهم سوا
.
كم واحد ياخذ ويعطي من عطاك
ويروح معروفك معه مثل الهوا
.
.
#منصور_بن_جعشه

مساكم الله بالخير..
.
.
من رحابه وجهك الطاهر وعطر انفاسه
انفتح باب من ابواب الحياه مسكر
.
خذت قلبٍ مايسج الا معا هوجاسه
وما انكر انه من قبل ماتاخذه متنكر
.
انت جيت وجبت معك عروقي الدساسه
اللي تذكرني اني اذكرك واتذكر
.
يابعد ريح المطر انت المطر واقواسه
ويابعد ذكر الحيا انت الحيا لابكر
.
كل ماتمسك يدي كن في يدي الماسه
وكل ماكلمتني ماودي انك تسكر
.
اتقهوا صوتك وراسي يطير عماسه
كيف معك اهز فنجال الغلا واشكر
.
انا شاعر وده انه يشكرك بأحساسه
العفو انا ماني شكرا انا متشكر
.
وانا والله ادري ان مشاعرك حساسه
وادري ان عينك هكر وان قلبي المتهكر
.
ياضياع العاشق اللي ضيعته نبراسه
مايعكر جوه الا جوك المتعكر
.
تدري انه كل ماشافك يجود راسه
لبى والله وجهك اللي فيه ملح وسكر
.
لاتفكر ياحبيبي في الزمان وناسه
ارحم اللي كل ماشافك تفكر.. فكر!
.
.
#منصور_بن_جعشه

مساكم الله بالخير..
.
.
الضحك احياناً دواعي لـ السرور .
لأن البكي احياناً اكثر من خوي
.
وانا تعبت اعيش مابين السطور ..
طلعني لفوضى وعالم فوضوي
.
واخذني من الشعر بعيش الشعور
وخل الكلام الصدق يغوي ويغوي
.
الناس خلقت للغياب ول الحضور
وانا معاد اقوى وحيل الله قوي .!
.
.
#منصور_بن_جعشه

مساكم الله بالخير..
.
.
من اول فراقنا .. وأنا كذا ! يا آنيق .!
مدري أنا ارجف ! او اني اتساقط عرق
.
الحزن ماهوب ضيف الحزن اخ وشقيق .
والدمع ماهوب دمع الدمع حبر و ورق
.
يا اغلا من احب و ارق واقسى رقيق .
معاك ماكنت اخاف وخفت لا نفترق
.
وماكنت اطيق السهر وصرت بعدك اطيق
وماكنت اعرف الارق وصرت اعرف الأرق
.
اسولفك واختنق واذا سكّت استضيق .
واذا انشدوني بكيت ولابكيت انسرق
.
كم كنت لك اشعل احساسي بقلبي حريق
عشان لاجيتك اسلم عليك .. احترق .!
.
وكم قالو ان الشجاعه ماتنجي غريق .
وانا معاك الشجاع اللي يحب الغرق
.
مشيت معك الطريق اللي يودي لطريق .
طريق اوله ضيعه .. واخره مفترق .!
.
ان لم تكون الحبيب ؟ ارجو تكون الصديق !
أنا الصديق الصديق اللي قبل نفترق ..
.
.
#منصور_بن_جعشه

Most Popular Instagram Hashtags