bnj3shah bnj3shah

82 posts   14525 followers   486 followings

منصور بن جعشه 

http://twitter.com/bnj3shah/

مساكم الله بالخير..
.
.
الضحك احياناً دواعي لـ السرور .
لأن البكي احياناً اكثر من خوي
.
وانا تعبت اعيش مابين السطور ..
طلعني لفوضى وعالم فوضوي
.
واخذني من الشعر بعيش الشعور
وخل الكلام الصدق يغوي ويغوي
.
الناس خلقت للغياب ول الحضور
وانا معاد اقوى وحيل الله قوي .!
.
.
#منصور_بن_جعشه

مساكم الله بالخير..
.
.
من اول فراقنا .. وأنا كذا ! يا آنيق .!
مدري أنا ارجف ! او اني اتساقط عرق
.
الحزن ماهوب ضيف الحزن اخ وشقيق .
والدمع ماهوب دمع الدمع حبر و ورق
.
يا اغلا من احب و ارق واقسى رقيق .
معاك ماكنت اخاف وخفت لا نفترق
.
وماكنت اطيق السهر وصرت بعدك اطيق
وماكنت اعرف الارق وصرت اعرف الأرق
.
اسولفك واختنق واذا سكّت استضيق .
واذا انشدوني بكيت ولابكيت انسرق
.
كم كنت لك اشعل احساسي بقلبي حريق
عشان لاجيتك اسلم عليك .. احترق .!
.
وكم قالو ان الشجاعه ماتنجي غريق .
وانا معاك الشجاع اللي يحب الغرق
.
مشيت معك الطريق اللي يودي لطريق .
طريق اوله ضيعه .. واخره مفترق .!
.
ان لم تكون الحبيب ؟ ارجو تكون الصديق !
أنا الصديق الصديق اللي قبل نفترق ..
.
.
#منصور_بن_جعشه

مساكم الله بالخير.. .
@its.sh3r ،
#منصور_بن_جعشه

كل عام وأنتم بخير وعيدكم مبارك يالغالين..
.
كل عام وانت بخير ياحلمي الدريك
وعيوني تشوفك وقلبي يسمعك .
.
كثر الكلام اللي على بالي ابيك
ومن وين مارحت وعيوني تتبعك
.
عيديتي اني اشوفك واحتويك
واقبل كفوفك قبل لا اودعك
.
يا ليت لي قدره على الوصل وعليك
عشان اشوفك وانثرك لي واجمعك
.
او ليتني واحد من اهلك وذويك
عشان لا اجوعك ولا اشبعك
.
او ليتني واحد من اللي في يديك
الساعه او الخاتم اللي فـ اصبعك
.
من رحت مدري كيف رحت وكيف اجيك
خذاك مني الوقت ولا رجعك
.
مدري متى بموت بس اموت فيك
ومدري متى بتحس بأحساسي معك
.
عذبتني الله يرحم والديك
توجعني وتنشد وش اللي يوجعك؟.
.
#منصور_بن_جعشه

مساكم الله بالخير وتقبل الله طاعاتكم
.
.
عايش ولا عندي على نفسي شروط
يابعد خطواتي وهي متقاربه
.
والبارحه كني على الجمر محطوط
متضارب من افكاري المتضاربه
.
لولا ارتفاع الضغط من بعد الهبوط
غيب علي مغيب شمس غاربه
.
صدري من الهم ومن الصبر مخلوط
من غطرسة وقتي ومن تجاربه
.
ومن كثر تنهيدي غدا صدري خطوط
كن صوت صدري وشوشة مغاربه
.
لكن انا شاعر وشرواي مغبوط
تغبطني المستعربه والعاربه
.
احيانً اواجه من الساحه ضغوط
ولا علي وانا حزامي كاربه
.
علاجي لبعض المجانين السعوط
مع اني عدو الردي واحاربه
.
اللي حركاته حركات معبوط
ومافيه خير وفتنته لأقاربه
.
وسوالفه مثل يدين الاخبوط
واجد لكنها ماتدسم شاربه .
.
#منصور_بن_جعشه

مساكم الله بالخير
.
ثالث اعيادي وثالث والديني
الجدير اللي احبه وبجداره
.
ان تضايق ودي ان ضيقته فيني
وان ضحك كني مدخن لي زقاره
.
ودي ان الموت ساعتها يجيني
يوم تاخذني دياري عن دياره
.
وقتي اللي عن مواصله يحديني
بالظروف اللي ماتسمح بالزياره
.
والله ان كنه على الموت يهديني
يوم كان البعد والفرقا قراره
.
اذكر اني قلت له بينه وبيني
الكلام المعتبر على اعتباره
.
المحبه ماهي ابيك وتبيني
المحبه سر موته في جهاره
.
وانا واحد لاتدور لأربعيني
الحقيقي بين الاسماء المستعاره
.
شاعر فوق الغلاف الهدروجيني
كل ماشفته تشوفه في الصداره
.
مثل نجم من نجوم الفرقديني
لا انحدر ماهوب ياوي في انحداره
.
لا تواخذني وخذني من يديني
منتحر ويشوف في يديك انتحاره
.
اخذه من اللا مبالاه ليقيني
وازرعه في باديه والا حضاره
.
وطير به فوق الهواء الاكسجيني
واحذفه من برج والا من عماره
.
والله انه فدوه لك ياضنيني
واعتبر موته على يديك انتصاره
.
لاتخليه لمداوير السنيني
السنين اللي تحده عن مساره
.
عزي لقلبي وياعزي لعيني
المحبه لاغدا فيها طراره
.
كنها اللحيه على وجه الخميني
لحيه في وجه راعيها خساره .
.
#منصور_بن_جعشه

مساكم الله بالخير .
.
#منصور_بن_جعشه

مساكم الله بالخير.
.
.
ياحزني اللي لك على صدري وسم
انا معك باللي تبيه و ما ابيه
..
اعرف اجر الصوت واجر النسم
ولا معي قلبٍ مثل قلب السفيه !
..
احلامي اكبر من حروف اكبر اسم
واحلا من الضحكه على الوجه النزيه
..
اقسم قسم بالله ربي والقسم
ان الحظيظ اللي يبر بوالديه ..
لأن السحاب اللي يمر بلا وسم
مثل الوجيه اللي تصد من الوجيه
..
كنت الصغير اللي طموحه بالرسم
وابوه مات ومات حلمه في يديه ..
اذا تذكر ( ضحكة امه ) ابتسم .
لو بينه وبين السعاده ( قبر ابيه )
..
لكن كبرت وصار حزني يتسم
من شرهه العاقل ومن عقل النبيه ..
حتى البكا لامن بغيته ما انقسم
الين حتى الضحك ماعاد اشتهيه
..
من شاف حزني قال هذا منحسم
ودوه صوب مطوعٍ يقرا عليه !
.
.

#منصور_بن_جعشه

مساكم الله بالخير.
.
.
الله اكبر والغلا البتاع يابتاعه .
سيفك اللي تاقف اعذاري على حدينه
..
لا زعلتي تنكسر لك عقربين الساعه
الزعل ماهوب لايق لك على وجهينه
..
وان ضحكتي تضحك الدنيا وهي منصاعه
لـ الشتا والحب وايام العمر وسنينه..
.
وجهك اللي يختصر كل الحلا بأنواعه
محترم / مع احترامه لـ الوجيه الشينه..
.
وكل بنتٍ تلبس الفستان والدراعه :
انتي احلا من حلاها وازين من الزينه
..
ياجميله والجفا مثل الامر بـ الطاعه
والغلا طفلٍ يتيم ودمعته في عينه..
.
معتبرك انك على نفسه ذخر وطماعه
شاعرٍ يبسط لك الدنيا على كفينه..
.
الكريم اللي يمـد و مايـمد اوجاعه..
ماحرمه الا البخيل اللي تشح يدينه
..
والله ان قلبه تخلا عن ثلاث ارباعه
لـ اصدقاه و لـ اقرباه وربعه وغالينه
..
وده انه لاسمع صوتك ورا السماعه
يبتسم ! لو كان قلبه ينقطع رنينه.
.
.
#منصور_بن_جعشه

مساكم الله بالخير.
.
.
الوقت قاسي والليالي قاسيات
وعزوم صلفين العزوم تكبها
.
وسوالف الغافين لاراحت وجات
عسى هبوب المقفيات تهبها
.
الريح ماتقوى الجبال الراسيات
و اهول من امواج البحور اغببها
.
ان صار شبحي للطوال النايفات
اليا بغيت اذبها ب ذبها
.
وحشيمه الطيب على كل الجهات
تغنيك عن مدح الرخوم وسبها
.
يالله تجملني ليا جالي طرات
وجنبني الزلات قبل انشب بها
.
شاعر واشوم من المهار المسرجات
واحب اعسف الجامحه والعب بها
.
اخشى من الغيد الجفول من البنات
اللي تجيك وتاخذك وتحبها
.
الترفه اللي غير كل المترفات
لبيهها من جرحها لي طبها
.
من غيها لا جات بين الانسات
قالن جميلات النسا ياربها
.
اليا مشت تنبت خطاويها نبات
و ان وقفت قام الشموخ ينبها
.
ياجعلني فدوه تبسام الشفات
اللي سقاني من رحيقه صبها
.
في ذمتي انها تسوي بي سوات
وانها تطفي نارها وتشبها
.
اربها لاجات وضلوعي شتات
تجمع تشتات الضلوع اربها.
.
القصيده كامله في اليوتيوب .
.
.
#منصور_بن_جعشه

مساكم الله بالخير..
.
.
عليك احساسي الخايف ذبحّه الخوف
يا وجهٍ ( ضحكته ) احلا من الرسمه !
.
وش اكتب لك من احساسي عشان تشوف
وأشـوف ( عـيونك الثنتين ) مبتسمه : )
.
تخير شعري الخارج عن المألوف
تبيه من المطر ؟ والا من النسمه ؟
.
ترا لك شاعرٍ أسمه بخمس حروف !
وهو يكفي عن حروفه حروف أسمه.
.
.
#منصور_بن_جعشه

مساكم الله بالخير .
.
.
تصميم
@3zbc
@3zbc .
#منصور_بن_جعشه

Most Popular Instagram Hashtags