azizd200 azizd200

113 posts   484 followers   227 followings

عبدالعزيز هلال  ://.. خيرُ الكلام ما "قُلت" و "دَلّ" إليك !

http://youtu.be/9ZQVJgdK4fA

الحمدلله

واهلاً بيكم

.
.
سجدة سهو..

.
.
‏من يوم ما قال رغم ظروفنا نبقى
‏اخذ يدينه من يديني وإلى يومك

.
.
وش تنتظر فج الضلوع وتشرّب
ما مهجتي لين يتروّى حنينك
كم طل في عينك كلام وتهرّب
"بين إلتفاتاتك و راحة يدينك"
مرّه بعمرك بس ) غن وتسرّب
وخل الفراش يسولف بـ شفتينك
حبيبي ان م شرَق الجرح غرّب
كيف التقيبك وانت بينك وبينك

.
.
‏اسبوع عدّاني .. وانا
‏.. آتلمّس الايام لمس""
‏كان الوعد بكرة .. هنا
‏ومن يومها وايامي امس

#عبدالعزيز_هلال

.
.

لا تشوفني شاعر ولا تشوفني شي
.. يكفيني مِن الليل ! لون الأهلّه
ي بعدني بعداه عن نظرتي لي
بيني وبين الشعر "يحفظني الله"
انبش ملامح صوته وينوزن ضي
.. فجرٍ بعيــدٍ عن قناه و مجله
يشعّ فـ الالباب والشارع وفي
فضلٌ من الله لـ دعاء المولّه
يسعد صباح الغيم والرشد والغي
وقطرة ندى فاحت على الورد بلّه
عذبه وشفّافه سوالفْك يـ المي
والورد يشهد.. ياسمينه و فله
قرّب و صب يدينك براحة يدي
راحة يدي كَلّت من الجدب كله
صبح اللقى الاول والاطلال والفي
لـ الحين خلف جدار الايام ظله
ليت الوعد اصدق من الموت للحي
.. واجي المحل اللي يناسب محله
واشعل رصيف العمر ويغطرف الحي
واقول يالله نطيش .. ويقول يالله

#عبدالعزيز_هلال

.
.
تنفّس أسرع وإسرق أنفاسي
.. حبيبي فدوة لهفِتك والله
خاطر حنينك يا بعد ناسي
اغفى مع الانفاس و مولّه
استشعرك تنبض من احساسي
من يوم عمر قلوبنا طلّه
غازلتك ونظراتك بـ كاسي
ومن الخجل عينيك مبتلّه
و تمرّ عيني ثغرك الآسي
و تغرّد بـ ضحكاته وفُلّه
ليّن خصر وتميّل القاسي
ويميل كنّه ينسكب كله
والظل وارف و أزهر بـ فاسي
.. والعندليب اللي نفض ظلّه
إقرب مثل ما يذكر الناسي'
تِقاربِه : وان ما ذكر .. قله
حبيبي واقسم له من انفاسي
.. فدوة عناق أنفاسنا والله

#عبدالعزيز_هلال

هذا الأمير : الشاعر : المزيون
وهذا البطل عبدالله محمد ...

.
.
في رومانيا صنعوا تمثال لأكثر شعراء الرومان شهرة و تأثيرا (ميهاي إمينسكو) .. بشكل شاعري جدا

.
.

كنت الهدوء الذي يسبق عواصيفه
.. لكني اليوم ريحٍ صرصرٍ عاتيه
الخيل تدبك وفارسها شهر سيفه
يا نادل إسكب ودقي الطار ي غانيه
الصيف شق المزون ولا ارتوى صيفه
واطراف صحرا الضما والقيض متراميه
كيف اخطف الحلم من قبضة خواطيفه
والجوع ثورة جياع وجات متفانيه
طيّب ولا تِبلش الطيّب مصاريفه
لكن وش اقول للعاني و للعانيه
و وجه الفقر وجه ابن فهره يجي شيفه
من وين وجهٍ حسن واكحّل اعيانيه
ترمّد الشوف و اخوَت ناره لـ ضيفه
والرمش بـ إرماشته كم نظرةٍ باليه
احاول آغض طرف الحلم عن طيفه
طيفٍ يراود طرف عيني وهي جافيه
طفلٍ يسوّي من النجمات : توليفه .. ويدخّل النجمه الاولى على الثانيه
ما أوجس من الليل والا وحدته خيفه
و دنيا الملذّات تضحك له وهي فانيه
يا ليتهم بس قالوا له م هي بـ كيفه
-عشان ما يبتلش باللحظة التاليه

#عبدالعزيز_هلال

.
.
يالشاعر المجنـون .... عندك سلف جني
جنّي كذا مزيون .... ولا يِــ جنّني
ويا حبذا مَلسون .... مَلسون ويغنّي
واكون لك ممنون .... والشكر لك مني
لا تمنع الماعون .... عني / وعاونّي
عندي شعر مدفون .... واخاف يدفنّي
والناس ما يدرون .... ولا إسألوا عني
لا زالوا يظنون .... ولا احسنوا ظني
ومن ضمن م يقولون .... إني كذا ! وإني
قولٍ بدون سِنون .... يقطع مثل سني
م كنت انا المغبون !... حتى وأنا كـنّي
ما وضّو يصلون .... وضو "يـَ عننّي"
يدرون و يِراؤون .... يالله لا تفتنّي
ويالله عونك عون .... آآعنّي / آآآعنّي
حتى لو يِسيؤون .... احسنت بك ظني
وان ضاعوا الغاوون .... والشاعر يِغني
ترشدني المجنون .... ويِحضّر الجني

#عبدالعزيز_هلال

Most Popular Instagram Hashtags