[PR] Gain and Get More Likes and Followers on Instagram.

araste.web araste.web

2046 posts   66015 followers   3397 followings

araste.co  "ئاڕاستە"ڕۆژنامەیەکی ئەلیکترۆنیە کە ڕۆژانە هەواڵ و زانیاری بڵاودەکاتەوە.. لینکەکەمان لە فەیسبوک facebook.com/Araste.co

http://www.araste.co/

ئایا ته‌قاندنی مل زیانی هه‌یه‌؟ زۆرێك له‌ ئێمه‌ ڕۆژانه‌ ڕاهاتوین به‌ ته‌قاندنی ملمان به‌بێ ئه‌وه‌ی بزانین، ته‌قاندنی مل هیچ زیانێكی هه‌یه‌؟ له‌ ڕاستیشدا ته‌قاندنی مل زیانه‌كانی زۆر زیاتره‌ به‌ به‌راورد به‌ سوده‌كانی چونكه‌ ئه‌گه‌ری لێدانی سه‌كته‌ی ده‌ماغی لێده‌كرێت ..
له‌گه‌ڵ ئه‌مانه‌شدا زۆركه‌س پێیان وایه‌ مل ته‌قاندن ده‌بێته‌ هۆی كه‌مكردنه‌وه‌ی ئازار به‌ڵام له‌ ڕاستیدا ته‌قاندنی مل چاره‌سه‌رێكی گونجاو نییه‌ بۆ كه‌مكردنه‌وه‌ی ئازار به‌ڵكو له‌ كۆی هه‌ر سێ كه‌سێك به‌هۆی ته‌قاندنی مله‌وه‌ دوو كه‌س توشی زیان ده‌بن له‌ یه‌كێك له‌ قۆناغه‌كانی ژیانیاندا چونكه‌ كاریگه‌رییه‌كی زۆری هه‌یه‌ له‌سه‌ر مێشك و سوڕی خوێن .
هه‌ربۆیه‌ نابێت ئامۆژگاری هیچ كه‌سێك بكرێت به‌ ته‌قاندنی ملی له‌كاتی بونی ئازاردا به‌ڵكو پێویسته‌ ڕێگای تر بگیرێته‌ به‌ر بۆ كه‌مكردنه‌وه‌ی ئازار وه‌ك شێلانی هێواش و نه‌رم، ڕاهێنانی وه‌رزشی كه‌ ڕۆڵێكی زۆریان هه‌یه‌ له‌ كه‌مكردنه‌وه‌ی ئازاردا و هیچ مه‌ترسییه‌كیشیان بۆ سه‌ر جه‌سته‌ی مرۆڤ نییه‌.

چۆن بزانین منداڵی تازە لەدایک بوو تەندروست باشە ؟

منداڵ کە لە دایک دەبێت گەر ٣٧ هەفتەی تەواو کردووبوو (مانگی خۆی تەواو کردووبوو) دەبێت بەم شیوەیە بێت :

١. کێش : ٢.٥ کیلۆ بۆ ٤ کیلۆ
٢. درێژی : ٥٠ سم
٣. قیاسی چوارچێوەی سەری : ٣٣ سم بۆ ٣٧ سم
٤. شیر باش بخوات , باشترین شیر شیری دایکە
٥. لێوی و زمانی شین نەبێتەوە, ئاسایە قاچ و دەستی شین بێتەوە بەشەرتێ زمان و لێوی شین نەبووبێتەوە.
٦. لە ٢ رۆژی یەکەمی تەمەن منداڵ دەبێت پیسی بکات , گەر لەو ماوەیە پیسی نەکرد دەبێت سەردانی پزیشکی منداڵان بکەیت. پیسی منداڵی ساوا سەرەتا سەوز یان رەشە دووای چەن رۆژێ رەنگی ئاسایی دەبێتەوە.
٧. منداڵی ساوا دەبێت رۆژانە چەن جارێ میز بکات دایبیەکەی بخوسێنێ لە میز.
٨. لە رۆژی یەکەمی تەمەن منداڵ نابێت زەردووی هەبێت , لە دووهەم رۆژی تەمەن زەردووی ئەگەری هەیە دروست بێت (لە پۆستێدا باسی زەردووی منداڵی تازە لە دایک بوومان کردوەە)
٩. ناوکی منداڵ لە ١٠ رۆژی یەکەمی تەمەنی لێئەبێتەوە بەڵام ئەگەری هەیە تا ١ مانگ بمێنێتەوە , بەڵام گەر هەر لێنەبووەوە دووای ١ مانگ دەبێت سەردانی پزیشکی منداڵان بکەیت.
١٠. منداڵ یەکسەر دووای لە دایک بوون دەبێت دەرزی ڤیتامین K بۆ بکرێ بە بڕی ١ ملگم لەسەر رانی ئەدرێ. ئەم دەرزیە لە هەموو خەستەخانەێکی منداڵ بوون دەکرێ , تکایە دایکان و باوکان گەر منداڵتان بوو ئاگاتان لەم دەرزیە بێ پرسیار بکەن لە پزیشکرکان بزانن بۆی کراوە. ئەم دەرزیە بۆ ئەوە دەکرێ بۆ ئەوەی منداڵە ساواکە توشی خوێن بەربوون نەبێت دووای لە دایک بوون.
شەیرو ئینڤایتی هاوڕێکانت بیر نەچێت با ئەوانیش سوودی لێ ببینن.

كاریگه‌رى نه‌خۆشى شه‌كره‌ له‌سه‌ر ددان چى یه‌ ؟

به‌گشتى ددان له‌ دواى ته‌مه‌نى سێ ساڵییه‌وه‌ وات لى َده‌كات كه‌ سه‌ردانى پزیشك بكه‌یت ، چونكه‌ له‌دواى ئه‌و ته‌مه‌نه‌وه‌ كێشه‌و ئازارى تیا سه‌رهه‌ڵده‌دات ، ده‌ركه‌وتووه‌ ئه‌و كه‌سانه‌ى كه‌ دووچارى نه‌خۆشى شه‌كره‌ بوونه‌ته‌وه‌ ده‌ناڵێنن به‌ده‌ست له‌ناوچوونى ددانیان و ڕه‌ش بوونه‌وه‌ى و كلۆر بوونى ، ئاشكرایه‌ نه‌خۆشى شه‌كره‌ كاریگه‌رى گه‌ووره‌ى به‌سه‌ر ددانه‌وه‌ هه‌یه‌ و ددان له‌ناو ده‌بات .
نه‌خۆشى شه‌كره‌ چ كاریگه‌رییه‌كى هه‌یه‌ له‌سه‌ر ددان ؟
*نه‌خۆشى شه‌كره‌ ده‌بێته‌هۆى ووشك بوونه‌وه‌ى ناو ده‌م و لیك ناهێڵێت به‌مه‌ش زۆر خێرا ددانه‌كان كلۆر ده‌بن ، چونكه‌ ئه‌و ته‌ڕییه‌ى ناو ده‌م ددان پاك ده‌كاته‌وه‌ و نایه‌ڵێت ڕه‌ش بێته‌وه‌.
*نه‌خۆشى شه‌كره‌ دووچارى فتریاتت ده‌كاته‌وه‌ ، به‌مه‌ش ددانه‌كان له‌ناو ده‌چن .
*زۆر به‌ئاشكرایى نه‌خۆشى شه‌كره‌ كارده‌كاته‌ سه‌ر ددان ، هه‌تا ئه‌و شه‌كره‌یه‌ زیاتر بمێنێته‌وه‌ له‌له‌شدا ڕه‌نگى زمان ده‌گۆڕێت و ددان له‌ناو ده‌بات ، سه‌ربارى ئه‌وه‌ش زیانى زۆر به‌ پووك ده‌گه‌یه‌نێت و پووك لاواز ده‌كات.
ئه‌و كه‌سانه‌ى كه‌ دووچارى نه‌خۆشى شه‌كره‌ بوونه‌ته‌وه‌ چۆن پارێزگارى له‌ ددانیان بكه‌ن؟
*پێویسته‌ ده‌رمانى شه‌كره‌ بخۆیت تاڕێژه‌ى شه‌كر كه‌م بكاته‌وه‌ له‌ له‌شه‌دا.
*پێوسته‌ 6 مانگ جارێ سه‌ردانى پزیشك بكه‌یت بۆ ئاگادارى ته‌ندروستى ددان.
*ڕۆژانه‌ دووجار ددانت بشۆ .
*دوور بكه‌وه‌ره‌وه‌له‌ جگه‌ره‌كێشان و مادده‌ كحولییه‌كان كه‌ زیانى گه‌وره‌ به‌ ددان ده‌گه‌یه‌نێت.

ئاگاداربە ... سڕ بوونی دەستەکانت پشت گوێ مەخە

دەستی مرۆڤ بەیەكێك لە ئەندامە ئاڵۆزەكانی لەشی مرۆڤ دادەنرێت بەهۆی ئەوەی رۆلێكی گەورەی هەیە لەزۆرینەی چالاكیەكانی رۆژانەدا.

لەپی دەست 27 ئێسك و سێ دەمارو چەندین هەستەوەرو جومگەی تێدایە كەسەرجەمیان پێكەوە كارێكی زۆر قورس دەكەن بەڵام هەندێك كات هەست بەئازارو سڕبوونی دەستەكان دەكرێت بۆیە پزیشكان رێنوێنی دەدەن ئەو ئاماژانە پشت گوێ نەخرێن.

دكتۆر لوسیا هیراس پسپۆڕی نەشتەگەری ئێسك و دەستەکان لە نەخۆشخانەی برگیل لەدوبەی رایگەیاند:" تووشبوونی دەست بە نەخۆشی و هەوكردن دەبێتە هۆی كەمبوونەوەی توانای جووڵەی دەست و هەستكردن بە ئازارو نیشانەكانی هەوكردن و سڕبوون و دروستبوونی كێشەی مەترسیدار ". راشیگەیاند:" بەكارهێنانی لەرادەبەری دەستەكان و خۆ هیلاككردنی بەردەوام هۆكارن بۆ نەخۆشكەوتنی دەستەكان و هەروەها هەندێك هۆكاری بۆماوەیی و بەساڵاچوونیش رۆڵی هەیە لەو تووشبوونەدا ". ئەو دكتۆرە وتیشی:" لەكاتی دەركەوتنی نیشانەكانی هەستكردن بە ئازارو سڕبوون و هەستكردنی هاوشێوەی بەركەوتنی تەزووی كارەبا لەپەنجەو جومگەی دەست دەبێت سەردانی پزیشك بكرێت و پشتگوێ نەخرێت، چونكە پێ دەچێت ئەوە ببێتە هۆی كێشەی مەترسیدار و لەدەستدانی توانای هەڵگرتن و لەدەستدانی هەستكردن لە دەستەكاندا.

بۆن كردنى خواردن كاریگه‌رى هه‌یه‌ له‌سه‌ر زیاد بوونى كێش!

له‌ توێژینه‌وه‌یه‌كى نوێدا له‌ (UC-Berkeley) زانایان بۆیان ده‌ركه‌وتووه‌ كه‌ بۆنكردنى خواردن به‌ر له‌ خواردنى كاریگه‌رى هه‌یه‌ له‌سه‌ر زیاد بوونى كێش .
ئه‌و گروپه‌ توێژینه‌وه‌یان له‌سه‌ر جه‌سته‌ ئاشكرا كردووه‌ پێیان وایه‌ كه‌ بۆن كردنى خواردن ده‌بێته‌ هۆى دروست بوونى چه‌ورى له‌جیاتى ئه‌وه‌ى بیسوتێنێ ، به‌پێى ئه‌و ئه‌زموونى تاقیكردنه‌وه‌یه‌ى كه‌ له‌سه‌ر مشك ئه‌نجام دراوه‌ و له‌ پێگه‌ى (The Cut) دا بڵاو كراوه‌ته‌وه‌ .
توێژه‌ران ئاماژه‌یان به‌وه‌ش داوه‌ كه‌ ئه‌و تاقیكردنه‌وه‌یه‌ كاریگه‌ریشى هه‌یه‌ له‌سه‌ر له‌شى مرۆڤ ، هه‌روه‌ها هه‌ستى بۆن كردن ده‌مێنێته‌وه‌ تا ماوه‌یه‌ك و به‌و جۆره‌ كار ده‌كاته‌ سه‌ر مێشك و ده‌بێته‌ هۆى زیاد بوونى چه‌ورى له‌جیاتى ئه‌وه‌ى بیسوتێنێ .

ئه‌و خواردنانه‌ كامانه‌ن كه‌ به‌سوودن بۆ ئێسك و ماسولكه‌كانى له‌ش؟

كه‌سانێكى زۆر هه‌ن گرفتى ئێسك و ماسولكه‌كانیان هه‌یه‌ و به‌رده‌وام به‌دواى چاره‌سه‌ر و خواردنى گونجاودا ده‌گه‌ڕێن تا ماسولكه‌كان و ئێسكه‌كانیان به‌هێز بێت و به‌دوور بن له‌ كێشه‌ و گرفت ، لێره‌دا ئاماژه‌ به‌ هه‌ندێك له‌و خواردنانه‌ ده‌ده‌ین كه‌ به‌سوودن بۆ ئێسك و ماسولكه‌كان وبه‌هێزیان ده‌كه‌ن:
-شیر و به‌رهه‌مه‌كانى زۆر به‌سوودن ، چونكه‌ برێكى زۆر كالیسیۆمیان تێدایه‌ و ماسولكه‌ و ئێسكه‌كانى پشت به‌هێز ده‌كه‌ن . - مۆز بڕێكى زۆر پۆتاسیۆمى تێدایه‌ ده‌بێته‌ هۆى كه‌م كردنه‌وه‌ى ئازارى پشت . - شه‌ربه‌تى پرته‌قالأ یارمه‌تى ئێسكه‌كان ده‌دات كالیسیۆمى زیاتر هه‌ڵبمژن . - ماسى ڕۆڵێكى گه‌وره‌ى هه‌یه‌ له‌ به‌هێز كردنى ئێسكه‌كاندا و یارمه‌تیده‌ره‌ له‌ ناردنى كالیسیۆم بۆیان . - باده‌م و كه‌ره‌وز به‌هۆى مه‌گنیسیۆمه‌وه‌ ئێسكه‌كانى پشت به‌هێز ده‌كه‌ن . - قه‌رنابیت بڕێكى زۆر كالیسیۆم له‌خۆ ده‌گرێت و به‌سووده‌ بۆ ئێسكه‌كان . - قۆخى وشك كراو بڕێكى زۆر له‌ كانزاى تێدایه‌ و ئێسك له‌ لاواز بوون ده‌پارێزێت .

چاره‌سه‌رى هه‌وه‌سكه‌مى به‌ته‌مه‌نه‌كان بۆ سێكس دۆزرایه‌وه‌

لێكۆڵینه‌وه‌یه‌كى نوێ ده‌ریخستووه‌ كه‌ ئه‌و پیاوه‌ به‌ته‌مه‌نانه‌ى به‌ده‌ست كه‌مى هۆرمۆنى (تیستۆستیرۆن)ه‌وه‌ ده‌ناڵێنن دواى وه‌رگرتنى چاره‌سه‌ر و پێدانى هۆرمۆنى نێرینه‌ ئاره‌زوو و چالاكیان بۆ سێكس زیاد ده‌كات .
لێكۆڵه‌ران ئاماژه‌یان بۆ ئه‌وه‌ كردووه‌ كه‌ توانا سێكسییه‌كان بۆ ئه‌و كه‌سانه‌ى مادده‌ى (تیستۆستیرۆن) وه‌رده‌گرن له‌ ماوه‌ى (10-12) ڕۆژ تواناى سێكسیان باش ده‌بێت ، به‌ به‌راورد به‌ چالاكى سێكسى ئه‌و پیاوانه‌ى (تیستۆستیرۆن)ى وه‌همى وه‌رده‌گرن و هیچ مادده‌یه‌كى هۆرمۆنى تێدا نییه‌ . گلین كانینگهام یه‌كێك له‌ لێكۆڵه‌رانى كۆلێژى پزیشكى بایلۆر و ناوه‌ندى سانت لۆك بایلۆرى پزیشكى له‌ (هیوستن)ى ویلایه‌تى تكساس وتى : به‌ پێدانى ئه‌و ده‌رمانه‌ تێبینى ئه‌وه‌مان كردووه‌ ئاره‌زووى سێكس زیاد ده‌بێت .
ئاستى هۆرمۆنى نێرینه‌ له‌گه‌لأ زیاد بوونى ته‌مه‌نى پیاوان كه‌م ده‌كات و ئه‌وه‌ش ئاره‌زوو و چالاكى سێكس كه‌م ده‌كاته‌وه‌ .
لێكۆڵه‌رانى ئه‌و بواره‌ ئاماژه‌ به‌وه‌ ده‌كه‌ن كه‌ چاره‌سه‌ر به‌ هۆرمۆنى (تیستۆستیرۆن) چالاكى پیاوانى كه‌م ته‌مه‌نیش زیاد ده‌كات ، به‌تایبه‌ت ئه‌و پیاوانه‌ى به‌ده‌ست دابه‌زینى ڕێژه‌ى هۆرمۆنه‌كانه‌وه‌ ده‌ناڵێنن ، كه‌ به‌هۆى تووش بوونیان به‌ نه‌خۆشییه‌ك یان وه‌رگرتنى چاره‌سه‌رێكى دیارى كراو ئه‌و هۆرمۆنه‌یان كه‌مى كردووه‌ .
خانمه‌ پزیشك (جین ئۆبراین) كه‌ پزیشكى میزه‌ڕۆیه‌ له‌ زانكۆى (ڕۆچسته‌ر) له‌ نیۆرك ئاماژه‌ى به‌وه‌ كردووه‌ ، ده‌رئه‌نجامى لێكۆڵینه‌وه‌كه‌ پێشبینى ئه‌وانى له‌و بواره‌ پشت ڕاست كردۆته‌وه‌ ، ئه‌وه‌شى نه‌شاردۆته‌وه‌ كه‌ پێدانى هۆرمۆنى (تیستۆستیرۆن) هه‌موو كێشه‌كان چاره‌سه‌ر ناكات ، به‌ڵام ئاره‌زووى سێكس زیاد ده‌كات .
ستیڤن هێمس سه‌رۆكى به‌شى ڕژێنه‌كان و نه‌خۆشى شه‌كره‌ له‌ هه‌مان زانكۆ ، ئه‌وه‌ى نه‌شارده‌وه‌ كه‌ له‌وانه‌یه‌ ئه‌و ده‌رمانه‌ كاریگه‌رى لاوه‌كیان هه‌بێت و مه‌ترسى تووش بوون به‌ نه‌خۆشییه‌كانى دلأ و ده‌مار و شێرپه‌نجه‌ى پرۆستات زیاد ده‌كات .

چه‌ند زانیارییه‌ك ده‌رباره‌ى فۆلیك ئه‌سید ڤیتامین (B9)

كه‌مى ڕێژه‌ى فۆلیك ئه‌یسد ڤیتامین (B9) له‌ خانمانى دوو گیاندا ، ڕه‌نگه‌ ببێته‌ هۆى دروست نه‌بوونى یان خراپ دروست بوونى بڕبڕه‌كانى پشت (neural tube defect) ئه‌مه‌ش ده‌بێته‌ هۆى دروست بوونى كیس له‌ پشتى منداڵه‌كه‌دا و هه‌ندێك جاریش گه‌وره‌بونى سه‌رى منداڵه‌كه‌ ، له‌م باره‌شدا پێویست به‌ نه‌شته‌ر گه‌رى ده‌كات بۆ لابردنى كیسى دروست بوو له‌گه‌لأ دانانى سۆنده‌ (shunt) له‌ناو سه‌رى منداڵه‌كه‌ بۆ ئه‌وه‌ى ئاوى ناو مێشكى منداڵه‌كه‌ كۆ نه‌بێته‌وه‌ .
بۆ خۆ پاراستن له‌م كێشانه‌ پێویسته‌ دایكه‌كه‌ حه‌بى (فۆلیك ئه‌سید) وه‌ر بگرێت ، كاتى گونجاو بۆ وه‌رگرتنى فۆلیك ئه‌سید وا باشتره‌ سێ مانگ به‌ر له‌ دوو گیان بوون بێت و ڕۆژانه‌ یه‌ك ده‌نك حه‌ب به‌كار بهێنێت لێى تا كۆتایى سكه‌كه‌ى به‌رده‌وام بێت ، وه‌ گرنگترین كات سێ مانگى یه‌كه‌مى دوو گیانییه‌ .
له‌گه‌لأ وه‌رگرتنى حه‌بى فۆلیك ئه‌سید ده‌بێت خانمه‌كه‌ ئه‌و خواردنانه‌ زۆر بخوات كه‌ فۆلیك ئه‌سیدى زۆر تێدایه‌ وه‌ك : سه‌وزه‌ ، ئه‌ڤۆگادۆ ، بامێ ، برۆكلى ، قه‌رنابیت ، سپێناخ ، هێلكه‌ ،گوێز ، گوڵه‌ به‌ڕۆژه‌ .
ئاماده‌كردنى : د. پشده‌ر عه‌بدوڵا & د. ئاكۆ كه‌ریم
پزیشكى پسپۆڕى نه‌خۆشییه‌كانى منداڵان

ئاگاداربه‌ ... ئه‌م هۆكارانه‌ ده‌بنه‌ هۆى وێران بوونى گورچیله‌كانت !

گورچیله‌كان به‌شێكى گرنگى جه‌سته‌ن كه‌ چاودێرى كردنیان زۆر پێویسته‌ ، چونكه‌ هه‌ندێك خووى نه‌شیاو هه‌ن كه‌ گورچیله‌كان تووشى نه‌خۆشى ده‌كه‌ن و سستیان ده‌كه‌ن ، گورچیله‌كان یه‌كێكن له‌ ئه‌ندامه‌ چالاكه‌كانى جه‌سته‌ و ته‌نانه‌ت ئه‌گه‌ر (20%) تواناشیان بخه‌نه‌ گه‌ڕ ده‌توانن وه‌كو ئه‌ندامێكى چالاك و سه‌لامه‌ت كار بكه‌ن ، به‌ڵام مرۆڤ به‌ ئه‌نجام دانى هه‌ندێك كار گورچیله‌كانى سست ده‌كات و زۆر جار له‌ناویان ده‌بات هه‌ر بۆیه‌ له‌پێناو پاراستنى ته‌ندروستى گورچیله‌كان و سه‌لامه‌تییان ئاگادارى ئه‌م خاڵانه‌ بن :
1-زیاده‌ ڕۆیى نه‌كردن له‌ خواردنى گۆشتى سوور : زۆر خۆرى له‌ گۆشت به‌تایبه‌تیش گۆشتى سوور هۆكارى قه‌ڵه‌ و بوون و خه‌ست بوونه‌وه‌ و زیاد بوونى چه‌ورى خوێنه‌ سه‌رئه‌نجامیش گران كردنى كارى گورچیله‌كانه‌ له‌ پاڵاوتنى خوێندا .
2- نه‌خواردنه‌وه‌ى ئاوى پێویست گورچیله‌كان وێران ده‌كات : ڕۆژانه‌ گورچیله‌كان بڕێكى زۆر خوێن ده‌پاڵێون ز بڕى دوو لیتر ئاویش ده‌ده‌نه‌ جه‌سته‌ ، له‌به‌ر ئه‌وه‌ كه‌م خواردنه‌وه‌ى ئاو ئه‌م كاره‌ى گورچیله‌ لاواز ده‌كات و هه‌ندێك جاریش ده‌بێته‌ هۆى هه‌وكردنى گورچیله‌كان ، به‌پێى ووته‌ى پزیشكه‌كانیش بر سه‌لامه‌تى گورچیله‌كان پێویسته‌ ڕۆژانه‌ بڕى (2) لیتر ئاو بخۆنه‌وه‌ .
3- نا جێگیرى فشارى خوێن : فشارى خوێن ئاماژه‌ى نا ئاسایى كارى گورچیله‌كانه‌ وه‌ گه‌وه‌ترین هۆكاری فشارى خوێنیش زۆرى كێشى له‌ش و خواردنى چه‌ورى و شیرینییه‌ كه‌ وا ده‌كه‌ن گورچیله‌كان وه‌ك پێویست كارى خۆیان نه‌كه‌ن له‌ خوێن پاڵاوتن و سست ده‌بن .
4- زیاده‌ ڕه‌وى كردن له‌ به‌كار هێنانى ده‌رمان : زیاده‌ ڕه‌وى كردن له‌ به‌كار هێنانى ده‌رمانه‌كانى وه‌ك (ئه‌سپرین ، پاڕاستۆلأ ، ده‌رمانه‌ ئازار شكێنه‌كان) كه‌ ئه‌م ده‌رمانانه‌ له‌ ماوه‌یه‌كى دووردا و وورده‌ وورده‌ كار ده‌كه‌نه‌ سه‌ر گورچیله‌كان و دووچارى مه‌ترسیان ده‌كه‌نه‌ و وشكیان ده‌كه‌نه‌وه‌ و وا ده‌كه‌ن كه‌ گورچیله‌ له‌ هه‌ردوو كاره‌كه‌ى خۆیدا كه‌ پاڵاوتنى خوێن و دابین كردنى ئاوى جه‌سته‌یه‌ .
5- جگه‌ره‌ كێشان : دوكه‌ڵى جگه‌ره‌ و نیكۆتین گورچیله‌كان تووشى لاوازى و برین و سووتانه‌وه‌ ده‌كات و ئه‌گه‌رى وه‌ستانى كتوپڕى گورچیله‌كانى لێ ده‌كه‌وێته‌وه‌ ، پزیشكه‌كانیش ده‌ڵێن كه‌ له‌ سێ كه‌سدا كه‌ تووشى نه‌خۆشى گورچیله‌كان بوون دوو كه‌سیان هۆكاره‌كه‌ى جگه‌ره‌یه‌ .

خانمى دوو گیان چۆن خۆت ده‌پارێزیت له‌ ترشه‌ڵۆكى گه‌ده‌ ؟

زۆر هۆكار هه‌ن له‌لاى خانمانى دووگیان ده‌بنه‌ هۆى ترشاندنى گه‌ده‌ ، خانمانى دووگیان له‌ سه‌ره‌تاى مانگى یه‌كه‌مییه‌وه‌ دووچارى ئه‌م ترشاندنه‌ ده‌بێته‌وه‌ تا سه‌ره‌تاى مانگى نۆیه‌مى .
ترشاندنى گه‌ده‌ یه‌كێكه‌ له‌ گیروگرفته‌ باوه‌كانى خانمانى دووگیان كه‌ هه‌تا مانگى نۆیه‌م به‌ده‌ستییه‌وه‌ ده‌ناڵێنێت . یه‌كێك له‌و هۆكارانه‌ ده‌گه‌ڕێته‌وه‌ بۆ گه‌ووره‌ بوونى قه‌باره‌ى كۆرپه‌كه‌ كه‌ په‌ستانێكى زۆر ده‌كاته‌ سه‌ر گه‌ده‌ى خانمه‌كه‌.
چه‌ند ئامۆژگارییه‌ك بۆ خانمانى دووگیان كه‌ ترشاندنى گه‌ده‌یان ناهێڵێت :
1-پێویسته‌ خانمانى دووگیان به‌ته‌واوى دووربكه‌ونه‌وه‌ له‌ خواردنى ئاوى ته‌ماته‌(دۆشاو) ، كه‌ ده‌بێته‌ هۆى ڕشانه‌وه‌ش.
2- دووربكه‌وه‌ره‌وه‌ له‌و خۆراكانه‌ى كه‌ ده‌وڵه‌مه‌ندن به‌ شه‌كر ، چونكه‌ زیاتر یارمه‌تى ترشاندنى گه‌ده‌ ده‌دات.
3- نابێت خانمانى دووگیان زۆر چا و قاوه‌ و خواردنه‌وه‌ غازییه‌كان بخۆن .
4- دووربكه‌وه‌ره‌وه‌ له‌و میوه‌ مزرانه‌ى وه‌كو (پرته‌قاڵ و كێوى ) به‌ڵام ده‌ركه‌وتووه‌ (مۆز و شلیك) یش ترشێنه‌رى گه‌ده‌ن.
5- نابێت خواردنى چه‌وور و سوور كراوه‌ زۆر بخوات ، چونكه‌ دواى هه‌ست به‌ سوتانه‌وه‌ ده‌كات .
6- خانمانى دوگیان ده‌بێت ئاگادارى خه‌و بن ، زۆر بار هه‌یه‌ ناگونجێت باشتروایه‌ بزانێت به‌ چ جۆرێكدا بخه‌وێت تا دووچارى گه‌ده‌ ترشاندن نه‌بێته‌وه‌.
7- هه‌رگیز پێش خه‌وتن نان مه‌خۆ .
8- خواردنه‌وه‌ى كوپێك ئاو له‌گه‌ڵ ڕازیانه‌ بۆ خانمانى دووگیان زۆر باشه‌ ، چونكه‌ یارمه‌تى گه‌ده‌ ده‌دات.
9- كۆمه‌ڵێك كردارى وه‌رزشى هه‌یه‌ كه‌ پێویسته‌ ئه‌نجامى بده‌ن كه‌ ده‌بێت پزیشك بۆت دابنێت ئه‌مه‌ش یارمه‌تى گه‌ده‌ و هه‌رس ده‌دات .

چۆن بتوانین خۆمان له‌سه‌ر وه‌رزش كردن ڕا بهێنین ؟

هه‌مووان كۆكین له‌سه‌ر ئه‌وه‌ى وه‌رزش كردن شتێكى باشه‌ و ته‌ندروستى مرۆڤى پێوه‌ به‌نده‌ ، به‌ڵام به‌شێكمان پێوه‌ى پابه‌ند نابین و به‌ڕێكى ئه‌نجامى ناده‌ین ، هۆكاره‌كه‌شى بۆ ڕانه‌هاتنى له‌شمان له‌سه‌ر وه‌رزش كردن ده‌گه‌ڕێته‌وه‌ .
له‌شى مرۆڤ له‌سه‌ر شتێك رشابێت ده‌بێته‌ خوو و ڕۆتینى ڕۆژانه‌ ، گه‌ر كه‌سێك له‌سه‌ر نه‌جوڵانه‌وه‌ و وه‌رزش نه‌كردن ڕاهاتبێت به‌ زه‌حمه‌ت ده‌توانێت ئه‌نجامى بدات یان له‌سه‌رى به‌رده‌وام بێت ، بۆیه‌ ئه‌گه‌ر ماوه‌یه‌ك پاڵه‌ په‌ستۆ بخه‌یته‌ سه‌ر خۆت ئه‌وه‌ ئه‌ویش ده‌بێته‌ خوو له‌سه‌رى ڕادێیت .
به‌پێى ڕاپیرتێكى ماڵپه‌ڕى (the aktiv timze) چه‌ند فێڵێك هه‌یه‌ كه‌ ده‌توانیت له‌ ڕێگه‌یانه‌زوه‌ خۆت له‌سه‌ر وه‌رزش كردن ڕا بهێنیت له‌وانه‌ : -نوێكارى بكه‌ له‌ وه‌رزش كردندا : واته‌ بێجگه‌ له‌ ئه‌نجام دانى وه‌رزشى ڕۆژانه‌ هه‌ولأ بده‌ مه‌له‌وانى بكه‌یت یان قورسایى به‌رز بكه‌یته‌وه‌ یان پاسكیل لێ بخوڕێت یان یارى تۆپى پێ یان سه‌به‌ته‌ بكه‌یت كه‌ بێجگه‌ له‌ وه‌رزش چێژى تایبه‌تى خۆى هه‌یه‌ . - هه‌ولأ بده‌ شوێنى وه‌رزش كردنه‌كه‌ت بگۆڕێت و جلى وا له‌به‌ر بكه‌یت كه‌ تێیدا بحه‌سێیته‌وه‌ و با وه‌رزش كردنت له‌ كاتێكى دیارى كراوى هه‌موو ڕۆژێك بێت . - به‌ كۆمه‌لأ وه‌رزش بكه‌ن وه‌ ئه‌گه‌ر كه‌سێك یان زیاتر له‌ هاوڕێكانت له‌گه‌ڵدا بێت ئه‌وه‌ وه‌رزش كردنت باشتر ده‌بێت و هاندانى زیاترى تێدا بێت . - به‌ر له‌ وه‌رزش كردن ڕاهێنانى خۆ گه‌رم كردن بكه‌ كه‌ سوڕى خوێنت چالاكتر ده‌كات و ماسولكه‌كانت بۆ وه‌رزش كردن ئاماده‌ ده‌كات ، له‌ كۆتایشدا ماوه‌یه‌ك حه‌سانه‌وه‌ به‌ خۆت بده‌ . - خواردنى ته‌واو و پێویست و هه‌مه‌ جۆر بخۆ ، چونكه‌ له‌شت پێویستى به‌ ووزه‌ى ته‌واوه‌ بۆ وه‌رزش كردن ، هه‌روه‌ها ڕۆژانه‌ بڕێكى باش ئاو بخۆره‌وه‌ كه‌ له‌ سێ لیتر كه‌متر نه‌بێت .

Most Popular Instagram Hashtags