anwaralmushiri anwaralmushiri

488 posts   53,744 followers   80 followings

أنور المشيري  👇 حسابي الرسمي في اليوتيوب

الله يسعد أيامكم 😊🌹(‏جميلٌ أن تقرء التاريخ ..والأجمل أن ‏يقرَئك يوماً) #أنور_المشيري
#anwar_almushiri
الوجاهـه لوهي بالمال الوفـيـر
قلّي وش سوّى في ماله بولهَب؟!
غـَيّـر الـتـاريـخ (أُمـّي ٍ فـقـيـر)
مـا قرى عمره ولا عمره كِـتـب

الـتـواضع يـجعل المُـعدَم أمير
والخـُلُق ياصاحبي شي مُكتَسب
كم فـقٰيـرٍ زاهد وْ فرشه حصيـر
ما قرَى التاريخ / بس فيه إنكتَب
#أنور_المشيري

#أنا_و_أنا عمل جديد من كلماتي والحان @official.adham وبصوت الفنانة @jamila_elbadaoui بغيت رأيكم في موضوع الكلمات ..ينفع إهداء للحساد والملاقيف 🤔🧐 ولا لا؟! موجودة إلقاء بصوتي👆🏼إسحب الشاشة يسار😊
( أنا و أنا )
يـا خي أنـا .. هذا أنـا
عاجبني حالي زي مَ انا
أنـا و أنـا..ويـّا بَـعَـض
لا حَـد يدخل بـيـنـنـا

يا حِـلوني في كلّ شـي
راضي ومو ناقصني شي
بسيـط و عايش دنـيـتي
أجـنـّن و ما فـيني شـي
——-
يا هيه وْيا إنت وإهي
كِلّ ٍ في نفسه يلتهي
مدري متى ولاّ متى؟!
هذا التخلّف ينتهي

بـَعَض برستيج البشر
يخنـقني يذبحني قهر
إلبـس كذا إمشي كذا
يا خي حياتي وآنا حُر
——-
لا تـفتـي أو لا تنـتـقد
لو ما طلب رايـك أحد
وإن كان لك راي ٍ جديد
أقـول..لا يـكـثـر بَـعَـد

لو نِزهَل الحاسِد ترى
ما بـاع فـيـنا وإشترى
غير اللقافـة والحسد
ويش الّي رجّعنا ورى؟!
#أنور_المشيري
توزيع @maytham.a.aldeen
مكس @jassim.mohd
إنتاج @platinumrecordsmusic

#أنور_المشيري #anwar_almushiri (عيدكم مبارك وكل عام وإنتو بألف خير يا ارقى متابعين على وجه الكرة الأرضية 🙏🏻🌹😊)
من غلاتك أشعر إني ماني لاقي لك كلام

لي فـؤادٍ لو تمنّى..مُـنـيـتـَه..تــبقى سعيد

تدري عيد الناس يقبل مرتين فـْ كـِلّ عـام
وآنا كل ما تبتسم لي أشعر إنّ اليوم عيد
#أنور_المشيري

(‏اللهم صَلِّ ‏على سيدنا محمد🙏🏻) أنشودة #قمري من أعمالي التي أفتخر بها #كلمات #أنور_المشيري #anwar_almushiri لحن وإنشاد #مشاري_العفاسي قصيدة تسرد بعض أوصاف الحبيب المصطفى الخَلْقية و الخُلُقيّة عليه افضّل الصلاة والتسليم ❤️🙏🏻
(قمريّ)
قَـمَـرّيُ الـوَجهِ مُحَيّاهُ / وَ بَـهيُّ الطَـلّةِ لُـقـيـاهُ
هٌوَ أعظَمُ من خُلِقو خُلُقاً /وَ حَبـيبُ اللَّهِ مُـسَمّاهُ
مُعتَدِلُ القامةِ مُرتَسِمُ / وضّاءُ الـغُـرّةِ مُبتَسِمُ
وَكَـأنَّ النُورَ وَمَشرِقَـهُ / من وَجهِ مٌحَمّدَ مسراهُ

صَلَواتُ اللَّهِ على الهادي /أٌرسِلُها من نبضِ فؤادي
صَلَوَاتٌ تَـسمو بِـشَذاها / وَ يَطيْبُ الكَونُ بِـذِكراهُ

فَـ صَدُوقاً كانَ بِذِمّتِـهِ / وَ رَحيـم القلبِ بِأُمّـتِـهِ
وَ صَبوراً كَم أسقَوهُ أذَاً / بـأبي وبِـأُمـي رؤيــاهُ

هُوَ مِسْكٌ لِخِتامِ الرُسْـلِ /وَشَفيعي في يومِ الفَصْلِ
وَ لـِكُـلِّ الـعالمِ إكـرامـاً / أرسَــلَـهُ اللهُ وُ سَـــوّاهُ

كلمات#أنور_المشيري
لحن وإنشاد#مشاري_العفاسي

#أنور_المشيري #anwar_almushiri قصيدة #مراية_الروح
لو هو صحيح العين إهي مْراية الروح
كـانـك عـرفـت اللي بـهـا مـن حَـدَقـهـا
لا تْشوفني يوم ابتسم/ شوف الجروح
وشِف مَ اصعَب البسمة على اللي إختلقها

بعض الجروح اتمرّني خفاف وتروح
والـبعـْض رَبِّـك يعلم آخـر رمـقـهـا
ما غير نفسي بينهم ترفض البوح
إلآ لـِوَجه (الواحـد) اللي خـَلـَقـهـا

أضحك في وجه الناس وفداخلي تنوح
روحٍ مثِـل صفْر الـدلال و عَـبـقـهـا
تبرك على جمر الغضى لكن إتفوح
هيـْلٍ يـقـنّـد راس كل من نِـشَقـهـا
-----
هذا أنا قـدّامك وْ كـلّي طْـمـوح
أطـرق دروب الـعـز وأفتح غَلَقْها
ولـو لـلـمذلّه ألف بابٍ ومـفـتـوح
مو عيب أرِد خْطاي/عيب أخترِقها

لـلـدنيا وجـهٍ عابس ْو وجـه مملوح
والـلي خلق هٰـذي الأوادم فَــرَقـْهـا
حِكمه ومثْل الشمس ما تبغي وْضوح
شتّان ما بين الضحى لي شِفَقْها
----
بٓـه حَـّد ما يغـلـيـك إلاّ لمِـصـلـوح
وَحْـدٍ يـموت بحاجـته مـا نِطَقـهـا
والناس لي تبني بشقى غيرها صْروح
غير اللي تاكل من شقاها وعَرَقها

والوقـت مثْل اليَم خـسْرٍ ومربوح
بـه خير وَبـه مـليـار روحٍ زَهَقهـا
تِغرَق به الدانه ويطفح به الـلوح
(والدانه) تبقى دانـةٍ لو غَـرَقـْهـا

يا صاحبي وأدري السعادة كما الروح
داخلـْك وما تـنـشاف..رَبِّـك خـَلـَقها
وانا السعادة في سما عيني إتلوح
واشعر بها يوم أعطي الناس حقـْها

تدري وش أصعب من شقى روحٍ تنوح
روحٍ لـِعَـب فـيها الزمان و صِفَـقـهـا
إنـّه يجـيـك إنسان فاضي ومشروح
يسأل ..(عيونك ) وشهو سبّة أرَقها؟!
#أنور_المشيري

#أنور_المشيري #anwar_almushiri
لو كل أحد راضي و قنوع
‏لو ما في شي اسمه طمع
‏ما كان في ‏هالدنيا جـوع
‏و ما كـان مركبـنـا طِـبَـع
#أنور_المشيري

‏اللهم صلِّ وسلم على سيدنا وحبيبنا محمد🙏🏻❤️
#أنور_المشيري #anwar_almushiri #يسعد_فؤادي من أعمالي إلّي أعتز فيها
#كلماتي والحان #احمد_الهرمي
إنشاد #مشاري_العفاسي
يٓسْعٓد فـــــؤادي كُلّـمـا .. ذِكرُ الحبيـــبِ تـٓرٓنّـمـــا
ذاكٓ الذي ربُّ العـــــُـلا .. صلّى عليه و سلـّـــــــمَا

نبـــّيُ ربّ العـــالميـــن .. الصادقُ الهادي الأميـن
الطاهــرُ الدٓمــِـثُ الـّذي .. للَحـــقِّ صـــارَ مُعلّمـــا

كالنـورِ في جُنحِ الظـلام .. جاءَ الحبيبُ إلي الأنــام
هَـْديـــاًيُضـــئُ دُرُوبَهــُم .. و كأنـــهُ بـــدرُ السمــــا

لمِـُحمـدٍ خُلــــُـقٌ عظيـــم .. وَ بحُبّـــهِ مــن لا يهيـم ؟!!
و الله جَــــلّ جــــَـلالــــهُ .. صَلّى عليه و سلـّـــــــمَا
-------------------------------- #أنور_المشيري

‏الحمد لله الذي بفضله تتم الصالحات (🙏🏻اللهم تقبل منـّا صالح الأعمال)

#أنور_المشيري #anwar_almushiri #قصيدة #يا_حاسدي #موجودة_كاملة_في_البايو👆🏼 يرجى من المهتمين إعتماد هذي النسخة والغاء النسخة السابقة وذلك لوجود خطاء لفظي(حرف واحد) كان مؤثراً على وزن احدى الأشطر وتم تعديله وإعادة النشر 🙏🏻🌹😊
#يا_حاسدي
يا حاسدي هذا أنا جيت أو رِحـْت
والـواثـق بـْ نـَفـسَه ترى دايماً فـوق
غالي وْبَعَد مملوح..ولا من تِمِلَحْت..
أزيد سِعْر الملح وْ يخلَص من السوق

ما هَـزّنـي رايـك أسَـرّيـتـَه أو بِـحْـت
سكـوتي ماهـو خوف لكن من الـذوق
ما جادِل الجاهل وإذا صاح ماصِحْت
أخاف بيـني وبيـنه إتـضيـْع لـفـروق

ماكنت في عْيوني عشان أزعل إن طِحْت
ولا كلّ واحـد كِـلـْمـِتـَه تـِلـْمَـس الـعـوق
يبقى القمر عالي.. وتبقى البشر تَـحْت
كـِلٍّ يَـعَـرْفـه وْ مـا يـعَـرْف أيّ مخـلـوق

في الناس لي مبدء..شعار أنحته نَحت
(ودِّك تشوف الشخص/إخِذ منـْه منطوق)
ولاّ إنـت لا ذمّـيـتـنـي أو تِـمَـدّحــت ..
تـرى الـقـرادة ما دَرت عـنّـهـا الـنـوق

ما هو غـرور اللي أقـوله و صَـرّحـت
بالـّزين إخِذ عيني وتعال إسكن الموق
النخلة ما تعطي الرّطب مهما لَـوّحت
تجـني رطـَبـها يـوم تـرقـى للـْعـذوق

قول اللذي تبغيه عنّي...وإذا إرتحت
مبروك إثـمك وآنا لي أجر من فوق

بعْض البشر يحرجْك من ذوقه البَـحْت
والبعْض لوببلاش ما يسوى في السوق
وهالنوع لا صادفني.. صدّيته ورِحت
عشان يعرِف حجمه وْ يصحى ويْـفوق
#أنور_المشيري

#أنور_المشيري #anwar_almushiri
#قصيدة #بداية_أحبك #موجودة_في_البايو👆 (بداية أحبك)
من بدايـة (أحبك)..لـيـن (ميّت عليك)
شِـفـني قـدّام عـيـنـك واصل إلمرحلة
ودّي آخذني منّي واهدي نفسي إليك
غالي يرخص لغالي ..والعشَم تِقبَلـه

بسألِك جعلي فِدوة..وأفدى عينك هٰذيك
عـيـنـك اللي من الله دِعـْج و مْـكَـحّـلـة
ويش أسَوّي في قلبٍ ما يبيني/ يبيك؟!
واللي جَـنـّنـْه حبّك وشهو بـيـعَـقـّلـه؟
الله يسعد جمالك ..لكن الله إيهَـديك
صرت من عقب زينك كلّ زين أزهَله
مالي عيني واشوفِك يا بعد مشتريك
دانـةٍ مَاإتـّسـَاوَم بالمـحـيـط أكـمـَلـه

من عرفتِك وقلـبي بين ضلعي وايديك
وكثـْر ما كنت أعَـْرفه صرت فيك أجهله
هو في صدري وباله..ماهو عندي/عليك
آآه مَ أكبر جنـونه .. وآآه يـا مَ أجملـه

شوف لك حَـل فيني..موت احبك وآبيك
حـُب حتى خـيـالـك صَـعـْب يـتـخـيـّلـه
ومن كِثِر منتَ غالي مدري شاسَوّي فيك
الـبَـعَض من غـلاتـه .. خاطرك تـاكِـلـه
#أنور_المشيري
#عبدالمجيد_عبدالله
#فايز_السعيد

#موجودة_في_البايو كاملة 👆🏼#أنور_المشيري#anwar_almushiri
#رذاذ_الغيم أو #فرحة_عمُر
من #كلماتي والحان #الماسي جمعني بفنان العرب #محمد_عبده والأسطورة #عبادي_الجوهر
توزيع #زيد_نديم إيقاعات #samir_alqattan مكس #جاسم_محمد إنتاج #الإمارات_للفعاليات (فرحة عُمر)(رذاذالغيم)
من لِـفَت وقـْلوبنا تِـقرى و تـعـيد
حُـوْلـَهـا الأذكـار وآيـات الـفـَلَـق
الّي ملـقـاها إلى جَـت من بـعيد
كِـنّ حظ الدنيا في وجهِك شَرَق

قالو فيها روعـة الـزيـن الفـريـد
وآنا اقول الزين لو يَـنطِق..نِـطَق
كنّها خِـلْـقَت على مْـّا هي تريد
ألف سبحان الّي أبدعها وْ خَلَق

#أنور_المشيري

#موجودة_في_البايو 👆🏼#أنور_المشيري#anwar_almushiri
عمل خاص #فرحة_عمر أو #رذاذ_الغيم
من #كلماتي والحان #الماسي جمعني بفنان العرب #محمد_عبده والأسطورة #عبادي_الجوهر
توزيع #زيد_نديم إيقاعات #samir_alqattan مكس #جاسم_محمد إنتاج #الإمارات_للفعاليات (فرحة عُمر)(رذاذالغيم)
يالقصيد الّي تبي توصف قصيد
آآه يـا حَـيّ الـمـعـاني والـورق
مدري فيها ياقصيدي وش تزيد؟!
غير سبحان الّي خالقـها وْ فـَـرَق

بنتٍ أجمل من سناالصبح الجديد
ومن رذاذ الغيم إهي أنـعـَم و ارَقّ
الخيال عـْيونها وْ ضحكـتـها عـيـد
والّي قال إتـسَكـِّت القمرة..صِدَق
........
من لِـفَت وقـْلوبنا تِـقرى و تـعـيد
حُـوْلـَهـا الأذكـار وآيـات الـفـَلَـق
الّي ملـقـاها إلى جَـت من بـعيد
كِـنّ حظ الدنيا في وجهِك شَرَق

قالو فيها روعـة الـزيـن الفـريـد
وآنا اقول الزين لو يَـنطِق..نِـطَق
كنّها خِـلْـقَت على مْـّا هي تريد
ألف سبحان الّي أبدعها وْ خَلَق
........
قَدرَها وْمن يومها عالي الرصيد
من تـِوَعّى قلبها الدنيا وْ خفـَق
جَت وكنها فرحة العمر السعيد
تِكبر وْ يكبر غلاها .. والله حق
لي مثِـلـْها و بـْغلاها شي أكيـد
ما هو بس ينحب إلاّ ينـعِـشِـق
يعني هذي البنت بالوَصف المفيد
الله خالـِقـهـا و الله الـِّي فَـَرَق
........
مدري فِطـرة ولاّ مع دمّ الوَريد
ذوقها الّي فاح من لـيـْنـه عَبَـق
إن حـكَـت ودّك سوالفها تـزيد
بنتٍ أعذب وأهدى من لون الشِفَق

في ثـنـاها ما يـزود إلاّ القصيـد
يعني يا حظ الـمدايـح والـوَرَق
كِلّ هذا الوَصف وما جبت الجديد
وْتبقى موزه أحلى من كل ماسِبَق

#أنور_المشيري

Most Popular Instagram Hashtags