[PR] Gain and Get More Likes and Followers on Instagram.

alia_albitar alia_albitar

1647 posts   58845 followers   77 followings

Alia Albitar ❤️ عليا البيطار  For a healthy body, mind & soul 🍁 Calgary, AB /Canada Certified Holistic Nutritional consultant 🌿 Member of: CSNNAA

https://www.bnaturalia.com/

وجبة اليوم : مرق خضار مع رز زهره وسلطه
مافيها شي صعب فقط اللي يمكن يكون جديد عالبعض هو رز القرنبيط (زهره).
سلقته خفيف وتبلته بالبهار (خضار مجففه) وملح بحري وسلامتكم.

من خمس سنوات لمن بديت رحلتي للصحة كنت اعاني من زيادة وزن وتكيسات
كان وزني 85 كيلو وطولي 154
اي انا ام متر ونص 😎
وبخلال ست شهور فقط من تغيري لنظامي الغذائي والرياضه خسرت أكثر من 25 كيلو بفضل الله تعالى.
واختفت كل عوارض التكيسات اللي كانت ملازمتني سنين.
والموضوع مافيه سحر نهائي ولاحبة دوا ولا تكميم ولاربط ولابالون ولا اي شي.. غير اصرار.. اكل صحي.. رياضه.
وحافظت على هالنتيجة لاربع سنوات كاملين.
ولكن عقب السمية اللي صابت جسمي بسبب عشبة السبيرولينا.. خسرت كل احلامي وانجازاتي بلمح البصر
نعم بلمح البصر
الحساسيات قطعت نفسي.. والتعب والخمول والثقل لازموني.. غددي بدت عليها اعراض التعب والارهاق
وبنفس الوقت فراق زوجي للكويت ومسؤلية اطفالي هد حيلي ولازمني الاكتئاب والحزن ايام وليالي.
وفجأه القى الدهون تتخزن من القلق من الحساسياات من التعب.. والوزن يزيد والنفسيه تسوء.

انا من الناس اللي تؤمن بالحسد والعين ولكن اؤمن أيضا ان لو انصبنا بشي فهو تقصير منا بالاول وبالاخر.. واؤمن ايضا ان كل بلاء يصاب به الانسان هو لتربيته ولهدف غير معلوم.

بفضل الله تعالى خلال هالسنه المرهقه عالجت اغلب حساسياتي.. وصرت صحبه اكثر مع جسمي.. كل همسه افهمها كل اشاره استوعبها بفضل الله.. درست اكثر وتخرجت ولازلت اطمح بالمزيد.. حطيت دورات تدريبية من منطلق بحثي وتجربتي باللي شفته وجربته وجاب نتيجة.
فهمي واستيعابي للامور زاد.. ترتيبي لحياتي تغير.. حبي لجسمي واهتمامي فيه تغير.
كل هذا ما ممكن يصير من غير هالاختبار اللي مريت فيه.
اما حزني او اشتياقي لاهلي وزوجي هذا شي مو بالايد والحمدلله ان ربي رزقني شوفتهم لاجدد طاقة حياتي واهدافها وانطر شوفتهم من جديد.

المهم علشان لايكون باب النجار مخلع 😂😂 قررت اصلحه.. صحيح اني اخصائية تغذيه وناس وايد خسرت وزنها معاي لاني كنت احمسهم واشجعهم ولكن انا منو يشجعني ويحمسني ؟

لذلك اخترت اجمل وارق انسانه اخصائية كنت اتابعها من سنوات وقابلتها هالسنه في الكويت.. فرح الرفاعي مع فارسها الصغير.. تخيلوا لمن تحبون شخص وتقابلونه والاحلى يطلع اجمل مما توقعته.. انا قعدت مع فرح ساعه ومرت كأنا نعرف بعض من سنين.. والحين صار فوق راسي احد.
شكرا فرح على كرمك وذوقك 🙏❤️ @cocoonkwt @farahalrifai
هذي مو نهاية القصه ولكن ربعها فقط وتكملتها راح تجي مع الايام.

كتابة هالبوست هو من منطلق وجودي معكم ككتاب مفتوح تتعلمون منه.. ويذكركم اني بالاخر انسانه امرض واتعب واكتئب وآكل صحي 😁 وامتن وانحف واعصب وابجي والعب.

يلا جددي حياتك سيدتي وكافي قعده قدام هالتليفون.

ولاتنسوا ذكر الله ❤️

اعمال جدارية ابداعية رائعه بمعناها اعجبتني جدا ... شرايكم فيها.. تخيلوا هذي بالكويت 😍😍
مدرسة الإخلاص (الكويت)
شكرا كشمش @kshmsh_com

في دورة جددي حياتك.. شاركت طالباتي باجمل الطرق للتغيير وهني بستخدمها للتنظيم ووضع رؤية واهداف مستقبليه لي او لاطفالي او لعائلتي.
تحتاجوا للتالي :
ورقه كبيره او لوحة / ألوان / صور مفرحه او شي تحلمون فيه مهما كان.
لوحة معدنية خاصة بأيام الاسبوع او خشبية.
اجندة صغيره للايد او روزنامة ايام شهريه ممكن تعلق على الثلاجة.
دفتر صغير لكتابة الوصفات.
موبايل فيه برنامج calendar لتذكرتكم بالمواعيد.
الواجب هو كالتالي :
اكتبي اهدافك الخاصه والعامه على ورقه اللي حابه تنجزيها خلال شهر او شهرين او سنه او اكثر.. هذي بتكون مشروعنا اللي بنسويه على اللوحه.
ممكن تخلون اولادكم يشاركونكم بعمل هذا المشروع لان لابد بالصج يساعدونكم فيه.
وهذا الهومورك لي ولكم خلال هالاسبوع 😋✌️.
نبي ابداعات

تعريف معنى التنظيم.. هو الترتيبات اللي تسويها قبل القيام بعمل الشيئ علشان لمن تسويه ماتعفس الدنيا.

في ناس ماتحب الترتيب وتتركها عالتساهيل.. وهذي مافيها خلاف ولكن اول ماتزيد المسؤولية وتكثر الأعمال ويضيق الوقت وينضغط الشخص بالتواريخ والارقام.. الحل الضروري هو التنظيم.. تراه مو بس يرتب اليوم بل يشيل من عليك حمل كبير بسبب الخوف من النسيان.. وتقليل المشاكل في عدم تصادم المواعيد.. كما ان الترتيب يزود الانتاج اليومي ويحسسك بالانجاز والسعاده.
عموما دايما مع التنظيم لازم في خطط بديله اذا طرأ ظرف طارئ او اجباري.

#نصائح_عليا_البيطار
#نصائح_أم

بخلص كل الوصفات للاسبوع علشان لا احس بتأنيب الضمير 😋
من يومين قمت الصبح اسوي فطور ولا عبود يقول لي ماما ابي بان كيك 😖
ماعندي وقت مافي مجال بس ماحبيت اكسر بخاطره لان العملية كلها دقايق.. لذلك انصحكم فيها اذا وقتكم ضيق
حطيت كوب طحين لوز / ملعقتين تابيوكا (اختياري) / ملعقة صغيرة بيكنج باودر / بيضه / حليب لوز /ملعقة سكر عضوي صغيره للون
خلطتهم بايدي وصبيتهم على تاوه.. قدمتها مع شراب قيقب وخالصين.

وصفة المهلبيه سهله حيل بس اطفالي ماحبوها هالمره خل اعدل فيها واشارككم الوصفه بس عموما نفس وصفة مهلبية الحليب العادي بالضبط ولكن باستخدام حليب جوز هند .

وهذه سندويشة أمس.. نجاوب عالاسئلة
هل السبانخ نية؟
نعم نية

هل كثرة السبانخ تسوي حصوات؟
نعم بسبب احتواءها العالي على الاكزوليت.. استهلكوا الورق الصغير افضل.. وطبخه طبعا يشيله.

ليش فركتي السبانخ؟
فقط ارشه بملح خفيف علشان ينزل السائل وافركة واعصره.

ليش نقعتي البصل بالليمون؟
لان الساندويش باكله انا وعيالي وماراح احمس البصل على النار فلمن انقع البصل بالليمون والسماق ياخذ طعم لذيذ وتروح حرورته والأطفال ماراح يكرهونه.

ما ينطبخ السبانخ؟
لذيذ بكل حالاته.

وهالفكرة كانت عشاهم امس وغداهم بالمدرسة كذلك.. حطوها ضمن الأفكار للي بجمعهم.

الخبز العربي المستنبت
للحين الناس مو متخيله لذاذته وخفته الا لمن يجربونه.. ❤️
شنو يعني استنبات.. هذي تردون للمواضيع القديمه جدا في هاشتاغ #استنبات_عليا
بعد ما قمت اسوي الخبز المستنبت ماقمت آكل الخبز المخمر ابدا ولكني اسويه لاطفالي كفطاير وبيتزا.. والسبب الراحه اللي احسها بعد استهلاكي للخبز وخصوصا الحنطه.

نروح للوصفه:
كوب من طحين الحنطه المستنبت العضوي
كوب من الماء (اقل او اكثر)
رشة ملح بحري
ملعقة زيت زيتون
نعجن بايدنا مو محتاجين ماكينة عجن.. نكور ونفرد وعلى التاوه.. العجينه لاتحتاج لا لراحه ولا لتخمير.. ولكن ممكن تركها اذا حبيتوا.. انا تنتفخ معي من غير اي راحه.

شفتوا اسهل من هالوصفه؟

الحين وين التميز؟ انكم تلعبون بالاضافات
تضيفون اعشاب جافه او طازجة كالزعتر الاخضر / خضار مجففه كالبصل الاخضر
تغيرون نوع السائل.. انا بس اسلق خضره اخذ الماي واعجن فيه.. اما شمندر او ماي الارضي شوك.. وامس بماي السبانخ..او حتى بواقي العَصير عجنتها بعصير كرفس وجزر وطلعت لذيذه 😋
المهم هذي ترجع لذوق كل شخص وابداعه وبالعافيه عليكم ❤️👋

بعد معاناتي مع مزيلات العرق وخاصه المصنوعة بالبيت.. جربت الايونات جربت زيت شجرة الشاي.. جربت البيكربونات والصراحه كانت الاروع تشتغل 48 ساعه ولكن الاسوداد والاحمرار كان متعب جدا وظهر بعد فتره من الاستخدام... فقمت اخفف البيكربونات جدا وازود الارو روت او الزيوت وماكو فايده احس بحرقه وتسلخ.. فاستمريت عالكرستال الخال من الألمنيوم بس حسيت ان ابي شي اقوى.. فلقيت هالمنتج وطلبت عينات تجربه قبل لا اسافر الكويت لو احد يذكر الستوري.
والصراحه شالوني شيل هالعينات في حر الكويت وماسببلي اي حرقه مع العلم فيه بيكربونات بس متوازن مع باقي الزيوت والاضافات بحيث ماخلتله مجال يحرق.
عجبني جدا وجربت كل عطورها واليوم دزتلي ريحة جديده.. ولكن للان اللافندر هو اختياري

شوفوا موقعها والمكونات رائعه مافي غلطه.
سعره لقيته مناسب بعد ماضاعت فلوسي على الزيوت والخلطات الفاشله والمنتجات عديمة الفائده.
يشهد الله هذي مو دعايه تدرون فيني بس لان اكيد في احد يعاني معاناتي وخاصه النساء المكافحات الرياضيات اللي وقتهم بره أكثر من البيت والتكييف والنوم.. 🙈
المهم دزيت رساله لصاحبة هالمشروع الصغير وسألتها اذا ترسل للخارج قالتلي نعم كل دوله لها تقييم سعر مختلف اهيا ببرتش كولومبيا /كندا.

@holadeodorant

انطروا المفاجأه الثانيه 😍.

🎶🚨 انتبه موسيقى 🚨🎶
شوربة اليوم.. شوربة الخضار الغنية :
المكونات : كل شي فريش متوفر بسوقكم

انا حطيت ( كوسا/جزر ملون/جذور الكرفس/كراث/فلفل حلو ملون/ثوم طازج/كركم طازج) + ملعقة صغيره خلاصة الخضار + ملح صخري
وعند الاكل رشة ليمون للي يحب.. وعليكم بالعافيه ❤️

دام سالفتنا عن الأرضي شوك نكملها ونجاوب على اغلب الاسئلة اللي وصلتني امس
اسمه بالانجليزي : artichoke
شلون تنوكل :
مسلوقه / عالبخار / بالفرن / طبيخ بالمرق / مخلل /عصير / مستخلص دوائي

صعب تنوكل اوراقها شلون تاكلينها :
شفتوا الجزء الابيض بآخر الورقه هذا الي يطلع الخلاصه وايضا قاع الورده قاعده لذيذه جدا ممكن تنحشي باللحم المفروم او الرز او الكينوا وتنطبخ بمرق الطماطم او الليمون او الدبس.

وطبعا ممكن تنعصر : جربوا وصفة هالعصير (عالبارد) خصوصا للي عندهم كولسترول مرتفع :
وردة ارضي شوك مقطعه
ثومه (للي يقدر يستحملها)
ثلاث أعواد كرفس
مكعب زنجبيل
ولزيادة السوائل حبة خيارة حقول كبيره.

طبعا اللي عنده قولون يتحسس من الثوم يلغيه / اللي عنده ارتفاع ضغط ويتعبه الزنجبيل يشيله / اللي عنده حساسيه من اي مما سبق يلغيه ويسوي خلطه ثانيه
مافي شي يعالج بروحه لكنها دفعه صغيره للكبد مع نظام غذائي متوازن نظيف يجيب نتايج رائعه باذن الله 👍

هجوم رباعي 😋.. فقط ليمون ورشة ملح.
هالحلوه اول من علمني من ثلاث سنوات اذا مو اكثر @itsi_bitsi 😘

Most Popular Instagram Hashtags