al__garhi al__garhi

33 posts   730 followers   0 followings

جمهور الشاعر حامد القارحي 

• قصيده الشاعر حامد القارحي في حادثه الهجوم على الشيخ عايض القرني
سلمت يا عايض القرني وبائساً يزول
من لا استحى من مقامك وش يبا بالحياه
يا بيرق الدين ويا ماشي بنهج الرسول
يا منبر الحق يا قدوه جميع الدعاه
سبحان رباً جعل لك عند خلقه قبول
لو شفتهم كيف كلاً قام يرفع يداه
يرجون لطف الكريم اللي بيده الحلول
لولا حنانه ولطفه ما كتب لك نجاه
والحمدلله وبعد الحمد كلاً يقول
يا مرحبا حي صوتاً زارنا فالقناه
خل الروافض وسيرتهم نزول ونزول
والحرب قبل عشر شهور دارت رحاه
حول علاهم زعيم العُرب عرضاً وطول
والشعب خلفه تقول أنهم جبال السراه
والنصر قادم وصاب أهل العمايم ذهول
حنا هل الدين والعاصي كسرنا عصاه
والفرس تضحك على السذج ضعاف العقول
والغدر من طبع خاميني وفي مستواه
ماهي غريبه عليهم خايبين الفعول
اغتيل عثمان واغتالوا عمر في الصلاه
#هذيل #عسكر_البارود #درع_الحجاز

سفر الدغيلبي •
السماحه للعيوب اكبر غطا
عشت يا ابن مسمح ومات الخطا
والعطاوي رمز يرمز للعطا
ما على الدنيا ضمير مستريح

لقيت أزملانا وضعهم فيه مافيه
من زود الكبر ما يبغون حكم الشريعه •
_
حامد القارحي

المدايح فالنشاما ما تضيع
والله ونعمين فالهيلا جميع
وانت مدري تشتري ولا تبيع
ما على الدنيا ضمير مستريح

ما اعرف الكبر لو اني اسمع بطاريه
عسى صاحبي يعرف شتاه وربيعه •
_
سفر الدغيلبي •
-
انت في دوامتك وتلف عكس
يمدحونك فزعتك والوضع اكس
مرخين خشمك مثل خشم الهليكس
ما على الدنيا ضمير مستريح

حفيد الحرار معرباتٍ مجانيه
من العش ما في عينه الا الطليعه •
_
حامد القارحي •
_
ما تربينا على حب الخشوم
وانت حظك طاح وازرى لا يقوم
ما يسب الطيبين الا الرخوم
ما على الدنيا ضمير مستريح

هذا من حويته حاضره مثل ماضيه
ولا من مضر يرجع ولا من ربيعه •
_
سفر الدغيلبي •
_
المصلي يوم الاثنين استغاث
واستعاذ الله من الناس الخباث
يا وجيه الخير طالق بالثلاث
ما على الدنيا ضمير مستريح

ظهر حامد اللي تحت مقرن علابيه
يبي له صيانه مثل خط الرفيعه
_
• حامد القارحي •
_
ما دام هاذي حالتك ماني حريص
ما يعود للرخيص الا الرخيص
نعنبوا ذالخشم كنه خشم نيص
ما على الدنيا ضمير مستريح

ضعاف النفوس يدورون المشاريه
الا واهني اهل القلوب الشجيعه

#هذيل #عتيبه #حامد_القارحي #سفر_الدغيلبي

محمد العازمي
_
سلامي سلامن يوم أسوقه على هذيل
يعبر عن شعوري ويعني غلاها
_
يا حامد ليا عدوا علوم الرياجيل
انا اقول حامد زايدٍ من وراها
_
حامد القارحي
_
هلا مرحبا ترحيب يقطع بك الليل
واذا جاتنا العتبان نكرم لحاها
_
عسى دلتك فيها من البن والهيل
ويالعازمي يا علها يا عساها
_
محمد العازمي
_
ترا ما نلد الا على الجدي وسهيل
لو ان النجوم موزعه في سماها
_
يخيل خيال الصيف ويعقب السيل
وسيله يبي يشيل الجبال بحصاها
_
حامد القارحي
_
سمعنا جهتكم يا عتيبه مواويل
مواويل ما نعرف نغني علاها
_
محمد العازمي
_
مجمل مع اصحابك ما تحتاج تجميل
تغامر بنفسك فالشدايد فداها
_
لحون اغلب الهذلان جايه من النيل
وهل النيل ناسن ما عرفنا لغاها
_
حامد القارحي
_
مباراه الارجتنين ضد البرازيل
هذا العازمي ماهو على مستواها
_
لغتنا قديمه جات مع وحي جبريل
يومن العرب تتبع كلاها وماها
_
محمد العازمي
_
ترا ما ابلش الصاحين غير المهابيل
ولا كل من دور لحاجه لقاها
_
تجيك الليالي بالمصايب محاميل
حياة البنادم ما يحدد مداها
_
حامد القارحي
_
عسى ابو لهب ما عاد يطلع مع الجيل
وتبت يدين ابو لهب مع يداها

حبيب العازمي

يا حامد القارحي يا شاعر المعنا
انكان تبغى الكلام المعتبر معنا
واللي فقد شي في الدنيا يراجعنا
من يفقد الشي ما يعطيه طلابه

يا هذيل ياهل الذلول اللي عليها الشداد
اما قضبتوا رسنها حول شدادها

__

حامد القارحي

يا حبيب العازمي يالشاعر السابق
البيت وش حوله طابق على طابق
الظاهر السر فاللي فالحجر لابق
من يفقد الشي ما يعطيه طلابه

يا حبيب العازمي معنا عقال وقياد
والمستحي للحرامي يطلق قيادها

_
حبيب العازمي

حنا عتيبة بحاضرنا وماضينا
والقاضي المعتبر فالحق قاضينا
والحق يا هذيل يرضيكم ويرضينا
من يفقد الشي ما يعطيه طلابه


اللي يصيد السمك واللي يصيد الجراد
وده بصيد الوعول ومات ما صادها

_
حامد القارحي

كلن بتاريخ ربعه قانع وراضي
بس لو نقرن الحاضر مع الماضي
نصدر الحكم ما يحتاج له قاضي
من يفقد الشي ما يعطيه طلابه

ترا السمك والجراد بسلمنا ما يصاد
لاكن بعض القبايل ثالث اعيادها

_
حبيب العازمي

يا طامعين العرب لو كبرت الطمعه
يا ما على شان غالي طاحت الدمعه
صيحوا على ام الكباير واطفوا الشمعه
من يفقد الشي ما يعطيه طلابه

سلمت عيون العرب ياللي تذر الرماد
وهذيل ان ما نقصها الذر ما زادها

_

حامد القارحي

ما يحرق القلب غير البعد والفرقا
واليوم بالدمع شفت عيونكم غرقا
يا خوي وش بعد ابناء روق عن برقا
من يفقد الشي ما يعطيه طلابه

يالعازمي لا تحداني سيوفي حداد
وهذيل ما تخشر الكفار فبلادها

_
حبيب العازمي

انتم رجال ونعم وقسمكم باقي
والسالفه ما تعدا فحص الأخلاقي
علومكم مع عتيبه سبحه عراقي
من يفقد الشي ما يعطيه طلابه


ترا الجمل ما درا ان اللي قرصه القراد
والرمثه الميته ما يقرص قرادها
_
حامد القارحي

العازمي يحسب انه مالك الخزنه
حزين لاكن عيا ينكشف حزنه
والله لا امشيك يا حبيب على الوزنه
من يفقد الشي ما يعطيه طلابه

نتعب على الزرع والمكسب نهار الحصاد
يحكم على اصحابنا تاريخ ميلادها

محمد السناني
سلام يا حفل الكريم اللي حسبنا له حساب
أصحابي اللي تحسب حسابي لياني جيتها
_
سلامتك يا راس حامد وانت في غي الشباب
لاكن ما الأعمال بالنيات لا نويتها
_
حامد القارحي
_

يا مرحبا بك يالسناني وانت ذيب من الذياب
وانا ليا حركت ريشة بندقي ما اخطيتها
_
ماهي غريبه يا محمد لا تجاوزت الصعاب
لو بشكي ظروفي على اذانيك ما سويتها
_
محمد السناني
_

بندقك تحت التجربة وانت بعد طول الغياب
أما تغير سمعتك ولا تغير صيتها
_

حنا لنا قدرة نسد الدين ونفك الرقاب
شكواك لو جتني نهار السبت ما كبيتها
_
حامد القارحي
_
أعرفك لو انك وكيل الرزق ما فكيت باب
وعلوم سد علوم وأقدرك ما سميتها
_
الظاهر أنك منت قاري غير حرف من الكتاب
والمعرفة من ماضي الأيام هذا بيتها
_
محمد السناني
_

رزق البشر مكتوب وانته ما على وجهك حجاب
أرفع يدينك في صلاة الفجر لا صليتها
_
#هذيل #عسكر_البارود #محاوره
#حامد_القارحي #جهينه #محمد_السناني

حامد القارحي
_

هلا يا مرحبا ترحيب يصرف كنه الشيك
نزلت السوق واعرف مكسبي من راس مالي
_

ولا يا ذيب يا سرحان تعجبني مساريك
نبي نسري سوا ما همنا سود الليالي
_
مصلح بن عياد الحارثي
_

يدوم البقا والعلم واضح مثل الأتريك
ليا حطوه نص الليل في روس العلالي
_

على درب الرجا والمرجله ماني موصيك
لو انك منت بن عمي ولا اخويه الموالي

_
حامد القارحي
_
عسى حظك مثل حظ العرب ياخذ ويعطيك
ولا يشغلك في القطب الجنوبي والشمالي
_

من اول كان بن عياد ما يبغي التلفريك
وذلحينه يسلم بالجنيه وبالريالي
_
مصلح بن عياد الحارثي
_

عساها دعوة(ن) من لاهب الضيان تنجيك
ليا حطوك من بين اللحود ام الهيالي
_

انا ادور على اللي يا طويل العمر يرضيك
وادرجها مع الصاحب تداريج المحالي
_
حامد القارحي
_

تحاربنا سنين طوال بخشوم البلاجيك
وذلحينه على ما قيل صار المر حالي
_

لاكنا سمعنا علم ثاني من بناخيك
يقول ام القرى وحدودها من ورث خالي
_
مصلح بن عياد الحارثي
_

بعد ما حطيت روس القوم من سد الشبابيك
اشوف البر واطري في البحر ملكي لحالي
_

سنون البدو صارت بيض من ضرب المساويك
وزادتهم نظافة ثم زادتهم جمالي
_
حامد القارحي
_

ملكت اللي ملكته بس ما حنا مماليك
تدورنا وتلقانا طحاطيح الرجالي
_

علامك يا وسيع المعرفه ترمي تماتيك
ومثلك ما يضيع في الجواب وفالسؤالي
_
مصلح بن عياد الحارثي
_

ملكت اللي ملكته بس من جابك يوديك
هذاه اللي طرا للقارحي واللي طرالي
_

انا خابرك يا حامد بعيدات(ن) هقاويك
ترا ما جاك مني مخطيه يا ابن الحلالي
_
حامد القارحي
_

طرالي ما طرالي وانت ما نعرف طواريك
موكد ما على راسي عقال الا عقالي
_
يا بن عياد سمح خاطرك والله يحييك
ابن غانم طلع بشداد ابو زيد الهلالي
_
#حامد_القارحي #مصلح_بن_عياد #هذيل #عسكر_البارود #درع_الحجاز #محاوره #شعر #بلحارث #موال #عتيبه #حرب #قحطان #بني_سفيان #ثقيف #قريش #شمر #عنزه #بلي #جهينه #سليم #خنذف #شبابه #الحجاز

سفر الدغيلبي
_

الحصن والفرسان والميدان شوط(ن) بعد شوط
وجموعنا في الميمنه والقارحي فالميسره
_

أما يطبق درسنا حسب اللوائح والشروط
ولا بداله من عياله هذيل خمسه واعشره
_
حامد القارحي
_

ايات الأقوى عضت التمساح ولا الاخطبوط
القارحي فيه اثمره يالله عسى فيك اثمره
_

ياللي تعاتبني تراك العام جاوزت الشروط
ماني بمخطي لين اقول العفو عند المقدره
_
سفر الدغيلبي
_
اظن الاثنين اطيب من العنكبوت ام الخيوط
ما غير اوصفهن وهن ما حركن بي اشعره
_

تقول للرحمه جزا ونقول للتعذيب سوط
والسوط يمكن يذبح الرجال بطنه واضهره
_
حامد القارحي
_

السايق اللي ما معه رخصه قياده طوط طوط
وازعج عباد الله وهو من نسل رجال ومره
_

يا كبر قلبك يا سفر ياللي تحملت الظغوط
لا بارك الله فالليالي صنفرتكم صنفره
_
سفر الدغيلبي
_

صاحبك طيار(ن) يعرف الارتفاع من الهبوط
والسايق اللي تذكره شالك معه في موتره
_

اشوفكم وابرا الى الله واتذكر قوم لوط
امواتكم والعالم الله ما يجون المقبره
_
حامد القارحي
_

طيارته فيها خلل فني يؤدي للسقوط
اخاف لا تسقط وتنشبله حديده في انحره
_

نسعط المجنون والطيب ما يبغاله سعوط
وان زارنا نعطيه ثوب(ن) من ثياب الشنفره
_
سفر الدغيلبي
_

حنا عبدنا الله لا شياس ولا قنوط
وهنود ابو ذا كل مجموعه يعبدون ابقره
_

المختبر يقول دم القارحي دم مخلوط _
اثره صحيح ان الرجل ما ينعرف من مظهره
_
حامد القارحي
_

ما عندنا خبره عن التفحيط اركبلك جنوط
يا كبر جرم اللي يخاطبني وعقله مصغره
_

الظاهر انك يا سفر مولود في شهر مغلوط
لاكن فوحي يا لبانه فوق جمر المبخره
_
سفر الدغيلبي
_

ما ابغاك تمس لي جنبك يا ابو جنب مخبوط
والشرع يحكم بيننا والشرع حكمه مطهره
_

سبحان رب(ن) حطكم لحم(ن) على الارض محطوط
جاهز ولا يحتاج للجزار راعي المجزره
_
حامد القارحي
_

انته تحوط الجلد يوم اجلدك ولا ما تحوط
انته مغبر يا سفر والجلد تنفيض اغبره

_

سبحان من سواك لحم(ن) ما يبا غير القلوط
يا مرحبا يا ضيف واقلط والامور ميسره
_

#هذيل #عسكر_البارود
#عتيبة #درع_الحجاز
#حامد_القارحي #شعر
#سفر_الدغيلبي #شعراء
#بني_سفيان #سليم
#قلطه #قريش #محاوره
#المحاوره #موال #شمر
#حرب #جهينة #قحطان
#يام #الجنوب #الشعر

زوماله سليم
_

اعداد ما خيل خيال من البحر جت به هبوبه
واسقى جميع الدار من شامه ليا قاصي جنوبه
سلام بإسم سليم للهذلان عزوه ومحسوبه
مبروك يا مازن وريث الطيب من عهد الجدود
_

هذيل اهل تاريخ بين الناس للعليا رقوبه
تاريخهم معروف في الميدان في وقت الصعوبه
وحنا سليم وللعداء نيراننا دايم شبوبه
مع الرسول المصطفى في فتح مكة له جنود
_
والثالثه وشو رجل ينهى ويآمر بالعقوبه
ماله لسان ولا عيون ولا يغير في دروبه
وليا حضر بين البشر كل البشر فعله دروبه
موجود من عهد الرواه اللي قبل عاد وثمود
_

رد الشاعر حامد القارحي
_

اعداد ما هل المطر منا وينقادت نصوبه
قدامكم جانا على مكه ودوبه كف دوبه
يا مرحبا حيالله اللي ما قصر عنا وجوبه
والطيب ما نستغربه منكم عساكم فالوجود
_

سليم تاريخ(ن) مشرف للبلاد وللعروبه
بيت(ن) على سيسان ماهو بني طوبه فوق طوبه
وحنا رفاقتكم واقول الراس عزه من جنوبه
تاريخنا من خلقت الدنيا ولا نبغى شهود
_

واللغز يالسلمان نبي نرميه جعل الرمي صوبه
هذا القلم يكتب مع الكاتب ويمشي مع سلوبه
لاكن مدري لا تعرض للحراره والرطوبه
يجود يأهل المعرفه للخط ولا ما يجود
_
#هذيل #سليم #حامد_القارحي #زومال #حدايه #شعر #عتيبة #عسكر_البارود #بني_سفيان #بلي #قلطه #قريش #حرب #الحجاز #الشعر #محاوره #نظم

محمد العازمي
علشان الهذيلي ما يصيبه شك ولا ريب
انا بعطيه قاف(ن) معتبر ويزين اخلاقة
_
يقولون الرجال الجن ما يرتاح حول الذيب
ولا يا كم جني(ن) لا شافة ركض ساقة
_
حامد القارحي
_
كثير من العرب ما يعرفون الفك والتركيب
وانا سويت لك مسمار بين الباب والطاقة
_
ولاكن شوفلك لعبة تخارج معك يا لعيب
ولا تاخذ من الميسور لقمه مالها فاقة
_
محمد العازمي
_
مربيلك شنب وانت يا حامد فاللزوم شنيب
وانا ما اعدك الا ثوب(ن) معلق بمعلاقه
_
ولا يا فكرتي فالعالم اللي ما تعرف العيب
تبي تسوي سوات اهل المراجل مالها طاقة
_
حامد القارحي
_
تعرف ابو شنب كم ليلة(ن) حطك بوسط الجيب
ولا به فرق وجه العازمي وشمالة الناقة
_
بغيت اعطيك طيب وشفت مالك معرفة بالطيب
ورديتك على علم(ن) قديم وجيت محتاقة
_
محمد العازمي
_
انا ما ودي اعذبك وانت معذب(ن) تعذيب
علومك يالهذيلي لا تروح علوم طقاقة
_
وش اللي عرفك بالطيب وانت راعي التخريب
تلم البيض كله في يدك وانت سلاقة
_
حامد القارحي
_
لفينا ما لقينا غير لمبه والعه فالسيب
وعلمني ولد عم الفتى بعلوم(ن) ادقاقه
_
مشاريعك كثيرة يا محمد والنصيب يصيب
وريع الخندمه بعد التطور راح مطراقه
_
محمد العازمي
_
يا حامد لو تجنب عن حضرتك مالها تجنيب
ولا يحتاج اوضح شي وانت كفوفك ارقاقه
_
هذا حامد مسوي مكتب(ن) ماهو للتعقيب
ولاكن اصبروا عشرين يوم ونكشف اوراقة
_
حامد القارحي
_
عمامتك النظيفة لا تعودها على التسحيب
ولن حطوك من دونهم لا تقطع الساقه
_
#هذيل
#درع_الحجاز #عسكر_البارود #عتيبة #سليم #حامد_القارحي #محمد_العازمي #قلطه #قريش #بني_سفيان #ثقيف #قحطان #مطير #محاوره #شعر #شمر

حامد القارحي
_
سلام الله سلام اسلام والدين الصحيح اسلام
وحنا مسلمين وراية الاسلام منصوره
_
اضن العام يا عتيبة مهو مثل عام العام
لاكن الله يعز الممكله ويعز اخو نوره
_
سفر الدغيلبي
_
هلا يا مرحبا والسلم طيب والكرام كرام
كرام الناس عن فعل الكرم مهي بمعذوره
_
ما دام فزوعنا عشرين كيلوا من حدود الشام
عسى واحد من الهذلان يرفع بيرق الثورة
_
حامد القارحي
_
ولا يا لابس البسام حذرا لا تطرح البسام
ترا البسام يعطيك الثقة ويضبط الصوره
_
فزعنا من ديرنا يوم فزعكم من الدمام
ولا تسحب عتيبة كلهم من راس تنوره
_
سفر الدغيلبي
_
انا دايم بعيد عنك في الممشى وفي الدرهام
تعديتك بسرعة وجملك بارك على زوره
_
بدون تقولها يالقارحي في منبر الاعلام
ابفزعلك واوصلك من الدمام ماصوره
_
حامد القارحي
_
تقولون الوعد قدام ما رحتوا على قدام
حسمت المعركة ما بين سكيني وحنجوره
_
انا صوتي طويل ولا رفعته ياصل الحكام
ولاكن المصيبة فعلكم في مجلس الشوره
_
سفر الدغيلبي
_
ترا ماهي غريبة لو نوضف فالبلد خدام
على رغباتهم وحسابهم شهري بفاتوره
_
تلومون العتيبي يوم ياخذكم على الصدام
ليا زاد الجمايل معكم تزيدون فالبوره
_
حامد القارحي
_
لا والله يا سفر مابه ملامه وانت ما تنلام
ومن يعطيك شاهي بالحليب ونص شابوره
_
دخلت العسكرية يوم كان الحرب مع صدام
وبعض الناس قالولي سفر فاصل من الدوره
_
سفر الدغيلبي
_
على شان اقصرانا ما يجوز الحكم بالاعدام
مغير نشيلهم مقطورة مع درب مقطوره
_
انا سايق وعذبت المواتر في الطريق العام
لو انك موتري من تحت رجلي حن ماطوره
_
حامد القارحي
_
ولا يالصاحب اللي تحسب العمره بدون احرام
انا لو هو على كيفي سفر عدلت دستوره
_
وانا سايق ولا اسوم المواتر تحت الاستخدام
وعندي نظرة في الموتر الطيب وديكوره
_
سفر الدغيلبي
_
تساعدنا بعد ما بلشوا الطلاب بالاقلام
بلاش اجيب سبوره ترا جبهتك سبوره
_
#هذيل #عتيبة #عسكر_البارود #درع_الحجاز #حامد_القارحي #سليم #سفر_الدغيلبي #قلطه #قريش #بني_سفيان #ثقيف #مطير #قحطان #شعر #شعراء #محاوره

Most Popular Instagram Hashtags