[PR] Gain and Get More Likes and Followers on Instagram.

ahmedalanzoor ahmedalanzoor

1969 posts   283918 followers   648 followings

Ahmed Al Anzoor | أحمد العنزور  أخصائي علاج طبيعي أخصائي تقوية و لياقة بدنية و تأهيل PT/CSCS/CMP/NKT/DN/FR/Rehab Snap:Ahmedalanzoor للمواعيد +973 17004455 موقع العيادة

http://goo.gl/maps/Fva5Smg96Az

قوة شباب
.
.
تمارين التوازن مهمة في تأهيل إصابة اي لاعب و طبعا التاهيل يبدأ بالتدريج من تمارين سهله الى تمارين فيها نوع من التحدي وصعوبة التوازن من حيث نوعها و وقتها⚖. .
.
طبعا بالممارسة اي شخص سواء رياضي او غير رياضي يقدر يطور 📊من مهاراته في التوازن. .
.
غير ان هاي الشي مهم جسميا وصحيا فيه نوع من التحدي و الوناسة 😆. اللاعب يحتاج يكون على قدر عالي من التوازن عشان يحافظ على أداءه اثناء تمرينه ولعبته وعشان يمنع نفسه من إصابات مستقبلية😎👌🏾. بدون توازن بتضطر تجهد اجزاء كثيره من جسكم عشان تثبتك و انت تركض، تقفز، و تسوي اي حركه
.
.
من يتحدى؟😎

قوة شباب
.
.
لاحظتوا قبل طريقة تنفسكم شلون؟
تتنفسون تنفس سريع وقصير او تاخذون نفس عميييييق وتحسون ان رئتكم تشبعت اكسجين 🗣. حطيت لكم اختبار الصبعين شوفوا انتوا شلون تتنفسون!
.
.
طريقة التنفس الصحيحة مثل ماشرحت لكم في الفيديو تلعب دور كبير في جسم الانسان من جميع النواحي العضلية و الحيوية. .
.
و بما ان ناس وايد يعانون من مشاكل وآلام الرقبة بسبب شد وتقلص العضلات الي تعتبر عضلات ثانوية في التنفس والي تدعم🗜 عضلة الحجاب الحاجز في التنفس. اذا عدلتو طريقة تنفسكم وما حبستوا نفسكم خلال ادائكم لمختلف نشاطاتكم اليومية 😤راح يقل الضغط على عضلات الرقبة و اعلى الظهر و يقلل الالام المزمنه و هالشي راح يقلل الصداع و تتحسن الوظائف الحيوية ويزييييد التركيز. و بهذي الطريقه بتاخذون اكسجين اكثر يعني عصفورين بحجر! اكسجين اكثر و تقليل شد عضلات الرقبه و الاكتاف و الصدر👌🏾

قوة شباب
.
.
تدرون انه عضلات الرقبه اذا شدت ممكن تسبب صداع مزمن و كريه و ما يفك بالادويه؟ كم ساعه قاعدين مجابلين الكمبيوتر و الموبايلات؟ راسكم طاير جدام و عضلات رقبتكم تشتغل فوق طاقتها تشد و تتقلص و تأثر على حركه العمود الفقري و يقل الاكسجين الواصل لها بسبب العقد العضليه!
.
.
ترخيه عضلات الرقبه و اطالتها علاج فعال للصداع و الصداع النصفي و الصداع التوتري🙏🏾

السلام عليكم شباب
.
.
عضلة الـ quadratus femoris , عضلة صغيييرة و عميقة موجودة بين المقعدة و عضلة الفخذ الخلفية اذا شدت تسبب نقص في مرونة مفصل الحوض و الم في المنطقة نفسها و ممكن يصل الى أسفل الظهر. .
.
📌ممكن تكون اهيا أساس المشكلة و على كثر أهمية هاي العضلة 👌🏾 على كثر ما ينسونها الاخصائيين في التشخيص 😓.
.
.
حطيت لكم تمرين لترخية هاي العضلة:
راح تقعدون على الكرة 🎾 وتدحرجون نفسكم عليها لمدة دقيقة وحدة و تكررون مرتين في اليوم.

#Repost @rebalancebh
・・・
جزء من مقابلة تلفزيون البحرين في برنامج #إسال_طبيب 👌🏾@ahmedalanzoor
.
.
لمشاهدة اللقاء بالكامل اللنك موجود في البايو 😁

الاشعة الاشعة الاشعة !! 🎞
.
.
وايد مرضى يركزون على نتيجة الاشعة! 💽 و يحطون في بالهم ان الأعراض الي فيهم من الشي الموجود في الاشعة!! تعرفون ان وايد ناس عندهم آلام ويسوون اشعة ومايطلع اي شي في اشعتهم! و العكس صحيح .
.
تلاقي عضلاته ضعيفه و طول اليوم قاعد و ظهره يعوره و اذا سووا له رنين يقولون فيه ديسك! من مافيه ديسك! قوم تحرك قوي عضلاتك ضبط حوضك و شوف الالام شلون تخف بلا ديسك بلا خرابيط قولي شنو اعراضك شنو تحس فيه متى يجي الالم شنو شغلك شنو رياضتك راوني قوامك مشيتك ركضتك و بنشخص مشكلتك السي دي ما يهمنا كثر الفحص السريري.
.
في دراسات سووها بين اشخاص ماعندهم اي أعراض وآلام لكن اشعتهم مو طبيعية 👇🏾: - ٨٧.٦٪؜ من الأشخاص يعانون من انزلاقات غضروفية في الرقبة لكن ١٢١١ شخص منهم مايعنون من اي آلام.
- ٨٠٪؜ من الأشخاص يعانون من تآكلات في العمود الفقري السفلي لكن ٣١١٠ شخص منهم مايعنون من اي ألم.
- ٤٣٪؜ من الأشخاص يعانون من مشاكل في الغضروف الهلالي للركبة لكن ٤٤شخص منهم مايعنون من اي ألم.
- وغييييييرها من النتائج.
.
.
في معظم الاحيان #اشعتك_ما_تعكس_مشكلتك

مساء الورد
.
.
عطيناكم تمارين قبل للعضلة الكمثرية 🍐 و هذا تكتيك واحد 🔧من كثير من تكنيكات العلاج اليدوي الي نستخدمها في ترخيتها💆🏽‍♂️
.
.
هذي العضلة اذا شدت💥غير الآلام الي راح تسببها في المقعده و آلام تنزل في الرجل، راح تاثر في وراح تقلل من المدى الحركي الطبيعي للحوض خصوصا للخارج .
.
نقص المدى الحركي ممكن ما يكون واضح بس اكيد بيأثر على وايد اشياء يعني الحوض ما يتحرك عدل فبتدخل الركبه للتعويض! و خذ عاد مشاكل فوق و تحت🤦🏽‍♂️
.
.
الترخيه الي في الفيديو مؤلمة شوي لكنها فعاااالة ونتايجها واضحة 😍👌🏾 راح تلاحظون الفرق في الحركة قبل الترخيه و بعد الترخيه والأعراض راح تقل مباشرة👍🏾. ‎#الالم_المريح

بمناااسبة اليوم الرياضي 😎 🚴🏾‍♂ و الفعااليات المهمة الي صايرة في هذا اليوم 😍 جايب لكم موضوع مهم يتعلق بالرياضة👌🏾. .
.
الـ warm up او الإحماء 🔥 جزء مهم جدا من التمرين كثير من الناس يتخطونه 💨 بسبب الوقت ، الملل او الاندفاع الشديد للتمرين!! .
.
الإحماء ما راح ياخذ وقت ⏲ طويل وراح يساعدكم ان تتجنبون إصابات وآلام انتو في غنى عنها!!
.
.
بدون الإحماء انت تعرض جسمك الى صدمة! 😮
يعني تخلي جسمك تحت الامر الواقع وفي ضغط بدون اي مقدمات او تهيئة مسبقة ، عكس الاحماء الي يعطيك فرصة ان تحقق اشياء اكثر في تمرينك 〰ويحميك من إصابات كثيييرة تعطلك اكثر من اللازم. .
.
الرياضي الي ياخذ كل جزء من تمرينه بعين الاعتبار ويحط أهمية 📌 لكل جزء من تمرينه اهو نفسه الي راح يتميز عن غيره وراح يستمر في تميزه لوقت اكبر.
يعني ممكن تلاقي لاعب متميز وقوي ومايسوي احماء بالمرة، بس شكثر راح يطول هالشي معاه؟ 🤔 شكثر راح يستمر بتميزه وقوته في التمرين ؟ شكثر راح يتفادى الإصابات؟!! طبعا المدة جدا محدودة!! .
.
حطيت لكم تمارين احماء بشكل عام لكل الجسم ممتازه خصوصا للمبتدئين تقدرون تستفيدون منها خصوصا اليوم قبل نشاطات اليوم الرياضي 😎👌🏾

مساء الورد
.
.
طبعا مشكلة العصر الم الرقبة والكتف و اكييييد عارفين كل الأسباب قلناها وااايد😴. ونعيد ونكرر في الموضوع عشان نفيدكم. .
.
في تمرين اطالة الكل متعود يسويه ومثل ماتشوفونه في الفيديو طبعا هاي التمرين فعال بس عشان نزيد من فعاليته اكثر شوفوا التغيير فيه.
.
.
خل أضيف لمعلوماتكم شغلة , مع نمط الحياة الشخص لا إراديا يرفع جتفه لي فوق ويضل في هاي الحركة مدة طويلة طبعا راح تشد العضلة، الغرض من اضافة حركة الكتف للأعلى عشان نعالج العضلة من مصدر حركتها الخطا ونزيد من مستوى الاطالة 😎👌🏾.

السلام عليكم شباب
.
.
عضلة التراي او عضلة الذراع الخلفية المسؤلة عن فرد الذراع للخلف، تتكون من ثلاثة رؤوس او ثلاثة اجزاء. العضلة ممتدة من الكتف الى عظمة الكوع و الالم ممكن ينتشر في كل هاي المنطقة 🤒. .
.
في الرياضة او في البيت حركات كثيرة تعتمد على هاي العضلة وفِي بعض الحركات وزن الجسم كله ينزل عليها 🏗. .
.
من الإصابات النادره نوعاً ما الي تصيد الرياضيين او الناس بشكل عام. المها جدا مزعج💢 ويحد اللاعب من تمرينه و الشخص من اداء حركاته اليومية بشكل سلس وطبيعي👎🏾.
.
.
في اول فترة الإصابة لازم نعالجها في اسرع وقت عشان ماتزيد وتتفاقم الإصابة! لا تقول بتصير زينه و تهملها!! اتبعوا التمارين الي حطيتها لكم مثل ماشرحت لكن في الفيديو ، اخترتها لها لكم وتعتبر تشكيلة مهمه منها اطالة و تقوية وترخية 😎👌🏾.طبعا هذي مو للتمزقات الشديده! اذا كان الالم قوووي ما تصلح لك هالتمارين راجع اخصائي!

مساء الورد
.
.
شبااااب تابعونا الليله الساعه 9:00 مساءاً على تلفزيون البحرين برنامج #اسأل_طبيب
.
.
بنتكلم عن النشاط البدني، انواعه، فوائده، و بنتطرق للإصابات الرياضيه من انواع، اعراض ، وقاية و علاج💪🏾 @btv_bh

عضلة الساق الخلفية
.
.
او مثل ما يسميها البعض البطة🦆 كثير من الناس يتجاهلونها و ينسون انها تربط بين مفصلين مهمين! الكاحل و الركبه
.
.
يعني اي مشكله في البطه ممكن تسبب مشاكل تنزل تحت في الكاحل او باطن القدم و ممكن تسبب مشاكل تصعد فوق للركبه او حتى الحوض! ممكن تأثر في المرونه!
.
.
افحص البطه! و ترى هي مجموعة عضلات و اكثر من غشاء! هل فيها ضعف؟ تقلص؟ شد؟ عقد عضلية؟ افحصها عضله عضله هل في عضلة انشط من خواتها؟ و في تكنيكات كثيييره للتعامل معاها

Most Popular Instagram Hashtags