[PR] Gain and Get More Likes and Followers on Instagram.

ahmedalanzoor ahmedalanzoor

1881 posts   280575 followers   627 followings

Ahmed Al Anzoor | أحمد العنزور  أخصائي علاج طبيعي أخصائي تقوية و لياقة بدنية و تأهيل PT/CSCS/CMP/NKT/DN/FR/Rehab Snap:Ahmedalanzoor للمواعيد +973 17004455 موقع العيادة

https://goo.gl/maps/Fva5Smg96Az

مساء الخير
.
.
تمارين ممتازة لالم الSIJ و الم العصعص و اسفل الظهر الكل يقدر يسويه سواء كنتي حامل او كان فيك ديسك كرروها مرتين يوميا
.
.
١- اضغط على مخده او فوطه و ارفع الحوض و اثبت ٥ ثواني كرر ١٠ مرات
.
.
٢- نرفع الرجلين بزاويه ٩٠ ٩٠ و ننزل كل رجل لحالها ٥ مرات يمين ٥ مرات يسار
.
.
٣- نرفع رجل بشكل مستقيم و نرفع الحوض فوق و نثبت ٥ ثواني ٥ مرات لكل رجل
.
.
٤- تدوير الرجل مع عقارب الساعه و عكس عقارب الساعه بنكرر للرجلين ٥ مرات

مساء الورد
.
.
تكلمت في البوست السابق عن الم و مشاكل الSIJ رجعوا للبوست عشان تعرفون عن اي مفصل اتكلم
.
.
في هذا البوست براويكم حركه بسيطه ممكن تسوونها في البيت لتضبيط وضعيه المفصل adjustment و تخفيف الالم (مؤقتاً) ممكن تسوونها ثلاث مرات يوميا
.
.
الحل النهائي لهذي المشكله التمارين الي بتشوفونها في البوست القادم💪🏾😍

قوة شباب
.
.
مفصل sacroiliac joint SIJ مفصل يربط الظهر بالحوض! بالعربي اسمه غريب شوي المفصل العجزي الحرقفي😅! الالم ممكن يكون في الحوض او المدور او الظهر او المقعده او اكثر من منطقه .
.
تختلف مشاكل هذا المفصل من التهاب ، احتكاك، تآكل، طقطقه او حتى عدم توازن في العضلات
تابعوا البوستات القادمه للتمارين العلاجية😎👌🏾

صداع كاذب
.
.
شنو يعني؟ لانه المشكله مو من الراس المشكله من العضلات هي الي تسبب الصداع و خصوصا عضلات الرقبه و اهمها العضله الي في الصورة الSCM بالانجليزي.
.
.
هذي العضله تشد تتقلص و يصير فيها عقد عضليه او Trigger Points شوفوها بالx في الصورة و مناطق انتشار الالم بالاحمر.
.
.
في طرق علاج كثيره لهالحاله بس في طريقة علاج بسيطه مؤقته و هي الضغط و تحريك الدورة الدموية في هذي العضله في الصوره انا اسويها للمريض بس انت تقدر تسويها لنفسك. التفت يمين بتلقى العضله اليسار نطت امسكها بالابهام و السبابه نفس الصورة و اضغط بقوة متوسطة و اثبت لمده 5 ثواني و نفس الشي للجهة الاخرى. كرر الضغط على كل اجزاء العضله بتشوف انه الصداع بيتحسن في دقائق. هذا حل مؤقت وليس نهائي لان العلاج الفعلي نشوف ليش هذي العضله شدت من اساس🤔

مساء الورد
.
.
شلون نضبط تمرين الlunges او الطعن؟ وايد اشوف ناس في النادي ما يعرفون يسوون هذا التمرين! صح انهم يسوون الحركه بس لانه ما عندهم المرونه و القوة و الطريقه الصحيحه تلقاهم يعوضون بحركات ما لها داعي .
.
يقدمون الظهر للامام او الخلف! يلفون القدم! يدخلون الركبه للداخل و الخ الخ الخ و هالشي ممكن يسبب الام في الظهر الام في الركب و غيره و على فكره سبب رئيسي لالام الركبه تمرين الlunges الخاطيء
.
.
قبل لا تبتدون بتمرين اللانج بعطيكم تمرينين ضبطوهم اول و تاكدوا انكم تسوونهم صح و بعدين انتقلوا للانجز
.
.
١- سبلت سكوات split squat
رجل قدام و رجل ورى و يدينك فوق خلف الراس انزل شوي شوي لا ترمي جسمك، تحكم بالنزول و بالصعود لا تخاف في البدايه بيكون التحكم صعب و مع الوقت بيضبط .
.
٢- اذا تمكنت من التمرين الاول بننتقل للتمرين الثاني
Reverse lunge towel slide
لانج عكسي بالفوطه شكله سهل بس صعب بتنزل باستخدام منشفه او قطعه قماش على ارض ملسه يعني رخام او باركيه
٣ تكرارت في ٥ جلسات و شوي شوي زيد .
.
اضبط عالتمرينين و شوف تمرين الlunges و حتى السكوات و الديدلفت شلون بيتضبطون💪🏾🔥
🙏🏾@vinnierehab

مساء الورد

اعيد و ازيد في هالموضوع للاهميه!! تشخيص مفصلين يكون اصعب من مفصل واحد، لانه المشكله تكون جسدية اكثر من كونها مفصلية، global و ليست local، طبعا ما اقول انه المفصل سليم لا بالعكس يكون ملتهب و ماخذ الحمل كله
.
.
بس المشكله الاساسيه ما تكون منه بل من مكان ثاني او حركه ثانيه او شي بعيد و هذا الخلل يطلع على هالمفصلين المساكين يعني لو ضربنا ابر💉 لو خذينا كهربا🔌 و ادوية 💊 و غيرها من العلاجات بدون تضبيط الخلل الاساسي حالنا حال الي يحفر في بحر🌊 اذا تشتكي من مفصلين في نفس الوقت و علاجك مختصر على منطقة الالم ما راح تتعالج😁 نقطه

متى يرجع اللاعب للملاعب بعد عملية الرباط الصليبي؟
.
.
من سنين و احنا نسمع انه الرباط الصليبي يحتاج ٦ اشهر عشان اللاعب يرجع يلعب ١٠٠٪‏ و ان كان في لاعبين صج احتاجوا ٦ اشهر و بعضهم اقل بس النسبة الكبيرة تحتاج اكثر
.
.
الطب و العلم و مختصين التأهيل الغوا سالفة ال٦ اشهر لانه كثييير من اللاعبين صادهم قطع جديد بعد العوده او كانت رجعتهم مو مضبوطه ركضتهم مو نفسها قوتهم مو نفسها.
.
.
٩ اشهر هي فترة التأهيل الجديدة طبعا مو بس في المستشفى! شاملة كل التأهيل من تأهيل في العياده و تقويه في نادي الحديد يكون تحت اشراف مختص عشان يشتغل على الحركة mobility و الثبات stability قوة عضلية، لياقة عضلية، ضخامة عضلية و تمارين موازنة balance و تمارين قوة انفجارية explosiveness و و و و لازم المريض يعطى الجدول و لازم يكون على دراية في اي مرحلة هو و شنو بالضبط قاعد يسوي! سالفة ارفع رجلك و عد للعشرة و المعالج ماشي عنك ما تمشي😆

تمارين علاجية
.
.
تكلمنا في البوست السابق عن مشكله القولفر البو او كوع لاعبين القولف و هذا البوست عباره عن تمارين علاجيه لهذي المشكله
.
.
١- ترخيه العضلات الشاده بالكره لمده دقيقه ممكن تستخدمون اي كره يابسه شوي، كره التنس تمشي الحال
٢- تحريك الذراع مع و عكس عقارب الساعه
٣- تمارين اطالة للرسغ مع الثبات لمده ١٠ ثواني
٤- تقوية العضلات بتمارين المقاومه مع استخدام حبل مطاطي

Golfer's elbow

قولفر البو او كوع لاعبين القولف، ارتبط اسم هذي الاصابه لكثره حدوثها في لاعبين القولف من طريقة ضرب الكره بشكل خاطىء
.
.
التهاب في اوتار العضلات المسؤوله عن ثني الرسغ، و يصاحبه تيبس و تقلص في هالعضلات، شلون نعرف؟
.
.
شوفوا الاختبار الي في الفيديو في الوضع الطبيعي الشخص بيقدر يثني الرسغين للخلف و يكونون بشكل مستقيم او شبه مستقيم ✅ اذا عندنا تقلص في جهه وحده بتلقون حركتها اقل من الجهة الثانيه يعني الجهة السليمه بتكون مستقيمه تقريبا و الجهة المصابه لا❌
.
.
بغض النظر!! اصابه كريهة و اذا ما تعالجت بتصير مزمنه و وايد لاعبين من رياضات مختلفه اضطروا يتركون الرياضه بسببها و البوست القادم بنتكلم عن تمارين لترخيه هذي العضلات و تمارين علاجيه لهذي الاصابه💪🏾

نصيحة و معلومة عالسريع
.
.
عشان جذي اذا تقيسون طولكم الصبح تكونون حبتين اطول من اذا قستوه خلال اليوم! من تجمع السوائل في الديسكات💧

مساء الورد .
.
التهاب وتر البايسبس او biceptal tendonitis عباره عن الم في نهايه عضله البايسبس و عاده يضرب الكتف من قدام
.
.
عادةً الالم يزيد في تمارين الدفع مثل تمارين الصدر و غيرها الاسباب مختلفه تكنيك خاطىء في اداء التمارين مافي تسخين صحيح، عدم توازن في العضلات مثل شد و تقلص عضلة الصدر ممكن يسحب الكتف للامام و كل هالاشياء ممكن تسبب ضغط على اوتار الكتف و البايسبس مما يسبب التهاب
.
.
في اسباب غير هذي ممكن تغير ميكانيكيه الكتف و تحرك الوتر من مكانه احيانا تكون خلقيه يعني الحفره الي لازم يكون فيها الوتر تكون مو عميقه و بالتالي خروج الوتر من مكانه يكون اسهل او تعرض الشخص لحادث او خلع
.
.
طبعا هذا تكنيك مو علاج نهائي و لكن جزء من العلاج لانه لازم نشوف بالضبط شنو الاسباب و نضبطها 👊🏾

قوة شبااااب
.
.
تمارين بسيطه للموضوع السابق شلون نضبط وضعية الراس المتقدم او ال forward head posture
.
.
اربع تمارين بسيطه:
١- دفع الفك (الحنك) للداخل و الثبات ٣ ثواني كرر ١٠ مرات.
٢- بتحتاجون سير مطاطي ينباع كل مكان و تفتح نفس الفيديو بس ركزوا انكم تفعلون عضلات الظهر كرر ٢٠ مره.
٣- اطالة عضلات الرقبه يمين و يسار مع الثبات لمده ٥ ثواني و كرر ٥ مرات لكل جهة.
٤- الصق على الجدار تأكد انه راسك و اعلى الظهر و اللوحين ثابتين و نزل اليدين نفس الفيديو ١٠ مرات.
.
.
كرر هذي التمارين على ثلاث فترات بشكل يومي 💪🏾

Most Popular Instagram Hashtags