abiaat abiaat

933 posts   3,807 followers   141 followings

  snapchat : abiaaat


.
على شباك بالي هبّت الذكرى وانا اللي كل
ما مالت للحنين أغصان طيفك طار نسياني
.
تذكرتك وانا اغني " ابا اركض فالمطر وابتل "
يا ليته لا غسل وجه الشوارع يغسل أحزاني
.
وناديتك وانا عيني تغورق والكلام يهلّ
وكلام عيوني اللي فالغياب أصدق من لساني
.
يا كثرك داخلي واخاف لو طال الغياب تقل
واخاف ألقى بعدك اللي يبيني ويتمناني
.
ياليتك جيتني قبل الشعور من الشعور يمل
ومعك باقي العمر كل العمر يمديك تنساني
.
تعبت أهرب من الذكرى ومثلك ذكرياته ظل
لو ان الارض تركض تحت رجلي ماتعداني
.
غريب اكثر من اني عايش بغربة وفاقد خل
وحيد اكثر من اني في زحام الناس وحداني
.
أشوف إن المفارق مشكلة .. وانته تشوفه حل
مثل ما الحب اشوف انه غنى .. وتشوفه اغاني
.
تمر أحلى مواعيدي معك مثل العمر وتزل
واخاف انك تجي في موعد وماعاد تلقاني
.
بكيت بيوم توديعك ما " زاد من الدموع ودل "
ياليته ما يجيك اللي بيوم فراقنا جاني
.
وابا ابكي لو يقولون ان دمع الرجل عيب وذل
انا احس اني ليا من بكيتك يرتفع شاني


.
لم تأتِ ..


.
أراضيها غصب لو خاطري زعلان ،
واحايلها .. واقبلها .. واعانقها !
.
واذا قالت انا الغلطان انا الغلطان ..
اكذب كل مافيني واصدقها !
.
تمنيت انخلق صوتي بدون لسان ،
ولا قلت : الكلام اللي يزعلها !!

‏•
.
عن كل شي الا الألم مسموحه
‏اللي يسرّيني وانا ما ادري !
‏.
‏ما عاد شـرفة غرفـتك مفتـوحه
‏قفّلتي الماضي ونمـتي بدري !

abiaaat ..


.
‏لا غيركِ يسكن ذاكرتي
‏لا غيركِ يسكن أجفاني
.
‏قد ماتت كل نساء الأرض
‏وأنت بقيتِ بفنجاني
.
صباح الخير انستقراميين :)


.
‏أنا من اللي تأثّر فيهم الذكريات ،
‏ارحمني وخب دمعة عينك اليا ذرفت !
‏.
‏ولا تلتفت وانت مقفي خل لي الالتفات ..
‏أخاف لا تلتفت .. وتشوفني ملتفت ،


.

مثل النسيم الساكن اللي مر له غصن و تحرّك
ذكراك مرتني بصمت وجا على بالي كلام !
.

مشتاق لك و لا هدا بالي ولا حالي يسرّك ..
طمني إنت ، اشتقت لي ؟ نسيتني .. تسهر ، تنام ؟!
.

يمر لي طاري ، واذا في البال طاري يمرّك
تبكي علي او تبتسم او مر طاري والسلام ؟
.

افا عليك ان ما ابتسمت وراحت الذكرى تجرّك
لأيامنا وأسرارنا وأول لقا وأعذب غرام !
.

يا كنت أحبك حب ، لا والله إذا كانه يسرّك
أشعر بنفس الحب إلين اليوم ونفس الاهتمام
.

هذي هي أحوالي واذا بتكدرك والا تضرّك ،
أنا بخير وطيب وحالي على أحسن ما يرام !


.

جالس معك لكن أحس إني وحيد ،
الأرض غربة و الوطن دربه فضا !
.

و أنا الغريب اللا قديم و لا جديد ..
في ماضي الحاضر و حاضر ما مضى ؟
.

برد الشعور أشد من برد الجليد ،
و الإنتظار أحرّ من جمر الغضى !
.

والضحكة بدون السعادة ما تفيد ،
ضحك السعادة غير عن ضحك الرضى ؟
.

لو ابتسم لك لا تحسب إني سعيد ،
أنا ابتسم دايم .. إذا دمعي قضى :)


.

الذي لا يقرأ لا يرى الحياة بشكل جيّد ..


.

ياخي غَنّ ..
صوتك لحاله : يقين ،
وصوت باقي الناس : ظنّ !


.

من تفارقنا وانا أحاتي وفكري شارد ،
أذكر أخطائك بحقّي وأتعذّر عنّك !
.

ليل ديسمبر مثل بالك طويل وبارد ..
وأنا ماحب الدفا لاصار ما هو منّك ؟!

Most Popular Instagram Hashtags