[PR] Gain and Get More Likes and Followers on Instagram.

a7md_3ziz a7md_3ziz

212 posts   14165 followers   307 followings

أحمد عزيز  Stage Actor🎭 Travel lover ✈️Half Saudi 👔💉 Νοσταλγικά🌾Philocalist Snapchat👻a7md_3ziz فلوق ويكند في هولندا👇🏼

https://m.youtube.com/watch?v=ZHoz6-3qu2U

فديو ملخص لسفرة دول افريقيا الأربعة
مدغشقر ، موريشوس ، سيشيل ، كينيا
سؤال قبل مااكتب لكم المعلومات الأخيرة
اللي عاش معانا هالسفرة ايش الشي اللي كنت بتحذفه من السفرة لانه فوق تحملك ، وايش أكثر شي عجبك ؟
:
خلصت تلخيص مدعشقر بالصور اللي قبل والحين نكمل مع👇🏼
:
موريشوس :
من أجمل جزر العالم ، الفنادق فيها متفاوته بالاسعار ، بس الفندق اللي صورته لكم سعره معتدل ويعتبر أشهر فندق فيها
اسمه paradise beachcomber
أسعار الليلة تبتدي من ١٧٠٠ ريال سعودي اذا حجزته بدري وحسب التوفر
غرفتنا اللي عطونا ياها كانت بـ ٢٤٠٠ ريال
تشمل الفطور والنشاطات المائية
خذوه ليلة او ليلتين وادعولي😉
:
السيشيل بحط لكم تفاصيلها بالزيارة القادمة وجد جد كان الحجر الصحي والإسرائيليات وانتشار الطاعون الرئوي و الفقر و كثييير مواقف واشياء بهالسفرة علمتني أشياء كثير وضافتلي أشياء كثييييير 💪🏽
:
كينيا
فندق الزرافات تابع لسلسلة
The safari collection
قسم Giraffe manor
@thesafaricollection
السعر للفرد يبتدي من ٢٠٠٠ ريال تقريباً
يعني الغرفة للشخصين ٤٠٠٠ ريال بس على كلامهم ماتلاقوا ارخص غرفة متوفرة
بحكم زحمة الحجوزات لسنوات قدام ماشاء الله لكن جرب راسلهم وشوف
عموما حبوا يوصلون لكم خبر ان الجناح اللي زبطونا فيه قيمته بالليلة بين ٧٠٠٠ ريال الى ٨٠٠٠ ريال للخمس اشخاص يعني ممكن تتجمعوا خمس اشخاص وتتقاططوا بالجناح👍🏽راسلوهم وافهموا منهم والمهم المراسلة بالانجليزي .
:
شكراً صديق السفر @a7mad_tam
شكراً اصدقائي السنابيون اللي عشتوا معنا كل لحظة وماأنكر ان كل شخص منكم كان سبب بمردود وفائدة لي بشكل غير مباشر
:
التقي معكم بصور قادمة 💙🌼
#mauritius #seychelles #kenya #madagascar #مدغشقر #سيشيل #موريشوس #كينيا #wonderfulplaces #beautifuldestination #amazingdestination

كينيا ، نيروبي
اللي معي بالسناب والله محتار وش اكتب لكم معلومات عن هالفندق ، احسن شي انتوا اسالوني وانا بحط الاجابات كمعلومات بالصورة الجاية👍🏽 بس ابي اقول كلمة مهمة ، تجربة هالفندق خيالية بالنسبة لي ، ومن أجمل أيام سفري ،
#kenya #girraffemanor #girraffe #nairobi

مدغشقر ، وخلصت رحلتنا في هالبلد العجيب المختلف بتضاريسه وطبيعته شرقاً وغرباً ، بكمل لكم التفاصيل الختامية المكملة لتفاصيل الصورة السابقة ...
كملنا طريقنا من
Morondava
الى bekopaka
كان السواق متفق مع سواق ثاني عنده سيارة جيب 4*4
انطلقنا بطريق صحراوي لمدة ٤ ساعات وبعدها عبارتين متواضعتين بالسيارة
الى ان وصلنا
وسبب روحتنا للمكان هذا هو زيارة منطقة Tsingy
الموجودة بالصورة واللي ضمتها منظمة اليونيسيف لها من كم سنة ، وكانت بحر قبل ٢٠٠ مليون سنة على كلامهم
وفعلاً في اصداف وقواقع كثير بالموقع ، لكن مع انقسام مدغشقر عن قارة افريقيا خلال ملايين السنين ارتفعت عن مستوى سطح البحر ووصلت للمنظر اللي شفناه هذا
الوصول شاق جداً ، غير السيارة والشباك مفتوح عشان توصل للمنطقة يبيلك عدة تسلق يوفروها لك وتبتدي تتبع تعليماتهم بالتسلق للوصول للمكان. وكانه تدريب للتسلق من المستوى الاول او الثاني بحكم الامان .
استمتعت وكانت تستحق العناء ، منظر غريب 😄
:
قعدنا يومين بالمنطقة والفندق جداً فخم بالنسبة لهم وبعدها رجعنا بالتدريج لشرق مدغشقر بداية بطريق ٦ ساعات وثاني يوم ١٢ ساعة وصولاً للعاصمة واستعداداً لمغادرة مدغشقر بكرة ونتوجه الى موريشوس .
اليوم رحنا مزرعة التماسيح والدخول لكل بارك بالسفرة هذي كان على حساب السائق من ضمن المبلغ المتفق عليه
:
نصيحة اذا جيت زود الايام شوي وروح لجزيرة
saint marie
نسخة عذراء من موريشوس ومالديف كرمال بيضاء وماء فيروزي او ازرق وشفاف، الاقامة فيها رخيييييصة جداً
والسواق يزبطلك الجدول👍🏽
سواقنا اسمه بريو وهذا رقمه
+261341029494
يتكلم انجليزي وفرنسي
:
بكرة نكمل الرحلة في موريشوس👍🏽
:
#madagascar #tsingy #travel #beutifuldestinations #amazingplaces

مدغشقر
مستمرة رحلتنا في هالبلد اللي يوم ورا يوم تفاجئني بمحتواها أكثر
:
ارجع اقول لكم مو مهم تحفظ او تعرف معلومات رحلتي لانك ممكن تسوي زيها بمجرد انك تتفق مع اي سائق هناك ، صاروا عارفين الجدول المناسب لعدد ايامك
:
لكن عموماً هذي بعض المعلومات
اول يوم قضينها بالعاصمة
Antananarivo
غريبة شوي ماتشبه اي عاصمة ثانية!
:
بعدها رحنا andasibe اللي فيها حيوان الليمور ، وكان واحد من أهم أهداف السفرة
كل التنقلات بالسيارة من ضمن المبلغ اللي كتبت تفاصيله بالصورة اللي راحت
الطريق اخذ ٤ ساعات رايح
نمنا هناك وبعدها انطلقنا الى
antsirabe واخذ الطريق ٧ ساعات
مافيها شي مهم وهي اللي نمنا بالفندق اللي على شكل اكواخ ببحيرة
لكن لازم نرتاح فيها لان الطريق من شرق مدغشقر الى غربها جداً طويل وهذي بمثابة استراحة بالطريق
:
بعدها مشينا الصبح الى morondava
المنطقة الغربية البحرية اللي فيها اشجار
الـ baobab
الطريق كان جداً طويل ،، بحدود ٨ ساعات كان فيها توقف بسيط ببعض المناطق
نمنا فيها بالفندق اللي غرفته دورين
وصحينا اليوم الفجر وتوجهنا لمنطقة اشجار الباوباب اللي في الصورة فوق
جميلة جداً ، أجمل من الصور ، والمكان تحس انك في مدغشقر الحقيقية اللي نشوفها بالصور :
المصروف حالياً مانصرف شي غير الاكل اللي يكلفني انا واحمد ١٥٠ ريال للشخصين واحنا متبطرنين ومدلعين نفسنا للثلاث وجبات
وباقي الاشياء ك دخول وبنزين وغيره من ضمن المبلغ المتفق عليه مع السائق
:
نكمل لكم باقي التفاصيل بالصور الجاية
:
#مدغشقر #madagascar
#wonderful_places

مدغشقر أخيييييراً ، كانت وحدة من الدول اللي أحلم أزورها ، وك أول يوم كان جداً ممتع....
:
المعلومات مابتكون كثيرة بحكم ان اللي يتحكم برحلتك وخطتك هو السواق اللي تتفاهم معاه والحمدلله توفقنا بالسواق اللي بحط لكم رقمه بنهاية الرحلة
:
المعلومة المهمه اليوم ان السفرة كاملة الى ( مدغشقر +موريشوس +سيشيل +كينيا) تكلفتها للشخص الواحد ١٥ الف ريال سعودي بعد تصويتكم بالسناب انه سعر مناسب لذوي الدخل المتوسط ،
الطيران لمدغشقر واقامتي بالفنادق فيها مع السائق والسيارة لمدة ١٠ ايام يكلف ٦٧٠٠ ريال من اصل ال١٥ الف
واذا بفصلها اكثر السواق اخذ ٦ الاف ريال تقريباً للشخصين شامل التنقلات والسكن ودخول الاماكن السياحية واحنا قسمناها على ٢ عشان احسبها للشخص
اما الطيران اخذت طيارة من الدمام الى نيروبي ( كينيا) بحدود ١٣٠٠ ريال
ومن نيروبي الى مدغشقر طيارة ثانية بـ٢٤٠٠ ريال
يعني بكل الاحوال تذكرة مدغشقر تكلفك بحدود ٤٠٠٠ ريال ولاااااازم يكون فيها ترانزيت
:
اللي يعجبه جدول السفرة بالسناب يتكل على الله ويكلم السواق يزبطه بدون ماتشيل هم معلومات المناطق وتوثقها مني
جمع فلوسك بس👍🏽😂
:
نلتقي بصورة مدغشقرية قريبة
اي سؤال تفضل
:
شكراً @damask_sa على البنطلووون البطططططل
:
مع صديق السفر البططططل @a7mad_tam :
#مدغشقر #madagascar

لعبة للسنابيون
رح أسافر الى اربع دول افريقية ومن باب الوناسة ابيك تخمن وتكتب اربع دول افريقية تتوقعها واول واحد يجاوب صح او يكون الاقرب للصح بجيبله معاي تذكار بريالين 😂الهدف التذكار مش قيمته ... واهم شي تفتح جوجل ماب وتفرفر القارة الافريقية وتستمتع ببلدانها قبل ماتجاوب
:
وزي ماقلنا هي لعبه هدفها الوناسة والجغرافيا مش المادة😡🤓
:
By : @moe_alq 📸
:
#africa #travel

الرابط في البايو ، رجعت للفلوقات وهالمرة فلوق في بلد جديدة اخترنا نروح الويكند في هولندا ، أتمنى يعجبكم لانه اول فلوق بعد فلوقات الهند 🤦🏽‍♂️
:
شكراً رفيق السفر
@a7mad_tam :
#holland #amsterdam #vlog #امستردام #هولندا #فلوق

جاوب بصراحة او لاتجاوب اساساً على السؤال التالي:
في سلم الترقيم من صفر الى عشرة كم تعطي نفسك رقم في الجمال او الوسامة لما تشوف نفسك في السلفي او المراية ؟؟
مع العلم ان عشرة هو اعلى مستوى بالجمال ...
كله خلق الله لكن الناس اذواق ونبي نشوف ذوقك بشكلك 😬
لما سألت هالسؤال في البث جاتني صدمة اجتماعية

صورت كل لقطة ببلد من البلاد اللي رحتهم بسفرتي الأخيرة الى :
الشمال الايطالي ، سلوفينيا ، النمسا ، سلوفيكيا ، ألمانيا ، التشيك
وبصراحة يفوز الشمال الإيطالي ومعلوماته موجودة بالصورتين اللي قبل هذي ....
شكراً لأصدقاء السناب😍
:
#traveller #travel #destinationwedding #beautifuldestinations #germany #italy #praha #prague #austria #slovania #slovakia #slovenia #sw_talent
copyright if this song belong to their respective owners
Lost On You - lP

تفاصيل الكنيسة اللي زرتها اليوم👆🏼
هي تبعد ساعة عن المنطقة اللي كنت ساكن فيها ( التفاصيل بالصورة اللي قبل )
كيف تجي منطقتها؟؟؟ 👇🏼
تكتب في الناڤيجيشن او جوجل ماب👇🏼
Santa Magdalena
وممكن تسكن بالمنطقة دور سكن بنفس الاسم
مكان جميل ورااااااايق
للمعلومية .. مافي عرب 🙂
يعني تذكروا ان جنسياتنا جديدة عليهم خلونا نعطيهم انطباع راقي عنا ، تكفون سوالف الكشتات بالارض والقواطي والاكياس المقططة لاتوصل لهم 😅 لانهم مايحبون هالشي ف ياغريب خلك اديب وان كان شي عادي بالنسبة للبعض لازم نحترم رغبات هالقرية الصغيرة 🙄 💙
الصورة اكثر صورة مشهورة للكنيسة مو تصويري ماحطيت تصويري عشان مااظلم المكان 😂💙
استمتعوا 🙏🏻

بسم نبتدي نشرح مكان سنابات اليوم
بس اول شي انا موجود بالصورة ترى😬
:
شمال ايطاليا ، ريف جميل يقع في
منطقة كبييييرة حول سلسلة جبال
Dolomites
تابعة لجبال الألب
لكن اجمل اطلالة وافضل مكان للسكن هي في قرية Obereggen اللي انا فيها الحين
فيها تلفريك يوديك للمطعم اللي بالصورة
اسم المطعم Oberholz
اسعار التلفريك بين ٧ الى ١٠ يورو للشخص طلوع ونزول 👍🏽👍🏽👍🏽
المنطقة طبيعتها لاتمل وبالسيارة كل يوم تروح مكان ثلث ساعة او ساعة
مثلاً البحيرة اللي صورتها اسمها
Lago Di Carezza
جمييييلة جداً وفي مدن وقرى ثانية حلوة تروحها زي مثلاً Val Di Funes
بروحلها بكرة بطريقي الى سلوفينيا
وفي قرى هادية وفيها مطاعم وكوفي شوبز تروحلها بالسيارة ابو ساعة وترجع
منطقة جميلة تستحق الاستكشاف
مافيها سياح عرب وزحمة زي الارياف المشهورة
:
المنطقة فيها اهتمام بالأطفال وبالسيارة اللي عندك كل يوم تروح مكان
ركوب خيل ، دراجات ، رافتينج ، الخ
او حتى تقضيها مشي بين الاشجار والمرتفاعت
في نطيطة والعاب مجانية
واسعار معقولة لتسلق وزبلاين الأطفال
:
المعيشة رخصية والأكل مو ايطالي بحت بحكم قربهم من النمسا متاثرين فيهم مو زي اكل روما وڤينيسيا تلاقي اكل ايطالي اصلي.
:
شكرررراً الفففف لتفاعلكم
وبالسناب بحط خطة سفر فيها هالمنطقة للمهتمين وايش المطارات القريبة لها.
شكرررراً لكم
سنابي : a7md_3ziz 👻
:
اي سؤال تفضلو عشان اجاوبكم هنا 👍🏽
:
#lagodicarezza #traveller #italy #obereggen #dolomites #dolomiti #dolomite

الدول اللي بسافر لهم بعد بكرة ان شاء الله👇🏼
سلوفينيا، التشيك، ألمانيا، سلوفاكيا، ايطاليا، النمسا .
سميت السفرة ( سفرة صلة الرحم ) بحكم اني من زمان مازرت اهل امي ، وبنفس الوقت رغم انها بلاد مكررة بالنسبة لي الا اني بزور مدن جديدة فيها ، بحاول افيدكم بالمعلومات اللي اقدر عليها.
: :
✋🏼

Most Popular Instagram Hashtags